رموز الأخرس __بقلم نسمات الليل__

الجزء ١،٢،٣

#ﺭﻣﻮﺯ_ﺍﻷﺧﺮﺱ_بقلم_ﻧﺴﻤﺎﺕ_ﺍﻟﻠﻴﻞ …
ﺍﻟﺠﺰﺀ ﺍﻷﻭﻝ :
ﺳﻤﺎ ﺻﺎﻓﻴﺔ … ﺷﻤﺲ ﺳﺎﻃﻌﺔ … ﺻﻮﺕ ﺍﻟﻌﺼﺎﻓﻴﺮ ﺑﻜﻞ ﻣﻜﺎﻥ … ﻭﺭﻳﺤﺔ ﺍﻟﻘﻬﻮﺓ ﻣﻌﺒﻴﺔ ﺍﻟﺤﺎﺭﺍﺕ … ﺣﺪ ﻛﻞ ﺑﻴﺖ ﺷﺠﺮ ﻭﻭﺭﻭﺩ … ﻧﺎﺱ ﺑﺴﻴﻄﺔ … ﺭﻭﺣﻦ ﺣﻠﻮﺓ … ﺍﻻﺑﺘﺴﺎﻣﺔ ﻉ ﻭﺟﻮﻩ ﺍﻟﺨﺘﺎﻳﺮﺓ … ﺍﻃﻔﺎﻝ ﻋﻢ ﺗﻠﻌﺐ … ﺍﻟﺮﺟﺎﻝ ﻋﻢ ﺗﺮﻭﺡ ﻉ ﺷﻐﻼ … ﻭﺍﻟﻨﺴﻮﺍﻥ ﻛﻞ ﻣﻴﻦ ﻭﺍﻗﻔﺔ ﻉ ﺑﻠﻜﻮﻥ ﺑﻴﺘﺎ ﻭﻋﻢ ﺗﺼﺮﺥ ﻟﻠﺘﺎﻧﻴﺔ ﺗﺠﻲ ﺗﺸﺮﺏ ﻓﻨﺠﺎﻥ ﻗﻬﻮﺓ ﻣﻌﺎ …
ﻋﻢ ﺗﺼﻴﺮ ﺍﺷﻴﺎ ﺍﻟﻜﻞ ﻋﻢ ﺑﺸﻮﻓﺎ … ﺍﻟﻜﻞ ﺑﻴﻌﺮﻓﺎ … ﺑﺲ ﺍﻟﻠﻲ ﻣﺶ ﻣﻌﺮﻭﻑ ﻫﻮﻱ ﺍﻧﻮ ﻭﺭﺍ ﺑﺎﺏ ﻛﻞ ﺑﻴﺖ ﻓﻲ ﺣﻜﺎﻳﺔ …
ﺍﻧﻔﺘﺢ ﺑﺎﺏ ﺑﻴﺖ ﻣﻦ ﻫﺎﻟﺒﻴﻮﺕ … ﻃﻠﻌﺖ ﺻﺒﻴﺔ … ﺭﺷﻴﻘﺔ … ﻃﻮﻳﻠﺔ … ﺭﺍﻓﻌﺔ ﺷﻌﺮﺍ ﻟﻔﻮﻕ … ﻭﻧﺎﺯﻟﺔ ﻛﻢ ﺧﺼﻠﺔ ﻉ ﻭﺟﻬﺎ .… ﻻﺑﺴﺔ ﻛﻠﻬﺎ ﺍﺳﻮﺩ … ﻭﻣﺎ ﻓﻲ ﻭﻻ ﻧﻘﻄﺔ ﻣﻜﻴﺎﺝ … ﻭﻣﻊ ﻫﻴﻚ ﺟﻤﺎﻟﻬﺎ ﻭﻧﻌﻮﻣﺘﻬﺎ ﻭﺍﺿﺤﻴﻦ … ﺑﻌﻴﻮﻧﺎ ﺟﻮﺍ … ﺟﻮﺍ ﻛﺘﻴﺮ … ﺣﺰﻥ … ﺩﻣﻌﺔ ﻋﻢ ﺗﺤﺮﻗﻬﺎ .… ﺑﺪﻫﺎ ﺗﻨﺰﻝ … ﺑﺲ ﻓﻲ ﻣﻴﻦ ﻋﻢ ﺑﻘﺎﻭﻣﻬﺎ ﻭﻋﻢ ﻳﺪﻓﺸﻬﺎ ﻟﺠﻮﺍ … ﺣﻤﻠﺖ ﺍﻟﻨﻈﺎﺭﺍﺕ … ﺣﻄﺘﻦ ﻉ ﻋﻴﻮﻧﺎ ﻃﺒﻘﺖ ﺍﻟﺒﺎﺏ ﻭﺭﺍﻫﺎ … ﻭﺟﺮﺕ ﺷﻨﺘﺘﻬﺎ ﻭﺭﺍﻫﺎ … ﻭﻣﺸﻴﺖ … ﺻﺮﺧﺖ ﺳﺖ ﻣﻦ ﻋﻠﻰ ﺑﻠﻜﻮﻥ .…
- ﺇﻳﭭﺎﺍﺍ ﻟﻮﻳﻴﻦ ﺭﺍﺍﻳﺤﺔ .…
- ﺇﻳﭭﺎ ‏( ﺑﺼﻮﺕ ﻋﺎﻟﻲ ‏) : ﺭﺡ ﺭﻭﺡ ﻋﻨﺪ ﺍﺧﺘﻲ ﺧﺎﻟﺘﻲ ﺍﻡ ﻣﺤﻤﻮﺩ …
- ﺍﻟﻠﻪ ﻳﺴﻬﻞ ﺍﻣﺮﻙ ﻳﺎ ﺑﻨﺘﻲ ..…
ﺣﻜﺖ ﺍﻟﺘﺎﻧﻴﺔ :
- ﻭﺻﻠﻴﻠﻲ ﺳﻼﺍﻣﻲ ﻟـ ﻣﺮﭬﺖ ﺍﻳﻴﻪ …
- ﺇﻳﭭﺎ : ﻭﺻﻞ ﺧﺎﻟﺘﻲ .…
ﻛﻤﻠﺖ ﻣﺸﻲ ﻭﺍﻟﻜﻞ ﻋﻢ ﻳﻮﺩﻋﻬﺎ ……
- ﻳﻲ ﻳﻲ ﻣﺎ ﺗﻘﻠﻴﻠﻲ ﺡ ﺗﺘﺮﻛﻲ ﺍﻟﺤﻲ …
- ﺇﻳﭭﺎ : ﺍﻱ ﺧﻠﺺ ﺑﺪﻱ ﺭﻭﺡ …
- ﻳﺎ ﻭﻳﻞ ﻗﻠﺒﻲ ﻋﻠﻴﻜﻲ ..… ﺍﻟﻠﻪ ﻳﺤﻤﻴﻜﻲ … ﻭﺍﻟﻠﻪ ﺭﺡ ﺗﺨﺘﻔﻲ ﺍﻟﻀﺤﻜﺔ ﻣﻦ ﺍﻟﺤﻲ … ﺗﻌﻮﺩﻧﺎ ﻋﻠﻴﻜﻲ ﻭﻉ ﻣﺰﺣﺎﺗﻚ ﻭﻧﻜﺘﻚ ﻭﻗﺼﺼﻚ .… ﺍﻟﻠﻪ ﻳﺮﺣﻢ ﺍﻫﻠﻚ …
- ﺇﻳﭭﺎ : ﺗﻌﻴﺸﻲ ……
ﻭﺻﻠﺖ ﻟﻮﺳﻂ ﺍﻟﺤﺎﺭﺓ ﻭﻫﻴﻲ ﻛﻞ ﻣﺘﺮ ﺣﺪﺍ ﻳﻔﺘﺢ ﻣﻌﻬﺎ ﺳﻴﺮﺓ … ﻫﻴﻲ ﻛﺎﻧﺖ ﺑﻨﺖ ﻣﺤﺒﻮﺑﺔ ﻛﺘﻴﺮ ﺑﻬﺎﻟﺤﻲ … ﻭﺍﻟﻜﻞ ﺑﺤﺒﻬﺎ … ﻫﻴﻲ ﺿﺤﻜﺔ ﺍﻟﺤﻲ … ﻛﻞ ﻳﻮﻡ ﺑﺘﻮﻋﻰ ﺍﻟﺼﺒﺢ ﺑﻜﻴﺮ ﻭﺑﺘﻔﺘﻞ ﺑﻜﻞ ﺍﻟﺤﻲ … ﺑﺘﻮﺯﻉ ﺿﺤﻜﺎﺕ … ﻭﺑﺘﺨﻠﻠﻲ ﺍﻟﻠﻲ ﻣﺎ ﺑﻴﻀﺤﻚ ﻳﻀﺤﻚ …… ﻭﺻﻠﺖ ﺍﻟﺴﻴﺎﺭﺓ .… ﻓﺘﺤﺖ ﺍﻟﺒﺎﺏ ﺑﺘﺴﻤﻊ ﺻﻮﺕ ﻣﻦ ﻭﺭﺍﻫﺎ .…
- ﻣﻴﻴﻦ ﺭﺡ ﻳﻀﺤﻜﻨﻲ ﻣﻦ ﻳﻮﻡ ﻭﺭﺍﻳﺢ … ﻭﻳﺰﻛﺮﻧﻲ ﺑﺄﺩﻭﻳﺘﻲ .…
ﻗﺮﺑﺖ ﻣﻨﻮ ..… ﺣﻄﺖ ﺍﻳﺪﻳﻬﺎ ﻉ ﺧﺪﻭﺩﻭ .…
- ﺍﻳﭭﺎ : ﺩﺧﻴﻞ ﻗﻠﺒﻚ ﻋﻤﻲ ﻣﺤﻤﺪ ﺷﻮ ﺑﺤﺒﻚ ﺍﻧﺎ .… ﺑﺲ ﻻﺯﻡ ﻓﻞ … ﻭﺍﻛﻴﺪ ﺭﺡ ﺍﺭﺟﻊ ﺯﻭﺭﻛﻦ ﺷﻲ ﻧﻬﺎﺭ ..… ﻭﺻﻴﺖ ﻫﻴﻔﺎ ﺑﺄﺩﻭﻳﺘﻚ .… ﻳﻼ ﺑﺎﻱ … ﺍﺩﻋﻴﻠﻲ …
ﺑﺎﺳﺖ ﺟﺒﻴﻨﻮ ﻭﺭﻛﺒﺖ ﺑﺎﻟﺴﻴﺎﺭﺓ …… ﻭﺻﺎﺣﺐ ﺍﻟﺴﻴﺎﺭﺓ ﺍﺑﻮ ﻣﺤﻤﻮﺩ ﻃﻠﻌﻠﻬﺎ ﺍﻟﺸﻨﺘﺔ ﻭﺣﻄﻬﺎ ﺑﺎﻟﻄﺒﻮﻥ … ﻭﺍﻟﻌﻢ ﻣﺤﻤﺪ ﺭﻏﻢ ﺗﺠﺎﻋﻴﺪ ﻭﺟﻮ ﺍﻟﻜﺘﻴﺮﺓ … ﺍﻟﻠﻲ ﻛﻞ ﺗﺠﻌﻴﺪﺓ ﻓﻴﻬﻦ ﺑﺘﺤﻜﻲ ﺍﻟﻒ ﺭﻭﺍﻳﺔ … ﺩﻣﻌﺖ ﻋﻴﻨﻮ ﻉ ﺭﻭﺣﺘﻬﺎ … ﺍﺑﺘﺴﻤﻠﻬﺎ …… ﻭﻫﻴﻲ ﻗﺎﻋﺪﺓ ﺑﺎﻟﺴﻴﺎﺭﺓ ﺷﺎﺭﺩﺓ …
