Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
"TINGNAN ninyo 'yong mga mukha ng kupal. Aangas," natatawang sabi ni Gavin habang kumakain ng luto ni Aling Martha. Dumating na kasi ang Bad Company sa lugar kung saan sila maglalaban ng Battle Cry. Gavin didn't lie when he said that Bad Company is mayabang. Pero parang same lang, may mayayabang din na members ang Battle Cry.
Nakaupo kami sa sala ng boothcamp nila at mula sa TV nila sa sala ay napapanood namin ang nangyayari sa game since naka-livestream daw si Nemesis (Axel).
"Gavin," masama siyang tiningnan ni Coach Robert.
"Sorry, Coach." Sagot niya.
"Nasaan diyan si Oli?" Bulong ko kay Dion.
"The one who's wearing a shiny armour, 'yong nagyayabang na player pero mukhang tanga." Bulong niya sa akin pabalik at napatawa ako.
It's gonna be a 10v10 match o tig-sampung players ang magiging representatives ng bawat squad para maglaban-laban. They are allow using potions. May area lang kung saan sila maglalaban and once na lumabas ang isang player doon ay disqualified na siya. Simple lang ang rules, kapag naubos na ang isang team... Consider nang panalo ang kabilang team.
"Nag-i-start na?" May pumasok na isang lalaki sa booth camp, naka-tuck in ang polo nito at nakasuot siya ng salamin. Sa tingin ko ay mga nasa late-20's lang ang edad nito.
"Magsisimula pa lang, sir," sagot ni Gavin sa kanya.
"Sir Greg, si Milan nga pala," pakilala sa akin ni Dion sa lalaking dumating. Kinamayan ko siya at ngumiti ako. "Milan, si Sir Greg, Head hunter namin." Nasabi na sa akin ni Clyde once na Head Hunter ang tawag sa mga naghahanap ng talents sa game.
"Girlfriend mo?" He asked.
Bakit ganoon 'yong mga Pinoy? If a boy introduced a girl "friend" to his friends... Iyon ang unang tanong?
"Hindi, Sir." Sabi ni Dion
"No." Kasabay ko ring sabi.
"Issue rin 'tong si Sir, eh." Natatawang sabi ni Gavin na patuloy kumakain.
"She's Shinobi sa game, dinala ko lang siya sa booth camp para ma-observe niya kung ano ang nangyayari kapag nasa professional team na siya." Dion explained.
"Oh, She's Shinobi?" Sir Greg smiled. "Ilang beses ka na sa akin nabanggit nila Axel, Oli, ni Dion, pati si Coach." Hindi ko talaga ma-gets kung bakit gusto akong kuhanin ng Battle Cry. "Ayaw mo ba talagang maging pro player? I mean, we saw your potential, we can develop it with the help of the team."
Nahihiya akong ngumiti kay Dion.
"She's not ready pa, Coach." Dion said on my behalf. Buti na lang at nakaramdam ang isang 'to. Bumaling ang tingin niya sa screen. "Malapit na pala mag-start 'yong match. Focus na tayo sa game."
"If you ever change your mind, you can contact me. Lalatagan kita agad ng contract." Inabutan ako ni Sir Greg ng calling card at tinanggap ko ito.
Umupo na rin si Sir Greg sa mahabang couch at pinanood naming lahat ang nangyayari sa match. Sa isang abandonadong ruin ginaganap ang match nila na kung saan ay sila lang ang tao.