My Little Boss

عيون لا تنام 👀

-سي كرم توا 10:30 والراجل الي باش يجيبلنا السلعة لتوا ما جا
كرم بطبيعتو متوتر على خاطرو يخدم وحدو وزاد كمل عليه واحد مالرجال متاعو بالكلام الي قالهولو......الراجل الي باش يدخللهم السلعة مستانس يخدم معاهم وعمرو لا عمل روتار حتى بدرج
-سي كرم زعما ولا يبيع لغيرنا
-لا مستحيل.....عندنا مدة نخدمو معاه وعمرو لا جبد بينا وحتى لوكان ماعادش يحب يخدم مايجيش في آخر لحظة و يدور في الحياصة
-امالا سي كرم ينجمو يكون شدوه ؟؟
عدا يدو على شعرو وقعد يخمم زعما بالرسمي يكون شدوه وكان شدوه ماهو راهم شدونا أحنا معاه ......
هو يخمم هكيكا ويبيع ويشري وحدو ومهواش حاس بعينين زرقاء اليمامة الي تراقب فيه....
-هيا فاش تستنى
-اصبر شويا
-علاش خلينا نشدوهم خير ما يفلتو علينا
-شوف أحنا حاجتنا بكرم أكهو موش برجالو الكل يعني هو ما عندو وين يفلت
-ايه هيا نشدوه
-لا يا ايهاب
-اممم باهي
....................
-سي كرم يضهرلي الراجل ماهواش جاي
خزر لمنڨالتو يلقاها 11:15 نفخ بالقوي ياخي شنوا صار كنت حاسسها الليلة موش باش تتعدى لاباس
-هيا موش مشكل يا جماعة يمكن صارت مشكلة في السلعة هية نرجعو و توا أنا نحكي معاه ونشوف شنيا الموضوع
-حاضر سي كرم
خلاهم ركبو الكل في كراهبهم وشدو الثنية وهو قعد متكي على كرهبتو يخزر للنجوم
-علاش!؟.....علاش أنا تخلقت في عايلة تاع مافيات يعني كان لازم نولي نخدم في الكونترا علاش مانيش نعيش في عيشة عادية بسيطة كي خلق ربي الكل زعما كان ماجاش بابا الي هو عمي تاع مخدرات أنا كيفاه باش نكون ؟ زعما كنت باش نكون مافيوزي والا راني كنت انسان عادي نخدم في خدمة بسيطة!
الأسئلة هاذيكا الكل كانت دور في مخو وقتها مافاق كان بالسيڨارو وفا طيشو وطفاه بساقو وجبد تاليفونو وكلم الراجل تاع السلعة لقا تاليفونو مسكر نفخ بالقوي ورجع تاليفونو هذا الكل كان تحت عينين أريج وايهاب الي كانو قاعدين في كرهبة بعيد شوية على كرم ويراقبو في كل حركاتو وسكناتو
ايهاب جبد الفرد وجا باش يهبط شدتو أريج
-لا يا ايهاب
-تي شنوا يا أريج ياخي تحب تفلتو من بين يدينا
-خليه يمشي
-شنوا؟!
-تي أيه.... وأحنا نتبعوه من تالي باش نعرفو عالقليلة المقر متاعهم والا أي بلاصة يروحلها تنجم تفيدنا
-امممم كوميسار يعطك الصحة هاذي ماجاتش لمخي بصراحة
-نعرف نعرف انت ما يجي لمخك حتى شي .... المهم خلينا نركزو في خدمتنا توا
تاليفونها نوقز "aşkım" (معناها حبيبي باللغة التركية على خاطر أريج مغرومة بالأتراك ههه)
-امممممم
-ماكش باش تهز.....
-الحق أنا نحب نركز على خدمتي توا.....أما......
-تي هز صاحبك يحب يطمن عليك.....تي هز هاني أنا نعس
-امممم حل عينيك مليح......ألو فاروق
-وي يا روح فاروق.....
-لاباس....
-شي.....ياخي ما تحبنيش نسإل عليك
-لا ما قلتش هكا يا روحي
-اممم...امالا مازلت متغششا من حكاية الصباح
-لا لا ماصار شي بب وأنا نسيتو الموضوع.....
-بلحق!
-أي
-امممم..... امالا نخرجو نسهرو الليلة ونطلب منك السماح على قاعدة
-لا عزيزي الليلة ما نجمش عندي خدمة خليها ليلة أخرى بب
-امممم شنيا الخدمة هاذي الي أهم مني
-ماك تعرف
-نعرفش عمرك ما حكيتلي على خدمتك......أحكيلي شوي عليها
-امان توا أنا لاهيا خلي تو نحكيو من بعد
-أوكي باي
-باي
😁😁😁😁😁😁😁😁😁
-شقتلك
-شي ماحبتش طيح ماحكاتلي شي
-اممم مباين فيها ماهياش ساهلة الكوميسار هاذي
-تهنا هكا والا هكا تو يجي نهار وتحكيلي حويجة حتى لو كان نوصل نعرس بيها
-اممم باهي
😁😁😁😁😁😁😁😁😁😁