- ﻗﻠﺘﻠﻚ ﺧﻠﻴﻜﻲ ﻳﺎ ﺑﻨﺘﻲ ﻭﻧﺤﻦ ﻛﻠﻨﺎ ﺣﺪﻙ .…
- ﺇﻳﭭﺎ : ﺍﻟﻠﻪ ﻳﺨﻠﻴﻠﻲ ﻳﺎﻙ ﻋﻤﻲ ﺍﺑﻮ ﻣﺤﻤﻮﺩ …… ﺑﺲ ﺍﻧﺎ ﻣﻀﻄﺮﺓ ﺭﻭﺡ …
- ﺍﺷﺘﻘﻨﺎ ﻟﻀﺤﻜﺘﻚ ﺍﺧﺮ ﻓﺘﺮﺓ … ﻭﻫﻸ ﺭﺡ ﻧﺸﺘﺎﻕ ﻟﻮﺟﻮﺩﻙ ﺑﻴﻨﺎﺗﻨﺎ …
ﺷﺮﺩﺕ ﺑﺎﻟﻌﺎﻟﻢ ﻣﻦ ﺍﻟﺸﺒﺎﻙ ...… ﻭﺍﺑﻮ ﻣﺤﻤﻮﺩ ﺷﺮﺩ ﻓﻴﻬﺎ ﻭﻛﻴﻒ ﻛﺎﻧﺖ ﻭﻛﻴﻒ ﺻﺎﺭﺕ ……
-///// ﺍﺑﻮ ﻣﺤﻤﻮﺩ : ﺻﺒﺎﺍﺍﺡ ﺍﻟﻔﻞ ﻭﺍﻟﺮﻭﺍﺍﻕ ……
- ﺇﻳﭭﺎ : ﺻﺒﺎﺍﺍﺍﺍﺍﺣﻚ ﻳﺎ ﻋﻢ ..… ﺩﺧﻠﻦ ﻫﺎﻟﻮﺟﻮﻩ ﺍﻟﻠﻲ ﺑﺘﺼﺒﺢ ﻓﻴﻬﺎ ﺷﻮ ﺣﻠﻮﺓ .…… ‏( ﻣﺸﻴﺖ ﺷﻮﻱ ‏) … ﻋﻤﻲ ﻣﺤﻤﺪﺩﺩﺩ .… ﺍﺧﺪﺕ ﺩﻭﺍﺍﺍﺍﻙ ..…
- ﺍﻟﻌﻢ ﻣﺤﻤﺪ : ﻻ ﻭﺍﻟﻠﻪ ﻧﺴﻴﺖ ..…
- ﺍﻳﭭﺎ ‏( ﻋﺒﺴﺖ ﻓﻴﻪ ‏) : ﻋﻤﻲ ﻣﺤﻤﺪﺩﺩ .… ﻟﻴﻴﻴﻪ …!!! ﺷﻮ ﺍﺷﺒﺎ ﺫﺍﻛﺮﺗﻚ .… ﺭﺍﻣﺎﺍﺍﺍ ﺗﻌﻲ ﺗﻌﻲ .… ﺭﻭﺣﻲ ﻳﺎ ﺷﻄﻮﺭﺓ ﻉ ﺑﻴﺖ ﻋﻤﻚ ﻣﺤﻤﺪ ﻭﺟﻴﺒﻴﻠﻲ ﺩﻭﺍﻩ … ﻭﻣﺘﻞ ﺍﻟﻌﺎﺩﺓ ﺍﻟﻚ ﺣﻠﻮﺍﻥ …………… ﺧﺎﺍﺍﺍﺍﻟﺘﻴﻲ ﺭﻗﻴﻴﻴﺔ ﻭﺍﻧﺎﺍ ﻗﻮﻭﻝ ﻣﻨﻮﺭ ﻫﺎﻟﺼﺒﺎﺍﺡ ..… ﻋﻄﻴﻨﻲ ﻋﻄﻴﻨﻲ ﻭﺭﺩﺓ ..… ﺍﻻﺳﺘﻔﺘﺎﺣﻴﺔ ﻣﻨﻲ ﺍﻟﻴﻮﻭﻭﻡ .…
- ﻫﻬﻪ ﺍﻟﻠﻪ ﻳﺮﺿﻰ ﻋﻠﻴﻜﻲ ﻳﺎ ﺑﻨﺘﻲ .……
ﺭﻛﻀﺖ ﻋﺎﻟﻮﺳﻂ ﻭﺻﺎﺭ ﺗﻠﻌﺐ ﻣﻊ ﺍﻟﻮﻻﺩ ﺑﺎﻟﻄﺎﺑﺔ .…
- ﻻﺍﺍ ﻛﻞ ﻣﺮﺓ ﺑﺘﺨﺴﺮﻳﻨﺎ ﺍﻳﭭﺎ … ﺭﻭﺣﻲ ﻟﻌﺒﻲ ﻣﻊ ﺍﻟﻄﺮﻑ ﺍﻟﺘﺎﻧﻲ .…
- ﺍﻳﭭﺎ : ﻭﻻﺍﺍ ﻳﺎ ﻓﺼﻌﻮﻭﻥ …… ﺗﺎﻉ ﻟﻬﻮﻥ .… ﺑﺪﻱ ﺁﻛﻠﻚ .…
ﻭﺻﺎﺭﺕ ﺗﺮﻛﺾ ﻭﺭﺍﻩ ﺑﺎﻟﺤﺎﺭﺓ ……
- ﺍﺑﻮ ﻣﺤﻤﻮﺩ : ﻟﻚ ﻛﻨّﻲ ﻳﺎ ﺍﻳﭭﺎ .… ﺗﻌﻲ ﻟﻬﻮﻭﻭﻥ ..…
- ﺍﻳﭭﺎ : ﻫﻬﻬﻪ ﺍﻧﺘﻲ ﻏﻴﺮﺍﺍﺍﻥ ﻣﻨﻲ ﻹﻧﻲ ﺑﻌﺪﻧﻲ ﺑﺼﺤﺘﻲ ﻭﺍﻧﺖ ﻫﺮﻫﺮﺕ ..…
- ﻫﻬﻬﻬﻪ ..… ﺍﻱ ﻭﺍﻟﻠﻪ ﻟﻮ ﻣﻨﺮﺟﻊ ﺷﺒﺎﺏ .……
ﺍﺟﺎ ﺷﺐ ﻣﻦ ﺑﻌﻴﺪ ﻋﻢ ﻳﺮﺍﻗﺐ ﺍﻳﭭﺎ ﻭﻫﻮﻱ ﻋﻢ ﻳﻠﻌﺐ ﺑﻤﺴﺒﺤﺘﻮ … ﻟﺤﺪ ﻣﺎ ﻭﺻﻞ ﻉ ﺁﺧﺮ ﺍﻟﺤﺪﻳﺚ .…
- ﺷﻮ ﻋﻤﻴﻲ ﺑﺪﻙ ﺗﺮﺟﻊ ﺷﺐ … ﻟﻚ ﺷﻮ ﺑﺪﻙ ﺑﻤﻌﺎﻧﺎﺍﺗﻲ ..… ٤ ﺳﻨﻴﻦ ﻭﻫﺎﻟـ ﺍﻳﭭﺎ ﺑﻌﺪﺍ ﻣﻌﻨﺪﺓ ﻣﺎ ﺑﺪﻫﺎ ﻳﺎﻧﻲ …
- ﻟﻚ ﻛﻞ ﺍﻟﺤﺎﺭﺓ ﻋﻢ ﺗﻘﻨﻌﺎ ﺑﺲ ﻫﻴﻲ ﻋﻨﻴﺪﺓ .…
- ﺍﻳﭭﺎ : ﺧﻠﺺ ﺍﻣﻴﻴﺮ ﺑﺪﻱ ﺯﻭﺟﻚ ﺳﺖ ﺍﻟﺴﺘﺎﺕ ..…
- ﺍﻣﻴﺮ : ﻫﻬﻬﻪ ﻣﺎﺷﻲ ﻳﻼ ﻧﺘﺰﻭﺝ .…
- ﺍﻳﭭﺎ : ﺑﻪ ﺑﻪ ﺑﺎﺍﺍﻳﺦ ……...… ﺍﻭﻭﻭﻩ ﻟﻚ ﻣﻴﻴﻦ ﺍﺟﺎ .… ﺧﺎﻟﺘﻴﻲ ﻓﻴﺮﻭﻭﻭﻭﺭ ..… ﺗﻌﻲ ﺗﻌﻲ … ﻟﻘﻴﺘﻠﻚ ﻋﺮﻳﻴﻴﺲ …
- ﻓﻴﺮﻭﺯ : ﻋﻴﺐ ﻋﻠﻴﻜﻲ ﻳﺎ ﺑﻨﺖ ..…
ﻗﺮﺑﺖ ﻭﻗﺮﺻﺘﺎ ﻣﻦ ﺧﺪﻫﺎ …
- ﺍﻳﭭﺎ : ﻟﻪ ﻟﻪ ﻳﺎ ﺧﺎﻟﺔ ﺑﻌﺪﻙ ﺻﺒﻴﺔ .… ﻭﻋﻤﻲ ﻋﺰﻣﻲ ﻣﻦ ﺯﻣﺎﻥ ﺗﻮﻓﻰ ﻭﺣﻀﺮﺗﻚ ﺿﻴﻌﺘﻲ ﻋﻤﺮﻙ ﻉ ﺫﻛﺮﺍﻩ //////…
ﻃﻠﻊ ﺍﺑﻮ ﻣﺤﻤﻮﺩ ﻣﻦ ﺷﺮﻭﺩﻭ ﻉ ﺻﻮﺕ ﺯﻣﻮﺭ ﻗﻮﻱ ﻭﺭﺍﻩ .… ﻭﻛﻤﺎﻥ ﺍﻳﭭﺎ ﺍﻧﻘﻄﻊ ﺣﺒﻞ ﺍﻓﻜﺎﺭﺍ ……… ﺻﻒ ﺍﺑﻮ ﻣﺤﻤﻮﺩ ﻉ ﺟﻨﺐ …… ﻭﻧﺰﻝ ﺷﺐ ﻣﻦ ﺍﻟﺴﻴﺎﺭﺓ ﺍﻟﺘﺎﻧﻴﺔ ……
- ﺍﻣﻴﺮ : ﻣﻌﻘﻮﻭﻝ ﻳﺎ ﺍﻳﭭﺎ ﺭﺍﺍﻳﺤﺔ ﺑﻼ ﻣﺎ ﺗﻮﺩﻋﻴﻨﻲ …… ﻋﻤﻲ ﺍﻧﺖ ﺍﺭﺟﻊ ﻋﺎﻟﺤﻲ ﻭﺍﻧﺎ ﺑﻮﺻﻠﻬﺎ ﻋﺎﻟﻤﺪﻳﻨﺔ ……
ﺳﺤﺒﺖ ﺍﻳﭭﺎ ﺟﺰﺩﺍﻧﻬﺎ ﻭﻃﻠﻌﺖ ﻣﻨﻮ ﻣﺼﺎﺭﻱ ..…
- ﺍﺑﻮ ﻣﺤﻤﻮﺩ : ﻟﻪ ﻟﻪ ﻋﻴﺐ ﺑﻨﺘﻲ .… ﺭﺟﻌﻴﻬﻦ .… ﺑﺎﺧﺪ ﻣﻦ ﻛﻞ ﺍﻟﻨﺎﺱ ﺍﻻ ﻣﻨﻚ …
