عاوز طبل بلدى وخيول رقاصه تستقبل رجوع ابوى لبيته والدنيا من جديد
عارف امرك يابشمهندس
وجهزلى يغمور علشان عاوز ارقص بيه النهارده
وجهز الدبايح لحد مرجع من المستشفى اول دبيحه هتدبح تحت رجل ابوى وبعدين نكمل الباقى
عارف ربنا يديله الصحه والعافيه ويحفظه لينا يارب ويجعل كل الخير اللى بيعمله فى ميزان حسناته
اسد مش عاوز عيله نبات من غير عشا النهارده الدنيا كلها تدعى للعمده
عارف مش محتاج يابشمهندس البلد كلها بتدعيله من حبهم فيه
اسد وعاوز تجهز عشا للذكارين لوحدهم مخصوص بعيد اى حد علشان هنخلص الذمارة قبل المغرب ومن بعد المغرب هيبدا الذكر
عارف من عنيا يابشمهندش كل حاجه هتبقى جاهزة متشغلش بالك
عبد الوهاب يافرحه متمت اهو نجى منها
تهامى زى القطط بسبع ارواح كل مقول هخلص منه يرجع اقوى من الاول
عبدالوهاب بس انته مش قليل اللى بتعمله فيه دانته خليتو هو وأخوه وولادهم داخلين فى بعض وبيخبطوا يمين وشمال دماغك دماغ شياطين
تهامى بملل وايه اللى حصل ولا حاجه الللى انا عاوزة لسه محصلش
عبدالوهاب هيحصل وهنخلص منو هو وولده اللى عامل زى الشوكه فى الزور ده بس واحده واحده على الهادى على الهادى
حمزة مكنش له لزوم الفرح اللى انته عامله دى يا أسدى
اسد انته بتقول فيها يابوى يوم خروجك من المستشفى دى ورجوعك لينا فرح ولازم نشكر ربنا عليه
ظافر ياواد وهتشكر ربنا بالطبل والزمر ورقص الخيل
اسد هههههههههه مهو ساعه لقلبك وساعه لربك يا خال وبعدين مشتاق اوى لرقص الخيل
حمزة طول عمرك تموت فى الخيل ورقصها
اسد دى جينات يابوى بتجرى فى الدم
عمران انا خلصت الحسابات نقدر نروح دلوقتى
اسد يلا يابوى على مهلك
امجد أسند عليه ياحج
حمزة وااه امجد بيه بيمد يده يساعدنى دا يوم فرح صوح يا بوى
امجد هو انا مش ابنك ولا اى
حمزة بابتسامه بهزر معاك ياواد كلكم عيالى
وهتسند عليك اهو بس اوعى تطلع خرع ونقع احنا الاتنين هههههههههه
اسد متقلقش يابوى انا فى ضهركم
حمزة بابتسامه حنونه دائما فى الضهر وساند
براء طب يلا انا بتخنق من المستشفيات يلا نروح
كان جو جميل من المزمار البلدى والطبل ورقص الخيول وكل فارس بيتسابق علشان يبرز مهارته فى الرقص
اسد هات ياعارف الدبايح
عمران بلاش منظر الدم ده يا اسد
اسد.😕😏 بس ياض يافافى والله انته عارف على الصعيد
عمران مش قصه فافى ولا مش فافى بس اصلى دم ودبيح خليها بعيد طيب
اسد هات السكينه ياعم عارف علشان نسيح العجل ده تحت رجل ابوى
عمران وكمان انته اللى هتدبح
اسد اه اول مرة تشوفنى بدبح ولا اى
عمران انا مااااشي مين ده يا حج مييين السفاح ده
حمزة هههههههههه خليك ياض قوى قلبك
اسد بسم الله الله اكبر
امجد عادى يعنى مش قصه
اسد طب تعالى ادبح عجل يا فندام
امجد بتردد ااانا
اسد.امال انا تعالى جرب
امجد.ومالو هات السكين مسك امجد السكينه وايدوا بترعش راح عند العجل وهو متكتف وايدوا رعشت اكتر جه اسد من جنبه ومسك أيدوا وداس عليها جامد اسد السكينه بتتمسك كدا ومتخافش لو ايدك رعشت هتفطس الدبيحه ومتنفعش تتآكل ومسك أيدوا ودبح الدبيحه هم الاتنين
امجد انته مش زعلان منى
اسد المسامح كريم
