رموز الأخرس __بقلم نسمات الليل__

الجزء السادس عشر

#رموز_الأخرس_بقلم_نسمات_الليل
- ﺍﻳﭭﺎ : ﺑﻜﺮﻫﻜﻜﻜﻜﻜﻜﻜﻜﻜﻚ .……
ﺑﻌﺪ ﻋﻨﻬﺎ .… ﻃﻠﻊ ﺍﺳﻴﺮ ﻉ ﻏﺮﻓﺘﻮ ﺑﺴﺮﻋﺔ ..… ﻭﺭﺟﻊ ﻋﺎﺻﻲ ﻉ ﻃﺎﻭﻟﺔ ﺍﻟﺴﻔﺮﺓ …… ﻭﺍﻳﭭﺎ ﺻﺎﺭﺕ ﺗﺒﻜﻲ ﻭﺭﻛﻀﺖ ﻉ ﻏﺮﻓﺘﻬﺎ .……
ﻗﺎﻋﺪ ﻋﺎﻟﺘﺨﺖ ﻭﺣﺎﻃﻂ ﺭﺍﺳﻮ ﺑﻴﻦ ﺍﻳﺪﻳﻪ … ﻭﺻﺎﻓﻦ ﺑﺎﻻﺭﺽ … ﻭﺍﻟﺬﻛﺮﻳﺎﺕ ﻋﻢ ﺗﺪﻭﺭ ﺑﺮﺍﺳﻮ .…
- ﺍﺳﻴﺮ : ﻛﺎﻧﺖ ﻋﻢ ﺗﻜﻮﺑﺲ ﺑﻨﻬﺎﺭ ٧ ﺍﻳﺎﺭ .… ﻭﺣﻜﺖ ﻋﻨﻮ ﻣﺒﺎﺭﺡ .… ﻧﻈﺮﺍﺗﻮ ﺍﻟﻬﺎ ﻭﺍﺿﺤﺔ … ﻣﻦ ﺯﻣﺎﻥ ﻣﺎﻧﻲ ﻣﻄﻤﻨﻠﻮ ..… ﻟﻴﻪ ﻣﺎ ﺑﺪﻱ ﺻﺪﻕ ﻣﺎ ﺑﻌﺮﻑ .… ﺍﺥ ﻳﺎ ﻧﺴﺮﻳﻦ ﺍﺩﻳﻪ ﻧﺒﻬﺘﻚ ﻣﻨﻮ ..… ﺷﻮ ﻻﺯﻡ ﺍﺗﺼﺮﺭﺭﻑ ..… ﻳﺎ ﺭﺑﻴﻲ ..… ﺍﻱ ﺍﻱ ﺳﻤﻴﻴﻴﺮ ..… ﻻﺯﻡ ﺷﻮﻓﻮ ﻭﺍﻻ ﺑﺠﻦ … ﻣﺎ ﻏﻴﺮﻭ ﺑﻬﺪﻳﻨﻲ ..…
ﻗﺎﻡ ﻭﻃﻠﻊ ﻣﻦ ﻏﺮﻓﺘﻮ ﺑﺴﺮﻋﺔ .… ﻟﻘﺎﻫﺎ ﻋﻢ ﺗﺴﻜﺮ ﺑﺎﺏ ﻏﺮﻓﺘﻬﺎ ﻭﺟﺎﺭﺭﻱ ﻭﺭﺍﻫﺎ ﺷﻨﺘﺘﻬﺎ … ﻋﻘﺪ ﺣﻮﺍﺟﺒﻮ .… ﻗﺮﺏ ﻣﻨﻬﺎ ﻭﺩﻓﺸﻬﺎ ﻋﺎﻟﻐﺮﻓﺔ … ﻭﺳﺤﺐ ﺍﻟﺸﻨﺘﺔ ﻣﻌﻮ ..… ﻓﺎﺕ ﻭﺳﻜﺮ ﺍﻟﺒﺎﺏ .…
- ﺍﻳﭭﺎ : ﺷﻮﻭﻭ ﻋﻢ ﺗﻌﻤﻠﻠﻠﻠﻞ ……
- ﺍﺳﻴﺮ : ﻣﺎ ﻓﻲ ﺗﺮﻭﺣﻲ ..… ﺧﻠﺺ ﺻﺪﻗﺘﻚ ..…
- ﺍﻳﭭﺎ : ﻟﻴﻪ ﺑﺪﻱ ﺿﻞ ؟ … ﻗﻠﻠﻲ ..… ﻭﻳﻦ ﻛﺮﺍﻣﺘﻲ ..…
- ﺍﺳﻴﺮ : ﺭﺡ ﺭﺟﻌﻠﻚ ﻫﻴﻲ .… ﺑﺲ ﺻﺒﺮﺍﺍﺍ …… ﺍﻧﺘﻲ ﺍﻟﻮﺣﻴﺪﺓ ﺍﻟﻠﻲ ﺑﺘﺴﺎﻋﺪﻳﻨﻲ ﻟﻄﻠﻊ ﻫﺎﻟﻜﻠﺐ ﻣﻦ ﺣﻴﺎﺗﻨﺎ .…
- ﺍﻳﭭﺎ : ﻣﺎ ﺑﺪﻱ ﻧﺴﺮﻳﻦ ﺗﻜﺮﻫﻨﻲ .… ﻣﺎ ﺑﺪﻱ ﻛﻮﻥ ﻫﻮﻥ ﺑﻌﺪ ﺗﻜﺬﻳﺒﻚ ﺍﻟﻲ .… ﻭﻻ ﺑﺪﻱ ﺷﻮﻑ ﺍﻧﻬﻴﺎﺭ ﺍﺧﺘﻚ … ﻭﻻ ﻟﻮﻡ ﻋﻴﻠﺘﻚ .… ﻭﻻ ﻧﻈﺮﺍﺗﻦ ﺍﺗﺠﺎﻫﻲ .… ﺍﻧﺎ ﺭﻳﺤﺖ ﺿﻤﻴﺮﻱ ﻭﺍﻟﻤﻮﺿﻮﻉ ﺻﺎﺭﺭ ﻋﻨﺪﻙ .… ﻣﺎ ﺑﻘﺎ ﻓﻴﻨﻲ ﺍﻋﻤﻞ ﺍﻛﺘﺮ ﻣﻦ ﻫﻴﻚ .…
- ﺍﺳﻴﺮ : ﺭﺟﻌﻲ ﺗﻴﺎﺑﻚ ﻋﺎﻟﺨﺰﺍﻧﺔ .… ﺑﻼ ﻣﺎ ﺣﺪﺍ ﻳﺸﻮﻓﻚ ﺭﺍﻳﺤﺔ .…… ﺍﺭﺟﻮﻛﻲ .… ﺑﺲ ﻟﻮ ﻣﺮﺓ ﺭﺩﻱ ﻋﻠﻴﻲ ..… ﺑﺲ ﺷﻮﻱ .… ﻭﺑﻌﺪﺍ ﻓﻠﻠﻲ ﻣﻜﺎﻥ ﻣﺎ ﺑﺪﻙ ……
- ﺍﻳﭭﺎ : ﻣﺎﺷﻲ ..…
ﺍﺑﺘﺴﻢ ﺍﺳﻴﺮ ﻭﻣﺸﻲ ﻧﺎﺡ ﺍﻟﺒﺎﺏ .… ﻭﺍﺫ ﺑﻴﻨﺪﻕ ﺍﻟﺒﺎﺏ ..… ﻭﺑﻴﺘﺤﺮﻙ ﺍﻟﻤﻘﺒﺾ .… ﺑﻠﺸﺖ ﻗﻠﻮﺑﻦ ﺗﺨﻔﻖ ﺑﻘﻮﺓ …… ﺭﻛﻀﺖ ﺍﻳﭭﺎ ﻋﺎﻟﺒﺎﺏ ﻭﻣﻨﻌﺖ ﺍﻧﻮ ﻳﻨﻔﺘﺢ .…
- ﻣﺮﭬﺖ : ﺍﺧﺘﻴﻲ ﺷﻮ ﺻﺎﺍﺍﻳﺮ … ﺑﺪﻱ ﻓﻮﻭﺕ ..…
- ﺍﻳﭭﺎ : ﻟﺤﻈﺔ ﺍﺧﺘﻲ ﻋﻢ ﺑﺪﻝ ﺗﻴﺎﺑﻲ …… ‏( ﺑﻬﻤﺲ ‏) ﻟﻚ ﻳﻼﺍﺍ ﺍﺗﺨﺒﻰ ﺑﺸﻲ ﻣﻜﺎﺍﺍﺍﺍﻥ .…
ﺷﺤﻂ ﺷﻨﺘﺘﻬﺎ ﻓﻮﺭﺍ ﻟﺘﺤﺖ ﺍﻟﺘﺨﺖ ﻭﻓﺎﺕ ﻋﺎﻟﺘﻮﺍﻟﻴﺖ ﻭﺳﻜﺮ ﺍﻟﺒﺎﺏ .…… ﻭﺍﻳﭭﺎ ﺯﺑﻄﺖ ﺗﻴﺎﺑﻬﺎ ﻭﺷﻌﺮﺍ …… ﻭﻓﺘﺤﺖ ﻻﺧﺘﺎ .…
- ﻣﺮﭬﺖ : ﻟﻚ ﺷﻮ ﺻﺎﻳﺮﻟﻚ ..… ﻉ ﺍﺳﺎﺱ ﻋﻢ ﺗﺒﺪﻟﻲ ﺗﻴﺎﺑﻚ … ﺑﻌﺪﻙ ﻻﺑﺴﺔ ﺫﺍﺕ ﺍﻟﺘﻴﺎﺏ .…
ﻛﺎﻥ ﻭﺍﻗﻒ ﺍﺳﻴﺮ ﺑﺎﻟﺘﻮﺍﻟﻴﺖ ﺍﻟﻠﻲ ﻣﺴﺎﺣﺘﻮ ﻣﺘﺮ ﺑﻤﺘﺮ … ﻋﻢ ﻳﺘﺴﻤﻊ ﻟﺤﻜﻴﻦ … ﻭﻳﺮﺍﻗﺐ ﺗﻨﻈﻴﻢ ﺍﻟﻜﺮﻳﻤﺎﺕ ﻭﺍﻟﺸﺎﻣﺒﻮ ﺑﺎﻟﻤﻜﺎﻥ .… ﻭﺭﻳﺤﺘﻮ ﺍﻟﻤﻤﻴﺰﺓ …… ﻣﺎ ﻛﺈﻧﻮ ﺗﻮﺍﻟﻴﺖ ..…
- ﺍﻳﭭﺎ : ﻣﺎ ﺭﺟﻌﺖ ﻟﺒﺴﺘﻦ ﺫﺍﺗﻦ ﻟﻤﺎ ﺩﻗﻴﺘﻲ ﻋﻠﻴﻲ … ﻭﻗﺮﺭﺕ ﺍﺗﺪﻭﺵ ﻓﺮﺩ ﻣﺮﺓ …… ﺍﻱ ﺷﻮ ﻛﺎﻥ ﺑﺪﻙ ……
- ﻣﺮﭬﺖ : ﺍﺗﻔﺎﺟﺄﺕ ﺍﻧﻚ ﻗﻤﺘﻲ ﻋﻦ ﺍﻟﺴﻔﺮﺓ ﻭﻣﺎ ﺭﺟﻌﺘﻲ … ﺟﻴﺖ ﺷﻮﻑ ﺍﺫﺍ ﺍﺷﺒﻚ ﺷﻲ .…
- ﺍﻳﭭﺎ : ﺍﻧﺎ ﻣﻨﻴﺤﺔ …… ﺑﺲ ﻭﺟﻌﺘﻨﻲ ﺑﻄﻨﻲ ﺷﻮﻱ …… ﺧﻠﺺ ﺍﻃﻤﻨﻲ ﻋﻠﻴﻲ .… ﻭﺭﻭﺣﻲ ﻋﻨﺪ ﺍﺑﻨﻚ ..…
- ﻣﺮﭬﺖ : ﻏﺮﻳﺐ ﺍﻣﺮﻙ .… ﻃﺎﻟﻌﺔ ﻃﺎﻟﻌﺔ ..… ﻳﻲ ……
ﻃﻠﻌﺖ ﻭﺳﻜﺮﺕ ﺍﻟﺒﺎﺏ …… ﻗﺮﺑﺖ ﺍﻳﭭﺎ ﻣﻦ ﺑﺎﺏ ﺍﻟﺤﻤﺎﻡ ﻭﻓﺘﺤﺘﻮ .…
- ﺍﻳﭭﺎ : ﻫﻬﻬﻬﻬﻪ .… ﻋﻠﻴﻚ ﺍﻻﻣﺎﻥ ﻃﻼﺍﺍﻉ …… ﻣﻮﻗﻒ ﻭﻻ ﺍﺟﻤﻞ .… ﺍﻭﻝ ﻣﺮﺓ ﺑﻨﺤﻂ ﻓﻴﻪ ..…
- ﺍﺳﻴﺮ : ﻟﻚ ﺍﻧﺘﻲ ﻣﻦ ﻛﻞ ﺷﻲ ﺑﺘﻌﻤﻠﻲ ﻧﻬﻔﺔ … ﻃﺎﻟﻊ .…
ﻃﻠﻊ ﻣﻦ ﺍﻟﺘﻮﺍﻟﻴﺖ … ﺣﻄﺖ ﺍﻳﺪﺍ ﻉ ﻣﻘﺒﺾ ﺍﻟﺒﺎﺏ ﻭﻫﻮﻱ ﻭﺭﺍﻫﺎ … ﻭﺍﻧﻔﺘﺢ ﺍﻟﺒﺎﺏ ﻋﻠﻴﻬﻦ … ﻭﺍﻧﺤﺸﺮﻭ ﺗﻨﻴﺎﺗﻦ ﻭﺭﺍﻩ …… ﻏﻤﻀﺖ ﻋﻴﻮﻧﺎ ﺍﻳﭭﺎ ﺑﻘﻮﺓ ﻭﻫﻴﻲ ﺑﺤﻀﻨﻮ … ‏( ﺧﻠﺺ ﺍﻧﻜﺸﻔﻨﺎ ‏) ..…
- ﻣﺠﺪ : ﻣﺎﻣﺎ ﻣﺎﻣﺎﺍﺍﺍﺍ ..…
- ﻣﺮﭬﺖ : ﻳﻼ ﺍﻣﻲ ﺟﺎﻱ ..… ﺍﻳﭭﺎ ﺧﺪﻱ ﻣﻦ ﺍﻳﺪﻱ ﺍﻟﻤﻨﺸﻔﺔ …
ﺗﺮﻛﺘﺎ ﻣﻦ ﺍﻳﺪﺍ ﻉ ﻣﻘﺒﺾ ﺍﻟﺒﺎﺏ ﻭﺭﺍﺣﺖ ﺗﺸﻮﻑ ﺍﺑﻨﺎ ﺷﻮ ﺑﺪﻭ .… ﺍﺧﺪﺕ ﺍﻳﭭﺎ ﻧﻔﺲ ﻃﻮﻳﻞ ‏( ﺍﻭﻭﻭﻑ .… ‏) ..… ﻭﻫﻴﻲ ﺑﻌﺪﺍ ﺑﺤﻀﻨﻮ ..… ﺍﻟﺘﻘﻮ ﻋﻴﻮﻧﻦ … ﻧﻈﺮﺍﺗﻦ ﻏﺮﻳﺒﺔ .… ﻛﻞ ﺣﺪﺍ ﻓﻴﻬﻦ ﻛﺎﻥ ﻋﻢ ﻳﺮﻓﺾ ﺍﻟﺒﻌﺪ … ﻭﺑﺬﺍﺕ ﺍﻟﻮﻗﺖ ﻻﺯﻡ ﻳﺒﻌﺪﻭ ..… ﺳﺤﺐ ﻧﻔﺲ ﻃﻮﻳﻞ … ﻭﺣﻜﺎ ﺟﻤﻠﺔ ﺑﺪﻭﻥ ﻭﻋﻲ ...