ﺭﺟﻌﺘﻦ ﻭﻃﻠﻌﺖ ﺑﺴﻴﺎﺭﺓ ﺍﻣﻴﺮ ﻣﻦ ﻏﻴﺮ ﺻﻮﺕ .…… ﻭﻃﻠﻊ ﻫﻮﻱ ﻭﺑﻠﺶ ﺳﻮﺍﻗﺔ …
- ﺍﻣﻴﺮ : ﺍﺷﺘﻘﺖ ﻹﻳﭭﺎ ﺍﻟﻘﺪﻳﻤﺔ .… ﺍﻟﻀﺤﻮﻛﺔ … ﺍﻟﻤﺮﺣﺔ …
- ﺇﻳﭭﺎ : ﻛﺘﻴﺮ ﻛﺴﺮﻧﻲ ﻣﻮﺕ ﺍﻣﻲ ﻳﺎ ﺍﻣﻴﺮ … ﻣﻨﻬﺎ ﻛﻨﺖ ﺍﺧﺪ ﺟﺮﻋﺔ ﺍﻟﻘﻮﺓ … ﺍﻻﺑﺘﺴﺎﻣﺔ … ﺍﻟﺮﻭﺡ ﺍﻟﻤﺮﺣﺔ .… ﺭﺍﺣﺖ ﻭﻣﺎ ﻋﺎﺩ ﺍﻟﺤﻴﺎﺓ ﺍﻟﻬﺎ ﻃﻌﻢ .… ﺻﺎﺭﻟﻬﺎ ﺷﻬﺮ ﻭﻟﻬﻸ ﻣﺎ ﻗﺎﺩﺭﺓ ﺍﻧﺴﺎ … ﻛﺈﻧﻮ ﻣﺒﺎﺭﺡ .…
- ﺍﻣﻴﺮ : ﻫﺎﻱ ﺳﻨﺔ ﺍﻟﺤﻴﺎﺓ .…… ﻛﻠﻨﺎ ﺡ ﻧﻤﻮﺕ .… ﺍﻟﻠﻪ ﻳﺮﺣﻤﻬﺎ ..…
- ﺇﻳﭭﺎ : ﻣﺎ ﻛﻨﺖ ﺣﺎﺑﺔ ﺍﺗﺮﻙ ﺍﻟﺤﻲ … ﻭﻻ ﺍﻟﺒﻴﺖ .… ﻛﻠﻜﻦ ﻣﻦ ﺭﻳﺤﺘﻬﺎ … ﻛﻨﺖ ﺣﺎﺑﺔ ﺿﻞ ﻧﺎﻡ ﺑﻴﻦ ﺗﻴﺎﺑﻬﺎ ﻭﻉ ﺗﺨﺘﺎ .… ﺑﺲ ﺍﻟﺒﻴﺖ ﺍﺟﺎﺭ ﻭﻣﺎ ﻓﻲ ﺷﻐﻞ ﻫﻮﻥ … ﻭﻣﺮﭬﺖ ﺍﺻﺮﺕ ﻋﻠﻴﻲ ﺍﺟﻲ ﺍﺳﻜﻦ ﻋﻨﺪﺍ ..… ﺍﻧﺎ ﻛﺘﻴﺮ ﻣﺴﺘﺼﻌﺒﺔ ﺍﻟﻤﻮﺿﻮﻉ ..…
- ﺍﻣﻴﺮ : ﻟﻴﻪ ﻣﺴﺘﺼﻌﺒﻴﺘﻮ … ﻫﻴﻲ ﺍﺧﺘﻚ .…
- ﺍﻳﭭﺎ : ﺻﺢ ﻫﻴﻲ ﺍﺧﺘﻲ … ﺻﺮﻻ ٦ ﺳﻨﻴﻦ ﻣﺰﻭﺟﺔ ﻭﻟﻬﻸ ﻭﻻ ﻣﺮﺓ ﺯﺭﺗﺎ .… ﻭﻫﻴﻲ ﺳﺎﻛﻨﺔ ﻣﻊ ﺑﻴﺖ ﻋﻤﻬﺎ ﺑﺎﻟﭭﻴﻼ … ﻛﻴﻒ ﺭﺡ ﺍﺗﺄﻗﻠﻢ ﻭﺍﻧﺎ ﻣﺎ ﺑﻌﺮﻓﻦ .… ﺭﺡ ﺣﺲ ﺣﺎﻟﻲ ﺣﻤﻞ ﺗﻘﻴﻞ .…
- ﺍﻣﻴﺮ : ﺑﺎﻟﻌﻜﺲ … ﺭﺡ ﺗﻐﻴﺮﻳﻠﻦ ﺣﻴﺎﺗﻦ ﺑﺸﺨﺼﻴﺘﻚ ﺍﻟﺤﻠﻮﺓ ﺍﻟﻠﻲ ﺭﺡ ﻧﻔﻘﺪﻫﺎ ﻋﻨﺎ ﺑﺎﻟﺤﻲ ..… ﻭﺑﻌﺪﻳﻨﺎ ﻣﺶ ﺣﻤﺎﺗﻬﺎ ﺩﻗﺘﻠﻚ ﻭﻗﺎﻟﺘﻠﻚ ﺗﻌﻲ .… ﻓﺄﻛﻴﺪ ﻫﻨﻲ ﺑﺪﻥ ﻫﺎﻟﺸﻲ .… ﻭﻫﻨﻲ ﻛﺘﻴﺮ ﻣﻨﺎﺡ ﻣﺒﻴﻨﻴﻦ ……
ﺣﺪﻳﺚ ﻳﺠﺮ ﺣﺪﻳﺚ .… ﻭﺩﻣﻮﻉ ﺧﺎﻳﻨﺔ ﺗﻨﺰﻝ ﺑﻠﺤﻈﺎﺕ ﺿﻌﻒ .… ﻋﻴﻮﻥ ﻣﺎ ﺩﻣﻌﺖ ﻣﻦ ٣ ﺳﻨﻴﻦ .… ﻣﻦ ﻟﻤﺎ ﺗﻮﻓﻰ ﺑﻴﻬﺎ ﻭﺑﻜﻴﺖ ﻋﻠﻴﻪ .… ﻣﺎ ﺑﺘﺒﻜﻲ ﺍﻻ ﻟﻤﺎ ﺗﺸﺘﻘﻠﻮ .… ﺑﺲ ﺑﻬﺎﻟﺤﺮﻗﺔ ﻭﺍﻻﻟﻢ … ﻣﻦ ﺯﻣﺎﻥ ﻣﺎ ﺑﻜﻴﺖ .… ﻭﻫﻸ ﺍﻣﻬﺎ ﻓﻠﺖ ﻛﻤﺎﻥ ﻭﺗﺮﻛﺘﻬﺎ …… ﻭﻓﻘﺪﺕ ﻛﻞ ﺍﻟﻔﺮﺣﺔ ﺑﺤﻴﺎﺗﻬﺎ .… ﻭﺻﻠﻮ ﻋﺎﻟﻤﺪﻳﻨﺔ ﺑﻌﺪ ﺳﻴﺮ ﻣﺘﻮﺍﺻﻞ ٤ ﺳﺎﻋﺎﺕ ..… ﻭﻧﺰﻟﻮ ﻣﻦ ﺍﻟﺴﻴﺎﺭﺓ …
- ﺍﻣﻴﺮ : ﺍﻧﺘﺒﻬﻲ ﻉ ﺣﺎﻟﻚ ..… ‏( ﻗﺮﺏ ﻭﻏﻤﺮﻫﺎ ‏) … ﺑﺪﻱ ﻳﺎﻛﻲ ﺗﻜﻮﻧﻲ ﻗﻮﻳﺔ ﻭﺗﻌﺮﻓﻲ ﺍﻧﻲ ﺑﺄﻱ ﻭﻗﺖ ﺑﺘﻄﻠﺒﻴﻨﻲ ﻓﻴﻪ ﺡ ﻛﻮﻥ ﺳﻨﺪﻙ .… ﻭﺑﺘﻤﻨﺎﻟﻚ ﺣﻴﺎﺓ ﺣﻠﻮﺓ … ﻭﺗﻼﻗﻲ ﺍﻟﺸﺨﺺ ﺍﻟﻠﻲ ﺑﺘﺘﻤﻨﻴﻪ .…
- ﺍﻳﭭﺎ : ﺍﻧﺎ ﺑﻌﺘﺬﺭ ﻋﻦ ﻛﻞ ﺷﻲ ﺍﻣﻴﺮ .… ﺳﺎﻣﺤﻨﻲ .… ﻭﺑﺘﺸﻜﺮﻙ ﻉ ﻛﻞ ﺷﻲ …… ﺑﺨﺎﻃﺮﻙ .…
ﺑﻌﺪﺕ ﻋﻨﻮ ﻭﻧﺰﻟﺖ … ﺗﻜﺮﺗﻮ ﻭﺍﻟﺪﻣﻌﺔ ﺑﻌﻴﻨﻮ … ﺑﺤﺒﻬﺎ ﺑﺠﻨﻮﻥ ﺍﻭﻗﺎﺕ ﻛﺈﺧﺖ ﻭﺍﻭﻗﺎﺕ ﻛﺤﺒﻴﺒﺔ ﻭﻛﺎﻥ ﻳﻀﻞ ﻳﺘﺴﺎﺋﻞ ﻋﻠﻴﻬﺎ ﻭﻳﻘﻠﻬﺎ ﺗﺘﺰﻭﺟﻮ … ﻭﻫﻴﻲ ﻛﺎﻧﺖ ﺗﺘﻤﺴﺨﺮ ﻋﻠﻴﻪ ﻭﺗﻀﺤﻚ … ﺑﺲ ﻫﻮﻱ ﻣﺎ ﻛﻦ ﺍﺑﺪﺍ … ﻭﻣﻊ ﻫﻴﻚ ﻟﻮ ﺷﻲ ﻧﻬﺎﺭ ﻭﺍﻓﻘﺖ ﻛﺎﻥ ﺭﺍﺡ ﻳﺘﺰﻭﺟﻬﺎ ﻋﻨﺠﺪ .… ﺑﺲ ﻫﻮﻱ ﺑﺤﺒﻬﺎ ﻟﺪﺭﺟﺔ ﺑﻴﻌﻤﻞ ﺍﻱ ﺷﻲ ﻛﺮﻣﺎﻝ ﻳﺸﻮﻓﻬﺎ ﻣﺒﺴﻮﻃﺔ ..… ﻭﻗﻔﺖ ﺗﻜﺴﻲ … ﻭﻋﻄﺘﻮ ﻋﻨﻮﺍﻥ ﺍﺧﺘﺎ … ﻭﺻﺎﺭ ﻳﻤﺸﻲ ﺑﺸﻮﺍﺭﻉ ﺍﻟﻤﺪﻳﻨﺔ .… ﺍﻟﻌﺠﻘﺔ … ﺍﻟﻀﺠﺔ … ﺭﻭﺍﻳﺢ ﺍﻟﺰﺑﺎﻟﺔ … ﺍﻟﺘﻌﺘﻴﺮ … ﺍﻟﺘﺸﺮﺩ … ﺍﻟﻨﺎﺱ ﺍﻟﻠﺌﻴﻤﺔ .… ﺍﻟﺼﺮﺍﺥ .… ﺍﻟﺴﻤﺎ ﺍﻟﺴﻮﺩﺍ .… ﻭﺷﺮﺩﺕ ﺑﺎﻟﻔﺮﻕ ﺑﻴﻦ ﺍﻟﺤﻲ ﻭﻫﺎﻟﻤﺪﻳﻨﺔ ..