حوش حنينه🔥

الحلقه 6

#حوش حنينه#
( خيال مزوج بلواقع)
روايه بلهجه ليبية
الحلقه السادسه 6🔥
وقاطع هدرزته مكالمة من تيلفونه
اصيل شبحله: رد بالك نهال تتصل
عبد الرحمن قال بي استهزاء: بللاه! من نهال واو كان صارت معناها تودع
اصيل ضحك: تي بلا براده وشوف مني
عبد الرحمن جبد تيلفونه وشاف المكالمة  وهني كانت الصدمه,,,😳😦
كان اتصال  من نهال زي ما كان متوقع اصيل
قعمز زين.
فرد عبد الرحمن على المكالمـة
نمارق: اهلا
عبد الرحمن شبح لي اصيل بفرحه ورد عليها في نفس الثانيه
عبد الرحمن: اهلا نهال كيف حالك توا
وشوبه وردت نهال
نهال: تمام الحمدلله اا انا مش نهال اني نمارق انتصلت عشان ماما ناقصينها حاجات عشان خالاتي جايات يتغدو عندنا ونضال مش موجود في الحوش
عبد الرحمن تلاشت الابتسامه من على وجه وقال: تمام نص ساعه بلكتير ويكونو عندك الحاجات بس شن هما ؟،
نمارق قالت: بللاه فكني مخاطري نعد كم حاجه امي وصتهم توا ننزل ونعطيك الورقه الي فيها الحجات باش متتلخبطش
عبد الرحمن ضحك وقال: مقوا لسانك وانتي متعرفي تسكتي 
نمارق قالت بملل :  اهو توا ننزل ونزل معاي الورقه والفلوس تلقاني تحت في الدروج
عبد الرحمن قال بفضول :  اماله وين نهال غريبه واخده تيلفونه ومش مهزباتك 
نمارق خبطت راسها: اه دكرتني نهال راقده هادا مفالحه فيه اصلاا ومخليا الهم كلا عليا انا 
عبد الرحمن ضحك وقال: تمام انزلي وخفي روحك قبل ميجو خلاتك
نمارق : تواني بس
وسـكرت الخط
اصيل صفق: اضرب اضرب على تهدريز  اضرب
عبد الرحمن ضحك وحدف علـيه الباكو الدخان: ضم ضم توا يا وجه الفقر طلعت مش نهال
اصيل بــ استغراب: اماله من؟
عبد الرحمن بــ ملل: نمارق
اصيل ضحك: ما عندك حض يا ابني ما عندك
عبد الرحمن شقلبا عيونه وهو يمشي: فوت عمي بلله
اصيل بصوت عالي: توا انخبر فيك عمك يا امسخ 
_
نمارق لبست التجاكه وحطت البرنوص ونزلت وقبل ماتطلع وقفها صوت امها
ناجيه حاطه يديها خصرها وقالت: وين وين على خير وين ماشيه
نمارق بملل : نازله لوطه منعطي لي عبد الرحمن مش قلتيلي امبكري كلميه عشان نعطيه الورقه باش يجيب الحجات الناقصه ولا انسيتي
ناجيه وهي تعد في الفلوس: الي يقدرك يجي يكلمني
نمارق  بـملل: اوففف سقديني هيا الولد يستنا
ناجيه مدتهولها : هاك وانتي محد يقدرك ت تو تو
نمارق وهي تلبس في شبشبها : راك تنوضي بنتك الخميرة تنوض تجبد شعرها وتحوس على روحها قبل ميجو خولها
ناجيه ضربت جبتها : دكرتيني فيها اهو كنت منمشي منوضها اهو ماشيه وماتنسيش تمديله الفلوس ومتخليشي هو يدفع مش ناقصني حشايم مع نسيبي😌✨
نمارق ضحكت: الله الله غار خفي عليا 💛
ناجيه وهيا تمشي : اماله شني
نمارق ضحكت ونزلت

في حوش حنينه ٠٠٠٠♡
حنينة بصوت عالي: يا وجه الفقر تعالا جاي
مهاب بـ ستغراب: اين وجه فقر بزبط تبي
حنينه وهيا متكنطيه: وجه الفقر عبد المهيمن نكلم فيه ميردش وين يسحاب روحه ولا ميسمعش
مهاب ضحك وقف وقال : اهو توا انضبح عليه حتى انا ريته ركب
حنينه: الدير فيا خير يا وليدي
مهاب طلع ووقف تحت الدروج وقعد ينادي  بصوت عال: يا عبد الهمهيمن عبد المهيم
مهاب : شكلا حق معاش يسمع خلي نركبله  لكلب وقبل ما يركب تلاقا هوا ونمارق
مهاب بـ سهوكه: صباح اليمة يا بهيمه
نمارق وهيا نازله: صباح التوت انشالله تموت
مهاب شقلبا عيونه: تفو وانتي ماتعرفي تسكتي
نمارق ضحكت: سن بـسن يا معلم 😉
مهاب ضح😂ك: الي يقدرك يا ام السان انتي وركـب