انتقام بوجه اخر

الجزء الرابع عشر

افاقت حياه وهي تفتح عيونها ببطئ ومازالت الرؤيه مشوشه بالنسبة لها نظرت وجدت رجل وأمرأه يتطلعون لها في شئ من القلق فقالت وهي مازالت تحاول فتح عينيها: أنا فين وايه اللي حصل

العجوز بحنان: انتي يا بنتي كانت عربيتك مخبوطه في عمود ولولا ستر ربنا  لحقتك لما كنت في التاكسي وجبتك بيتي

حياه وهي تنظر للرجل بتشبيه: أنا شوفت حضرتك قبل كده ايه.. عم يعقوب

يعقوب وهو يدقق النظر لوجهها ولكن لم يستطيع التعرف عليها: انتي مين يا بنتي تعرفيني

حياه بفرحه: أنا همس يا عم يعقوب بنت عادل الراوي

يعقوب بتذكر وبابتسامه: همس ازيك يا بنتي يااه اتغيرتي حتي ملامحك مش زي ما هي

حياه: يااه يا عم يعقوب دي حكايه طويله اوي

يعقوب: مالك يا بنتي أنا شايف في عينيك حزن كبير وضعف وانكسار احكيلي يا همس دا انتي بنت الغالي جدك والوكيل مكنتش مجرد مشعلاني عندهم دا احنا كنا اكتر من الاخوات وانا اللي ربيتك علي اديا دول من وانتي عمرك يوم

حياه بحزن: احكيلك ايه ولا ايه احكيلك ازاي الدنيا جت عليا اوي بهدلتني  بزياده كأني كنت داخله معاها تحدي كل اما أحاول تفوق كانت تنزلتي تاني كأنها بتقولي انتي تحت مكانك ديما تحت مينفعش اطلع ابدا

يعقوب: يااه يا بنتي أد كده انتي اتبهدلتي احكي يا قلب عمك احكي  فقصت له حياه كل ما حدث معها وهي تري وجه يعقوب الذي تبدأ للحزن تاره والامتعاض تاره أخري

يعقوب: انتي ارتحتي

حياه: ايه

يعقوب: ارتحتي من جواكي لما انتقمتي أو نفذتي اللي في دماغك حاسه انك بدلتي تعب السنين كلها لما شوفتيهم ادمروا حاسه انك هديتي

حياه: مهي دي المشكله حتي بعد اللي عملته محستش باي نوع من الهدوء بالعكس حاسه ان في صوت جوايا بيقولي انتي غلط مينفعش انتي كده بتضري نفسك بس بسكته واقول لا أنا صح هما يستاهلوا

يعقوب بحكمه: غلط يا بنتي ايوه حتي بعد كل اللي عملوه انتي غلطتي كان ممكن تسامحي دا ربك نفسه قالنا اعفوا وسامحوا حتي لو مكنش في مقدرتنا بس علي الاقل نكون حاولنا دي اول حاجه ثانيا اللي انتي فضحتيها دي مش تبقي بنت عمك اللي ماتت بسببك مين هيشيل ذنبها دي ربنا سترها قومتي انتي فضحتيها مع انها من لحمك ودمك حتي لو حاولتي تنكري انتي غلطتي يا بنتي رجعي نفسك وصلحي اللي بوظتيه بشويه غضب وتهور و وسوسه شيطان أنا مش بلومك لانك ملقتيش اللي ينبهك قبل ما تعملي الغلط يا همس فكري كده لو والدك ولا جدك كانوا عايشين كانوا هيوافقوا علي اللي عملتيه فكري كويس ودوريها في دماغك بهدوء ويلا بقي تعالي كلي عشان ام محمد متجيش تضربنا احنا الاتنين فضحكت همس بخفه وهي تفكر في كلامه