… ﻭﺗﺘﺬﻛﺮ ﺿﺤﻜﺔ ﺍﻣﻬﺎ .… ﻣﺸﻲ ﺍﻟﺘﻜﺴﻲ ﻛﺘﻴﺮ ﻟﻮﺻﻞ ﻋﺎﻻﻭﺗﺴﺘﺮﺍﺩ .… ﻭﻓﺎﺕ ﻣﻦ ﻣﻔﺮﻕ ﻋﺎﻟﺠﻨﺐ … ﻉ ﺿﺎﺣﻴﺔ ﻣﻦ ﺿﻮﺍﺣﻲ ﺍﻟﻤﺪﻳﻨﺔ … ﻛﺎﻧﺖ ﺍﻓﻀﻞ ﺣﺎﻝ ﻣﻦ ﻭﺳﻂ ﺍﻟﻤﺪﻳﻨﺔ ﻭﺿﺠﺘﻬﺎ … ﻋﺎﻻﻗﻞ ﻛﺎﻥ ﻓﻲ ﺷﺠﺮ ﻭﻛﻢ ﻋﺼﻔﻮﺭ ﻭﻭﺭﺩﺓ …… ﻭﻟﻤﺤﺖ ﺍﻟﻔﻴﻼ ﻣﻦ ﺑﻌﻴﺪ …… ﻛﺎﻥ ﻣﻜﺎﻥ ﺭﺍﻗﻲ .… ﻟﻠﻨﺎﺱ ﺍﻟﻠﻲ ﻣﻦ ﺍﻟﻄﺒﻘﺔ ﺍﻟﻌﺎﻟﻴﺔ ﻭﺍﻟﻐﻨﻴﺔ ..… ﻭﻓﻲ ﭬﻠﻞ ﻭﻗﺼﻮﺭ ..…… ﻧﺰﻟﺖ ﻭﻧﺰﻝ ﺻﺎﺣﺐ ﺍﻟﺘﻜﺴﻲ ﺑﻌﺪ ﻣﺎ ﺍﻋﻄﺘﻮ ﺍﻻﺟﺮﺓ … ﻧﺰﻟﻠﻬﺎ ﺍﻟﺸﻨﺘﺔ .… ﺟﺮﺗﻬﺎ ﻭﻣﺸﻴﺖ ﻧﺎﺡ ﺍﻟﻔﻴﻼ … ﺍﻟﻠﻲ ﻭﻻ ﻣﺮﺓ ﺯﺍﺭﺗﻬﺎ … ﺑﺲ ﺍﺧﺘﻬﺎ ﺣﻜﺘﻼ ﻋﻨﻬﺎ ﻛﺘﻴﺮ … ﻭﺻﻮﺭﺗﻼ ﻳﺎﻫﺎ ﻗﺒﻞ ﺑﻤﺮﺓ ...… ﻛﺎﻥ ﻓﻲ ﺣﺮﺱ … ﺗﺠﺎﻭﺯﺗﻦ … ﻭﺩﻗﺖ ﺍﻟﺒﺎﺏ ……
ﺍﻟﺠﺰﺀ ﺍﻟﺜﺎﻧﻲ :
ﺍﻧﻔﺘﺢ ﺍﻟﺒﺎﺏ .… ﻭﺭﻛﻀﺖ ﺍﺧﺘﺎ ﻟﻌﻨﺪﺍ ﻭﻏﻤﺮﺗﻬﺎ ..…
- ﻣﺮﭬﺖ : ﻭﺍﺧﻴﺮﺍﺍﺍﺍ ﺍﺟﻴﺘﻲ .… ﺷﻮ ﺍﺷﺘﻘﺘﻠﻚ …
- ﺍﻳﭭﺎ : ﺑﺲ ﺍﻧﺎ ﺍﺷﺘﻘﺖ ﻻﻣﻲ ..… ‏( ﺗﺒﻜﻲ ‏) ..…
ﺍﺟﺖ ﻣﺮﺕ ﻋﻤﻬﺎ ﻟﻤﺮﭬﺖ ﻣﻦ ﺑﻌﻴﺪ … ﻣﺒﺘﺴﻤﺔ …
- ﺍﻡ ﺃﺳﻴﺮ : ﺍﻫﻼ ﻭﺳﻬﻼ ﻧﻮﺭ ﺍﻟﺒﻴﺖ … ‏( ﻗﺮﺑﺖ ﻭﻏﻤﺮﺗﻬﺎ ‏) … ﺍﻣﻚ ﻣﺎ ﻛﺎﻥ ﻓﻲ ﻣﻨﺎ … ﺍﻟﻠﻪ ﻳﺮﺣﻤﻬﺎ ﻭﻳﺠﻌﻞ ﻣﺜﻮﺍﻫﺎ ﺍﻟﺠﻨﺔ … ﺍﻋﺘﺒﺮﻳﻨﻲ ﻣﺘﻞ ﺍﻣﻚ …
- ﺍﻳﭭﺎ : ﺗﺴﻠﻤﻲ ﺧﺎﻟﺔ .…
ﺍﺟﺖ ﻧﺴﺮﻳﻦ ﻣﻦ ﺍﻟﻤﻄﺒﺦ … ﺍﺧﺖ ﺳﺎﻫﺮ ﺯﻭﺟﻬﺎ ﻟﻤﺮﭬﺖ …
- ﻧﺴﺮﻳﻦ : ﺍﻫﻠﻴﻦ ﺣﺒﻴﺒﺘﻲ … ﻟﻴﻪ ﺑﻌﺪﻛﻦ ﻋﺎﻟﺒﺎﺏ ..… ﻧﻮّﺭ ﺍﻟﺒﻴﺖ …
- ﺇﻳﭭﺎ : ﺑﻮﺟﺪﻛﻦ ﺣﺒﻴﺒﺘﻲ …
ﻗﺮﺑﺖ ﻧﺴﺮﻳﻦ ﻣﻦ ﺇﻳﭭﺎ ﻭﺣﻄﺖ ﺍﻳﺪﻫﺎ ﺗﺤﺖ ﺩﻗﻨﻬﺎ ﻭﺭﻓﻌﺘﻼ ﺭﺍﺳﺎ ……
- ﻧﺴﺮﻳﻦ : ﻟﻴﻪ ﻫﻴﻚ ﺣﺰﻳﻨﺔ … ﻭﻟﻮ … ﻭﻳﻦ ﺿﺤﻜﺘﻚ … ﻭﻋﻴﻮﻧﻚ ﺍﻟﻤﻀﻮﻳﺔ ﺩﺍﺋﻤﺎ ……
- ﺇﻳﭭﺎ : ﺍﻣﻲ ﺭﺍﺣﺖ ﻭﺍﺧﺪﺕ ﻧﻮﺭ ﻋﻴﻮﻧﻲ ﻭﺿﺤﻜﺘﻲ ﻣﻌﺎ ……
- ﻧﺴﺮﻳﻦ : ﺗﺆﺑﺮﻱ ﻗﻠﺒﻲ .… ﺍﻟﻠﻪ ﻳﺮﺣﻤﻬﺎ .… ﻫﻮﻥ ﻋﻴﻠﺘﻚ ﺍﻟﺘﺎﻧﻴﺔ .………
- ﺇﻳﭭﺎ : ﺗﺴﻠﻤﻲ ﻣﺎ ﺑﺘﻘﺼﺮﻭ .……
- ﺍﻡ ﺍﺳﻴﺮ : ﺷﻮ ﺑﺪﻛﻦ ﺗﻀﻠﻮ ﻋﺎﻟﺒﺎﺏ … ﻳﻼ ﻧﻔﻮﺕ ﻧﻘﻌﺪ ..……
ﻛﻠﻦ ﺍﻟﺘﻔﺘﻮ ﻋﺎﻟﺼﻮﺕ ﺍﻟﻠﻲ ﺍﺟﺎ ﻣﻦ ﻧﺎﺡ ﺍﻟﺪﺭﺝ ﻟﻴﻨﺒﻪ ﺍﻧﻮ ﻓﻲ ﻣﻴﻦ ﻋﻢ ﻳﻨﺰﻝ .…… ﺷﺐ ﻃﻮﻳﻞ … ﺟﺴﻢ ﺭﻳﺎﺿﻲ … ﺷﻌﺮ ﻛﺴﺘﻨﺎﺋﻲ … ﺑﺸﺮﺓ ﺣﻨﻄﻴﺔ … ﻏﻤﻴﺰﺓ ﺻﻐﻴﺮﺓ ﻉ ﺧﺪﻭ ﺍﻟﻴﻤﻴﻦ … ﻭﻋﻴﻮﻥ ﻋﺴﻠﻴﺔ … ﺭﻓﻊ ﺍﻳﺪﻭ ﺍﻟﻠﻲ ﻻﺑﺲ ﻓﻴﻬﺎ ﺳﺎﻋﺘﻮ ﺍﻟﻤﺮﺗﺒﺔ ﻧﺎﺡ ﺑﺪﻟﺘﻮ ﺍﻟﻔﺨﻤﺔ … ﻭﺑﻜﻞ ﺯﺭ ﺍﻟﺠﺎﻛﻴﺖ ﺍﻟﺸﻴﻚ … ﻗﺮﺏ ﻧﺎﺡ ﺍﻣﻮ .…… ﻭﺑﺎﺱ ﺟﺒﻴﻨﻬﺎ ..…
- ﺃﺳﻴﺮ : ﻳﻼ ﺍﻣﻲ ﺑﺘﻮﺻﻴﻨﺎ ﺷﻲ ………
- ﺍﻡ ﺍﺳﻴﺮ : ﺍﻟﻠﻪ ﻣﻌﻚ ﻳﺎ ﺍﺑﻨﻲ ..…… ﺗﺮﻭﺡ ﻭﺗﺮﺟﻊ ﺑﺎﻟﺴﻼﻣﺔ … ﺣﺎﻭﻝ ﻻ ﺗﺘﺄﺧﺮ …
- ﺃﺳﻴﺮ : ﺍﺭﺑﻊ ﺷﻬﻮﺭ ﺑﺎﻟﻜﺘﻴﺮ .… ﻳﻼ ﺭﺡ ﺍﺗﺄﺧﺮ ﻋﺎﻟﻄﻴﺎﺭﺓ ..…… ﺑﺨﺎﻃﺮﻙ …
ﻭﻃﻠﻊ ﻣﻦ ﺍﻟﺒﺎﺏ … ﻭﺍﻟﻜﻞ ﻭﺍﻗﻒ ﻋﻢ ﻳﻨﻄﺮﻭ ﺍﺧﺘﻔﺎﺀ ﺍﺧﺮ ﺷﻌﺮﺓ ﻓﻴﻪ …… ﺭﺟﻞ ﻛﻠﻮ ﻫﻴﺒﺔ … ﻣﺎ ﺷﺎﻑ ﻣﻦ ﻛﻞ ﺍﻟﻤﻮﺟﻮﺩﻳﻦ ﻏﻴﺮ ﺍﻣﻮ … ﻣﺎ ﻭﺩﻉ ﺍﺧﺘﻮ … ﻣﺮﺕ ﺧﻴﻪ … ﻭﻻ ﺍﻱ ﺣﺪﺍ … ﻭﻣﺎ ﺍﻧﺘﺒﻪ ﻟﻮﺟﻮﺩ ﺍﻱ ﺷﺨﺺ .……… ﻭﻧﺴﺮﻳﻦ ﻭﻃﺖ ﺭﺍﺳﺎ ﻭﺣﺒﺴﺖ ﺩﻣﻌﺘﻬﺎ .…… ﺣﻄﺖ ﻣﺮﭬﺖ ﺍﻳﺪﻫﺎ ﻉ ﻛﺘﻔﻬﺎ .…