- ﺃﺳﻴﺮ : ﻭﻛﺈﻧﻮ ﻓﺮﻧﺴﺎ ﻛﻠﻬﺎ ﺍﻋﺘﺼﺮﺕ ﺑﺰﺟﺎﺟﺔ ﻋﻄﺮﻙ …………
ﻏﺮﻗﺖ ﺑﻌﻴﻮﻧﻮ .… ﺣﺎﻭﻟﺖ ﺗﻔﻬﻢ ﺷﻮ ﺻﺎﺭ ..… ﺑﻌﺪﺕ ﺍﻳﺪﻳﻬﺎ ﻋﻨﻮ .… ﻭﻫﻮﻱ ﻭﻋﻲ ﻉ ﺣﺎﻟﻮ ..…
- ﺍﺳﻴﺮ : ﻗﺼﺪﻱ ﻗﺼﺪﻱ … ﺷﻮ ﻫﻴﺪﺍ ﻓﻴﻠﻢ ﺭﻋﺐ .… ﻟﻚ ﻳﻼ ﺧﺪﻳﻠﻲ ﻃﺮﻳﻖ .… ﻟﻚ ﺍﻧﺎ ﺷﻮ ﻓﻮﺗﻨﻲ ﻟﻬﻮﻥ ﻣﺎ ﻋﺎﺭﻑ .…
ﺍﺑﺘﻤﺴﺖ ﺍﻳﭭﺎ ﻭﺑﻌﺪﺕ ﻋﻨﻮ … ﻓﺘﺤﺖ ﺍﻟﺒﺎﺏ ﻉ ﻭﺳﻌﻮ … ﺍﺧﺪﺕ ﺍﻟﻤﻨﺸﻔﺔ ﻭﺍﻃﻠﻌﺖ ﻳﻤﻴﻦ ﺷﻤﺎﻝ ..… ﻭﺍﺷﺮﺗﻠﻮ ﻳﻄﻠﻊ ﻋﺎﻟﺴﺮﻳﻊ .… ﻃﻠﻊ ﺑﺴﺮﻋﺔ .… ﻧﺰﻝ ﻗﺒﻞ ﻣﺎ ﺣﺪﺍ ﻳﺸﻮﻓﻮ ﻭﻣﺎ ﻋﺎﺩ ﻳﺨﻠﺺ ﻣﻦ ﺍﺳﺌﻠﺘﻦ .… ﺭﻛﺐ ﺳﻴﺎﺭﺗﻮ .… ﻣﺸﻲ … ﻭﺍﺧﺪ ﻧﻔﺲ ﻃﻮﻳﻴﻞ …… ﻭﻣﺎ ﻋﺎﺩ ﻗﺪﺭ ﻳﻜﺘﻢ ﺿﺤﻜﺘﻮ .…… ﺻﺎﺭ ﻳﺘﺬﻛﺮ ﻋﻴﻮﻧﺎ ﻭﺿﺤﻜﺘﺎ … ﺧﻮﻓﺎ ﻭﺩﻗﺎﺕ ﻗﻠﺒﺎ .… ﺍﻧﻔﺎﺳﺎ ﺍﻟﻤﺘﺴﺎﺭﻋﺔ .… ﺭﻳﺤﺘﺎ … ﺍﻭﻝ ﻣﺮﺓ ﺑﺸﻮﻑ ﻋﻴﻮﻧﺎ ﻫﺎﻟﻘﺪ ﻋﻦ ﻗﺮﺏ ..…
- ﺍﺳﻴﺮ : ﺭﺍﺍﺍﺋﻌﺔ .…… ‏( ﻫﺰ ﺭﺍﺳﻮ ﺑﻘﻮﺓ ﻟﻴﻄﻠﻊ ﻫﺎﻻﻓﻜﺎﺍﺍﺭ ‏) … ﻟﻚ ﺷﻮ ﺻﺮﻟﻲ ﺍﻧﺎ ……
___________________________________
- ﺍﺳﻴﺮ : ﻫﺎﻱ ﻛﻞ ﺍﻟﻘﺼﺔ .……
- ﺳﻤﻴﺮ : ﻫﻬﻬﻬﻬﻬﻬﻬﻬﻬﺎﺍﺍﺍﺍﺍﺍﻳﻲ ..… ﻫﻬﻬﻬﻬﻬﻬﻬﻬﻬﻬﻪ ..… ﻟﻚ ﻣﺎﺍﺍ ﻋﻢ ﺻﺪﻕ ……… ﻟﻚ ﻟﻤﺎ ﻗﻠﺘﻠﻚ ﺭﺡ ﺗﺼﻴﺮ ﺗﻔﻮﺕ ﺑﺎﻟﺨﻔﻴﺔ ﻉ ﻏﺮﻓﺘﺎ ﻣﺎ ﻛﻨﺖ ﺗﺼﺪﻕ ..… ﻫﻬﻬﻬﻬﻬﻬﻪ ……… ﺍﺧﺨﺦ .… ﻫﻬﻬﻬﻪ … ﺑﺮﺑﻲ ﺍﻧﻜﻦ ﻧﻬﻔﺔ …
- ﺍﺳﻴﺮ : ﺳﻤﻴﺮ ﺑﻼ ﻣﺴﺨﺮﺓ .… ﺍﻧﺎ ﻓﺘﺖ ﻛﺮﻣﺎﻝ ﻧﺴﺮﻳﻦ … ﻣﺶ ﺑﺪﺍﻓﻊ ﺍﻟﺤﺐ ﻣﺘﻞ ﻣﺎ ﺣﻀﺮﺗﻚ ﻗﻠﺖ .…
- ﺳﻤﻴﺮ : ﻳﺎ ﺳﻴﺪﻱ ﺑﺪﺍﻓﻊ ﺍﻟﺤﺐ ﻏﺼﺐ ﻋﻨﻚ .… ﺍﻱ … ﻻﻧﻮ ﺍﻧﺖ ﻋﺮﻓﺖ ﻛﻞ ﺷﻲ ﺑﺪﻙ ﻳﺎﺍﻩ … ﻭﻣﺎ ﺑﻘﺎ ﻣﻬﻢ ﺍﺫﺍ ﺑﺘﻔﻞ ﺍﻭ ﻻ .… ﺑﺲ ﺍﻧﺖ ﺟﻮﺍﺗﻚ ﺑﺪﻙ ﻳﺎﻫﺎ ﺗﻀﻞ ..…
- ﺍﺳﻴﺮ : ﺑﻪ ﺑﻪ ..…
- ﺳﻤﻴﺮ : ﻻﺍﺍﺍﺍﺍ ﻫﻴﻴﻚ ﻛﺘﻴﻴﻴﺮ .… ﺻﺮﺕ ﺗﺤﻜﻲ ﻣﺘﻼ ﻟﻜﻦ … ﺑﻪ ﺑﻪ .… ﻋﺸﺖ ﻭﺷﻔﺖ ﻳﺎ ﺳﻤﻴﺮ ﺻﺎﺣﺒﻚ ﺍﺳﻴﺮ ﻋﻢ ﻳﻀﺤﻚ ﻭﻳﺘﻤﺴﺨﺮ ﻭﻳﺴﺘﻬﺰﺀ ﻭﻳﺒﺘﺴﻢ .… ﺍﻭﻭﻭﻩ .… ﺍﺩﻱ ﻏﻴﺮﺗﻚ ﻫﺎﻟﻤﺨﻠﻮﻭﻗﺔ ..…
- ﺍﺳﻴﺮ : ﺳﻤﻴﻴﻴﻴﺮ ..…
- ﺳﻤﻴﺮ : ﺧﻠﺺ ﺳﻜﺘﻨﺎ ﺳﻜﺘﻨﺎ .… ﻫﻸ ﺷﻮ ﻣﻘﺮﺭ ﺗﻌﻤﻞ ﻣﺸﺎﻥ ﻋﺎﺻﻲ؟ ……
- ﺍﺳﻴﺮ : ﻓﻲ ﺧﻄﺔ ﺑﺮﺍﺳﻲ .… ﺭﺡ ﺷﻮﻑ ﺍﺫﺍ ﺑﺘﻮﺍﻓﻘﻨﻲ ﻋﻠﻴﻬﺎ .…
- ﺳﻤﻴﺮ : ﺍﻱ ﻳﻼ ﺍﺗﻔﻀﻞ ﺍﺣﻜﻲ .…
ﺍﻟﺠﺰﺀ ﺍﻟﺘﺎﺳﻊ ﻋﺸﺮ :
ﺑﻌﺪ ﻣﺮﻭﺭ ﻋﺪﺓ ﺍﻳﺎﻡ ……
- ﺍﺳﻴﺮ : ﺷﻮ ﻗﻠﺖ ﺍﺳﺘﺎﺫ ﻋﺎﺻﻲ ..… ﻻ ﺗﻔﻜﺮ ﻛﺘﻴﺮ .… ﺷﻴﻚ ﺑﺤﻴﺎﺗﻚ ﻣﺎ ﺑﺘﺤﻠﻢ ﻓﻴﻪ … ﻭﺗﻜﺖ ﻉ ﺑﻠﺪ ﺑﺤﻴﺎﺗﻚ ﻣﺎ ﺑﺘﺤﻠﻢ ﺗﺰﻭﺭﻭ .… ﻣﻘﺎﺑﻞ ﺍﻧﻚ ﺗﺒﻌﺪ ﻋﻦ ﺍﺧﺘﻲ ﻭﺑﺲ ……
- ﻋﺎﺻﻲ : ﺷﻮ ﺑﺤﺐ ﺍﻟﻨﺎﺱ ﺍﻟﻠﻲ ﺑﺘﻔﻬﻢ ﻋﻠﻴﻲ ﻓﻮﺭﺍ .… ﺭﻏﻢ ﺍﻧﻚ ﻃﻮﻟﺖ ﻛﺘﻴﺮ ﻳﺎ ﺍﺳﺘﺎﺫ … ﺑﺲ ﻫﺎﻟﺸﻲ ﻣﺎ ﺑﻴﻤﺮﻕ ﻋﻠﻴﻲ …… ﺍﺫﺍ ﺍﺗﺰﻭﺟﺖ ﺍﺧﺘﻚ ﺭﺡ ﻳﻄﻠﻌﻠﻲ ﺩﻭﺑﻞ ﺍﻟﺸﻚ .…
- ﺍﺳﻴﺮ : ﺑﺲ ﺍﺫﺍ ﻗﻄﻌﺖ ﺍﻟﻤﺼﺮﻭﻑ ﻋﻦ ﺍﺧﺘﻲ … ﻣﺎ ﺭﺡ ﻳﻄﻠﻌﻠﻚ ﻓﺮﻧﻚ ﻭﺍﺣﺪ ……
ﺣﻤﻞ ﻋﺎﺻﻲ ﺍﻟﻈﺮﻑ … ﺭﺑﺘﻮ ﻉ ﺍﻳﺪﻭ ..… ﻭﺍﺑﺘﺴﻢ ﺑﺴﻤﺔ ﺧﺒﺚ ﺑﻌﺪ ﺗﻔﻜﻴﺮ ﻣُﻄﻮّﻝ .…
- ﻋﺎﺻﻲ : ﺍﺧﺮ ﻟﻘﺎﺀ …… ﻣﺎ ﺑﻘﺎ ﺡ ﻓﺮﺟﻴﻚ ﺻﻮﺭﺓ ﻭﺟﻲ ..…
ﻃﻠﻊ ﻣﻦ ﺍﻟﻤﻜﺘﺐ … ﻭﻗﻌﺪ ﺍﺳﻴﺮ ﻉ ﻣﻜﺘﺒﻮ ﺑﺘﻮﺗﺮ ﻭﻫﻤﺲ ‏( ﻧﺎﺱ ﺯﺑﺎﺍﺍﻟﺔ ‏)..……
__________________________________
- ﺍﻳﭭﺎ : ﺷﻮ ﻋﻤﻠﺖ ؟ … ﻣﺸﻲ ﺍﻟﺤﺎﻝ ؟
- ﺍﺳﻴﺮ : ﻧﺎﻃﺮﺗﻴﻨﻲ ﻋﺎﻟﺒﺎﺏ … ﺧﻠﻴﻨﻲ ﻓﻮﺕ ﺍﺧﺪ ﻧﻔﺲ .… ﺍﻱ ﻣﺸﻲ ﺍﻟﺤﺎﻝ … ﻭﻳﻨﺎ ﻧﺴﺮﻳﻦ …
- ﺍﻳﭭﺎ : ﺑﻐﺮﻓﺘﺎ ..… ﻻ ﺗﻄﻠﻊ ﻟﻌﻨﺪﺍ .… ﺑﺮﺃﻳﻲ ﺑﻼ ﻣﺎ ﺗﺨﺒﺮﺍ ﺍﻧﻮ ﻓﻞ .… ﺧﻠﻴﻬﺎ ﺗﻜﺘﺸﻒ ﻟﺤﺎﻻ …
- ﺍﺳﻴﺮ : ﻭﻫﻴﺪﺍ ﺭﺃﻳﻲ …… ﺻﺎﺭ ﻓﻴﻨﻲ ﻓﻮﺕ ﻉ ﺑﻴﺘﻲ .…
- ﺍﻳﭭﺎ : ﺍﻩ ﺍﻱ .… ﻫﻬﻬﻪ .. ﺗﻔﻀﻞ .……
- ﺍﻡ ﺍﺳﻴﺮ : ﺍﻳﭭﺎ ﻣﻴﻴﻦ ﺍﺟﺎﺍ ..…
- ﺍﻳﭭﺎ : ﺍﺳﻴﻴﺮ ﺧﺎﻟﺘﻴﻴﻲ ..…
- ﺍﻡ ﺍﺳﻴﺮ : ﺑﻜﻴﺮ ﻟﻚ ﺍﺑﻨﻲ … ﻣﺎ ﺑﺎﻟﻌﺎﺩﺓ ……
- ﺍﺳﻴﺮ : ﺗﻌﺒﺖ ﺷﻮﻱ ﻭﺍﺟﻴﺖ ﺍﺭﺗﺎﺡ .… ﻃﺎﻟﻊ ﻉ ﻏﺮﻓﺘﻲ ……
ﺑﻌﺪ ﺳﺎﻋﺔ ﺍﻧﻔﺘﺢ ﺍﻟﺒﺎﺏ ﺑﻘﻮﺓ ﻉ ﺍﺳﻴﺮ .… ﻭﺭﺟﻊ ﺍﺗﺴﻜﺮ .… ﻭﺭﻛﻀﺖ ﺍﻳﭭﺎ ﻟﻌﻨﺪﻭ .… ﻃﻠﻌﺖ ﻋﺎﻟﺘﺨﺖ ﻭﺻﺎﺭﺕ ﺗﻮﻋﻴﻪ ……
- ﺍﻳﭭﺎ : ﻟﻚ ﺍﺳﻴﻴﺮ ﺍﻧﺖ ﻧﺎﺍﺍﻳﻢ … ﺍﻭﻋﻰ ﺍﻭﻋﻰ .…
- ﺍﺳﻴﺮ ‏( ﻣﻔﺘﺢ ﻋﻴﻦ ﺍﻱ ﻭﻋﻴﻦ ﻻ ‏) : ﺷﻮ ﺻﺎﺍﺍﻳﺮ .… ؟ !!
ﺑﻌﺪﺕ ﻓﺠﺄﺓ ﻋﻨﻮ ﻭﻭﻗﻔﺖ ﺑﻌﻴﺪ ﻋﻦ ﺗﺨﺘﻮ … ﺯﺑﻄﺖ ﺗﻴﺎﺑﻬﺎ .… ﻭﺍﻃﻠﻌﺖ ﺣﻮﺍﻟﻴﻬﺎ … ﺍﻭﻝ ﻣﺮﺓ ﺑﺘﻔﻮﺕ ﻟﻌﻨﺪﻭ ﻋﺎﻟﻐﺮﻓﺔ .… ﻭﻫﻮﻱ ﻃﻮّﻝ ﻻﺳﺘﻮﻋﺐ ﻭﺟﻮﺩﺍ … ﻭﻋﻢ ﻳﻔﻜﺮ ﻣﻦ ﺍﻳﻤﺘﺎ ﺻﺎﺭﺕ ﺍﻟﻌﻼﻗﺔ ﻣﻄﻮﺭﺓ ﻫﺎﻟﻘﺪ ﺑﻴﻨﻦ ……
- ﺍﺳﻴﺮ : ﺣﺘﻰ ﺍﻟﻘﻴﻠﻮﻟﺔ ﻓﻴﻬﺎ ﺍﺯﻋﺎﺝ ……
- ﺍﻳﭭﺎ : ﻟﻚ ﺍﻧﺎ ﺍﺳﻔﺔ .… ﺑﺲ ﺑﺲ ﻣﺎ ﺑﺪﻱ ﺧﺒﻲ ﻋﻠﻴﻚ ﺷﻲ ..… ﺑﻌﺘﻠﻲ ﻋﺎﺻﻲ ﻣﺴﺞ ﺍﻧﺰﻝ ﻟﺘﺤﺖ ﻓﻮﺭﺍ ..… ﺷﻮ ﺍﻋﻤﻞ .… ﻫﻴﺪﺍ ﻣﺠﻨﻮﻥ .… ﻣﺎ ﻉ ﺍﺳﺎﺱ ﻣﺴﺎﻓﺮ .… ﻧﺤﻦ ﻛﻨﺎ ﺍﻏﺒﻴﺎﺀ ﻟﻤﺎ ﺗﻮﻗﻌﻨﺎ ﺍﻧﻮ ﺑﻬﺎﻟﻬﻴﻦ ﺭﺡ ﻳﻔﻞ ..…
- ﺍﺳﻴﺮ : ﺭﻭﻗﻲ ﻟﻴﻪ ﺑﺘﻨﻔﻌﻠﻲ ﺑﺴﺮﻋﺔ ..… ﺍﻧﺰﻟﻲ ﺷﻮﻓﻲ ﺷﻮ ﺑﺪﻭ .… ﻻ ﺗﺨﺎﻓﻲ ﺍﻧﺎ ﻭﺭﺍﻛﻲ .…
ﻃﻠﻌﺖ ﻣﻦ ﺍﻟﻐﺮﻓﺔ ﺑﻌﺪ ﻣﺎ ﺗﻔﺤﺼﺖ ﺍﺫﺍ ﻓﻲ ﺣﺪﺍ ﺑﺎﻟﻄﺎﺑﻖ ﻭﻧﺰﻟﺖ ﻟﺘﺤﺖ .… ﺛﻮﺍﻧﻲ ﻭﻟﺤﻘﻬﺎ ﺍﺳﻴﺮ … ﻃﻠﻌﺖ ﻟﺒﺮﺍ .… ﻭﻣﺸﻴﺖ ﻛﻢ ﻣﺘﺮ ﻭﻟﻘﺖ ﻋﺎﺻﻲ ﻧﺎﻃﺮﻫﺎ ﺣﺪ ﺍﻟﺴﻴﺎﺭﺓ ..…
- ﺍﻳﭭﺎ : ﺷﻮﻭ ﺑﺪﻛﻜﻜﻚ ..…
- ﻋﺎﺻﻲ : ﺻﺎﺭ ﻓﻴﻨﺎ ﻧﺤﻘﻖ ﺣﻠﻤﻨﺎ .… ﻣﺸﻲ ﻣﻌﻲ … ﺭﺡ ﻧﺴﺎﻓﺮ ﺍﻧﺎ ﻭﻳﺎﻛﻲ … ﻭﻧﺒﻌﺪ ﻋﻦ ﻛﻞ ﻫﺎﻟﻮﺳﺦ .…
- ﺍﻳﭭﺎ : ﻋﻢ ﺗﺤﻠﻢ … ﺍﻧﺖ ﺍﻟﻮﺳﺦ ﺑﺤﺪ ﺫﺍﺗﻮ … ﻓﻲ ﺷﻲ ﺑﺮﺍﺍﺍﺳﻚ ﻋﺎﺍﺻﻲ … ﻗﻠﻠﻲ ..…
ﻗﺮﺏ ﻭﻣﺴﻜﻬﺎ ﻣﻦ ﺍﻳﺪﻫﺎ ﺑﻘﻮﺓ ..… ﻭﺟﺮﺟﺮﻫﺎ ﻋﺎﻟﺴﻴﺎﺭﺓ ..…
- ﻋﺎﺻﻲ : ﻏﺼﺐ ﻋﻨﻚ ﺭﺡ ﺗﺠﻲ ﻣﻌﻴﻴﻲ .… ﻋﻢ ﺗﻔﻬﻤﻴﻴﻲ ..…
ﺻﺎﺭ ﻳﺸﺪﻫﺎ ﻋﺎﻟﺴﻴﺎﺭﺓ ﻭﻫﻴﻲ ﺗﻘﺎﻭﻡ ﻭﺗﺼﺮﺥ .… ﻭﺗﺴﺄﻝ ﺣﺎﻻ ﻭﻳﻦ ﺍﺳﻴﻴﺮ ﻟﻬﻸ .……
- ﻋﺎﺻﻲ : ﻟﻚ ﺍﺧﺮﺳﻲ ﺍﺳﻜﺘﻲ … ﺭﺡ ﺗﻠﻤﻲ ﺍﻟﺪﻧﻴﺎ ﻋﻠﻴﻨﺎ ……
ﺍﺟﺎ ﺻﻮﺕ ﺭﻥ ﺑﺎﺩﻥ ﻋﺎﺻﻲ ﺭﻥ ..…
- ﺍﺳﻴﺮ : ﻟﻮﻳﻦ ﻫﺮﺑﺎﻧﻴﻦ ﺍﺳﺘﺎﺫ ﻋﺎﺻﻲ ……
ﺑﺮﻡ ﺷﻮﻱ ﺷﻮﻱ ﻧﺎﺡ ﺍﻟﺼﻮﺕ .… ﺑﻠﻊ ﺭﻳﻘﻮ …… ﻭﻣﻊ ﻛﻞ ﺧﻄﻮﺓ ﻳﻘﺮﺑﻬﺎ ﺍﺳﻴﺮ ﻟﻌﻨﺪﻭ ﺗﺰﺩﺍﺩ ﺩﻗﺎﺕ ﻗﻠﺒﻮ .… ﻭﻋﻘﻠﻮ ﻳﺸﺘﻐﻞ ﻉ ﻛﻞ ﺍﻟﻤﻴﻼﺕ ﻟﺤﺘﻰ ﻳﺪﻭﺭ ﻉ ﺣﺠﺞ .…
- ﻋﺎﺻﻲ : ﺍﺳﻴﺮ ﻫﺎﻱ ﺍﻟﺒﻨﺖ ﻻﺯﻡ ﺗﻨﺘﺒﻬﻮ ﻣﻨﺎ ..… ﻋﻢ ﺗﻠﻌﺐ ﻋﻠﻴﻲ .… ﻭﺣﺪﺓ ﺍﺳﺘﻐﻼﻟﻴﺔ .…
- ﺍﺳﻴﺮ : ﻋﻨﺠﺪ ؟ !
