صباح الخير يابوى
حمزة صباح الخير يا ولدى اتاخرت امبارح يعنى
اسد معلش الشباب كانو سهرانين ومحسيتش بالوقت
حمزة ومبتباتش فى شقتك ليه مش عاوز حد يتكلم عليك
اسد متجبرنيش على حاجه مش عاوزها يابوى
انا مش بطيق اقعد فى مكان وهى فيه وبعدين كمان حركاتها بتضايقنى
حمزة هههههههههه اى بتغريك
اسد بخجل مش بتخجل يابوى وانا نبهت عليها كذا مرة متعملش كدا
حمزة ومالو مهى مرتك برضو
اسد وانته ترضهالى يابوى
حمزة لا بس برضو خف عليها شويه مهما كان روح
اسد على الله يابوى صحيح اتفقت مع خالى وجدى على موضوع براء
حمزة اطمن العصر هنروح نخطبهالو
اسد الله يبشرك بالخير يابوى
طقطقطق
اسد هقوم اشوف مين على الباب
فتح اسد الباب
عزيزة السلام عليكم يا اهل البيت اتوحشتكم واتوحشت البيت حمزة اهلا اهلا بيكى فين الغيبه يا بت خالتى
عزيزة الدنيا ياحمزة بتلهى
عامله اى وعيالك وجوزك
عزيزة بخير الحمدلله استنى لما ادخل الشنط مع العيال
هيثم بغرور انته يا اسمك اى هات الشنط دى ورايا
اسد بذهول انته اتجننت ولاةاى متظبط كلامك يا جدع انته
هيثم ليه أن شاء الله مش بتشيل شنط ولا انته بتاع الزريبه ولا اى
مسكه اسد من رقبته انته مش هتبطل البرود بتاعك ده غير لما اطير رقبتك من على جسمك ولولا انك ضيف عندى كنت علمتك الادب
حمزة فى اى يا اسد
اسد اتفضل شوف قال بيقولى انا شيل الشنط يا اسمك اى
حمزة حصل خير يمكن نسيك بقاله عشر سنين مش شافك دا اسد يا هيثم فاكروه
هيثم بلامبالاه اه افتكرتو لما هجم عليه افتكرت الهمجيه دى متطلعش غير منو بجلبيتو دى
اسد ومالها الجلابيه يا امور
هيثم ملهاش افففف فين ماما يا ماما
عزيزة تعالى يا هيثم امال فين عبير
هيثم شبطانه فى حصان هناك بتلعب فيه
اسد ينهاركم اسود يغموور
انا عارف نهار مش فايت
وطلع يجرى على الاسطبل
عبير تاكل شيبسى الله جميل اووى بصووو يابنات ..كانت فاتحه لايف وبتتصور مع الحصان
اسد ااانتى يا بابا بتعملى اى ابعدى من الفرس
عبير متنحه لاسد وموجه الكاميرا بتاعت الفون عليه
اسد اااانتى اتحنطتى ولا اى ابعد من الفرس بتاعى
عبير بهيام هو دا حصانك
اسد بضيق أيوة وياريت متقربيش منو خالص مفهوم وبعدين بعدى الزفت ده انتى بتصورى اى
عبير بصورك
اسد نعم يختى
عبير احم قصدى بصور الحصان
اسد طب هشش هششش من هنا أجرى ياشاطرة عند امك
عبير طيب ماشيه اهو
اسد ياكش تولعى انتى وامك واخوكى العنق ده
حياه من البلكونه اسددد اسددد
اسد ابتدينا نعم يمه
حياه بعصبيه اطلع عاوزاك
اسد خير مالك
حياه صوح عزيزة فى المضيفه عند ابوك
اسد أيوة
حياه وجايه تعمل اى دى بعد السنين دى مش كانت غارت وارتحنا منها
اسد معرفش يمه
حياه ومتعرفش كيف انا مش قايلالك اول متشوف اللى متتسمى دى تلزق جنب ابوك متتحركش وتيجى تقولى بيقولوا اى
اسد 😠دا كان زمان يمه من يجى خمستاشر ستاشر سنه كنتى مشغلانى عصفورة ليكى انما دلوقتى كبرت ونسيت