- ﻣﺮﭬﺖ : ﻣﺎ ﺗﺰﻋﻠﻲ ﻧﺴﺮﻳﻦ .…… ﺻﺎﺭ ﻻﺯﻡ ﺗﺘﻌﻮﺩﻱ ﻉ ﻃﺒﻌﻮ ..…
- ﻧﺴﺮﻳﻦ : ﺑﺲ ﻫﺎﻱ ﺃﻭﻝ ﻣﺮﺓ ﻫﻴﻚ ﺑﻴﻌﻤﻞ .……
ﺍﻧﻘﻄﻊ ﺍﻟﺼﻮﺕ ﻟﻤﺎ ﺍﻟﺘﻔﺘﻮ ﻣﻦ ﺟﺪﻳﺪ ﻛﻠﻦ ﻧﺎﺡ ﺍﻟﺒﺎﺏ ..… ﻭﻓﺎﺕ ﺃﺳﻴﺮ …… ﺑﻌﻘﺪﺓ ﺑﻴﻦ ﻋﻴﻮﻧﻮ .…… ﻗﺮﺏ ﻧﺎﺡ ﺍﺧﺘﻮ ﻭﻏﻤﺮﻫﺎ ..…
- ﺃﺳﻴﺮ : ﺑﺘﻮﺻﻴﻨﻲ ﺷﻲ ﺍﺧﺘﻲ .… ﻭﺍﻟﻠﻪ ﺍﻟﺸﻐﻞ ﺍﺧﺪﻟﻲ ﻋﻘﻠﻲ ……
- ﻧﺴﺮﻳﻦ ‏( ﻣﺒﺘﺴﻤﺔ ‏) : ﻳﺎ ﺭﻭﻭﻭﺡ ﺍﺧﺘﻚ …… ﺗﺮﺟﻌﻠﻨﺎ ﺑﺎﻟﺴﻼﻣﺔ ﻳﺎ ﻏﺎﻟﻲ ……
- ﺃﺳﻴﺮ : ﻳﻼ ﺑﺨﺎﻃﺮﻛﻦ ﻳﺎ ﺟﻤﺎﻋﺔ ..… ﺑﺨﺎﻃﺮﻙ ﻣﺮﭬﺖ … ﺳﻠﻤﻴﻠﻲ ﻉ ﺳﺎﻫﺮ ..……
ﻫﻮﻱ ﻭﻋﻢ ﻳﺒﺮﻡ ﺭﺍﺳﻮ ﻃﺒﻊ ﻧﻈﺮﻭ ﻉ ﺍﻳﭭﺎ ﺍﻟﻠﻲ ﻭﺍﻗﻔﺔ ﻭﻋﻢ ﺗﺮﺍﻗﺐ ﻛﻞ ﺗﻔﺼﻴﻠﺔ ﺑﺤﺮﻛﺎﺗﻮ .… ﻫﺰ ﺭﺍﺳﻮ ﻟﺘﺤﺖ ﺑﻤﻌﻨﻰ ﻣﺮﺣﺒﺎ ..…… ﻭﻛﻤﻞ ﻃﺮﻳﻘﻮ ﻟﺒﺮﺍ ﺍﻟﻔﻴﻼ ………
- ﻧﺴﺮﻳﻦ : ﺩﺧﻴﻠﻮ ﺍﻟﺤﻨﻮﻥ ﺍﻧﺎ ………
- ﻣﺮﭬﺖ : ﻫﻬﻬﻬﻪ ..… ﺍﻱ ﺃﺳﻴﺮ ﻣﺎ ﻓﻲ ﻣﻨﻮ ………
- ﺍﻡ ﺍﺳﻴﺮ : ﻣﺮﭬﺖ ﺩﻗﻲ ﻟﺴﺎﻫﺮ ﻋﺎﻟﺸﻐﻞ ﺷﻮﻓﻴﻠﻲ ﻳﺎﻩ ﺷﻮ ﺣﺎﺑﺐ ﻳﺘﻐﺪﺍ ﺍﻟﻴﻮﻡ ……
- ﻣﺮﭬﺖ : ﺍﻭﻭﻭﻭﻩ … ﺑﺮﻭﺡ ﺃﺳﻴﺮ ..… ﻭﻭﻗﺘﺎ ﺑﺘﺘﻔﻀﻲ ﻻﺑﻨﻚ ﺍﻟﺘﺎﻧﻲ ..……
- ﻧﺴﺮﻳﻦ : ﺑﻮﺟﻮﺩ ﺃﺳﻴﺮ ﻣﺎ ﺑﺘﺸﻮﻑ ﺣﺪﺍ .……
- ﺍﻡ ﺍﺳﻴﺮ : ﻫﻬﻬﻬﻬﻬﻪ … ﺑﺤﺒﻜﻦ ﻛﻠﻜﻦ ﺍﺩ ﺑﻌﺾ …… ﻭﻛﻞ ﻭﺍﺣﺪ ﻓﻴﻜﻦ ﻓﻲ ﻣﻴﻦ ﻳﻬﺘﻢ ﻓﻴﻪ … ﺑﺲ ﺃﺳﻴﺮ ﺍﻟﻮ ﻣﻌﺰﺓ ﺧﺎﺻﺔ … ﺍﺫﺍ ﺍﻧﺎ ﻣﺎ ﺍﻫﺘﻤﻴﺖ ﻓﻴﻪ ﻣﻴﻦ ﺑﺪﻭ ﻳﻬﺘﻢ ..……
ﻣﺸﻴﻮ ﻛﻞ ﻭﺍﺣﺪ ﻉ ﻣﻜﺎﻥ .… ﻭﻣﺮﭬﺖ ﺍﺧﺪﺕ ﺍﺧﺘﺎ ﻋﺎﻟﻐﺮﻓﺔ ﺍﻟﻠﻲ ﺟﻬﺰﻭﻫﺎ ﻣﺨﺼﻮﺹ ﻻﻟﻬﺎ … ﻃﻠﻌﺖ ﻭﺷﻨﺘﺘﻬﺎ ﻭﺭﺍﻫﺎ … ﻓﺎﺗﺖ ﻭﻗﻌﺪﺕ ﻋﺎﻟﺘﺨﺖ .… ﻭﻗﻌﺪﺕ ﺍﺧﺘﻬﺎ ﺣﺪﻫﺎ ﺑﺤﻤﺎﺱ …
- ﺍﻳﭭﺎ : ﻭﻳﻨﻮﻭ ﺍﺑﻨﻚ ﻣﺠﺪ ﺍﺷﺘﻘﺘﻠﻮ ﻭﺣﺎﺑﺔ ﺷﻮﻓﻮ …
- ﻣﺮﭬﺖ : ﻧﺎﻳﻢ … ﻟﻴﻮﻋﻰ … ﺗﺮﻛﻴﻨﺎ ﻣﻨﻮ … ﻭﺍﺣﻜﻴﻠﻲ ..… ﻛﻴﻔﻚ … ﻭﻛﻴﻔﻮ ﺍﻣﻴﺮ ..… ﺟﺪ ﺷﻲ ﺑﻴﻨﺎﺗﻜﻦ … ﺷﻮ ﻗﻠﻠﻚ ﻟﻤﺎ ﻋﺮﻑ ﺍﻧﻚ ﺟﺎﻱ ﺗﺴﺘﻘﺮﻱ ﻫﻮﻥ .……
- ﺍﻳﭭﺎ : ﻭﺣﺪﺓ ﻭﺣﺪﺓ ﺍﺧﺘﻲ … ﺍﻧﺎ ﻉ ﺣﺎﻟﻲ … ﻭﺍﻣﻴﺮ ﺍﻧﺘﻲ ﺑﺘﻌﺮﻓﻲ ﻣﻮﻗﻔﻲ ﻣﻨﻮ ..… ﻣﺎﻧﻮ ﻓﺘﻰ ﺍﺣﻼﻣﻲ .… ﻣﺎ ﻓﻴﻨﻲ ﺷﻮﻓﻮ ﺍﻛﺘﺮ ﻣﻦ ﺍﺥ ……
- ﻣﺮﭬﺖ : ﺗﺼﻄﻔﻠﻲ .……
- ﺍﻳﭭﺎ : ﻟﻚ ﻫﻴﺪﺍ ﺍﺳﻴﺮ ﻟﻴﻪ ﻫﻴﻚ … ﺷﺎﻳﻒ ﺣﺎﻟﻮ … ﺷﻜﻠﻮ ﻋﺼﺒﻲ …… ﻫﺎﻱ ﺍﻭﻝ ﻣﺮﺓ ﺑﺸﻮﻓﻮ ﺻﺢ؟ … ﻣﺎ ﺣﻀﺮ ﻋﺮﺳﻚ … ﻭﻭﻻ ﻣﺮﺓ ﺍﺟﺎ ﻟﻌﻨﺎ ﻋﺎﻟﺤﻲ ﺻﺤﻴﺢ .…
- ﻣﺮﭬﺖ : ﺷﻮﻭ ﺷﻜﻠﻮ ﻓﻀﻮﻟﻚ ﺑﻌﺪﻭ ﻛﻤﺎ ﻫﻮﻱ .… ﻣﺎ ﺭﺡ ﺗﺘﻐﻴﺮﻱ .…… ﺍﻱ ﻣﺎ ﺣﻀﺮ ﻋﺮﺳﻲ … ﻣﺎ ﺑﺤﺐ ﺍﻻﻓﺮﺍﺡ … ﻫﺎﺩ ﻳﺎ ﺳﺘﻲ ﻫﻮﻱ ﻫﻴﻚ ﻣﻦ ﻟﻤﺎ ﺗﻮﻓﻰ ﺑﻴﻪ … ﻣﻦ ١٦ ﺳﻨﺔ .…… ﻭﻛﻤﺎﻥ ﻓﻲ ﺣﺎﺩﺛﺔ …
- ﺍﻳﭭﺎ ‏( ﻗﺎﻃﻌﺘﻬﺎ ‏) : ﻟﺤﻈﺔ ﻟﺤﻈﺔ … ﻟﻴﻪ ﺍﺩﻳﻪ ﻋﻤﺮﻭ ﻫﺎﺩ ..…
- ﻣﺮﭬﺖ : ٣٧ ﺳﻨﺔ .…… ﺑﺲ ﻣﺎ ﺑﺒﻴﻦ ﻋﻠﻴﻪ .…
- ﺍﻳﭭﺎ : ﻋﻢ ﺗﻤﺰﺣﻲ … ﻫﻴﺪﺍ ﺗﻼﺕ ﺳﻨﻴﻦ ﻭﺑﻴﻄﺤﺶ ﺑﺎﻻﺭﺑﻌﻴﻦ … ﺍﻱ ﺍﻱ ﻛﻤﻠﻲ .… ﺣﺎﺩﺛﺔ ﺷﻮ …
