ليلى كل ده غياب عنى
براء غصب عنى يا حبيبتى انا نفسي أفضل معاكى دايما وازورك كل يوم
ليلى وانا كمان بس نفسي نكتب كتابنا علشان أكون براحتى معاك
براء براحتك ازاى يابت هتغتصبينى ولا اى
ليلى قليل الادب انا قصدى اكلمك براحتى نخرج براحتنا وكدا يعنى
براء عارف بس بهزر
ليلى طب اى هتكلم عمو ظافر
براء لا
ليلى بزعل انته مش عاوز تكتب كتابنا يا براء
براء لا ياحبيبتي مش كدا انا لو عليه اتجوزك دلوقتى واخدك معايا
ليلى امال اى
براء انا حابب نكتب كتابنا يوم الفرح ايه رائيك بتبقى احلى وأقوم حاضنك كدا وسط الناس كلها وافضل الف بيكى
ليلى خلاص براحتك
براء هتعرفى بعدين ليه قلتلك كدا
ليلى ازاى
براء قصدى لما تحسي بالفرحه معايا واحنا بنكتب كتابنا يوم الفرح وبعدين انا سافل اوى لو كتبت كتابنا مش هرحمك
ليلى 😳😳
صباح الخير يا مرام
مرام صباح الخير يا اسد
اسد مالك صاحيه بدرى كدا ليه
مرام مفيش بس معرفتش انام
اسد وشك تعبان يا مرام فيكى اى
مرام مفيش حاجه انا كويسه
اسد تحبى ننزل نمشي شويه
مرام ينفع
اسد الساعه خمسه ونص لسه الناس منزلوش الأرض وبعدين المشي كويس علشانك مش كدا ولا اى
مرام كدا
اسد طب يلا حطى شال على كتافك علشان الجو ساقع برا ويلا
مرام الشال اهو على الكنبه
اسد مد أيده طب يلا وهاتى ايدك كدا فى ايدى عريس وعروسه ماشي
مرام بتردد
اسد مالك يابت دانتى مرات اخويا واختى
مسكت مرام فى أيده
اسد بس متتكيش اوى على أيدى ونبى بقيت شبه التوكتك ببطنك دى امتى هتولدى
مرام انا شبه التوكتك
اسد بس توكتك عسل ومبقلظ
مرام هو انا بجد حلوة يا اسد
اسد طبعا حلوة وزى القمر
مرام بي انا مش حاسه كدا ليه
اسد بصى يا مرام انتى اختى قبل متكونى مرات اخويا ومش عاوزك تخبى منى حاجه واتاكدى انى فى ضهرك
مرام مفيش حاجه يا اسد انا كويسه
اسد امال دبلانه ليه ودائما سرحانه حاسك مطفيه واتاكدت من ده لما اتكلمت معاكى
مرام انا بس مضايقه من شكلى عاوزة اتغير عاوزة ..
اسد ششش هو اللى وصلك للمرحله دى مش كدا
مرام تقصد امجد
اسد اه
مرام لا هو كويس ومش بيقول حاجه واا
اسد كفايا تمثيل حرام عليكى الدمعه بتلمع فى عيونك
مرام ببكا مبيحبنيش حاولت ارضيه بكل طريقه عملت المستحيل علشانه وهو برضو بيكرهنى وبيقلل منى انتقادات انتقادات مش عجباه حاجه فيا لا شكلى ولا جسمى ولا طريقتى وصلت لدرجه انى بكره نفسي