- ﻋﺎﺻﻲ : ﺍﻱ ﻭﻛﺎﻧﺖ ﻋﻢ ﺗﺤﺎﻭﻝ ﺗﺴﺤﺒﻨﻲ ﻣﻦ ﺍﻳﺪﻳﻦ ﻧﺴﺮﻳﻦ ﺑﺎﻟﻘﻮﺓ .…
- ﺍﺳﻴﺮ : ﻗﻠﺘﻠﻲ …… !! ﺍﻱ ..…
ﻗﺮﺏ ﻫﻮﻱ ﻭﻋﻢ ﻳﺒﺘﺴﻢ .…… ﻭﺑﻮﻛﺲ ﻭﺍﺣﺪ ﻛﺎﻥ ﻋﺎﺻﻲ ﻋﺎﻻﺭﺽ .…… ﺣﺮﻙ ﺍﺳﻴﺮ ﺍﻳﺪﻭ ﻋﺎﻟﻴﻤﻴﻦ ﻭﻋﺎﻟﺸﻤﺎﻝ ..… ﻭﻧﺰﻝ ﺳﺤﺒﻮ ﻟﻔﻮﻕ ﻭﺻﺎﺭ ﻳﻀﺮﺑﻮ ……
- ﻋﺎﺻﻲ : ﻫﺎﻱ ﺍﺧﺮ ﻓﺮﺻﺔ .… ﺑﺘﻨﻘﻠﻊ ﻣﻦ ﺧﻠﻘﺘﻲ ..… ﻭﺍﻻ ﻭﺍﻟﻠﻪ ﻭﺍﻟﻠﻲ ﺍﺳﻤﻮ ﺍﻟﻠﻪ ﺍﻧﻮ ﺑﺎﻟﻴﻮﻡ ﺍﻟﻠﻲ ﺑﺸﻮﻑ ﻓﻴﻪ ﺻﻮﺭﺓ ﻭﺟﻚ ﺡ ﺗﻜﻮﻥ ﺍﺧﺮ ﻣﺮﺓ ﺍﻟﻚ ﻓﻴﻬﺎ ﺑﺘﺸﻮﻑ ﺍﻟﻀﻮ .… ‏( ﺻﺮﺥ ‏) ﺷﻮ ﻓﻬﻤﺖ ……
ﺍﻃﻠﻊ ﺍﺳﻴﺮ ﻧﺎﺡ ﺑﺎﺏ ﺍﻟﻔﻴﻼ ﺍﻟﻠﻲ ﻋﻢ ﻳﻨﻔﺘﺢ …… ﻭﻣﺴﻜﻮ ﻣﻦ ﻗﻤﻴﺼﻮ ﻭﻃﻠﻌﻮ ﻋﺎﻟﺴﻴﺎﺭﺓ ﺑﺎﻟﻘﻮﺓ ..…
- ﺍﺳﻴﺮ : ﺍﻣﺸﻲ ﻣﻦ ﺧﻠﻘﺘﻲ …… ﻗﻮﺍﺍﺍﺍﺍﺍﺍﺍﺍﺍﻡ ..……
ﻣﺸﻲ ﻋﺎﺻﻲ ﺑﺎﻟﺴﻴﺎﺭﺓ .… ﻭﻫﻮﻱ ﻋﻢ ﻳﻬﺪﺩ ﻭﻳﺘﻮﻋﺪ ..…… ﻭﺍﺳﻴﺮ ﺣﺎﻭﻝ ﺍﻧﻮ ﻳﺮﺟﻊ ﻃﺒﻴﻌﻲ .… ﻭﺑﺮﻡ ﻧﺎﺡ ﺍﻟﺒﺎﺏ .…… ﻭﺍﻳﭭﺎ ﺍﺧﺘﻔﺖ ..… ﺍﻃﻠﻊ ﺣﻮﺍﻟﻴﻪ ﻣﻨﻴﺢ .…… ﻣﺎ ﻟﻘﺎﻫﺎ ……
- ﺍﻡ ﺍﺳﻴﺮ : ﻟﻚ ﺍﺑﻨﻲ ﺷﻮ ﻫﺎﻻﺻﻮﺍﺕ ﻭﺍﻟﻀﺠﺔ ..…
- ﻧﺴﺮﻳﻦ : ﺻﺎﻳﺮ ﺷﻲ ..…
- ﺍﺳﻴﺮ : ﻻ ﺗﺨﺎﻓﻮﺍ ..… ﺷﻘﻔﺔ ﺣﻴﻮﺍﻥ ﺍﺧﺪ ﺍﻟﻠﻲ ﻓﻴﻪ ﺍﻟﻨﺼﻴﺐ ﻭﺭﺍﺡ ..……
ﻓﺎﺗﻮ ﻋﺎﻟﻔﻴﻼ .…… ﻭﺍﺳﻴﺮ ﻋﻢ ﻳﺘﻔﻘﺪ ﺍﻻﻣﺎﻛﻦ ﻟﻴﺸﻮﻑ ﻭﻳﻦ ﺭﺍﺣﺖ ﺍﻳﭭﺎ .…… ﻭﻫﻤﺲ ﺑﻘﻠﺒﻮ ‏( ﺑﺲ ﺍﻧﺎ ﻣﺘﺄﻛﺪ ﺍﻧﻮ ﻣﺎ ﺍﺧﺪﻫﺎ ﻣﻌﻮ … ﻣﺴﺘﺤﻴﻞ ﻛﻮﻥ ﺍﻋﻤﻰ ﻟﻬﺎﻟﺪﺭﺟﺔ (…
ﺣﻤﻞ ﺣﺎﻟﻮ ﻭﺿﻬﺮ ﻣﻦ ﺍﻟﺒﻴﺖ ..… ﺑﺮﻡ ﺑﻜﻞ ﻣﻜﺎﻥ …… ﻟﺤﺪ ﻣﺎ ﺑﺎﻻﺧﺮ ﺍﺟﺖ ﻣﻦ ﺑﻌﻴﺪ .… ﺭﻛﺾ ﻟﻌﻨﺪﺍ .…
- ﺍﺳﻴﺮ ‏( ﺑﻌﺼﺒﻴﺔ ‏) : ﺍﻧﺘﻲ ﻭﻳﻴﻦ ﻛﻨﺘﻲ .… !!!!!!!
- ﺍﻳﭭﺎ : ﻭﺍﻧﺖ ﺷﻮ ﻓﺎﺭﻗﺔ ﻣﻌﻚ …… ﺷﻮ ﺑﻬﻤﻚ ؟ ! ﻟﻴﻪ ﺷﻮ ﺍﻧﺎ ﺑﺤﻴﺎﺗﻚ ؟ ……!!!
- ﺍﺳﻴﺮ : ﻟﻚ ﺍﻧﺘﻴﻴﻲ .… ﺍﻧﺘﻲ .… ﺍﻧﺎ ﺧﻔﺖ … ﺧﻠﺺ ﺍﻧﺴﻲ … ﻓﻜﺮﺕ ﺻﺮﻟﻚ ﺷﻲ … ﺍﻭ ﻫﺎﻟﺤﻴﻮﺍﻥ ﺍﺧﺪﻙ ﻉ ﺷﻲ ﻣﻜﺎﻥ ……
- ﺍﻳﭭﺎ : ﻻ ﺗﺨﺎﻑ … ﺣﺴﻴﺖ ﺍﻧﻮ ﺍﻣﻚ ﻭﺍﺧﺘﻚ ﺟﺎﻳﻴﻦ ﻓﻀﻠﺖ ﻛﻮﻥ ﺑﻌﻴﺪﺓ .…
- ﺍﺳﻴﺮ : ﻋﻤﻠﺘﻲ ﻣﻨﻴﺢ .…
__________________________________
ﺑﻌﺪ ﻣﺮﻭﺭ ﻋﺪﺓ ﺍﻳﺎﻡ ……
- ﻧﺴﺮﻳﻦ : ﺧﻴﻲ …… ﺍﺳﻴﻴﺮ .… ﻭﻳﻦ ﺻﺎﻓﻦ .…
- ﺍﺳﻴﺮ : ﺍﻧﺎ ﻫﻮﻥ .… ﻣﻌﻚ …
- ﻧﺴﺮﻳﻦ : ﺧﻴﻲ ﻫﻴﺪﺍ ﻋﺎﺻﻲ ﺍﻟﻮ ﻛﻢ ﻳﻮﻡ ﻣﺨﺘﻔﻲ ﻭﺗﻠﻔﻮﻧﻮ ﻣﻐﻠﻖ … ﻗﻠﺖ ﺍﻧﻮ ﺑﻨﻄﺮ ﺷﻮﻱ ﻗﺒﻞ ﻣﺎ ﺧﺒﺮﻙ ..… ﺑﺲ ﺍﻧﺎ ﺧﺎﻳﻔﺔ ﻋﻠﻴﻪ .……
- ﺍﺳﻴﺮ : ﺍﺧﺘﻲ ﺍﻧﺴﻲ ﻋﺎﺻﻲ ﺍﻱ ..… ﻻ ﺗﺨﺎﻓﻲ ﻉ ﺣﺪﺍ ﻣﺎ ﺑﻴﺴﺘﺎﻫﻞ .…
- ﻧﺴﺮﻳﻦ ‏( ﺑﻌﺼﺒﻴﺔ ‏) : ﻣﻴﻴﻴﻴﻦ ﻗﻠﻠﻚ ﻣﺎ ﺑﻴﺴﺘﺎﺍﺍﻫﻞ ..… ﺍﻧﺖ ﻃﻮﻝ ﻋﻤﺮﻙ ﻫﻴﻴﻴﻚ ﺑﺘﻜﺮﻫﻮ … ﻭﺑﺪﻙ ﻳﺎﻧﺎ ﻧﻨﻔﺼﻞ .…
- ﺍﺳﻴﺮ ‏( ﺑﺼﺮﺍﺥ ‏) : ﻫﻴﺪﺍ ﺍﻟﻠﻲ ﻋﻢ ﺗﺪﺍﺍﺍﺍﺍﻓﻌﻲ ﻋﻨﻮﻭﻭ ﻳﺎ ﺍﺧﺘﻲ … ﻧﻬﺐ ﻋﻠﻴﻴﻲ ﻗﺮﺷﻴﻦ ﻭﻫﺮﺏ ﻭﻣﺎ ﺑﻘﺎ ﺭﺡ ﻳﻔﺮﺟﻴﻨﺎ ﺻﻮﺭﺓ ﻭﺟﻮ … ﻫﻴﺪﺍ ﺍﻻﺳﺘﺎﺍﺍﺫ ﺍﻟﻤﺼﻮﻭﻭﻭﻭﻥ ﺑﺎﺍﺍﺍﺍﺍﻋﻚ ﻳﺎ ﻧﺴﺮﻳﻴﻦ .… ﺑﺎﺍﺍﺍﺍﻋﻚ …
ﺍﻟﺠﺰﺀ ﺍﻟﻌﺸﺮﻭﻥ :
ﻧﺴﺮﻳﻦ ‏( ﺑﻬﻤﺲ ﻭﻋﺪﻡ ﺗﺼﺪﻳﻖ ‏) : ﻣﺴﺘﺤﻴﻞ .… ﻋﺎﺻﻲ ﻣﺎ ﺑﻴﺘﺨﻠﻰ ﻋﻨﻲ .… ﻣﺎ ﻫﻴﻚ ﺧﻴﻲ … ﻻ ﻻ ﻻ ﻋﺎﺻﻲ ﻣﺎ ﺑﻔﻞ ﻭﺑﻴﺘﺮﻛﻨﻲ …
ﺻﺎﺭﺕ ﺗﺸﻬﻖ ﻭﺗﻨﺰﻝ ﺷﻮﻱ ﺷﻮﻱ ﻋﺎﻻﺭﺽ … ﺭﻛﺾ ﻟﻌﻨﺪﺍ ﺍﺳﻴﺮ ﻭﻫﺪﺍﻫﺎ .…… ﺭﻣﺖ ﺣﺎﻻ ﺑﺤﻀﻨﻮ ﻭﻫﻮﻱ ﺣﻂ ﺍﻳﺪﻭ ﻉ ﺭﺍﺳﺎ ﺷﺪ ﻋﻠﻴﻬﺎ ﻟﺼﺪﺭﻭ … ﻭﻓﺎﺗﺖ ﺑﻤﻮﺟﺔ ﺑﻜﻲ ﻓﻈﻴﻴﻴﻌﺔ .…… ﻭﻫﻴﻲ ﺗﺘﺬﻛﺮ ﻛﻠﻤﺎﺗﻮ … ﻏﺰﻟﻮ … ﺣﺒﻮ ﺍﻟﻬﺎ .… ﻭﺍﺧﺮ ﻟﻴﻠﺔ ﻗﻀﻮﻭﻭﻫﺎ ﺳﻮﺍﺍ … ﻳﻤﻜﻦ ﻣﺎ ﺗﺄﻟﻤﺖ ﻉ ﻏﻴﺎﺑﻮ ﺍﺩ ﻣﺎ ﺗﺄﻟﻤﺖ ﻉ ﺷﺮﻓﻬﺎ … ﻉ ﻋﻤﺮﻫﺎ ﺍﻟﻠﻲ ﺿﺎﻉ ﺑﺎﻧﺘﻈﺎﺭﻭ … ﻋﺎﻟﺴﻨﻴﻦ ﺍﻟﻤﺎﺿﻴﺔ …
ﺭﻛﻀﺖ ﺍﻡ ﺍﺳﻴﺮ ﻣﻦ ﺟﻮﺍ ……
- ﺍﻡ ﺍﺳﻴﺮ : ﺷﻮﻭﻭ ﺻﺎﺍﺍﻳﺮ ..… ﺷﻮ ﻓﻴﻴﻲ .… ﺷﻮ ﺑﻬﺎ ﺑﻨﺘﻲ …… ﺍﺳﻴﻴﺮ ﺍﺣﻜﻲ ﺷﻲ ..…
ﻓﺎﺗﻮ ﺍﻟﻜﻞ ﻋﺎﻟﻐﺮﻓﺔ ..…
- ﺳﺎﻫﺮ : ﺷﻮ ﺑﻬﺎ ﻧﺴﺮﻳﻦ .…… ﺍﻫﺪﻱ ﺍﺧﺘﻲ ﻟﻴﻪ ﻋﻢ ﺗﺒﻜﻲ .… ﺷﻮ ﺻﺎﺍﻳﺮ ..…
ﺭﻛﺾ ﻣﺠﺪ ﻟﺤﻀﻦ ﻧﺴﺮﻳﻦ : ﻋﻤﺘﻮ ﻋﻤﺘﻮﻭﻭ ﺷﻮ ﺑﻜﻲ .… ﻋﻤﺘﻮ ﻭﺍﻟﻠﻪ ﺍﻧﺎ ﺑﺤﺒﻚ ..…
ﺑﻌﺪﺕ ﻣﻦ ﺣﻀﻦ ﺧﻴﻬﺎ ..… ﻭﻏﻤﺮﺕ ﻣﺠﺪ .…… ﻭﺷﺪﺕ ﻋﻠﻴﻪ ﻛﺘﻴﺮ ..… ﺗﺸﻬﻖ ﻭﺗﺒﻜﻲ … ﻫﺎﻟﻄﻔﻞ ﺭﻣﺰ ﻻﻟﻬﺎ ﺑﺎﻟﺤﻨﺎﻥ ﻭﺍﻟﺒﺮﺍﺀﺓ .……
- ﻣﺠﺪ : ﻻ ﺗﺒﻜﻲ ﻋﻤﺘﻮﻭ .…
- ﻧﺴﺮﻳﻦ : ﺍﺥ ﻳﺎ ﻋﻤﺘﻲ ﺍﺧﺨﺦ .…… ﻟﻮ ﺑﻌﺪﻧﻲ ﻃﻔﻠﺔﺓﺓﺓ ..……
_________________ ﺑﻌﺪ ﻣﺮﻭﺭ ﺷﻬﺮﻳﻦ ________________
ﻓﻮﺗﺘﻼ ﺍﻳﭭﺎ ﻛﺎﺳﺔ ﻣﻲ ﻟﻨﺴﺮﻳﻦ .…… ﻭﻗﻌﺪﺕ ﺣﺪﻫﺎ ..…
- ﺍﻳﭭﺎ : ﺻﺮﺗﻲ ﺍﺣﺴﻦ ؟ ……
- ﻧﺴﺮﻳﻦ : ﺍﻱ … ﺧﻠﺺ ﺍﺗﺄﻗﻠﻤﺖ .… ﻣﺎ ﻋﺎﺩ ﺗﻌﺎﻣﻠﻮﻧﻲ ﻣﺘﻞ ﺍﻟﺼﻐﺎﺍﺭ .…
- ﺍﻳﭭﺎ : ﺍﻟﺤﻤﺪﻟﻠﻪ .… ﻟﻜﻦ ﻳﻼ ﻗﻮﻣﻲ ﺍﻧﺰﻟﻲ ﺗﻐﺪﻱ ﻣﻌﻨﺎ ﺗﺤﺖ …… ﺍﻟﻜﻞ ﻧﺎﻃﺮﻳﻨﻚ … ﻭﻣﻌﺰﻭﻡ ﺳﻤﻴﺮ ﺻﺎﺣﺒﻮ ﻻﺳﻴﺮ ﻛﻤﺎﻥ ……