- ﻣﺮﭬﺖ : ﻋﻠﻤﻲ ﻋﻠﻤﻚ ﺷﻮ ﻫﺎﻟﺤﺎﺩﺛﺔ .… ﻣﺎ ﺣﺪﺍ ﺑﻴﻌﺮﻓﻬﺎ ﺍﻻ ﺑﻴﺖ ﺍﺳﺮﺍﺭﻭﺍ ﻧﺴﺮﻳﻦ … ﺍﻧﺘﻲ ﺷﻔﺘﻴﻪ ﻫﻴﻚ ﺑﻌﺎﻣﻠﻬﺎ ﺑﺲ ﻫﻮﻱ ﺑﺤﺒﻬﺎ ﻛﺘﻴﺮ .… ﻭﻭﻗﺖ ﻳﻜﻮﻥ ﻣﻮﺟﻮﻉ ﺑﺘﻜﻮﻥ ﺍﻟﺤﻀﻦ ﺍﻟﺪﺍﻓﻲ ﺍﻟﻮ … ﻭﻫﺎﻟﺤﺎﺩﺛﺔ ﺻﺎﺭﺕ ﻣﻌﻮ ﻣﻦ ﺣﻮﺍﻟﻲ ﺍﻟﺨﻤﺲ ﺳﻨﻴﻦ ﻛﻨﺖ ﺍﻭﻝ ﻭﻻﺩﺗﻲ ﻟﻤﺠﺪ ﻭﻣﺎ ﺍﻧﺨﺮﻃﺖ ﻓﻴﻬﻦ ﻭﺑﺎﻟﻤﺸﺎﻛﻞ ﻛﺘﻴﺮ … ﻭﺍﻧﻘﻠﺐ ﺑﺰﻳﺎﺩﺓ … ﻭﻣﻦ ﻭﻗﺘﺎ ﻣﺎ ﺑﻴﻀﺤﻚ ﻟﻠﺮﻏﻴﻒ ﺍﻟﺴﺨﻦ .… ﻟﻚ ﺍﺑﺘﺴﺎﻣﺔ ﻣﺎ ﺑﻴﺒﺘﺴﻢ … ﻛﺎﻧﻮ ﻣﺶ ﺳﺎﻛﻦ ﻫﻮﻥ … ﺑﻀﻞ ﺳﻔﺮ ﻭﺷﺮﻛﺎﺕ ﻭﻣﻌﺎﻣﻞ ﻭﻣﻌﺎﻣﻼﺕ ﻭﻣﻨﺎﻗﺼﺎﺕ … ﻫﺎﻟﻚ ﺣﺎﻟﻮ ﻟﻮ ﺗﺸﻮﻓﻲ … ﺑﻴﺠﻲ ﻋﺎﻟﻐﺪﺍ ﻭﺑﺮﻭﺡ … ﻭﻣﺎ ﺑﻴﺮﺟﻊ ﻻﺧﺮ ﺍﻟﻠﻴﻞ ..…
- ﺍﻳﭭﺎ : ﺷﻮ ﻣﻤﻜﻦ ﺗﻜﻮﻥ ﻫﺎﻟﺤﺎﺩﺛﺔ ﻳﺎ ﺗﺮﻯ …… ﻃﻴﺐ ﻫﻠﻘﺪ ﻛﺎﻥ ﻣﻌﻠﻖ ﺑـ ﺑﻴﻪ ..…
- ﻣﺮﭬﺖ : ﻣﺎ ﺑﻌﺮﻑ … ﻛﺎﻥ ﺩﻭﺑﻮ ﻣﺨﺮﺝ ﻉ ﺣﻜﻲ ﺳﺎﻫﺮ … ﻭﺳﺎﻫﺮ ﻛﺎﻥ ﺛﺎﻧﻮﻱ ﺑﻮﻗﺘﺎ ﻭﻧﺴﺮﻳﻦ ﺛﺎﻣﻦ … ﻭﺍﻣﻮ ﺍﻧﺘﻜﺴﺖ ..… ﻭﻫﻮﻱ ﺣﻤﻞ ﻣﺴﺆﻭﻟﻴﺔ ﺍﻟﻌﻴﻠﺔ ﻛﻠﻬﺎ ﻭﻫﻮﻱ ﺑﻌﻤﺮ ﺍﻝ ٢١ … ﻭﺍﺳﺘﻠﻢ ﺷﺮﻛﺔ ﺑﻴﻪ ﻭﻫﻮﻱ ﺑﻌﺪﻭ ﺑﺄﻭﻝ ﻃﻠﻌﺘﻮ … ﻣﺎ ﻋﺎﺵ ﻣﺘﻞ ﺑﺎﻗﻲ ﺍﻟﺸﺒﺎﺏ … ﺭﻫﻦ ﺣﻴﺎﺗﻮ ﻛﻠﻬﺎ ﻛﺮﻣﺎﻝ ﺍﻫﻠﻮ … ﻭﻟﻴﻜﻲ ﻫﺎﻱ ﺳﺎﻫﺮ ﺗﺰﻭﺝ ﻭﻛﻤﻞ ﺣﻴﺎﺗﻮ … ﻭﻧﺴﺮﻳﻦ ﺧﺎﻃﺒﺔ .… ﻭﻫﻮﻱ ﺑﻌﺪﻭ ﺩﺍﻓﻦ ﺣﺎﻟﻮ ﺑﺎﻟﻤﺎﺿﻲ ..…… ﻛﺒﺮ ﺍﻟﺸﺮﻛﺔ ﻟﺸﺮﻛﺎﺕ ﻣﻦ ﺍﻟﻌﺪﻡ … ﺑﻴﻪ ﻣﺎ ﻛﺎﻥ ﻛﻞ ﻫﺎﻟﻘﺪ ﻏﻨﻲ … ﻛﺎﻧﺖ ﺷﺮﻛﺘﻮ ﺻﻐﻴﺮﺓ ﻭﺑﺴﻴﻄﺔ … ﺃﺳﻴﺮ ﺍﺳﺘﻠﻢ ﻫﺎﻟﺸﺮﻛﺔ ﻭﺑﻠﺶ ﻳﻜﺖ ﺍﻣﻮﺍﻝ ﻭﺗﺘﻔﺮﻉ ﻫﻮﻥ ﻭﻫﻮﻧﻴﻚ … ﻭﺑﻨﻰ ﻣﻌﺎﻣﻞ … ﻭﺷﻮﻓﻲ ﻭﻳﻦ ﺻﺎﺭ … ﻭﺑﻌﺪﺍ ﺑﻨﻰ ﻫﺎﻟﻔﻴﻼ ﺣﺠﺮ ﺣﺠﺮ ﻣﻦ ﻋﺮﻕ ﺟﺒﻴﻨﻮ …
ﺍﻟﺠﺰﺀ ﺍﻟﺜﺎﻟﺚ :
- ﺍﻳﭭﺎ : ﻫﻴﺪﺍ ﺷﺒﻜﺔ ﻏﻤﻮﺽ …… ﺍﻧﺎ ﻣﺘﺄﻛﺪﺓ ﺍﻧﻮ ﻣﺶ ﻫﻴﺪﺍ ﺍﻟﻤﻮﺿﻮﻉ ﻛﻠﻮ … ﻓﻲ ﺷﻲ ﻣﺨﺒﻰ … ﻟﻚ ﺍﻧﺘﻲ ﻣﺎ ﺑﺘﻌﺮﻓﻲ ﺗﺴﺤﺒﻲ ﺣﻜﻲ ﻣﻦ ﺯﻭﺟﻚ .……
- ﻣﺮﭬﺖ : ﻟﻚ ﺍﻧﺴﻲ ﺍﺧﺘﻲ ..… ﺷﻴﻠﻚ ﻣﻨﻮ .… ﻗﻮﻣﻲ ﺧﺪﻱ ﺩﻭﺵ ﺳﺮﻳﻊ … ﻭﺭﻭﻗﻴﻠﻲ ﺣﺎﻟﻚ ﻭﺍﻧﺰﻟﻲ ﻧﺠﻬﺰ ﻏﺪﺍ ……
- ﺍﻳﭭﺎ : ﻣﺎﺷﻲ .……
_____________________________________
ﻛﻠﻦ ﻛﺎﻧﻮ ﻗﺎﻋﺪﻳﻦ ﻉ ﻃﺎﻭﻟﺔ ﺍﻟﺴﻔﺮﺓ ﻭﻧﺎﻃﺮﻳﻦ ﺣﻀﻮﺭ ﺳﺎﻫﺮ .… ﻭﺍﻳﭭﺎ ﺣﺎﻃﺔ ﻣﺠﺪ ﺑﺤﻀﻨﻬﺎ ﻭﻫﻮﻱ ﻋﻢ ﻳﺤﻜﻴﻠﻬﺎ ﻋﻦ ﺍﻟﻌﺎﺑﻮ .… ﻭﺍﺧﻴﺮﺍ ﺍﺟﺎ ﺳﺎﻫﺮ .……
- ﻧﺴﺮﻳﻦ : ﺑﻜﻴﺮ ﺧﻴﻲ … ﺑﻜﻴﺮ ..……
- ﻣﺮﭬﺖ : ﺧﻠﻴﻚ ﻛﻤﺎﻥ ﺳﺎﻋﺔ ﻭﺗﺎﻉ ..…
- ﺍﻡ ﺃﺳﻴﺮ : ﺭﻭﻗﻮ ﻋﻠﻴﻪ ﻟﻠﺮﺟﺎﻝ ..…
- ﺳﺎﻫﺮ : ﺍﻧﺖ ﺍﺧﺘﻲ ﺑﺎﻟﺬﺍﺕ ﻻ ﺗﺤﻜﻲ … ﻻﻧﻮ ﺗﺄﺧﺮﺕ ﻛﺮﻣﺎﻟﻚ .… ﻟﻮ ﺗﻌﺮﻓﻲ ﻟﻴﻪ ﺗﺄﺧﺮﺕ ﻛﻨﺘﻲ ﻋﺬﺭﺗﻴﻨﻲ .…
- ﻧﺴﺮﻳﻦ : ﺍﺗﺤﻔﻨﺎ ……
ﻗﺮﺏ ﺳﺎﻫﺮ ﻣﻦ ﺍﻟﻄﺎﻭﻟﺔ … ﻭﺍﺧﺪ ﺧﻴﺎﺭﺓ ﻭﺻﺎﺭ ﻳﺎﻛﻞ … ﻟﻴﻐﻴﻆ ﺍﺧﺘﻮ ﻭﻳﺨﻠﻴﻬﺎ ﺗﺘﺨﺒﻂ ﺑﻔﻀﻮﻟﻬﺎ …
- ﺳﺎﻫﺮ : ﻣﺮﺣﺒﺎ ﺍﻳﭭﺎ … ﻛﻴﻴﻔﻚ ﺑﻨﺖ ﺣﻤﺎﻳﻲ .…… ﻧﻮﺭ ﺍﻟﺒﻴﺖ .…
- ﺍﻳﭭﺎ : ﺍﻟﺤﻤﺪﻟﻠﻪ ﺻﻬﺮﺭﺭ ..… ﺑﻮﺟﻮﺩﻙ …
- ﺳﺎﻫﺮ : ﻛﻴﻒ ﻟﻘﻴﺘﻴﻠﻨﺎ ﻫﺎﻟﺼﻐﻴﺮ … ﻛﺒﺮﺍﻥ ﻣﺎ ﻫﻴﻚ ! …
- ﻧﺴﺮﻳﻦ : ﺳﺎﺍﺍﺍﻫﺮ … ﺷﻴﻠﻚ ﻣﻦ ﺍﻳﭭﺎ ﺑﺘﺤﻜﻮ ﺑﻌﺪﻳﻦ …… ﺷﻮ ﻓﻲ ؟ !
