صخر بقلم لولو الصياد

الفصل السادس والعشرين

الفصل السادس والعشرين ...
صخر ....روفيدا
روفيدا بابتسامه شاحبه ...ايه شفت عفريت
صخر ..ها لا ابدا
روفيدا وهي تنظر له ..ممكن ادخل
صخر ...اكيد
دخلت روفيدا واغلق صخر الباب وجلسوا كل منهم مقابل الاخر بصمت
روفيدا تنظر الي السجاده بفراغ وهي تفرك يدها بتوتر بينما صخر يتابعها بصمت واشتياق لكل انش بها
صخر ....جيتي ليه يا روفيدا
روفيدا ..جيت عشان اعتذر عن كلامي انا كنت متعصبه انا فعلا زعلانه منك لكن مقدرش انكر فضلك عليا
صخر ..بحزن ..فضلي عليكي
روفيدا ...طبعا
صخر ...وبعدين
روفيدا...عاوزك ترجع معايا يا صخر
صخر ...عندي شغل
روفيدا ..بشك .بتكدب يا صخر وانت عمرك ما كنت كداب
صخر بتوتر ...روفيدا انا محتاج اكون لوحدي
روفيدا ...لكن طنط زعلانه والبيت كله حزين ونظراتهم ليا بتحسسني اني انا السبب انك سبت البيت
صخر. ..انا مسبتش البيت انا بس خدت فتره ارتاح لوحدي
روفيدا ...بس هما فاكرين عكس كده انا معنتش قادره اتحمل نظراتهم ليا يا صخر ومامتك طول الوقت حزينه
صخر ...هرجع بس مش دلوقتي
روفيدا بصوت مخنوق من الدموع
روفيدا ...لو انا سبب انك مشيت انا ممكن اسيب البيت واروح اي مكان تاني وانت ترجع لاهلك
صخر ...بحده ...اياك شوفي اياك اسمعك تقوليها تاني ده اخر تحذسر ليكي البيت ده بيتك فاهمه انتي اهم حتي مني انا انا مش مهم وجودي فيه لكن انتي مكانك مهم عندي وعمر مكانك ما حد ياخده وعمرك ما هتسيبه غير وانا ميت يا روفيدا
روفيدا .بابتسامه ...يعني هترجع معايا
صخر ...اكيد مقدرش ارفض ليكي طلب بس استني هنا
روفيدا ..ايه في ايه .
صخر ...انتي جيتي هنا ازاي
روفيدا ..عادي ما انا عرفت انك اكيد هنا في فيلتنا وجيت ليك لوحدي
صخر ...وهما عارفين
روفيدا بتوتر...لا
صخر ...اخر مره يا تعمليها يا روفيدا ماشي
روفيدا...حاضر
صخر ...هحضر حاجتي ونمشي
روفيدا...مستنياك
.............
علي الجانب الاخر
كانت تالين تخرج من العياده حين وجدت ماجد امامها
ماجد بابتسامه . .تالين ازيك
تالين ...الحمد لله
ماجد ...ايه خلصتي .
تالين ....اه ومروحه
ماجد ...طيب ممكن نتكلم شويه جوه في مكتبي
تالين ...في حاجه
ماجد ..لا عادي
تالين ..اوك
دخلوا بالفعل الي مكتبه وطلب لهم القهوه
تالين ...اخبار خطيبتك ايه
ماجد...لا ما خلاص
تالين ...يعني ايه
ماجد ...يعني معنتش خاطب وحكي لها حكايه سلوي ومحمود
تالين. ..ربنا يسعدهم
ماجد ...عقبالنا