- ﻧﺴﺮﻳﻦ : ﺍﻭﻭﻑ ﺷﻮ ﺟﺎﺑﻮ ﻫﺎﺩ .… ﺍﻧﺎ ﻣﺎ ﺍﻟﻲ ﺧﻠﻖ ﻋﺎﻟﻐﺮﺑﺎ .… ﻣﺎ ﺑﺪﻱ ﺳﺎﻳﺮ ﻭﻻ ﺍﺗﺄﻳﺪ ﺑﻮﺟﻮﺩ ﺣﺪﺍ …… ﺑﺪﻱ ﺍﺧﺪ ﺭﺍﺣﺘﻲ ﺑﻴﻦ ﺍﻫﻠﻲ .…
- ﺍﻳﭭﺎ : ﻻ ﺗﺤﻜﻲ ﻫﻴﻚ ..… ﺍﻧﺰﻟﻲ ﻭﺍﺗﺼﺮﻓﻲ ﻣﺘﻞ ﻣﺎ ﺑﺪﻙ … ﻭﺍﻟﻠﻲ ﻣﺶ ﻣﻌﺎﺟﺒﻮ ﻻ ﻳﺠﻲ .…
- ﻧﺴﺮﻳﻦ : ﻫﻬﻬﻬﻬﻪ .… ﻳﻼ ﻧﺎﺯﻟﺔ .……
ﻋﺎﻟﺴﻔﺮﺓ ﺗﺤﺖ ..…… ﺻﻤﺖ … ﻫﺪﻭﺀ ..… ﺑﺲ ﺟﻮﺍﺕ ﻛﻞ ﻭﺍﺣﺪ ﻓﻲ ﺯﻻﺯﻝ ﻭﺑﺮﺍﻛﻴﻦ .… ﻗﻄﻊ ﻫﺎﻟﺼﻤﺖ … ﻧﺴﺮﻳﻦ ..…
- ﻧﺴﺮﻳﻦ : ﺍﺳﻴﺮ ..… ﻣﺶ ﺍﻧﺖ ﻣﺎ ﻓﻴﻚ ﻉ ﺯﻋﻠﻲ .…
- ﺍﺳﻴﺮ : ﺍﻛﻴﺪ ﺍﺧﺘﻲ ..…
ﺍﻃﻠﻌﺖ ﺑﺎﻣﻬﺎ ﺍﻟﻠﻲ ﺯﻭﺭﺗﻬﺎ ﻭﻋﻤﻠﺘﻠﻬﺎ ﺣﺮﻛﺔ ﺍﻧﻮ ﺍﻭﻭﻋﻚ ﺗﺤﻜﻲ .… ﺭﺟَّﻌﺘﻼ ﺍﻟﺤﺮﻛﺔ ﺑﻤﻌﻨﻰ ﻣﺒﻼ ﺑﺪﻱ ﺍﺣﻜﻲ .…
- ﻧﺴﺮﻳﻦ : ﺑﺪﻧﺎ ﻧﺤﺘﻔﻞ ﺑﻜﺮﺍ ﺑـ .……
ﻭﻗﻒ ﻭﺯﺕ ﺍﻟﻤﻠﻌﻘﺔ ﻣﻦ ﺍﻳﺪﻭ ..… ﺭﻓﻊ ﺳﺒﺎﺑﺘﻮ ﻧﺎﺣﻬﺎ ..…
- ﻧﺴﺮﻳﻦ : ﺍﻭﻭﻭﻭﻋﻚ .… ﺍﻭﻋﻚ ﻧﺴﺮﻳﻦ …… ﻣﺎ ﺗﺴﺘﻐﻠﻲ ﻋﻄﻔﻲ ﻋﻠﻴﻜﻲ ﻭﻭﺿﻌﻚ ﻫﻴﺪﺍ … ﻛﺮﻣﺎﻝ ﺗﺨﻠﻴﻨﻲ ﺍﻋﻤﻞ ﺷﻲ ﻣﻦ ﺳﻨﻴﻦ ﺭﺍﻓﻀﻮ …… ﻫﻴﺪﺍ ﺍﻟﻤﻮﺿﻮﻉ ﺑﺨﺼﻨﻲ ﺍﻟﻲ ﺍﻧﺎ ……
ﻛﻔﺘﻮ ﺩﻣﻮﻋﺎ ﻭﺣﺎﻭﻟﺖ ﺗﺤﻜﻲ : ﺧﻠﺺ ﻣﺎﺷﻲ … ﺭﻭﻕ ……
ﻃﻠﻊ ﻣﻦ ﺍﻟﺒﻴﺖ ﻭﻟﺤﻘﻮ ﺳﻤﻴﺮ .……
- ﺳﻤﻴﺮ : ﻟﻚ ﺷﻮ ﺻﺎﻳﺮﻟﻚ ..… ﺍﺧﺘﻚ ﻣﺎ ﺑﺘﺤﻤﻞ ﺑﻘﺎ ﺩﻣﻮﻭﻉ .… ﻗﻠﻨﺎ ﺍﻳﭭﺎ ﻏﻴﺮﺗﻚ … ﺑﺲ ﺍﻟﻨﺘﻴﺠﺔ ﺍﺳﻮﺀ .…
- ﺍﺳﻴﺮ : ﺍﻟﻄﺒﻊ ﺑﻴﻠﻐﺐ ﺍﻟﺘﻄﺒﻊ ﻳﺎ ﺍﺳﺘﺎﺫ .…
- ﺳﻤﻴﺮ : ﻟﻜﻦ ﻃﻤﻨﺘﻨﻲ … ﺭﺡ ﺗﺮﺟﻊ ﺷﻲ ﻳﻮﻡ ﻟﻄﺒﻌﻚ ﻗﺒﻞ ١٦ ﺳﻨﺔ .……
- ﺍﺳﻴﺮ : ﺳﻤﻴﺮ ﺣﻞ ﻋﻨﻲ .… ﻣﺎ ﺑﺘﺘﺬﻛﺮ ﺍﺧﺮ ﻣﺮﺓ ﺷﻮ ﺻﺎﺭ ﻳﻬﺎﻟﻴﻴﻮﻭﻡ … ﻭﺍﺧﺘﻲ ﺍﻟﻤﺤﺘﺮﻣﺔ ﺑﺪﺍ ﻳﺎﻧﺎ ﻧﺤﺘﻔﻞ ...…… ﻭﻣﺎ ﺑﻘﺎ ﺗﺠﻴﺐ ﺳﻴﺮﺓ ﺍﻳﭭﺎ ﺍﺑﺪﺍﺍﺍﺍﺍ …… ﻣﺎ ﺑﺘﻌﻨﻴﻨﻲ ﺷﻲ …
- ﺳﻤﻴﺮ : ﻻ ﻳﺎ ﺳﻴﺪﻱ … ﻣﺎ ﺑﺪﻱ … ﺭﺡ ﺿﻞ ﺍﺣﻜﻲ .… ﻳﺎ ﻣﺤﺘﺮﻡ ﻳﺎ ﻓﻬﻤﺎﻥ ﻓﻴﻚ ﺗﻘﻠﻠﻲ ﻟﻴﻪ ﺻﺮﺕ ﺗﻀﺤﻚ ؟ !!! ﻟﻴﻪ ﺻﺎﺭ ﻓﻲ ﺑﻌﻴﻮﻧﻚ ﻟﻤﻌﺔ ﺍﻣﻞ ؟ !!! ﺣﺐ …!!! ﻓﻴﻚ ﺗﻘﻠﻠﻲ ﻟﻴﻪ ﺯﺍﺩ ﺣﻜﻴﻚ ؟ !!! ﻓﻴﻚ ﺗﻨﻜﺮ ﺍﻧﻚ ﻣﺎ ﺑﺘﻨﺎﻡ ﻭﺑﺘﻮﻋﻰ ﺍﻻ ﻭﻋﻢ ﺗﻔﻜﺮ ﻓﻴﻬﺎ !!! ﻓﻴﻚ ﺗﻨﻜﺮ ﺍﻧﻚ ﺑﺘﺤﻠﻢ ﻓﻴﻬﺎ ﻭﺑﺘﺼﺤﻰ ﻣﺘﺴﺎﺋﻞ ﻟﻴﻴﻴﻪ !!!!!!!! ﻗﻠﻠﻠﻲ ﻟﻴﻴﻴﻪ ﻣﺎ ﺯﺗﻴﺘﺎ ﺑﺮﺍ ﺍﻟﻘﺼﺮ ﻟﻤﺎ ﻋﺮﻓﺖ ﺑﻌﻼﻗﺘﻬﺎ ﺑﻌﺎﺻﻲ !!! ﺍﺳﻴﺮ ﺍﻟﻠﻲ ﺑﻌﺮﻓﻮﻭﻭ ﺣﺘﻰ ﻟﻮ ﻣﺎﺍﺿﻲ ﻣﺎ ﺑﻴﺮﺃﻑ ﺑﺤﺪﺍ ﺍﺫﺍ ﻧﺰّﻝ ﺩﻣﻌﺔ ﻣﻦ ﻋﻴﻴﻮﻥ ﺍﻫﻠﻮﻭﻭﻭ !!! ﺍﻻ ﺍﺫﺍ ﻛﺎﻥ ﺍﻋﺰ ﻣﻦ ﺍﻫﻠﻮﻭﻭ …
ﺍﺳﻴﺮ : ﺍﺳﻜﻮﻭﻭﺕ ﻣﺎ ﺑﻘﺎﺍﺍﺍ ﺑﺪﻱ ﺍﺳﻤﻤﻤﻤﻊ .…… ﺍﺳﻜﻮﻭﻭﻭﺕ ……
- ﺳﻤﻴﺮ : ﻻﻳﻤﺘﺎ ﺡ ﺗﻀﻞ ﻭﻓﻲ ﺍﻟﻬﺎﺍﺍﺍ ﻗﻠﻠﻲ .… ﻣﻀﻰ ﺳﻨﻴﻴﻴﻴﻦ .… ﺻﺎﺭﺭﺭﺕ ﺗﺤﺖ ﺍﻟﺘﺮﺍﺍﺍﺍﺏ …… ﻟﻚ ﺑﻜﻔﻴﻴﻲ ﺑﻘﺎﺍﺍ ﺩﺍﻓﻦ ﺭﻭﻭﻭﺣﻚ ﻣﻌﺎﺍﺍﺍ …… ﻟﻮ ﺑﻌﺪﺍ ﻋﺎﻳﺸﺔ ﻛﺎﻧﺖ ﻣﻦ ﺯﻣﺎﺍﺍﻥ ﺗﺨﻠﺖ ﻋﻨﻨﻨﻨﻚ …… ﻟﻚ ﺍﻱ ﻣﺘﻰ ﺑﺪﻙ ﺗﺴﺘﻮﻋﺐ ﺍﻧﻬﺎ ﻛﺎﻧﺖ ﻣﻌﻚ ﻛﺮﻣﺎﺍﺍﺍﺍﻝ ﺍﻟﻤﺼﺎﺍﺍﺍﺭﻱ .… ﻓﻬﻤﻨﻴﻲ …… ﺍﻧﺖ ﻣﺎ ﺑﺘﺤﺒﺎﺍﺍ ﺍﻧﺖ ﺑﺲ ﺿﻤﻴﺮﻙ ﻋﻢ ﻳﻮﺟﻌﻚ ﻛﺮﻣﺎﻻ … ﺍﻧﺖ ﺑﺲ ﻋﻢ ﺗﺤﺎﻭﻝ ﻣﺎ ﺗﺨﻠﻒ ﺍﻟﻮﻋﺪ ﺍﻟﻠﻲ ﻗﻄﻌﺘﻮ ﻉ ﻧﻔﺴﻜﻜﻚ ﻉ ﻗﺒﺮﺍ ﻫﺪﺍﺍﺍﻙ ﺍﻟﻨﻬﺎﺭ … ﺍﻧﻮ ﻻ ﻧﺴﺎﺀ ﻣﻦ ﺑﻌﺪﻫﺎﺍﺍ … ﺑﺲ ﺍﻧﺖ ﻣﺎ ﺑﺘﺤﺒﺎ .… ﻭﻻ ﻳﻮﻭﻡ ﺣﺒﻴﺘﺎﺍﺍﺍﺍ …… ﻭﻻ ﻳﻮﻡ ﺍﻧﺖ ﻭﻣﻌﺎ ﺷﻔﺖ ﻫﺎﻱ ﺍﻟﻠﻤﻌﺔ ﺑﻌﻴﻮﻧﻚ ﺍﻧﺖ ﻭﻣﻊ ﺍﻳﭭﺎ .…… ﻛﺎﻧﺖ ﺍﺣﺎﺩﻳﺜﻜﻦ ﺻﻤﺖ .… ﻟﻘﺎﺋﺎﺗﻜﻦ ﻗﻠﻴﻠﺔ …… ﻟﻚ ﻣﺎ ﻛﻨﺖ ﺗﺘﻘﺒﻞ ﻣﻨﻬﺎ ﺍﻱ ﺷﻲ ﻣﺎﺍﺍ ﺑﺘﺤﺒﻮﻭﻭﻭ .…… ﻟﻚ ﻭﻻ ﻣﺮﺓ ﻗﺪﺭﺕ ﺗﺨﻠﻴﻚ ﺗﻀﺤﻚ ..…… ﻭﻫﻸ ﺷﻮﻑ ﺍﻟﻔﺮﻕ … ﺍﻳﭭﺎ ﻋﻢ ﺗﻌﻤﻞ ﻛﻞ ﺷﻴﻴﻲ ﻛﻞ ﺷﻴﻴﻴﻴﻲ ﺑﺘﻜﺮﻫﻮ ﻭﻋﻢ ﺗﺘﻘﺒﻠﻮ ﻣﻨﻬﺎ ﺑﺪﻭ ﺍﻋﺘﺮﺍﺍﺍﺽ ..… ﻗﻮﻟﻠﻠﻚ ﻟﻴﻴﻴﻪ ؟ …… ﺟﺎﺍﺍﺍﺍﺍﻭﺏ .…… ﺍﻟﺮﺟﻮﻟﺔ ﻣﺶ ﺍﻧﻚ ﺗﻀﻞ ﻭﻓﻲ ﻟﻬﺪﻳﻚ ﺍﻟﺨﺎﻳﻨﺔ …… ﺍﻟﺮﺟﻮﻟﺔ ﺍﻧﻚ ﺗﻘﺪﺭ ﺗﺘﺼﺮﻑ ﻭﺗﻌﺘﺮﻑ ﻟﺤﺎﻟﻚ ﺍﻧﻚ ﻋﺸﻘﺎﻥ ﺑﺠﻨﻮﻭﻭﻥ ﺑﻨﺖ ﺍﺳﻤﺎ ﺍﻳﭭﺎﺍﺍﺍﺍﺍ …… ﺧﻠﺺ ﻃﻔﺢ ﺍﻟﻜﻴﻴﻞ ﻣﻨﻜﻜﻚ ﺍﺳﻴﻴﺮ ..……
- ﺍﺳﻴﺮ : ﻣﺎﻧﺎ ﺧﺎﻳﻨﺔ …… ﻭﻣﺎﻧﺎ ﻭﺻﻮﻟﻴﺔ .……
- ﺳﻤﻴﺮ : ﻫﺪﻭﻭﻭﻝ ﺍﻟﻠﻲ ﻋﻢ ﺗﺘﻤﻨﺎﺍﻫﻦ ﺍﺳﻴﻴﺮ … ﻫﺪﻭﻝ ﺣﻠﻤﻚ .… ﺑﺲ ﻣﺎﻧﻦ ﺍﻟﺤﻘﻴﻘﺔ …… ﺍﻧﺖ ﻛﻞ ﺑﻨﺎﺕ ﺍﻟﻜﺮﺓ ﺍﻻﺭﺿﻴﺔ ﺻﺎﺭﻭﺍ ﺑﻨﻈﺮﻙ ﻭﺻﻮﻟﻴﻴﻦ … ﻭﻣﻦ ﺿﻤﻨﻦ ﺍﻳﭭﺎ … ﺑﺘﻌﺮﻑ ﻟﻴﻴﻪ !!! ﻻﻧﻚ ﺍﻧﺖ ﺣﺎﺑﺐ ﻳﻜﻮﻧﻮ ﻫﻴﻚ … ﺑﺲ ﻫﺪﻳﻚ ﺍﻟﺨﺎﻳﻨﺔ ﻣﺎ ﺗﻜﻮﻥ ﻫﻴﻚ …… ﺍﻧﺖ ﺣﺎﺑﺐ ﺑﺲ ﻟﻼﺳﻒ ﻣﺶ ﺩﺍﻳﻤﺎ ﺍﻟﻠﻲ ﻣﻨﺤﺒﻮ ﺑﺼﻴﻴﺮ .……
- ﺍﺳﻴﺮ : ﺍﺭﻳﺞ ﻛﺎﻧﺖ … ﻛﺎﻧﺖ .…
- ﺳﻤﻴﺮ : ﻛﺎﺍﺍﻧﺖ ﺷﻮﻭﻭ .…… ﺍﺭﻳﺞ ﻋﻢ ﺗﻮﺟﻌﻠﻚ ﺿﻤﻴﺮﻙ ﻣﺶ ﺍﻛﺘﺮ .… ﻻﻧﻬﺎ ﻣﺎﺗﺖ ﺑﺴﺒﺒﻚ .… ﻣﺎ ﺑﺪﻱ ﺫﻛﺮﻙ … ﺑﺲ ﺑﻌﺮﻑ ﺍﻧﻚ ﻣﺎ ﻧﺴﻴﻴﺖ .…… ﺍﻧﺖ ﻋﻨﺪﻙ ﻣﺎﺿﻲ ﻭﺍﻧﺎ ﻭﺍﻟﻜﻞ … ﻭﺍﻳﭭﺎ ..… ﺑﺲ ﺍﻟﺤﺎﺿﺮ ﻣﺨﺘﻠﻒ ﻛﻠﻴﺎ .… ﻳﻤﻜﻦ ﺍﻧﺖ ﺣﺒﻴﺖ ﺍﺭﻳﺞ … ﻭﺍﻳﭭﺎ ﺣﺒﺖ ﻋﺎﺻﻲ ..… ﺑﺲ ﺍﻟﺤﺐ ﺍﻻﻭﻝ ﻫﻮﻱ ﻣﺎﻧﻮ ﺍﻻﺳﺎﺱ ﻭﻣﺎﻧﻮ ﺷﻲ .… ﻻﻧﻮ ﺑﺒﺴﺎﻃﺔ ﺑﻜﻮﻥ ﺗﺠﺮﺑﺔ ﻟﺘﻌﻠﻢ ﺍﻻﻧﺴﺎﻥ … ﻛﺮﻣﺎﻝ ﻟﻤﺎ ﻳﻠﺘﻘﻲ ﺑﺎﻟﻨﺺ ﺍﻟﺘﺎﻧﻲ ﺗﺒﻌﻮ ﻳﻜﻮﻥ ﺟﺎﺍﺍﻫﺰ ﺍﻧﻮ ﻳﻌﻄﻴﻴﻪ ﻛﻞ ﺍﻟﺤﺐ ﻭﺍﻟﻌﺸﻖ .…… ﻻ ﺍﻧﺖ ﻭﻻ ﺍﻳﭭﺎ ﺑﺘﻌﺮﻓﻮ ﺷﻮ ﻫﻮﻱ ﺍﻟﺤﺐ .… ﻟﺪﺭﺟﺔ ﺍﻧﻮ ﺗﻨﻴﻨﺎﺗﻜﻦ ﻋﻢ ﺗﺘﺴﺎﺋﻠﻮ ﻋﻦ ﺍﺳﻢ ﻋﺎﻟﻤﺸﺎﻋﺮ ﺍﻟﻠﻲ ﺑﻘﻠﺒﻦ ﺍﺗﺠﺎﻩ ﺑﻌﺾ .… ﻭﻣﺶ ﻋﺎﺭﻓﻴﻦ ﺍﻟﺠﻮﺍﺏ …… ﺑﺲ ﺍﻧﺎ ﺭﺡ ﺟﺎﺍﺍﺍﻭﺏ …… ﻫﻴﺪﺍ ﺍﻟﺤﺐ !!!!… ﻋﻢ ﺗﻔﻬﻢ ..…