- ﺳﺎﻫﺮ : ﻓﻀﻮﻟﻚ ﻋﻢ ﻳﺎﻛﻠﻚ ﻣﺎ ﻫﻴﻚ ……… ‏( ﺻﺮﺥ ﻣﻊ ﺍﺑﺘﺴﺎﻣﺔ ﻋﺮﻳﻀﺔ ‏) … ﺍﻳﻬﺎﺍﺍﺍ ﺍﻟﻀﻴﻴﻴﻒ ﺗﻔﻀﻞ ﺑﺎﻟﺪﺧﻮﻭﻭﻝ …
ﺍﻃﻠﻌﺖ ﻧﺴﺮﻳﻦ ﻧﺎﺡ ﺍﻟﺒﺎﺏ … ﻋﻴﻮﻧﺎ ﺿﺤﻜﻮ .…… ﻭﺭﻛﻀﺖ ﺑﺴﺮﻋﺔ ﻟﻌﻨﺪﻭ …
- ﻧﺴﺮﻳﻦ : ﻋﺎﺍﺍﺻﻲ ..… ‏( ﻏﻤﺮﺗﻮ ‏) … ﺍﻱ ﻣﺘﻰ ﺍﺟﻴﻴﻴﺖ .… ﺍﺷﺘﻘﺘﻠﻚ ﻳﺎ ﻗﻠﺒﻲ ………
- ﻋﺎﺻﻲ : ﻫﺎﻱ ﻭﺻﻠﺘﻲ ﻣﻦ ﺍﻟﻤﻄﺎﺭ ﺣﺒﻴﺒﺘﻲ ……
- ﺳﺎﻫﺮ : ﺍﻱ ﺍﺟﻠﻮﻟﻨﺎ ﻟﺤﻈﺎﺕ ﺍﻟﺤﺐ ﻭﺍﻻﺷﺘﻴﺎﻕ ﻫﻸ ﺍﻧﺎ ﺟﻌﺖ ﻭﺑﺪﻱ ﺍﻛﻞ … ﻣﺎ ﺑﻜﻔﻲ ﺗﺄﺧﺮﺕ ﻟﺠﺒﻠﻚ ﺧﻄﻴﺒﻚ ………
ﻛﺎﻧﺖ ﺍﻳﭭﺎ ﻗﺎﻋﺪﺓ ﻭﻣﺎﺳﻜﺔ ﺍﻳﺪ ﻣﺠﺪ ﻭﺷﺎﺩّﺓ ﻋﻠﻴﻬﺎ … ﻭﻓﺎﺗﺤﺔ ﻋﻴﻮﻧﺎ ﻋﻠﻰ ﻭﺳﻌﻦ ..……
- ﻣﺠﺪ : ﺍﻳﭭﺎ ﻋﻢ ﺗﻮﺟﻌﻴﻨﻲ .…
ﺭﺧﺖ ﺍﻳﺪﻫﺎ ﻟﻤﺎ ﻭﻋﻴﺖ ﻉ ﺣﺎﻟﻬﺎ .… ﻗﺮﺏ ﻋﺎﺻﻲ ﻣﻦ ﻃﺎﻭﻟﺔ ﺍﻟﺴﻔﺮﺓ ..… ﻭﺳﻠﻢ ﻋﺎﻟﻜﻞ … ﻭﻟﻤﺎ ﻃﺒﻊ ﻧﻈﺮﻭ ﻉ ﺍﻳﭭﺎ … ﻫﻴﻲ ﺑﻠﻌﺖ ﺭﻳﻘﻬﺎ ..… ﻭﻫﻮﻱ ﺍﻧﺼﺪﻡ ..……
- ﻧﺴﺮﻳﻦ ‏( ﺍﺷﺮﺕ ﻉ ﺍﻳﭭﺎ ‏) : ﺍﻳﭭﺎ … ﺍﺧﺖ ﻣﺮﭬﺖ … ‏( ﺍﺷﺮﺕ ﻉ ﻋﺎﺻﻲ ‏) … ﻋﺎﺻﻲ ﺧﻄﻴﺒﻲ …
- ﺍﻳﭭﺎ : ﺍﺗﺸﺮﻓﻨﺎ ﺍﺳﺘﺎﺫ ..……
- ﻋﺎﺻﻲ ‏( ﻣﻊ ﺑﺴﻤﺔ ﺧﺒﺚ ‏) : ﺍﻟﺸﺮﻑ ﺍﻟﻲ …
- ﺍﻡ ﺍﺳﻴﺮ : ﺍﻫﻼ ﻭﺳﻬﻼ ﺍﺑﻨﻲ ……
ﻭﻗﻌﺪﻭ ﻛﻠﻦ ﻋﺎﻟﻐﺪﺍ ..… ﻭﺻﺎﺭﻭﺍ ﻳﺎﻛﻠﻮ ﺑﺼﻤﺖ .… ﻭﻋﺎﺻﻲ ﻋﻢ ﻳﺮﺍﻗﺐ ﺍﻳﭭﺎ ﺑﻄﺮﻑ ﻋﻴﻨﻮ .… ﻭﻫﻴﻲ ﻗﻠﺒﺎ ﻋﻢ ﻳﺪﻕ ﺑﺴﺮﻋﺔ ..…… ﺍﻛﻠﺖ ﻋﺎﻟﺴﺮﻳﻊ ﻭﻭﻗﻔﺖ ……
- ﺍﻳﭭﺎ : ﺩﺍﻳﻤﺔ .…… ﺑﺎﻻﺫﻥ ..…
- ﺍﻡ ﺍﺳﻴﺮ : ﻣﺎ ﺍﻛﻠﺘﻲ ﺷﻲ ﻳﺎ ﺑﻨﺘﻲ ……
- ﺍﻳﭭﺎ : ﺷﺒﻌﺖ ﻭﺍﻟﻠﻪ …… ﻭﺍﻛﻠﻲ ﺧﺎﻓﻒ ﺍﺧﺮ ﻓﺘﺮﺓ …… ﻳﻼ ﺍﻧﺎ ﻃﺎﻟﻌﺔ ﻉ ﻏﺮﻓﺘﻲ ..…
ﺍﺧﺘﻔﺖ ﻋﻦ ﺍﻻﻧﻈﺎﺭ … ﻭﻋﺎﺻﻲ ﻋﻢ ﻳﺮﺍﻗﺒﻬﺎ ………
- ﻋﺎﺻﻲ : ﺣﺒﻴﺒﺘﻲ ﺍﻧﺎ ﻗﺎﻳﻢ ﻋﺎﻟﺤﻤﺎﻡ .……
ﻫﺰﺕ ﻧﺴﺮﻳﻦ ﺑﺮﺍﺳﻬﺎ …… ﻭﻫﻮﻱ ﻃﻠﻊ ﻣﻦ ﻏﺮﻓﺔ ﺍﻟﺴﻔﺮﺓ .… ﻭﺗﻮﺟﻪ ﻓﻮﺭﺍ ﻟﻔﻮﻕ .… ﻟﻘﺎﻫﺎ ﻉ ﺍﺧﺮ ﺍﻟﺪﺭﺝ … ﺭﻛﺾ ﻭﻣﺴﻜﻬﺎ ﻣﻦ ﺍﻳﺪﻫﺎ ﻭﻟﺰﻗﻬﺎ ﺑﺎﻟﺤﻴﻂ .…
- ﺍﻳﭭﺎ ‏( ﺑﻬﻤﺲ ‏) : ﺑﻌّﺪ ﻋﻨﻴﻴﻴﻲ ……
- ﻋﺎﺻﻲ : ﻳﺎ ﻣﺤﺎﺳﻦ ﺍﻟﺼﺪﻑ ..… ﻭﺍﻟﻠﻪ ﺍﻟﺪﻧﻲ ﺻﻐﻴﺮﺓ ﻳﺎ ﺣﻠﻮﺓ ..…… ﺍﺷﺘﻘﺘﻠﻚ ﻳﺎ ﺣﺐ ..…
- ﺍﻳﭭﺎ : ﻗﻠﺘﻠﻚ ﺑﻌّﺪ ﻋﻨﻲ …… ﺑﻜﺮﻫﻚ ﻭﺑﻘﺮﻑ ﻣﻨﻚ …… ﻫﻸ ﺣﺪﺍ ﺑﺸﻮﻓﻨﺎ ..……
- ﻋﺎﺻﻲ : ﻣﺎ ﺗﺨﺎﻓﻲ … ﻗﻠﺘﻠﻦ ﺭﺍﻳﺢ ﻋﺎﻟﺤﻤﺎﻡ .…… ﺧﺪﻱ ﺭﺍﺣﺘﻚ ﻭﻋﺒﺮﻳﻠﻲ ﻋﻦ ﺍﺷﺘﻴﺎﻗﻚ ﻳﺎ ﺣﺐ .…
- ﺍﻳﭭﺎ : ﻟﻚ ﻓﻲ ﺣﻤﺎﻡ ﺗﺤﺖ ﻳﺎ ﻏﺒﻲ …… ﻗﻠﺘﻠﻚ ﺗﺮﻛﻨﻴﻴﻴﻴﻲ ..… ﻣﺎ ﺗﺨﻠﻴﻨﻲ ﺻﺮﺥ ﻭﻟﻢ ﻋﻠﻴﻚ ﺍﻟﻔﻴﻼ ……
- ﻋﺎﺻﻲ : ﺻﺮﺧﻲ ..… ﺻﺮﺧﻲ ﺳﺖ ﺍﻳﭭﺎ …………
ﻗﺮﺏ ﻣﻨﻬﺎ ﺍﻛﺘﺮ …… ﺑﻌﺪﺕ ﻭﺟﻬﺎ ﻟﻠﻄﺮﻑ ﺍﻟﺘﺎﻧﻲ ..…… ﺟﻤﻌﺖ ﺭﻳﻘﻬﺎ ﻛﻠﻮ … ﺍﻃﻠﻌﺖ ﻓﻴﻪ ﻭﺑﺰﻗﺖ ﺑﻮﺟﻮ …… ﺑﻌّﺪ ﻋﻨﻬﺎ …… ﺭﻛﻀﺖ ﻉ ﻏﺮﻓﺘﻬﺎ ﻭﻗﻔﻠﺖ ﺍﻟﺒﺎﺏ .…… ﻣﺴﺢ ﺍﻟﺒﺰﻗﺔ .… ﻭﺍﺑﺘﺴﻢ .……