حياه بعصبيه وتنسى ليه ها روح يلا اقعد جنب ابوك ومتتحركش وتعالى قولى الحربايه دى عاوزة اى
اسد نعم يختى انتى مش واخده بالك ولا اى بقيت دلفه باب وعاوزانى ابقالك عصفورة
حياه واد انته معنديش غيرك يعمل كدا
اسد وانا مالى مش رايح
حياه بحزن مصطنع كدا يا اسد يا حبيب امك تسيب ابوك يقعد مع الحربايه دى لوحدهم
اسد يمه اعقلى بقا
حياه ياواد دى جوزها اتوفى وجايه تخطف ابوك منى ااه ينارى منها الملكومه دى
اسد هههههههههه يمه دى مش بت خالت ابوى يعنى بت خالتك انتى كمان
حياه لاه مش بت خالتنا امها هى اللى بت خالتنا يعنى هى قريبتنا بس من بعيد وابوك بيقولها بت خالتى بيستقرب
اسد بس يمه شكلها غاليه قوى على ابوى
حياه كيف يا واد
اسد اول مشافها يمه وعلى وحشتينا ياعزيزة اتاخرتى علينا ليه يا عزيزة
حياه هو قال كدا طيب يا حمزة
اسد رائحه فيه يمه
حياه زقته اوعى ياواد من قدامى انا هروح اشوف البومه دى جايه ليه ومشيت
اسد هههههههههه وانا اقول المجنونه ملك طالعه لمين
فى المضيفه
حياه عامله اى يا عزيزة
عزيزة بخير يا حياه وانتى
حياه وقفت جنب حمزة وحطت أيدها على كتفه لتثبت ملكيتها ليه
بخير يا عزيزة سمعت جوزك اتوفى البقيه فى حياتك
عزيزة حياتك الباقيه
حياه وجيتو ليه يا عزيزة
عزيزة نعم ..
حياه قصدى رجعتو من الامارات ليه
عزيزة اه بحسب اصل قررنا نعيش فى مصر وابنى هيفتح شركه فى القاهرة وصفينا كل اشغالنا هناك
حياه وهتقعدوا كتير هنا
عزيزة اى ياحياه مش عاوزانا فى بيتك ولا اى
حياه لا مقصدش بس بسئل علشان اقوم بالواجب
حمزة حضريلنا الفطار يا حياه
حياه وهتطلعوا فوق ولا هتفضلوا فى المضيفه لسه تكملوا كلامكم
حمزة لا هنطلع وراكى
حياه لا يا حمزة قدامى قومى يا عزيزة نطلع فوق وسحبتها من أيدها ومشيت
حمزة ماشي يا حياه
براء فينك يا سيمبا يا قلبى
اسد فى البيت
براء مالك يلا تعبان ولا اى
اسد لا بس عمتك هتقتل قتيل هههههههههه
براء فى اى
اسد خالتك عزيزة جات عندنا ولك أن تتخيل عمتك
براء يا دينى هههههههههه فاكر يلا كانت امك تمشينا ورا ابوك نراقبو لما تيجى الوليه دى عندكم
اسد هههههههههه اه
براء وابنها الرخم جه معاها
اسد اه وكنت هضربو
براء على وضعك منته دايما بتضربه اى الجديد
اسد طيب نص ساعه واجيلك علشان نظبطك قبل منروح نخطبلك
براء هتجيلى انا ولا علشان حبيبت القلب
اسد حبيبت القلب هى فين مبقيتش عاوزانى
براء مش هتبطل تبات كل ليله فى اوضتها
اسد محصلش
براء مش عليه انا بحس بيك وانته بتنط خلى بالك لو حد شافك هتبقى مشكله
اسد اعمل اى عندك حل تانى مبقدرش امنع نفسي منها ومش عارف اشوفها بتستخبى منى لما بروح عندكم
براء ربنا يجمع شملكم يا صاحبى وبعدين يا جدع منته كل يوم بتشوفها وبتملى عينك منها
اسد جايز يا براء بس كنت اتمنى لو تكون قابله وجودى وبتحبنى
براء بتحبك بس اصبر عليها شويه هتسامحك
اسد يارب سلام دلوقتى علشان عمتك هتقطع الوليه
براء هههههههههه سلام