- ﺍﺳﻴﺮ : ﻣﻌﻘﻮﻝ ﻫﺎﻻﺣﺴﺎﺱ ﺍﺳﻤﻮ ﺣﺐ ..… ‏( ﻫﺰ ﺭﺍﺳﻮ ﺑﻘﻮﺓ ﻭﻣﺸﻲ ﻧﺎﺡ ﺳﻴﺎﺭﺗﻮ ‏) .… ﻻ ﻻ ﻻ .… ﺑﻼ ﻫﺎﻟﺴﺨﺎﺍﺍﻓﺎﺍﺕ ﺳﻤﻴﺮ .…
- ﺳﻤﻴﺮ : ﻟﻚ ﻧﺸﻔﺘﻠﻲ ﺭﻳﻴﻘﻴﻲ .…… ﻋﻤﺮﻙ ﻣﺎ ﺗﻌﺘﺮﻑ ……
ﻃﻠﻌﻮ ﺑﺎﻟﺴﻴﺎﺭﺓ ..… ﻣﺸﻴﻮ .…… ﻭﺗﺮﻛﻮ ﺩﻣﻌﺔ ﻋﺎﻻﺭﺽ .… ﻋﻢ ﺗﺮﺍﻗﺒﻦ .…… ﻛﺎﻧﺖ ﻭﺭﺍ ﺍﻟﺤﻴﻂ … ﺣﺎﻃﺔ ﺍﻳﺪﻫﺎ ﻭﻋﻢ ﺗﺤﺎﻭﻝ ﺗﺘﻮﺍﺯﻥ …… ﻏﻤﻀﺖ ﻋﻴﻮﻧﺎ ..… ﻭﻫﻤﺴﺖ ‏( ﺍﺳﻤﻮ ﺣﺐ ؟ ……(!
ﺍﻟﺠﺰﺀ ﺍﻟﻮﺍﺣﺪ ﻭﺍﻟﻌﺸﺮﻭﻥ :
ﺍﻟﺘﻔﺘﺖ ﻟﻮﺭﺍ ﻣﺤﻞ ﻣﺎ ﺳﻤﻌﺖ ﻋﻢ ﻳﻨﺎﺩﻭﻫﺎ ..…
- ﻣﺮﭬﺖ : ﺍﻳﭭﺎﺍﺍﺍ ﺍﻳﭭﺎﺍﺍ ﺷﻮ ﻋﻢ ﺗﻌﻤﻠﻲ ﻋﻨﺪﻙ ….…
ﻣﺸﻴﺖ ﻟﻌﻨﺪﺍ ﻭﻫﻴﻲ ﺻﺎﻓﻨﺔ ..… ﺑﻌﺎﻟﻢ ﺗﺎﻧﻲ ﻣﺨﺘﻠﻒ ﻛﻠﻴﺎ ..… ﺳﻤﻌﺖ ﻛﻤﻴﺔ ﻣﻌﻠﻮﻣﺎﺕ ﻛﺘﻴﺮ .… ﻋﻘﻠﻬﺎ ﻣﺎ ﻗﺪﺭ ﻳﺠﻤﻌﻦ ..… ﺍﻭ ﻳﺮﻛﺰ ﻓﻴﻬﻦ .… ﺍﻟﻠﻲ ﺿﺎﻟﻞ ﺑﺲ ﻛﻢ ﻛﻠﻤﺔ ‏( ﺍﺭﻳﺞ … ﺍﺳﻤﻮ ﺣﺐ ……(…
ﺗﺎﻧﻲ ﻳﻮﻡ ﺍﻟﺼﺒﺢ .……
ﻗﺎﻣﺖ ﻣﻦ ﺗﺨﺘﺎ ﻣﻦ ﺑﻌﺪ ﻣﺎ ﻛﺎﻧﺖ ﻛﻞ ﺍﻟﻠﻴﻞ ﺳﻬﺮﺍﻧﺔ ﻭﻋﻢ ﺗﻔﻜﺮ ﺑﺎﺳﻴﺮ ﻭﺍﻟﻠﻲ ﺳﻤﻌﺘﻮ .… ﺑﺪﺍ ﺗﻌﺮﻑ ﻣﻌﻠﻮﻣﺎﺕ ﺍﻛﺘﺮ .… ﻻﺯﻡ ﺗﺤﻞ ﺍﻟﻠﻐﺰ ﺑﺄﻱ ﺗﻤﻦ …… ﻛﺎﻥ ﻧﻬﺎﺭ ﻋﻄﻠﺔ ..… ﻏﺴﻠﺖ ﻭﺟﻬﺎ .… ﺿﻠﺖ ﺑﺎﻟﺒﺠﺎﻣﺔ ﺍﻟﺰﻫﺮﻳﺔ .… ﻭﻓﺘﺤﺖ ﺍﻟﺒﺎﺏ ﻭﻃﻠﺖ ﺭﺍﺳﻬﺎ ﺷﻮﻱ .… ﺷﺎﻓﺖ ﺍﻡ ﺍﺳﻴﺮ ﻭﻧﺴﺮﻳﻦ ﻭﺍﻗﻔﻴﻦ ﺣﺪ ﻏﺮﻓﺔ ﺍﺳﻴﺮ … ﻋﻢ ﻳﺤﻜﻮ ﺑﻬﻤﺲ …… ﻫﺪﺕ ﺍﻟﺒﺎﺏ ﺑﺎﻳﺪﻫﺎ ﻭﺣﺎﻭﻟﺖ ﺗﺴﻤﻊ ﺷﻮ ﻋﻢ ﻳﺤﻜﻮ .…
- ﺍﻡ ﺍﺳﻴﺮ : ﺧﻠﺺ ﺍﺗﺮﻛﻴﻪ .… ﺑﻼ ﻣﺎ ﺗﻮﻋﻴﻪ ……
- ﻧﺴﺮﻳﻦ : ﺍﺩ ﻣﺎ ﺗﺄﺟﻠﻲ ﺑﺎﻟﻤﻮﺿﻮﻉ ..… ﻣﺎ ﻓﻲ ﻣﻬﺮﺏ ﻣﻦ ﺍﻟﻠﻲ ﺑﺪﻭ ﻳﺼﻴﺮ .… ﻫﻸ ﺑﻴﻮﻋﻰ ﻭﺑﻔﺶ ﺧﻠﻘﻮ ﻓﻴﻨﺎ ﺍﻧﻮ ﺗﺄﺧﺮ ﻉ ﺯﻳﺎﺭﺓ ﻗﺒﺮﻫﺎ ……
- ﺍﻡ ﺍﺳﻴﺮ : ﻟﻚ ﺍﺧﺦ ﻣﻨﻬﺎ ﻫﺎﻟﺒﻨﺖ ..… ﺍﻳﻤﺘﺎ ﺭﺡ ﻳﻨﺴﺎﻫﺎ ..… ﺍﺻﻄﻔﻠﻲ ﺍﻧﺎ ﺭﺍﻳﺤﺔ .… ﻭﻋﻴﻪ ﻟﺤﺎﻟﻚ .…
ﺭﺍﺣﺖ ﺍﻡ ﺍﺳﻴﺮ .… ﻭﺿﻬﺮﺕ ﺍﻳﭭﺎ ﻭﻭﻗﻔﺖ ﻣﻊ ﻧﺴﺮﻳﻦ .…
- ﺍﻳﭭﺎ : ﺻﺒﺎﺡ ﺍﻟﺨﻴﺮ ……
- ﻧﺴﺮﻳﻦ : ﺻﺒﺎﺡ ﺍﻟﻨﻮﺭ ..…… ﺣﺎﺳﺔ ﻓﻲ ﺑﺘﻤﻚ ﺣﻜﻲ ..…
- ﺍﻳﭭﺎ : ﺍﻧﻮ ﻳﻌﻨﻲ ﻓﻀﻮﻭﻝ ..… ﺷﻮ ﻓﻲ ﺍﻟﻴﻮﻡ ……
- ﻧﺴﺮﻳﻦ : ﻋﻴﺪ ﻣﻴﻼﺩ ﺍﺳﻴﺮ …… ﻫﻮﻱ ﻣﻦ ﻟﻤﺎ ﺗﻮﻓﻰ ﺑﻴﻮ ﺑﻴﻜﺮﻩ ﺍﻟﻤﻨﺎﺳﺒﺎﺕ ﻭﺍﻟﺤﻔﻼﺕ … ﻻﻧﻮ ﺑﻴﻲ ﺍﻟﻠﻪ ﻳﺮﺣﻤﻮ ﻣﺎ ﻛﺎﻥ ﻳﺤﺐ ﻫﺎﻻﺷﻴﺎ …… ﻭﻛﻤﺎﻥ ﺑﻴﻜﺮﻫﻦ ﻻﻧﻦ ﺑﻴﺮﻣﺰﻭ ﻟﻠﺴﻌﺎﺩﺓ .… ﺍﻟﻠﻲ ﻫﻮﻱ ﻣﺎ ﺑﺂﻣﻦ ﺑﻮﺟﻮﺩﺍ ....…… ﻭﻛﺮﻩ ﻳﻮﻡ ﻋﻴﺪﻣﻴﻼﺩﻭ ﻟﻤﺎ ﻣﻦ ٥ ﺳﻨﻴﻦ ﻣﺎﺗﺖ ﺣﺒﻴﺒﺘﻮ ﻓﻴﻪ ..…… ﺍﺭﺗﺤﺘﻲ ..… ﺍﺭﺗﺎﺡ ﻓﻀﻮﻟﻚ ..… ﻫﻬﻬﻪ .…
- ﺍﻳﭭﺎ : ﺷﻮﻭ .…
ﻓﺎﺗﺖ ﻉ ﻏﺮﻓﺘﺎ … ﺳﻜﺮﺕ ﺍﻟﺒﺎﺏ ﻓﻮﺭﺍ ..… ﻭﺗﻮﺟﻬﺖ ﻉ ﺧﺰﺍﻧﺘﻬﺎ .… ﻭﻓﻲ ﺑﺮﺍﺳﺎ ﺧﻄﺔ .… ﻟﺒﺴﺖ ﻭﻧﺰﻟﺖ ﻋﺎﻟﺴﺮﻳﻊ ..… ﻭﻗﻔﺖ ﺗﻜﺴﻲ …… ﻭﻗﺎﻟﺘﻠﻮ ﻳﺼﻒ ﺑﻌﻴﺪ ﺷﻮﻱ .…
- ﺍﻳﭭﺎ : ﺍﻱ ﺧﻠﻴﻚ ﻫﻮﻭﻥ …… ﺑﺪﻱ ﻣﻨﻚ ﺑﺲ ﺗﻤﺸﻲ ﻫﺪﻳﻚ ﺍﻟﺴﻴﺎﺭﺓ ﺍﻟﺮﻣﺎﺩﻳﺔ … ﺗﻠﺤﻘﺎ ..…
ﺩﻗﺎﻳﻖ ﻣﻌﺪﻭﺩﺓ .… ﻭﺿﻬﺮ ﺍﺳﻴﺮ ﻣﻌﺼﺐ ﻭﻋﻢ ﻳﺮﻛﺾ .… ﻃﻠﻊ ﺑﺴﻴﺎﺭﺗﻮ ﻭﺻﺎﺭ ﻳﺴﻮﻕ ﺑﻄﺮﻳﻘﺔ ﺟﻨﻮﻧﻴﺔ ..…
- ﺍﻳﭭﺎ : ﻻ ﺗﻀﻴﻌﻮ ﺍﺭﺟﻮﻭﻭﻙ .… ﺍﺩ ﻣﺎ ﺑﺪﻙ ﺭﺡ ﺍﻋﻄﻴﻚ ﻣﺼﺎﺭﻱ .…
- ﺍﻟﺸﻮﻓﻴﺮ : ﺭﺡ ﺣﺎﺍﺍﻭﻝ .…
ﻭﺍﺧﻴﺮﺍ … ﻭﻗﻒ .… ﺻﻒ ﺍﻟﺴﻴﺎﺭﺓ ﺣﺪ ﺍﻟﻤﻘﺒﺮﺓ …… ﻭﻧﺰﻝ ..…… ﻗﺎﻟﺖ ﻟﻠﺸﻮﻓﻴﺮ ﻳﻨﻄﺮﺍ … ﻧﺰﻟﺖ ..… ﻭﺻﺎﺭﺕ ﺗﺮﺍﻗﺒﻮ …… ﻗﻌﺪ ﺣﺪ ﻗﺒﺮ .…… ﻭﺿﻞ ﻳﺤﻜﻲ ﻭﻳﺤﻜﻲ ﻭﻫﻴﻲ ﻋﻢ ﺗﺤﺎﻭﻝ ﺗﺴﻤﻌﻮ ﻭﻣﺎﻧﺎ ﻗﺎﺩﺭﺓ .…… ﻋﺼﺒﺖ ﻭﺭﺟﻌﺖ ﻋﺎﻟﺘﻜﺴﻲ .…
- ﺍﻳﭭﺎ : ﺧﻠﻴﻨﺎ ﻭﺍﻗﻔﻴﻦ ﺷﻮﻱ .… ﻟﺸﻮﻑ ﻭﻳﻦ ﺡ ﻳﺮﺟﻊ ﻳﺮﻭﺡ …… ﺍﻭﻭﻭﻑ ……
- ﺍﻟﺸﻮﻓﻴﺮ : ﺷﻮ ﻋﻢ ﺗﻌﻤﻠﻲ ﻳﺎ ﺑﻨﺘﻲ .…
- ﺍﻳﭭﺎ : ﻋﻢ ﺣﻞ ﻟﻐﺰ ……
ﺍﺑﺘﺴﻢ ﺍﻟﺸﻮﻓﻴﺮ ﻭﺷﻐﻞ ﺍﻟﺴﻴﺎﺭﺓ ﻣﺠﺮﺩ ﻣﺎ ﺷﺎﻑ ﺍﺳﻴﺮ ﻃﻠﻊ ﻉ ﺳﻴﺎﺭﺗﻮ .…… ﺿﻠﺖ ﻛﻞ ﺍﻟﻨﻬﺎﺭ ﺗﻠﺤﻘﻮ ﻣﻦ ﻣﻜﺎﻥ ﻟﻤﻜﺎﻥ ﻭﻣﺎ ﻳﻔﻴﺪﺍ ﺷﻲ .… ﻭﻫﻮﻱ ﻳﻤﺸﻲ ﺑﺎﻟﺸﻮﺍﺭﻉ …… ﻭﻳﻮﻗﻒ ﻋﻨﺪ ﺍﻣﺎﻛﻦ ﻣﺎ ﺗﻔﻬﻢ ﻟﻴﻪ ﻭﻗﻔﻠﻬﺎ .…… ﻟﺤﺪ ﻣﺎ ﺣﻞ ﺍﻟﻠﻴﻞ …… ﻭﺻﻒ ﺳﻴﺎﺭﺗﻮ ﺑﻤﻜﺎﻥ ﻋﺎﻟﻲ ..… ﺟﺒﻞ ﺷﺒﻪ ﻣﻘﻄﻮﻭﻉ …… ﻭﺗﺤﺘﻮ ﻓﻮﺭﺍ ﻓﻲ ﺍﻟﺒﺤﺮ .…… ﻛﺎﻥ ﻣﻨﻈﺮ ﺭﺍﺋﻊ .……
- ﺍﻳﭭﺎ : ﺍﺗﻔﻀﻞ ﻋﻤﻲ ﺣﻘﻚ ﻭﻓﻮﻗﻦ ﺣﺒﺔ ﻣﺴﻚ ..… ﺍﻧﺎ ﺭﺡ ﺿﻞ ﻫﻮﻥ ……
- ﺍﻟﺸﻮﻓﻴﺮ ‏( ﺿﺤﻜﻮ ﻋﻴﻮﻧﻮ ﺑﺲ ﺷﺎﻑ ﺍﻟﻤﺒﻠﻎ ‏) : ﺷﻜﺮﺍ ﺑﻨﺘﻲ ..… ﺍﺫﺍ ﺑﺪﻙ ﺑﻨﻄﺮﻙ .…
- ﺍﻳﭭﺎ : ﻻ ﻻ ﻓﻞ .……