- ﻋﺎﺻﻲ : ﻣﺎﺷﻲ ﻳﺎ ﺣﻠﻮﺓ .…… ﺭﺡ ﺧﺒﻴﻠﻚ ﻳﺎﻫﺎ .……
ﻭﻧﺰﻝ ﻟﺘﺤﺖ ﻛﻤﻞ ﺍﻛﻠﻮ ﺑﻬﺪﻭﺀ .…
- ﻧﺴﺮﻳﻦ : ﺷﻮ ﻧﺎﻭﻱ ﺍﻟﻴﻮﻡ ﺗﻌﻤﻞ ……
- ﻋﺎﺻﻲ : ﺭﺡ ﻧﻀﻬﺮ ﺍﻧﺎ ﻭﻳﺎﻛﻲ ..…… ﺍﻟﻴﻮﻡ ﺍﻟﻚ ﻭﺣﺪﻙ .… ﺭﺡ ﺍﺧﺪ ﺍﺳﺘﺮﺍﺣﺔ ﻣﻦ ﺍﻟﻌﻤﻞ ..…
- ﻧﺴﺮﻳﻦ : ﺣﻠﻮ ﻟﻜﻦ ﻗﺎﻳﻤﺔ ﺟﻬﺰ ﺣﺎﺍﺍﻟﻴﻲ .…
_________________________________
ﺍﻟﻤﺴﺎ … ﻋﺎﻟﺴﺎﻋﺔ ١٢ …… ﺻﻔﺖ ﺍﻟﺴﻴﺎﺭﺓ ﻗﺪﺍﻡ ﺍﻟﻔﻴﻼ .……
- ﻋﺎﺻﻲ : ﻳﻼ ﺣﺒﻲ ﺍﻧﺰﻟﻲ .……
- ﻧﺴﺮﻳﻦ : ﻛﺎﻥ ﻳﻮﻡ ﺑﺠﻨﻦ ……
- ﻋﺎﺻﻲ : ﺑﺠﻨﻦ ﻻﻧﻚ ﻣﻌﻲ .… ﻭﻛﺎﻥ ﻣﺘﻌﺐ ﻛﻤﺎﻥ .… ‏( ﻏﻤﺰﻫﺎ ‏) .… ﻫﻬﻪ … ﻋﻠﻰ ﻣﺎ ﺍﻭﺻﻞ ﻉ ﺗﺨﺘﻲ ﻭﻧﺎﺍﻡ .…
- ﻧﺴﺮﻳﻦ : ﺍﻧﺰﻝ ﻧﺎﻡ ﻋﻨﺎ ﺑﻐﺮﻓﺔ ﺍﻟﻀﻴﻮﻭﻑ ..… ﺑﻠﻴﻴﺰ .… ﺭﺟﺎﺍﺀﺍﺍﺍ .……
- ﻋﺎﺻﻲ : ﻫﻬﻬﻪ … ﺑﺤﺴﻚ ﺍﻭﻗﺎﺕ ﻃﻔﻠﺔ .… ﻣﺶ ﺑﻨﺖ ﺑﻌﻤﺮ ﺍﻝ٢٩ ﺳﻨﺔ ……
- ﻧﺴﺮﻳﻦ : ﺑﻪ ﺑﻪ ..… ﻋﻢ ﺗﺬﻛﺮﻧﻲ ﺍﻧﻲ ﻛﺒﺮﺕ .… ﺣﻀﺮﺗﻚ ﻣﺎ ﺑﺘﻔﺮﻕ ﻋﻨﻲ .… ﺍﻛﺒﺮ ﻣﻨﻲ ﺑﺴﻨﺘﻴﻦ …… ﻣﻌﻨﺎﺗﺎ ﻋﻨﺴﻨﺎ ﺍﻧﺎ ﻭﺍﻧﺖ ..…… ﻫﻬﻬﻬﻬﻪ .…… ﺑﻌﺪﻳﻨﺎ ﻣﻌﻚ ﺑﺮﺟﻊ ﻃﻔﻠﺔ …
- ﻋﺎﺻﻲ : ﻫﻬﻬﻬﻬﻪ … ﺍﺫﺍ ﻧﺤﻦ ﻣﻌﻨﺴﻴﻦ ﺷﻮ ﺗﺮﻛﻨﺎ ﻟﺨﻴﻚ ﺍﺳﻴﺮ …… ﻫﻬﻬﻪ ..…
- ﻧﺴﺮﻳﻦ : ﻋﺎﺍﺍﺻﻲ ..… ﻛﻠﻮ ﺍﻻ ﺍﺳﻴﻴﺮ .… ﻫﻮﻱ ﺑﺴﺒﺒﻨﺎ ﻭﺳﺒﺐ ﺍﻧﻮ ﻧﻌﻴﺶ ﻣﻨﻴﺢ ﻭﻣﺎ ﻧﻤﺪ ﺍﻳﺪﻧﺎ ﻟﻠﻌﺎﻟﻢ ﺭﻫﻦ ﺣﻴﺎﺗﻮ .… ﻭﺑﺴﺒﺒﻨﺎ ﺧﺴﺮ ﺍﻋﺰ ﻣﺎ ﺑﻴﻤﻠﻚ .… ﻭﻛﻤﺎﻥ ﻟﻬﻸ ﻣﺎ ﺗﺰﻭﺝ ﺑﺴﺒﺒﻨﺎ ……
- ﻋﺎﺻﻲ : ﻟﻚ ﻋﻢ ﺑﻤﺰﺯﺯﺡ ﺣﺐ …… ﺑﻌﺪﻳﻨﺎ ﻫﻮﻱ ﺑﺎﺷﺎﺭﺓ ﺑﻨﺎﺕ ﺍﻟﺒﻠﺪ ﺑﺘﻜﻮﻥ ﺗﺤﺖ ﺍﺟﺮﻳﻪ ..…
- ﻧﺴﺮﻳﻦ : ﻳﺆﻳﺮ ﻗﻠﺒﻲ ﺑﻀﻞ ﻋﻢ ﻳﺸﺘﻐﻞ ﻟﻴﻞ ﻧﻬﺎﺭ ..……
- ﻋﺎﺻﻲ : ﻗﺼﺪﻙ ﺍﻧﻮ ﺍﻧﺎ ﻣﺎ ﺑﺸﺘﻐﻞ …… ﻫﻮﻱ ﺑﻴﻀﻐﻂ ﺣﺎﻟﻮ ﻭﻣﺎ ﺑﻴﺎﺧﺪ ﺭﺑﻊ ﻳﻮﻡ ﻋﻄﻠﺔ .…
- ﻧﺴﺮﻳﻦ : ﻻ ﺣﺒﻴﺒﻲ ﻣﺶ ﻫﻴﻚ .… ﺑﺲ ﺍﻧﺖ ﺭﺍﻓﺾ ﻣﺴﺎﻋﺪﺗﻮ … ﻭﻫﺎﻱ ﺍﻟﻨﺎ ٤ ﺳﻨﻴﻦ ﺧﺎﻃﺒﻴﻦ ﻭﺑﻌﺪﻙ ﻋﻢ ﺗﻌﻤﺮ ﻫﺎﻟﺒﻴﺖ .……
- ﻋﺎﺻﻲ : ﺣﺒﻴﺒﺘﻲ ﺍﻧﺘﻲ ﻣﻦ ﺯﻣﺎﻥ ﺑﺘﻌﺮﻓﻲ ﻭﺿﻌﻲ … ﻭﺍﻧﻮ ﻛﻨﺖ ﻭﺣﻴﺪ ﺍﻫﻠﻲ ﻭﻣﺎﺗﻮ ﺑﺤﺎﺩﺙ ﻭﺍﺿﻄﺮﻳﺖ ﺍﻧﻲ ﻋﻴﺶ ﻟﻮﺣﺪﻱ .… ﻭﺳﺎﻛﻦ ﺑﺸﻘﺔ ﺻﻐﻴﺮﺓ ﻭﻋﻢ ﻋﻤﺮ ﺑﻴﺖ ﺍﺣﻼﻣﻨﺎ .… ﻭﺍﻻﻛﺘﺮ ﻣﻦ ﻫﻴﻚ ﺑﺘﻌﺮﻓﻲ ﺗﻤﺎﻣﺎ ﺍﻧﻮ ﻣﺴﺘﺤﻴﻞ ﺍﺧﺪ ﻣﺼﺎﺭﻱ ﻣﻦ ﺣﺪﺍ ﻟﻮ ﻋﻠﻰ ﻗﻄﻊ ﺭﺍﺍﺳﻲ ..…
- ﻧﺴﺮﻳﻦ : ﺧﻠﺺ ﻣﺎ ﺗﻌﺼﺐ ..… ﻗﻮﻡ ﺍﻧﺰﻝ ﻧﺎﻡ ﻋﻨﺎ ..…
ﺑﻌﺪ ﺍﺻﺮﺍﺭ ﻃﻮﻳﻞ … ﺻﻒ ﺍﻟﺴﻴﺎﺭﺓ … ﻗﻔﻠﻬﺎ … ﻭﻓﺎﺗﻮ ﺳﻮﺍ ﻋﺎﻟﻔﻴﻼ ..… ﻓﺎﺕ ﻉ ﻏﺮﻓﺔ ﺍﻟﻀﻴﻮﻑ .… ﻓﺎﺗﺖ ﻣﻌﻮ .…… ﻏﻤﺮﻫﺎ .… ﺑﺎﺳﻬﺎ .… ﻭﻭﺩﻋﻬﺎ … ﻭﻃﻠﻌﺖ ﻉ ﻏﺮﻓﺘﻬﺎ …… ﻋﺪ ﻋﺎﺻﻲ ﺳﺎﻋﺔ ﻟﻘﺪﺍﻡ ..… ﻭﻃﻠﻊ ﻣﻦ ﻏﺮﻓﺘﻮ .…… ﻭﺻﻞ ﻉ ﺑﺎﺏ ﻏﺮﻓﺔ … ﺗﻮﻗﻌﻬﺎ ﺍﻟﻬﺎ .… ﺣﻂ ﺍﻳﺪﻭ ﻉ ﻣﻘﺒﺾ ﺍﻟﺒﺎﺏ .… ﻭﻓﺘﺤﻮ ﺷﻮﻱ ﺷﻮﻱ …
يتبع ......