قام الصباح راسو يوجع فيه باش يتكسر شرب برشا ليلة البارح كلعادة كل صباح بحذاه كعبة جديدة (طفلة) كانت مغطيا بالكوات من صدر لشطر فخاذها والباقي عريان خزرلها على جنب متقزز وبدا يرفل فيها
- فييق يا .......(حتى اسمها ما يعرفوش والا نساه الله أعلم) يا شسمك تي قوم قوم عليا من فرشي
- امممم ....
- تي قوم ياخي ماتسمعش ؟! (طلعتلو في راسو وتغشش)
- اممم كرم خليني نزيد نرقد يا روحي...
- ااه ! روحك ؟ برا يطلع روحك من بلحوحك .... باهي تحب تزيد تتمرقد زيد تمرقد هاني ماشي نعمل دوش كي نخرج ريحتك ما نلقهاش فهمت ؟!!!!!
- امممم باهي بركا
دخل عمل دوش خفيف فيسع فيسع ولف منشفة على نصو اللوطانية وخرج يحلف ويتكتف كان يلقاها مازالت عادي الأمل يفزدلها وجها ... وكانت الصدمة فعلا لقاها مازالت متكمشة كالقطوس في الفرش متكعبرة في الكوات وتجبد فيه خميري 😅
- خراك ياخي شبيك ما تسمعش الكلام.... وشدها من شعرها وكركرها وطيحها مالفرش
- كرررم ياخي شبيك حبي
- حبك؟ حبة و كبة ماعادش تعاودها هاذي حبي وتوا شلاڨاتك وملاڨاتك ودارك تعيط
- أمان ياخي شبيك تبدلت معايا ماتتذكرش كيفاش البارح كنت شايخ عليا وقتلي نحبك وعمري ماني باش نخليك
- وأنت صدقت ... زايد بوهالية (ويضحك)
عيناها تعباو بالدموع غاضتها روحها أما هي تعرف الي هوا عمل هكا مع برشا بنات أخرين ومازال باش يعمل هاذيكا صنعتو وماهياش أول والا آخر وحدة وهاذاكا الي خلالها تبرد شويا وتواسي روحها
- أما أنا نحبك بالرسمي كرم و.... قص عليها وقلها : سكر فمك راسي باش يتكسر مالوجيعة ما تزيدش على همي وكانك على ليلة البارح هاو تعبك ....(رمالها لفة تاع فلوس على وجها)
ڨحرتلو وقتلو: تو يجيك نهار وتحب وتعشق كالمهبول ومتنجمش توصل للطفلة الي عشقتها وقتها تو تتعذب وتفهم مليح شمعناها ما تنجمش توصل الإنسان الي تحبو ومتنجمش تكون معاه وتعيش نفس العذاب الي ذوقتهولي وذوقتو لبرشا بنات قبلي غير أصبر بركا ما عندك وين هارب منو النهار هاذاكا وتو تتفكر كلامي
خزرلها مالفوق الوطا نظرة استهزاء 😏😏 متاع راك تخرف يا طفلة سي كرم قلبو أبرد مالثلج ومستحيل تتأثر فيه حتى طفلة وتخليه يطيح على راسو مستحيييييل ههه . طيشها عالفرش وقلها عندك درج في يدك باش تلبس شوالقك وتقلب عليا منظرك تو نوصلك أنا لفم باب دارك
- لا موش مشكل تو ناخو تاكسي ما تعبش روحك (شادة دموعها بالسيف باش ماتظهرش ضعيفة قدامو)
- باهي برشا ارتح...قالها وخرج طربق الباب وراه
-
أنت تقرأ
My Little Boss
Akcjaكرونيييك ناار باللهجة التونسية🇹🇳 توا علاش قلبي المصطك البوهالي ما عشق كان الشخص الغالط ايجاو نحكيلكم علاش 🙈 خاطر فما .... برشا حببب ❤️ برشا هباااال 😜 وبرشا 🔞🔞 وفاااازااات 🔥🔥