ﻧﺰﻟﺖ ﻣﻦ ﺍﻟﺘﻜﺴﻲ … ﻭﻗﺮﺭﺕ ﺧﻠﺺ ﺍﻧﻮ ﻫﻸ ﻻﺯﻡ ﺗﻮﺍﺟﻬﻮ ﻭﺗﻔﻬﻢ ﻛﻞ ﺷﻲ …… ﺻﺎﺭﺕ ﺗﻘﺮﺏ ﺷﻮﻱ ﺷﻮﻱ ..… ﺑﺲ ﻫﻴﻲ ﺟﻤﺪﺕ ﺑﻤﺤﻠﻬﺎ ﻣﺠﺮﺩ ﻣﺎ ﺷﺎﻓﺘﻮ ﺭﻓﻊ ﺟﺎﻛﺘﻮ ﻭﺳﺤﺐ ﺍﻟﻤﺴﺪﺱ .…… ﻓﻘﺪﺕ ﺍﻟﻘﺪﺭﺓ ﻋﺎﻟﺤﺮﻛﺔ …… ﻭﺻﺎﺭﺕ ﺗﺮﺍﻗﺐ ﺑﺼﻤﺖ ..…
ﻣﺘﻞ ﻛﻞ ﺳﻨﺔ … ﻋﻄﺎ ﻧﻈﺮﺓ ﻟﺘﺤﺖ .… ﻗﺮﺏ ﺍﻛﺘﺮ ..… ﺣﻤﻞ ﻣﺴﺪﺳﻮ … ﻭﻭﺟﻬﻮ ﻟﺘﺤﺖ ..… ﻭﺻﺎﺭ ﻳﻄﻠﻖ ﺍﻟﻨﺎﺍﺭ ﺑﻄﺮﻳﻘﺔ ﻋﺸﻮﺍﺋﻴﺔ ﻋﺎﻟﺒﺤﺮ …… ﻭﻫﻮﻱ ﻓﻮﻕ … ﻭﻓﻲ ﻫﺪﻭﺀ ﺗﺎﻡ ..… ﻣﺎ ﻓﻲ ﻭﻻ ﻣﺨﻠﻮﻕ ..… ﻭﺍﻟﺒﻴﻮﺕ ﻭﺍﻟﻨﺎﺱ ﺑﺘﺒﻌﺪ ﻛﺘﻴﺮ ﻋﻦ ﻫﺎﻟﻤﻜﺎﻥ ..… ﺿﻞ ﻉ ﻫﺎﻟﺤﺎﻟﺔ ﻟﺤﺘﻰ ﻓﻀﻲ ﺍﻟﻤﺴﺪﺱ ﻣﻦ ﺍﻟﻄﻠﻘﺎﺕ .…… ﻭﺍﻳﭭﺎ ﻭﺍﻗﻔﺔ ﻋﻢ ﻳﻜﺘﻮ ﺩﻣﻮﻋﺎ … ﻭﻋﻢ ﺗﻨﺄﺯ ﻣﻊ ﻛﻞ ﻃﻠﻘﺔ .……
ﺭﺟﻊ ﺍﻟﻤﺴﺪﺱ ﻉ ﺧﺼﺮﻭ ..… ﻭﻗﻒ ﺩﻗﺎﻳﻖ ﻭﺑﺮﻡ ..… ﺟﻤﺪ ﻣﺤﻠﻮ ﻟﻤﺎ ﻟﻤﺤﻬﺎ …… ﺷﺮﺍﺭﺓ ﺍﻟﻐﻀﺐ ﺑﻠﺸﺖ ﺗﻄﻠﻊ ﻣﻦ ﻋﻴﻮﻧﻮ ..… ﺍﺣﻤﺮﻭ ﻛﺘﻴﺮ ..… ﻭﺷﺪ ﻉ ﻣﻘﺒﺾ ﺍﻳﺪﻭ .…… ﻗﺮﺑﺖ ﻣﻨﻮ ﻫﻴﻲ ﻭﻋﻢ ﺗﺮﺟﻒ ..…
- ﺍﺳﻴﺮ : ﺍﻧﺘﻲ ﻣﻴﻴﻴﻦ ﺳﻤﺤﻠﻠﻠﻚ ﺗﻠﺤﻘﻴﻨﻲ ……………
ﻣﺎ ﻛﺎﻥ ﺑﺪﻭ ﻳﺎﻫﺎ ﺗﺸﻮﻓﻮ ﺑﻬﺎﻟﺤﺎﻟﺔ ..… ﻣﺎ ﺑﺪﻭ ﻳﺎﻫﺎ ﺗﺸﻮﻑ ﻫﻤﺠﻴﺘﻮ ﻭﻭﺣﺸﻴﺘﻮ …… ﻳﻀﻞ ﺑﻨﻈﺮﻫﺎ ﺍﻻﺧﺮﺱ ﻭﻻ ﻳﻜﻮﻥ ﺍﻟﻮﺣﺶ ..…
ﺑﺲ ﺍﺗﻔﺎﺟﺄ ﻟﻤﺎ ﻗﺮﺑﺖ ﻣﻨﻮ …… ﻭﻏﻤﺮﺗﻮ ﺑﻘﻮﺓ .…… ﺣﻄﺖ ﺍﻳﺪﻳﻬﺎ ﻉ ﺿﻬﺮﻭ ﻭﺷﺪﺕ ﻋﻠﻴﻬﺎ ..… ﻭﻫﻮﻱ ﺍﻳﺪﻳﻪ ﻟﺘﺤﺖ ..… ﺻﺎﺭﺕ ﺗﺸﻬﻖ ﺑﺤﻀﻨﻮ .… ﻭﻫﻮﻱ ﻣﺼﺪﻭﻡ … ﻻ ﻋﺎﺭﻑ ﺷﻮ ﺑﻬﺎ ﻭﻻ ﻋﺎﺭﻑ ﺷﻮ ﺍﻟﻠﻲ ﺻﺎﻳﺮ … ﻭﻻ ﺷﻮ ﻻﺯﻡ ﻳﻌﻤﻞ .…… ﺑﺲ ﻛﺈﻧﻮ ﻧﺴﻤﺔ ﻣﻤﺰﻭﺟﺔ ﺑﻴﻦ ﺍﻣﻞ ﻭﺍﺭﺗﻴﺎﺡ ﻭﻃﻤﺄﻧﻴﻨﺔ ﺍﻗﺘﺤﻤﻮ ﺑﻬﺎﻟﻐﻤﺮﺓ ..…… ﺭﻓﻊ ﺍﻳﺪﻩ … ﺣﻄﻦ ﻉ ﺷﻌﺮﺍ ..… ﻭﺷﺪﻫﺎ ﻟﺤﻀﻨﻮ ﺍﻛﺘﺮ ..…
- ﺍﻳﭭﺎ : ﺧﻔﺖ ﻋﻠﻴﻴﻚ …… ﻓﻜﺮﺗﻚ ﺭﺡ ﺗﻨﺘﺤﺮ .……
ﻏﻤﺾ ﻋﻴﻮﻧﻮ ﻭﻃﻠﻌﺖ ﻣﻨﻮ ﻧﺺ ﺷﻬﻘﺔ ﺍﺑﺘﺴﺎﻣﺔ ﻣﻤﺰﻭﺟﺔ ﺑﺎﻟﺤﺰﻥ …… ﻭﻫﻤﺲ ‏( ﻣﺠﻨﻮﻧﺔ ‏) .…
ﺑﻌﺪﺕ ﻋﻨﻮ … ﻣﺸﻴﺖ ﻟﻨﺎﺡ ﺍﻟﺠﺒﻞ ﺍﻛﺘﺮ .… ﻗﻌﺪﺕ ﻭﺍﺷﺮﺗﻠﻮ ﻳﺠﻲ ﻳﻘﻌﺪ …… ﻣﺴﺤﺖ ﺩﻣﻮﻋﺎ …
- ﺍﻳﭭﺎ : ﻛﺘﻴﻴﺮ ﺣﺎﺍﺑﺔ ﺍﺳﻤﻌﻚ .……
ﺷﻲ ﻋﻢ ﻳﻘﻠﻠﻮ ﺍﺭﺟﻊ ﻉ ﺳﻴﺎﺭﺗﻚ .… ﻭﺷﻲ ﻋﻢ ﻳﻘﻠﻠﻮ ﺭﻭﺡ ﺍﺷﻜﻴﻼ ..… ﻻ ﺗﻀﻞ ﻛﺎﺗﻢ ﻛﻞ ﺷﻲ …… ﺑﺎﻻﺧﺮ ﺭﺍﺡ ﻭﻗﻌﺪ ﺣﺪﻫﺎ ..… ﺿﻠﻮ ﺩﻗﺎﻳﻖ ﺳﺎﻛﺘﻴﻦ …… ﺍﺧﺪ ﻧﻔﺲ ﻃﻮﻳﻴﻴﻴﻞ ﻭﻫﻤﺲ ﻛﻠﻤﺘﻴﻦ ﺗﻨﻴﻦ ﺑﺲ ..…
- ﺍﺳﻴﺮ : ﻭﻗﻌﺖ ﻟﺘﺤﺖ ..……
ﺍﻃﻠﻊ ﻋﻠﻴﻬﺎ .… ﻭﻉ ﻋﻴﻮﻧﻬﺎ ﺍﻟﻠﻲ ﻋﻢ ﺗﺘﺴﺎﺋﻞ .… ﻭﺍﻟﺼﺪﻣﺔ ﺍﻟﻠﻲ ﻓﻴﻬﺎ ..… ﻭﺧﻮﻓﻬﺎ ﻣﻦ ﺍﻧﻬﺎ ﺗﺴﺄﻝ ﺷﻲ …… ﺭﺟﻊ ﺍﻃﻠﻊ ﻟﺘﺤﺖ ..…
- ﺍﺳﻴﺮ : ﺍﺭﻳﺞ .… ﺣﺒﻴﺒﺘﻲ ﺍﻟﺴﺎﺑﻘﺔ .…… ﺑﺴﺒﺒﻲ ﻭﻗﻌﺖ ﻣﻦ ﻫﻮﻥ ..… ﻭﺧﻄﻔﺎ ﻣﻨﻲ ﺍﻟﺒﺤﺮ ..…
ﻏﻤﻀﺖ ﻋﻴﻮﻧﺎ ..… ﺍﺭﺟﻌﺖ ﺍﻃﻠﻌﺖ ﻓﻴﻪ … ﻗﺮﺑﺖ ﻣﻨﻮ ﻭﻣﺴﻜﺖ ﺍﻳﺪﻭ ……
- ﺍﺳﻴﺮ : ﻛﺎﻧﺖ ﺑﺪﻫﺎ ﺗﺤﺘﻔﻞ ﺑﻌﻴﺪ ﻣﻴﻼﺩﻱ ..… ﻛﺎﻧﺖ ﻋﺎﻣﻠﺔ ﻗﻌﺪﺓ ﺣﻠﻮﺓ ﻉ ﻫﺎﻟﻤﻜﺎﻥ ﺍﻟﻠﻲ ﺍﻛﺘﺸﻔﺘﻮ ﺟﺪﻳﺪ .…… ﻭﺍﻧﺎ ﺑﻬﺪﻟﺘﺎ ﻻﻧﻬﺎ ﺭﻭﺣﺖ ﻋﻠﻴﻲ ﺍﺟﺘﻤﺎﻉ ﻣﻬﻢ ﻛﺮﻣﺎﻝ ﻫﺎﻟﺸﻲ .… ﻭﺍﺗﺨﺎﻧﻘﻨﺎ ﻭﻋﻠﻴﺖ ﺍﺻﻮﺍﺗﻨﺎ .… ﺻﺎﺭﺕ ﺗﺼﺮﺥ ﻋﻠﻴﻲ … ﻛﻨﺎ ﻛﺘﻴﺮ ﻗﺮﺍﺏ ﻣﻦ ﺍﻟﺤﻔﺔ ..… ﺍﻧﻔﻌﻠﺖ … ﺍﻧﻠﻮﺕ ﺍﺟﺮﻫﺎ .… ﻭﻣﺎ ﻗﺪﺭﺕ ﺍﻧﻘﺬﻫﺎ ﺍﺑﺪﺍ ..…… ﻭﻟﻬﻞ ﺍﻟﻴﻮﻡ ﻗﻠﺒﻲ ﺑﻌﺪﻭ ﺗﺤﺖ .… ﻭﻗﻊ ﻣﻌﺎ .… ﻭﺍﻧﺪﻓﻦ ﻣﻌﺎ ...…… ﻓﻮﻕ ﺣﺰﻧﻲ ﺍﻧﺰﺍﺩ ﻋﻠﻴﻪ ﺍﺿﻌﺎﻓﻮ ..… ﻭﻗﺘﺎ ﻋﺮﻓﺖ ﺍﻧﻮ ﻣﺎ ﻓﻲ ﺷﻲ ﺍﺳﻤﻮ ﺳﻌﺎﺩﺓ ﺑﺎﻟﺤﻴﺎﺓ …… ﺍﻟﺤﻴﺎﺓ ﺗﻌﺎﺳﺔ ﻭﺑﺲ … ﻓﺎﻧﻴﺔ .……
- ﺍﻳﭭﺎ : ﻋﻤﺮﻙ ٣٧ ﺳﻨﺔ .… ﺍﻭ ﺑﺎﻷﺣﺮﻯ ﺻﺮﺕ ٣٨ ﺍﻟﻴﻮﻡ .…… ﻋﺸﺖ ٢١ ﺳﻨﺔ ﻣﻦ ﺣﻴﺎﺗﻚ ﺍﻳﺎﻡ ﻭﻻ ﺍﺟﻤﻞ ﺑﻜﻨﻒ ﻋﺎﺋﻠﺔ ﺭﺍﺋﻌﺔ …… ﻭﻋﺸﺖ ١٧ ﺳﻨﺔ ﺣﻴﺎﺓ ﺗﻌﺎﺳﺔ ﺍﻧﺖ ﺍﺧﺘﺮﺗﺎ …… ﻟﻬﻸ ﺍﻳﺎ ﻫﻴﻲ ﺍﻻﻳﺎﻡ ﺍﻟﻐﺎﻟﺒﺔ .…… ﺍﻛﻴﺪ ﺍﻳﺎﻡ ﺍﻟﻔﺮﺡ .…… ﺻﺎﺭ ﻋﻤﺮﻱ ٢٥ ﺳﻨﺔ ﻭﻟﻬﻸ ﺭﺍﻓﻀﺔ ﺍﻧﻲ ﺍﺳﺘﺴﻠﻢ ﻟﻠﻤﺎﺿﻲ ..… ﺭﺍﻓﻀﺔ ﺍﻧﻲ ﺍﺭﻫﻦ ﺣﻴﺎﺗﻲ ﻟﻠﺤﺰﻥ ﻭﺍﻟﺘﻌﺎﺳﺔ ..… ﻳﻤﻜﻦ ﻋﻴﺶ ﻳﻮﻡ ﺑﻌﺪ … ﻭﻳﻤﻜﻦ ﻋﻴﺶ ﻛﻤﺎﻥ ٥٠ ﺳﻨﺔ …… ﺍﻧﺎ ﺍﻟﻠﻲ ﻻﺯﻡ ﺍﺧﺘﺎﺭ ﻛﻴﻒ ﻋﻴﺸﻦ ..… ﻭﺍﻧﺖ ﻻﺯﻡ ﺗﺨﺘﺎﺭ ﻛﻴﻒ ﺗﻌﻴﺶ ﺑﻘﻴﺔ ﻋﻤﺮﻙ .……
- ﺍﺳﻴﺮ : ﻣﺎ ﺑﺘﺴﺘﺎﻫﻞ ﺍﻟﻠﻲ ﻋﻤﻠﺘﻮ ﻛﺮﻣﺎﻻ ..… ﻛﻨﺖ ﺷﻮﻓﺎ ﻭﺻﻮﻟﻴﺔ ﺑﺲ ﺍﻗﻨﻊ ﺣﺎﻟﻲ ﺍﻧﻮ ﻻ … ﺑﺲ ﻛﺎﻧﺖ ﺗﺤﺒﻨﻲ ﺍﻧﺎ ﻣﺘﺄﻛﺪ ..…… ﺑﺲ ﺍﻟﻠﻲ ﻋﻤﻠﺘﻮ ﻟﺮﻳﺢ ﺿﻤﻴﺮﻱ ﺍﻟﻠﻲ ﻟﻬﻸ ﻣﺎ ﻫﺪﻱ ..…
- ﺍﻳﭭﺎ : ﻣﺶ ﺍﻧﺖ ﺍﻟﺴﺒﺐ ..… ﻫﻴﺪﺍ ﻗﻀﺎﺀ ﻭﻗﺪﺭ ..……
ﺍﻧﺘﻔﺾ ﻣﻦ ﻣﻜﺎﻧﻮ ..… ﻭﻗﻒ ﻭﺣﻜﺎ ﺑﺼﻮﺕ ﻋﺎﻟﻲ ……
- ﺍﺳﻴﺮ : ﻛﻠﻜﻦ ﺑﺘﻘﻮﻟﻮ ﻗﻀﺎﺀ ﻭﻗﺪﺭ … ﻗﻀﺎﺀ ﻭﻗﺪﺭ ..… ﺍﻧﺘﻮ ﺷﻮ ﺑﺘﻌﺮﻓﻮﻭﻭﻭ ﻋﻦ ﻭﺟﻊ ﺍﻟﻀﻤﻴﻴﻴﻴﺮ .… ﻗﻠﻴﻠﻴﻴﻲ …… ﺷﻮ ﺑﺘﻌﺮﻓﻮ ﻋﻦ ﺍﻻﺳﻰ ﻭﺍﻟﺤﺰﻥ …… ﻋﻦ ﻋﻦ .…… ﻟﻚ ﺑﻜﻔﻴﻴﻲ ﻃﻠﻌﻮ ﻣﻦ ﺣﻴﺎﺍﺗﻲ ..… ﺍﻧﺘﻲ ﺑﺎﻟﺬﺍﺕ ﺗﺮﻛﻴﻨﻲ ﺑﺤﺎﻟﻲ ..… ﻋﻢ ﺗﺤﺎﻭﻟﻲ ﺗﺘﻘﺮﺑﻲ ﻣﻨﻲ .… ﻋﻢ ﺗﺤﺎﻭﻟﻲ ﺗﻜﺴﺮﻱ ﻋﻠﻴﻲ ﻭﺗﺎﺧﺪﻱ ﻭﺝ .… ﺑﺲ ﺍﻧﺎﺍﺍ ﻣﺎ ﺑﺪﻳﻴﻲ … ﻋﻢ ﺗﻔﻬﻤﻲ ..… ﻣﺎ ﺑﺪﻱ …… ﺑﻜﺮﻫﻚ ﻭﺑﻜﺮﻩ ﻭﺟﻮﺩﻙ ……