امجد بصله كتير وبعدها قام وسابه
براء مش هتيجى ترقص على يغمور ولا اى
اسد جايلك اهو حضر نفسك ونشوف مين رقصه احلى بالفرس
كامل نورت بيتك يا خوى
حمزة كان لازم اقع يا كامل علشان قلبك يحن
كامل اختك امنتنى وحلفتنى برحمه امك وابوك علشان ابعد ملك عن اسد وانته عارف امنه نصي التانى تؤائمى يعنى روح واحده
حمزة حاصله يا كامل عرفت بتك فين
كامل للاسف لا كلمت امها وقالتلها انها بخير بس بعدت من هنا علشان اسد يرجع وقفلت معرفناش مكانها فين ولا مين ساعدها تطفش من هنا
حمزة والناس
كامل انا قلت انها سافرت للجامعه فى القاهرة
حمزة كويس وبلاش امنه تعرف هتفضحك فى البلد يا كامل
كامل لا مظنش تعمل كدا
حمزة اسمع كلامى ولو مرة واحده
كامل حاضر
اسد فين حسن من الصبح مش شايفه
ادم قالى رايح مشوار وراجع
اسد ربنا يستر من مشاويرة
ظافر واحد منكم يجى يحطب معايا
اسد بالدور احنا الاتنين
ظافر ماشي
وبدائت وصله من التحطيب
ظافر قطعتو نفسي الظاهر انى عجزت
حمزة هناخد زمنا وزمن غيرنا يا ظافر فاكر ايام مكنت انا وانته احسن اتنين يلعبوا بالعصا فى البلد كلها
ظافر كانت ايااام يا حمزة البركه فى الشباب بقا
ادم يانهار اسود الحق يا اسد شوف حسن جايب اى
حسن حبيب قلبى الف حمدالله على سلامه الحجوج
حسن ايه اللى انته جايبه دا زفت
حسن رقاصه علشان تفرفش الجو
اسد هو انا عامل طهور دا ذكر وإنشاد دينى
حسن طب ومالو تفرفش القعده قبل الانشاد
اسد انته مجنووووون عاوز رقاصه وإنشاد دا لو عملنا كدا هتنزل علينا نيازك من السما
حسن طب اعمل اى يعنى انا عاوز افرفش معاكم وأحضر الليله ولو رجعت دودى مش هلحق
اسد اتصرف بقا لو انشافت هنا ابويا هينفخنا
حسن ونبى ابوك لو شافها هيخف تعا نجرب كدا
اسد ولا متجننيش اتصرف فى البت دى
حسن خلاص ادودى احبيبت قلبى
دودى بمياصه نعم يا سونه
حسن الهوووى الناس د مش بتاعت فرفشه يابت دودى يعنى أي يا خوياااااا انته جايبنى دا كله وسيبت نمرتى فى الكباريه وتقولى بححح مفيش شغل
حسن لا مش كدا فى شغل يابت بس خاص
دودى ازاى بقا
حسن هوصلك خلوتى دلوقتى بيت صغير كدا للمزاج وهرجع اقعد مع الشباب هنا وبعدها ارجعلك هسهر معاك للصبح يا وحش😉😋
دودى يبقا كدا دبل هاخد فلوس زياده
حسن ولا يهمك يا قمر
اااه...قلبى يُحديثُنى بانك مُتلِفى......رُوحِى فداك عَرفت ام لم تَعرفى....لم اقضى حق هواك أن كنت الذى ...
لم اقضي فيه اسي ومثلى من يفى
مالى سوى روووحى... وباذل نفسه فى حب من يهوااااه ....ليس بمسرفى
فلئن رضيت بها..فقد اسعفتنى....يا خيبت المسعى إن لم تسعفى
يامانعى طيب المنام وما نحى....ثوب السقام به ووجدى المتلفى....فالوجد باقى والوصال مماطلى....والصبر فانى واللقاء مسوفى
واسئل نجوم الليل هل زار الكرى جفنى....وكيف يزور من لم يعرفى
لاغرو أن شحت...بغمض جفونهاااا عينى
ياسين التهامي
براء اسد اسد
اسد ايوةيابراء
براء مش سامعنى ولا اى انا بنادى بقالى كتير
اسد معلش اصلى اندمجت مع الشيخ ياسين
براء متركزش فى كلامو يا اسد القلوب مش ناقصه وجع
اسد انا كويس يابراء كويس
براء طب قوم معايا ابوك عاوزك
اسد حاضر جاى