ﻣﺴﺤﺖ ﺩﻣﻮﻋﺎ ..… ﻭﻭﻗﻔﺖ ..… ﺗﺨﻄﺘﻮ ﺑﺪﻭﻥ ﻣﺎ ﺗﺤﻜﻲ ﺣﺮﻑ ﻭﺍﺣﺪ ..… ﻭﺻﺎﺭﺕ ﺗﻤﺸﻲ ﺑﺪﻭﻥ ﻫﺪﻑ …… ﻟﻘﺖ ﺍﻟﺘﻜﺴﻲ ﻭﺍﻗﻒ ﺑﻌﻴﺪ ﺷﻮﻱ ﻋﻨﻦ .…
- ﺍﻳﭭﺎ : ﺑﻌﺪﻙ ﻫﻮﻥ ﻋﻤﻮ ……
- ﺍﻟﺸﻮﻓﻴﺮ : ﺍﻃﻠﻌﻲ .… ﻣﺎ ﺍﺟﺎ ﻣﻦ ﻗﻠﺒﻲ ﺍﻧﻲ ﺍﺗﺮﻛﻚ ﺑﻬﺎﻟﻤﻜﺎﻥ ﺍﻟﺨﺎﻟﻲ …… ﻭﻣﺎ ﺍﻃﻤﻨﺖ ﻟﻬﺎﻻﻧﺴﺎﻥ .… ﻗﻠﺖ ﺑﻨﻄﺮﻙ ﺷﻮﻱ … ﺍﺫﺍ ﻣﺎ ﺟﻴﺘﻲ ﺑﻔﻞ .…
- ﺍﻳﭭﺎ : ﺷﻜﺮﺍ ﻋﻤﻮﻭ ﺷﻜﺮﺍ ﻛﺘﻴﻴﺮ .…
ﻣﺸﻴﺖ ﺍﻟﺘﻜﺴﻲ …… ﻭﺍﺳﻴﺮ ﺑﻌﺪﻭ ﻣﻜﺎﻧﻮ … ﺑﺮﻡ ﻟﻌﻨﺪﺍ ﺑﻌﻴﻮﻥ ﻧﺪﻣﺎﻧﺔ ..…
- ﺍﺳﻴﺮ : ﺍﻳﭭﺎ ﺍﻧﺎ ..… ﺍﻳﭭﺎ ﻭﻳﻨﻚ .… ﺍﻳﭭﺎﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ ……
ﺻﺎﺭ ﻳﺒﺮﻡ ﻋﻠﻴﻬﺎ … ﻫﻮﻥ ﻭﻫﻮﻧﻴﻚ …… ﻭﻣﺎ ﻛﺎﻥ ﻳﻼﻗﻴﻬﺎ .……… ﻟﺤﺪ ﻣﺎ ﻣﻞ ﻭﺭﺍﺡ ﻳﺸﻮﻓﺎ ﺍﺫﺍ ﺭﺟﻌﺖ ﻋﺎﻟﺒﻴﺖ …… ﻓﺎﺕ ﻋﺎﻟﻔﻴﻼ .… ﻛﺎﻥ ﺍﻟﻜﻞ ﻧﺎﻳﻢ ﻭﺍﻟﺪﻧﻲ ﻧﺺ ﻟﻴﻞ .… ﻃﻠﻊ ﻭﻭﻗﻒ ﻧﺎﺡ ﺑﺎﺏ ﻏﺮﻓﺘﻬﺎ ..… ﺩﻕ ﻭﻣﺎ ﺭﺩﺕ …… ﻓﺘﺢ ﺍﻟﺒﺎﺏ ..… ﻟﻘﺎ ﺿﻮ ﺍﻟﺘﻮﺍﻟﻴﺖ ﺷﺎﻋﻞ .… ﺍﺑﺘﺴﻢ … ﺍﻃﻤﻦ .… ﻭﺭﺍﺡ ﻉ ﻏﺮﻓﺘﻮ ..……
ﻭﻋﻲ ﺗﺎﻧﻲ ﻳﻮﻡ ﺍﻟﺼﺒﺢ ﻉ ﺣﺮﻛﺔ ﻣﺶ ﻃﺒﻴﻌﻴﺔ ﺑﺎﻟﻔﻴﻼ …… ﻭﺍﺻﻮﺍﺕ ﻋﻴﻠﺘﻮ ﻃﺎﻟﻌﺔ ..…
- ﻣﺮﭬﺖ : ﻣﺎﺍ ﻋﻢ ﺗﺮﺩ ﻣﺮﺕ ﻋﻤﻲ ﻣﺎ ﻋﻢ ﺗﺮﺩ .…… ﺭﺡ ﺟﻦ .…
- ﻣﺠﺪ : ﻣﺎﻣﺎ ﻭﻳﻴﻨﺎﺍ ﻋﻤﺘﻮﻭﻭ ..…
- ﺳﺎﻫﺮ : ﺩﻗﻴﻠﻬﺎ ﻛﻤﺎﺍﺍﻥ .……
ﻓﺘﺢ ﺍﺳﻴﺮ ﺍﻟﺒﺎﺏ … ﻭﺍﻃﻠﻊ ﻋﻠﻴﻬﻦ ﺑﺨﻮﻑ ……
- ﺍﺳﻴﺮ : ﺷﻮ ﺻﺎﻳﺮ !!!
ﺍﻟﺠﺰﺀ ﺍﻟﺜﺎﻧﻲ ﻭﺍﻟﻌﺸﺮﻭﻥ :
- ﻣﺮﭬﺖ : ﺍﺧﺘﻲ ﺍﻳﭭﺎ ﻣﺨﺘﻔﻴﺔ .… ﻭﻣﺎ ﻋﻢ ﺗﺮﺩ ﻉ ﺗﻠﻔﻮﻧﻬﺎ ..… ﺍﻭﻑ ﻣﻨﻚ ﻳﺎﺍﺍ ﺍﻳﭭﺎ ﺍﻧﺖ ﻭﻓﺼﻮﻟﻚ .……
- ﺍﺳﻴﺮ ‏( ﻫﻤﺲ ‏) : ﻛﻴﻒ .…
ﺭﻛﺾ ﻉ ﻏﺮﻓﺘﺎ ..… ﻭﻟﻘﺎ ﺿﻮ ﺍﻟﺘﻮﺍﻟﻴﺖ ﺑﻌﺪﻭ ﺷﺎﻋﻞ .… ﻋﺮﻑ ﺍﻧﻮ ﺑﻌﺪﻭ ﻣﻦ ﻣﺒﺎﺭﺡ … ﻭﺍﻧﻐﺶ ﺍﻧﻬﺎ ﺟﻮﺍ ..… ﻗﺮﺏ ﻣﻦ ﺗﺨﺘﻬﺎ .… ﺍﺗﺬﻛﺮ ﺍﺧﺮ ﻣﺮﺓ ﺷﺎﻓﻬﺎ ﻧﺎﻳﻤﺔ ﻋﻠﻴﻪ .… ﻛﺎﻧﺖ ﺑﺲ ﻣﻦ ﻳﻮﻣﻴﻦ ﻟﻤﺎ ﻓﺎﺕ ﻟﻌﻨﺪﺍ ﺳﺮﻗﺔ ﻭﺗﺄﻣﻠﻬﺎ …… ﻃﺒﻌﺖ ﻋﻴﻨﻮ ﻋﺎﻻﺭﺽ ﺑﺎﻟﺰﺍﻭﻳﺔ .… ﻭﺭﻗﺔ ﻣﻄﻴﺮﻫﺎ ﺍﻟﻬﻮﺍ .… ﺣﻤﻠﻬﺎ .… ﻓﺘﺤﻬﺎ .… ﻭﻋﻘﺪ ﺣﻮﺍﺟﺒﻮ .…
- ﺍﻟﺮﺳﺎﻟﺔ /// : ﻣﺮﭬﺖ ﺍﺧﺘﻲ ﺍﻧﺎ ﺍﺳﻔﺔ ﻻﻧﻲ ﻣﺎ ﻭﺩﻋﺘﻚ ﻭﻻﻧﻲ ﻓﻠﻴﺖ ﺑﻬﺎﻟﻄﺮﻳﻘﺔ ﺑﺲ ﺍﻧﺎ ﻋﻢ ﺑﺨﺘﻨﻖ … ﺗﻌﺒﺖ ﻛﺘﻴﻴﺮ .….… ﻻ ﺗﺴﺄﻟﻲ ﻋﻨﻲ ﺍﺑﺪﺍ .… ﻭﻻ ﺗﺪﻭﺭﻱ ﻋﻠﻲ … ﺍﺗﺄﻛﺪﻱ ﺍﻧﻲ ﺡ ﻛﻮﻥ ﻣﻨﻴﺤﺔ .… ﺑﺪﻱ ﺍﺭﺟﻊ ﻉ ﻣﻜﺎﻥ ﺍﻻﻣﺎﻥ .… ﻭﺍﻟﻨﺎﺱ ﺍﻟﻄﻴﺒﺔ .… ﻋﺎﻟﻬﺪﻭﺀ .… ﻋﺎﻟﺼﺪﻕ ……
ﺧﺎﻟﺔ ﺍﻡ ﺍﺳﻴﺮ ﻭﻧﺴﺮﻳﻦ ﺍﻧﺎ ﺑﺘﺸﻜﺮﻛﻦ ﻛﺘﺘﺘﻴﺮ … ﻛﻨﺘﻮ ﻋﻴﻠﺘﻲ ﺍﻟﺘﺎﻧﻴﺔ … ﺣﺎﻭﻟﺘﻮ ﺗﺤﺴﺴﻮﻧﻲ ﺍﻧﻲ ﻭﺣﺪﺓ ﻣﻨﻜﻦ .… ﺍﻧﺎ ﺣﺒﻴﺘﻜﻦ ﻛﺘﻴﻴﻴﺮ .… ﻭﺑﻌﺘﺬﺭ ﺍﻧﻲ ﻓﻠﻴﺖ ﺑﺪﻭﻥ ﻣﺎ ﻭﺩﻋﻜﻦ .…… ﺳﺎﻣﺤﻮﻧﻲ ……
ﺑﺤﺒﻜﻦ ﺟﻤﻴﻌﺎ ..…… ﺍﻳﭭﺎ ///……
- ﻣﺮﭬﺖ : ﺷﻮ ﻓﻲ ﺑﺎﻳﺪﻙ ﺍﺳﻴﺮ ……
ﻋﻄﺎﻫﺎ ﻳﺎﻫﺎ …… ﻭﺭﺍﺡ ﻉ ﻏﺮﻓﺘﻮ .… ﺑﺪﻝ ﺗﻴﺎﺑﻮ ﻭﻧﺰﻝ ﻋﺎﻟﺴﺮﻳﻴﻊ .…… ﻟﻘﺎ ﺳﻤﻴﺮ ﺟﺎﻱ .…
- ﺳﻤﻴﺮ : ﺷﻮ ﺻﺎﻳﺮ .… ﻟﻮﻳﻦ ﺭﺍﻳﺢ ……
- ﺍﺳﻴﺮ : ﻣﺎ ﺑﻌﺮﻑ ﺳﻤﻴﻴﺮ ﻣﺎ ﺑﻌﺮﻑ ..… ﺭﺡ ﺟﻦ ..… ﺣﺎﺳﺲ ﻗﻠﺒﻲ ﺍﻧﺴﻠﺖ ﻣﻨﻲ .…… ﻳﻤﻜﻦ ﻃﻠﻊ ﻣﻌﻚ ﺣﻖ .…… ﺑﺲ ﺑﻌﺪﺕ ﺍﻳﭭﺎ ﺣﺴﻴﺖ .… ﺣﺴﻴﺖ .…
- ﺳﻤﻴﺮ : ﺣﺴﻴﻴﻴﺖ ﺷﻮﻭ ﺍﺳﻴﻴﺮ .…
- ﺍﺳﻴﺮ : ﺣﺴﻴﺖ ﺍﻧﻮ ﺍﻟﻬﺎ ﻗﻴﻤﺔ ﺑﺤﻴﺎﺗﻲ .… ﻣﺎ ﺑﻌﺮﻑ ﺷﻮ ﺣﺴﻴﺖ .… ﺑﺲ ﺍﻟﻠﻲ ﺑﻌﺮﻓﻮ ﺍﻧﻮ ﻣﺎ ﺣﺒﻴﺘﺎ ﺗﻔﻞ ..… ﺍﻟﻴﻮﻡ ﻭﻋﻴﻨﺎ ﻣﺎ ﻟﻘﻴﻨﺎﻫﺎ ……
- ﺳﻤﻴﺮ : ﻟﻚ ﻣﺎﺍﺍ ﺑﻘﺎﺍﺍﺍ ﺗﻘﻮﻭﻭﻝ ﺣﺴﻴﻴﺖ … ﻭﻻ ﺑﻘﺎ ﺗﻘﻮﻝ ﻣﺎ ﺑﻌﺮﻑ …… ﻣﺎ ﺗﻘﻮﻝ ﻳﻤﻜﻦ ..… ﺑﻜﻔﻴﻴﻲ ﺍﻋﺘﺮﻑ .… ﺍﺣﻜﻲ .…… ﻭﺍﻟﻠﻪ ﺑﺘﺮﺗﺎﺍﺍﺡ .…… ﻗﻮﻭﻭﻝ ﺍﻧﺎ ﺑﺤﺒﺎﺍﺍ …… ﻗﻮﻭﻭﻝ .… ﻗﻮﻝ ﻣﺎ ﻓﻴﻲ ﻋﻴﺶ ﻣﻦ ﻏﻴﺮﻫﺎ ..… ﻻ ﺑﻘﺎ ﺗﺘﻠﺒﻚ ﺑﺎﻟﺤﻜﻲ … ﻗﻮﻝ ﺍﻟﻠﻲ ﺑﻘﻠﺒﻚ ﻋﺎﺍﺍﺩ ……
ﻗﺮﺏ ﻣﻨﻮ ﺍﺳﻴﺮ .… ﻛﺰ ﻉ ﺍﺳﻨﺎﻧﻮ …… ﻭﺷﺮﺍﺭﺓ ﺣﺐ ﻣﻤﺰﻭﺟﺔ ﺑﻐﻀﺐ ﻃﻠﻌﺖ ﻣﻦ ﻋﻴﻮﻧﻮ … ﺧﻠﻴﻂ ﺑﻴﻦ ﺍﻟﺤﺰﻥ ﻭﺍﻟﻔﺮﺡ ……
- ﺍﺳﻴﺮ ‏( ﺑﺼﺮﺍﺥ ‏) : ﻟﻜﻜﻜﻜﻜﻚ ﺑﻜﻔﻴﻴﻴﻴﻲ .… ﺑﻜﻔﻴﻴﻲ ﺳﻤﻴﻴﻴﻴﺮ .…… ﻟﻚ ﺍﻱ ﺍﻱ ﺑﺤﺒﺎﺍﺍﺍﺍﺍﺍﺍ .… ﺑﺤﺒﺎﺍﺍﺍﺍ ..……
- ﺳﻤﻴﺮ ‏( ﻣﺒﺘﺴﻢ ‏) : ﺍﻱ ﺷﻮ ﻧﺎﻃﺮ .… ﺭﻭﻭﺡ ﻟﻌﻨﺪﺍ ﻭﻗﻠﻬﺎﺍﺍ .… ﻣﺎ ﺗﻄﻠﻊ ﻓﻴﻲ ﻫﻴﻴﻚ ﺭﻭﻭﺡ ……
ﺭﻛﺐ ﺑﺴﻴﺎﺭﺗﻮ ..… ﺷﻐﻠﻬﺎ .… ﺩﻋﺲ ﺑﺎﻧﺰﻳﻦ ﻭﻃﺎﺭ ﻃﻴﺮﺍﺍﻥ .………… ﺍﺑﺘﺴﻢ ﺳﻤﻴﻴﺮ ﻭﻗﺎﻝ ‏( ﻭﺍﺧﻴﺮﺍﺍﺍ … ﺷﻜﻠﻮ ﺭﺡ ﻳﺮﺟﻊ ﻣﺮﺍﻫﻖ ‏) ……… ﺑﺮﻡ ﻭﺟﻮ ﻧﺎﺡ ﺍﻟﻔﻴﻼ ..… ﻭﺍﻧﺼﺪﻡ ..… ﻟﻘﺎﻫﻦ ﻛﻠﻦ ﻣﺼﻔﻮﻓﻴﻦ ﺟﻨﺐ ﺑﻌﺾ …… ﻭﺳﺎﻛﺘﻴﻦ ﻭﻻ ﺻﻮﻭﺕ .…… ﻭﻓﺎﺗﺤﻴﻴﻦ ﻋﻴﻮﻧﻦ ﻉ ﻭﺳﻌﺎ ……
- ﺳﻤﻴﺮ : ﺷﻮ ﺑﻜﻦ ﻳﺎ ﺟﻤﺎﺍﻋﺔ …… ﺍﻱ ﺍﻱ ﺑﺤﺒﺎ ﻟﻴﻪ ﻣﺴﺘﻐﺮﺑﻴﻦ .… ﻭﻣﻦ ﺯﻣﺎﻥ ……
- ﻧﺴﺮﻳﻦ : ﺍﺳﻴﺮ ﺧﻴﻲ ﻣﺎ ﻏﻴﺮﻭ .… ﻋﺸﻘﺎﺍﺍﻥ !!!!!!!
- ﺳﺎﻫﺮ : ﺳﻤﻴﺮ ﺍﻟﻠﻲ ﺳﻤﻌﻨﺎﻩ ﺻﺢ …… ؟؟ !!!!!!
- ﺳﻤﻴﺮ : ﻋﻢ ﻳﺪﻗﻠﻲ ..… ﺍﻟﻮ ﺍﻱ ﺍﺳﻴﻴﻴﺮ ..…… ﻳﻼ ﺭﺡ ﺍﺳﺄﻟﻚ ..… ﻣﺮﭬﺖ ﺑﺄﻱ ﺿﻴﻌﺔ ﺍﻧﺘﻮ ﻛﻨﺘﻮ ﺳﺎﻛﻨﻴﻴﻦ ..… ﻣﺮﭬﺖ ﻋﻢ ﺑﺤﻜﻲ ﻣﻌﻚ ..… ﻟﻚ ﺍﺳﻴﺮ ﺭﺍﻳﺢ ﻳﺠﻴﺐ ﺍﺧﺘﻚ ..…
ﻗﺎﻟﺘﻠﻮ ﺍﻟﻌﻨﻮﺍﻥ ﻭﻫﻴﻲ ﺷﺒﻪ ﻣﺼﺪﻭﻣﺔ .…… ﻧﻘﻠﻮ ﻳﺎﻩ ﻭﺭﺟﻊ ﺍﻟﺘﻠﻔﻮﻥ ﻉ ﺟﻴﺒﺘﻮ ..… ﺗﻜﺘﻒ ﻭﺻﺎﺭ ﻳﺮﺍﻗﺒﻦ ....
- ﻧﺴﺮﻳﻦ : ﺍﻣﻲ ﺳﻤﻌﺘﻲ ..… ﺍﻣﻲ ﺯﻟﻐﻄﻲ …… ﺍﺳﻴﻴﺮ ﻭﺍﺧﻴﺮﺍ ﻓﺘﺢ ﻗﻠﺒﻮﻭﻭ .……
- ﺍﻡ ﺍﺳﻴﺮ : ﺍﻱ ﺍﻱ ﺳﻤﻌﺖ ..…… ‏( ﺍﺑﺘﺴﻤﺖ ﻭﺭﻓﻌﺖ ﺭﺍﺳﺎ ﻟﻠﺴﻤﺎ ‏) … ﺑﺤﻤﺪﻙ ﻭﺑﺸﻜﺮﻙ ﻳﺎ ﺭﺑﻲ ..… ﻭﻳﻨﻚ ﻳﺎ ﺍﻳﭭﺎ ﺑﺪﻱ ﺑﻮﺳﻚ ﻣﻦ ﺑﻴﻦ ﻋﻴﻮﻧﻚ ……
- ﺳﺎﻫﺮ : ﺍﻧﺸﺎﻟﻠﻪ ﻳﻼﻗﻴﻬﺎ …… ﺑﻼ ﻣﺎ ﻳﻔﻮﺕ ﺑﻨﻮﺑﺔ ﺣﺰﻥ ﺗﺎﻧﻴﺔ …… ﻣﺎ ﺗﺨﻠﺺ ﺑﻌﺪ ٢٠ ﺳﻨﺔ …
ﺿﺤﻜﻮ ﻛﻠﻦ ﺳﻮﺍ …… ﻭﻓﺎﺗﻮ ﻋﺎﻟﻔﻴﻼ …… ﻭﺻﺎﺭﻭﺍ ﻳﺮﺍﻗﺒﻮ ﺍﻟﻮﻗﺖ .… ﻧﺎﻃﺮﻳﻦ ﻭﺻﻮﻝ ﺍﺳﻴﺮ ﻭﺍﻳﭭﺎ ﻭﺩﺧﻮﻟﻦ ﻣﻦ ﻫﺎﻟﺒﺎﺏ ﺑﺄﻱ ﻭﻗﺖ .………
____________________________________
- ﺍﻣﻴﺮ : ﻭﺑﻌﺪﻳﻦ …… ﺭﺡ ﺗﻀﻠﻠﻲ ﺳﺎﻛﺘﺔ .…… ﻳﻌﻨﻲ ﻭﺯﻋﺘﻲ ﺍﺑﺘﺴﺎﻣﺎﺕ ﻣﺰﻳﻔﺔ ﻋﺎﻟﺤﻲ .… ﻭﺟﺎﻱ ﺗﺴﻜﺘﻲ ﺑﻮﺟﻲ ﻫﻸ ……
- ﺍﻳﭭﺎ : …………
- ﺍﻣﻴﺮ : ﺧﻠﺺ ﺧﻠﻴﻜﻲ ﺳﺎﻛﺘﺔ .… ﻫﻲ ﻓﺘﺮﺓ ﻭﺑﺘﺮﺟﻌﻠﻚ ﺿﺤﻜﺘﻚ … ﻣﻊ ﺍﻧﻲ ﻣﺎ ﺑﻌﺮﻑ ﻣﻴﻦ ﺍﻟﻠﻲ ﺍﺧﺪﺍ ﻣﻨﻚ ..… ﺑﺲ ﺍﻟﻠﻲ ﺑﻌﺮﻓﻮ ﺍﻧﻲ ﻓﺮﺣﺖ ﺑﺮﺟﻌﺘﻚ ..… ﻭﺍﻫﻞ ﺍﻟﺤﻲ ﻛﻠﻦ ﻛﻴﻔﻮﻭ ﻭﻣﺎ ﻋﺎﻃﻴﻴﻦ ﻓﺮﺣﺘﻦ ﻟﺤﺪﺍ .……
- ﺍﻳﭭﺎ : ﺍﻣﻴﺮ .…… ‏( ﺳﻜﺘﺖ ﺷﻮﻱ ﻭﻛﻤﻠﺖ ‏) … ﺍﻧﺎ ﺑﺤﺒﻮ .……
ﻛﺎﻧﺖ ﻣﻜﺘﻔﺔ ﻭﻋﻴﻮﻧﺎ ﺻﺎﻳﺮﻳﻦ ﺻﻐﺎﺭ ﻉ ﺍﺩ ﻣﺎ ﺑﻜﻴﺖ ﻣﻦ ﻣﺒﺎﺭﺡ ﻟﻠﻴﻮﻡ ..… ﻗﺎﻋﺪﺓ ﻉ ﻛﺮﺳﻲ ﺑﺤﺪﻳﻘﺔ ﺍﻟﺤﻲ ﻭﺷﻌﺮﺍ ﻋﻢ ﻳﻄﻴﺮ .… ﻭﻋﻢ ﺗﺮﺍﻗﺐ ﺍﻟﻮﺭﻭﺩ … ﻭﻫﻮﻱ ﻗﺎﻋﺪ ﺣﺪﻫﺎ ﻋﻢ ﻳﺮﺍﻗﺒﻬﺎ .… ﺑﺮﻡ ﻭﺟﻮ ﻟﻠﺠﻬﺔ ﺍﻟﺘﺎﻧﻴﺔ ..… ﻣﺴﺢ ﺩﻣﻌﺘﻮ ..… ﻭﺭﺟﻊ ﺍﻃﻠﻊ ﻓﻴﻬﺎ .……
- ﺍﻣﻴﺮ : ﻟﻜﻦ ﻟﻴﻪ ﺭﺟﻌﺘﻲ !!
- ﺍﻳﭭﺎ : ﻣﺎ ﺑﻌﺮﻑ ﺍﻳﻤﺘﺎ ﻭﻛﻴﻒ … ﺑﺲ ﻟﻤﺎ ﺑﻌﺪﺕ ﻋﻨﻮ ﻋﺮﻓﺖ ﺍﻧﻮ ﻫﻮﻱ ﻏﺎﻟﻲ ﻉ ﻗﻠﺒﻲ ﻛﺘﻴﺮ … ﻟﻴﻪ ﺭﺟﻌﺖ …!! ﺭﺟﻌﺖ ﻻﻧﻮ ﺣﺐ ﻣﻦ ﻃﺮﻑ ﻭﺍﺣﺪ .……
- ﺍﻣﻴﺮ : ﻣﻴﻦ ﻗﻠﻠﻚ ؟ …… ﺍﻧﺎ ﺷﻔﺖ ﺍﻟﺤﺐ ﺑﻌﻴﻮﻧﻮ ﺍﺗﺠﺎﻫﻚ ……
- ﺍﻳﭭﺎ : ﻛﺬﺏ ….…… ﻛﺘﻴﺮ ﺟﺮﺣﻨﻲ ﻣﺒﺎﺭﺡ .… ﺩﺍﻓﻦ ﺣﺎﻟﻮ ﻣﻊ ﺑﻴﻪ ﻭﺣﺒﻴﺒﺘﻮ ﺍﻟﺴﺎﺑﻘﺔ …… ﻟﻚ ﻓﻠﻴﺖ ﻭﻣﺎ ﻧﺎﺩﺍﻟﻲ ﺍﺭﺟﻊ .… ﻣﺎ ﺭﻓﻠﻮ ﺟﻔﻦ ..… ﻓﺘﺖ ﺑﻨﺺ ﺍﻟﻠﻴﻞ ﻭﺿﺒﻴﺖ ﻏﺮﺍﺿﻲ ﻣﺘﻞ ﺍﻟﺤﺮﻣﻴﺔ ..… ﺩﻓﻌﺖ ﺍﻟﻠﻲ ﻓﻮﻗﻲ ﻭﺍﻟﻠﻲ ﺗﺤﺘﻲ ﻟﺼﺎﺣﺐ ﺍﻟﺘﻜﺴﻲ ﻟﻮﺻﻠﺖ ﻟﻬﻮﻥ ……… ﻭﻫﺎﻱ ﺍﻧﺎ ﻫﻮﻥ … ﻭﻟﻬﻸ ﺗﻠﻔﻮﻧﻲ ﻣﺎ ﻋﻢ ﺑﺪﻕ ﺍﻻ ﻣﻦ ﺍﺧﺘﻲ ﻣﺮﭬﺖ ..……
- ﺍﻣﻴﺮ : ﺑﻠﻜﻲ ﻫﻮﻱ ﻗﻠﻬﺎ ﺗﺪﻗﻠﻠﻚ ……
- ﺍﻳﭭﺎ : ﻫﻪ …… ﺍﻱ ﻣﺒﻼ ﻛﺘﻴﻴﺮ ……
ﺿﻞ ﻋﻢ ﻳﺤﺎﻭﻝ ﻳﻬﺪﻳﻬﺎ .… ﻳﻌﻄﻴﻬﺎ ﺍﻣﻞ …… ﻳﺤﺴﺴﻬﺎ ﺍﻧﻮ ﺑﻴﻌﺮﻑ ﺍﻧﻮ ﺍﺳﻴﺮ ﺑﺤﺒﻬﺎ .… ﻣﺎ ﺑﻘﺎ ﻣﺘﺤﻤﻞ ﻳﺸﻮﻑ ﺍﻟﺤﺰﻥ ﺑﻌﻴﻮﻧﺎ .… ﺑﺪﻭ ﻳﺎﻫﺎ ﺗﻔﺮﺡ …… ﺑﺄﻱ ﻃﺮﻳﻘﺔ ..…
- ﺍﻣﻴﺮ : ﻳﻤﻜﻦ ﻳﻜﻮﻥ ﻋﺎﻟﻄﺮﻳﻖ .… ﺟﺎﻱ ﻳﺎﺧﺪﻙ ……
- ﺍﻳﭭﺎ : ﻫﻪ …… ﺑﺎﺣﻼﻣﻲ ﻣﺎ ﺑﺘﺼﻴﺮ ..… ﺣﺘﻰ ﻟﻮ ﺍﺟﺎ … ﻓﺎﺕ ﺍﻻﻭﺍﻥ … ﻣﺎ ﺑﻘﺎ ﺭﺡ ﺍﺳﻤﺤﻠﻮ ﻳﻀﻞ ﺑﺤﻴﺎﺗﻲ ..…
- ﺍﻣﻴﺮ : ﺍﺫﺍ ﺍﺟﺎ ﻻﺯﻡ ﺗﺮﻛﻀﻲ ﻟﺤﻀﻨﻮ ..…
- ﺍﻳﭭﺎ : ﻫﺎﻟﺸﻲ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ ..… ﻣﺴﺘﺤﻴﻞ ﺍﻋﺘﺮﻓﻠﻮ ﺍﻧﻲ ﺣﺒﻴﺘﻮ .… ﺍﺳﺎﺳﺎ ﻟﻤﺒﺎﺭﺡ ﻷﻧﺎ ﻋﺮﻓﺖ ﺍﻧﻲ ﻏﺮﻗﺖ ﺑﺒﺤﺮ ﺍﻟﻌﺸﻖ .………
ﻋﻘﺪ ﺣﻮﺍﺟﺒﻮ ﺍﻣﻴﺮ ..… ﺻﻐﺮ ﻋﻴﻮﻧﻮ ﻟﻴﻘﺪﺭ ﻳﺸﻮﻑ ﻫﺪﻳﻚ ﺍﻟﺴﻴﺎﺭﺓ ﺍﻟﻠﻲ ﺑﻌﻴﺪﺓ ﻟﻤﻴﻦ ..… ﻋﻢ ﺗﻤﺸﻲ ﻉ ﻣﻬﻼ ﻭﻛﺈﻧﻬﺎ ﻋﻢ ﺗﺪﻭﺭ ﻋﻠﻰ ﻋﻨﻮﺍﻥ .… ﻭﻗﻒ ﻭﺣﻜﺎ ﻣﻊ ﺍﻟﻌﻢ ﻣﺤﻤﺪ …… ﻭﺍﻟﻌﻢ ﺍﺷﺮﻟﻮ ﻟﻨﺎﺣﻦ .…… ﺍﻃﻠﻊ ﺍﺳﻴﺮ ﻋﻠﻴﻬﻦ .… ﻃﺒﻌﺖ ﻋﻴﻨﻮ ﻉ ﺍﻣﻴﺮ ..…… ﻣﺸﻲ ﺑﺎﻟﺴﻴﺎﺭﺓ ﻟﻮﺻﻞ ﻟﻌﻨﺪﻥ .…… ﻧﺰﻝ ..… ﻣﺸﻲ ﻟﻌﻨﺪﺍ ..… ﺣﻂ ﺍﻳﺪﻳﻪ ﺑﺠﻴﺎﺑﻮ ﻭﻭﻗﻒ .…… ﻛﺎﻥ ﺭﺍﺳﺎ ﺑﺎﻻﺭﺽ .… ﻟﻤﺤﺖ ﺻﺒﺎﻃﻮ .…… ﻧﻐﺰﻫﺎ ﻗﻠﺒﻬﺎ … ﺷﻤﺖ ﺭﻳﺤﺘﻮ … ﺣﺴﺘﻮ ﺍﻧﻮ ﻫﻮﻱ … ﺭﻓﻌﺖ ﺭﺍﺳﺎ .…… ﻭﺍﻟﺘﻘﻮ ﻋﻴﻮﻧﻦ .…… ﺍﺗﺠﺎﻫﻞ ﻭﺟﻮﺩ ﺍﻣﻴﺮ ﻭﺿﻞ ﻋﻢ ﻳﺘﺄﻣﻠﻬﺎ …… ﻟﺤﺪ ﻣﺎ ﻧﻄﻘﺖ .…
- ﺍﻳﭭﺎ ‏( ﺑﻬﻤﺲ ﻣﺴﻤﻮﻉ ‏) : ﺍﻷﺧﺮﺱ ……
يتبع .......