عشق المراد (اكتملت)

الفصل الرابع عشر

كانت عشق وسيلا يدخلون ل منزل عشق حتي يجهزو حقائبهم

عشق: اي دا ابيه شريف

شريف بنبره يحاول جعلها عاديه: ازيك يا عشق

عشق: الحمدلله انت رجعت امتي يا ابيه

شريف ب الم يحاول ان يخفيه فهي لن تراه الا اخا: لسه راجع فقولت اعدي علي عمي
رعد وخالتو اطمن عليهم

عشق: حمدلله ع السلامه يا ابيه

شريف: الله يسلمك

سيلا: احم طب عشق انا في اوضتك هجهز الشنط

شريف:شنط اي انتي رايحه في حته

عشق: اه يا ابيه مسافره مع صحابي بكرا تركيا وشادي هيكون معانا

شريف: تروحو وتيجو بالسلامه

عشق: الله يسلمك
قاطع كلامهم دلوف سيلا وهي تحمل هاتفها

سيلا: عشق احمد عايزك وبيرن علي فونك مقفول

عشق وهي تزفر: فوني فصل مني هاتي.. اي يا عريس

احمد:العريس عايزك تقنعي مراته ان مفيش فراوله في الشتا

عشق: يعني انت مش عارف تتصرف يا احمد هاتلها فراوله يجدع كلم اي حد وبعدين انتو
لسه متجوزين من يومين هي لحقت تتوحم

ضحك احمد: لا اصلنا كنا بنتفرج علي فيلم ف البطل كان بياكل حبيبته فراوله وكان
يقولها فراوله بتاكل فراوله فهي عايزاني اجبلها عشان تقلدهم

ضحكت عشق بشده ولم تستطع الرد: ااااه مش قادره قولها ان في فراوله في تركيا ابقو
اعملو المشهد دا هناك بقا
انهت كلامها معاه اعطت الهاتف ل سيلا التي سمعت كل شي

سيلا: انا افتكرتها حامل وربنا لما قالي بتتوحم علي فراوله وكنت لسه هزغرط بس
افتكرت انهم متجوزين من يومين

عشق: مش عارفه ازاي والله دي مشكله بجد

شريف: هو انتو عادي كدا بتتكلمو معاه

عشق: اه يا ابيه احمد دا اخويا علطول جمبنا و مراته تبقا اختنا برضو

شريف: بس مش شايف حدود في علاقتكم

عشق: لا انا حاطه حدود احنا اه بنهزر سوا وبنتكلم بس محدش يقدر يهزر ب الايد او
يقول قدامنا كلام مش كويس انا عارفه حدودي كويس مع اي بتعامل معاه مش معني اني
بتكلم مع ولد ابقا متربتش لا عادي في بنات مش بتكلم شباب بس مش محترمه للي قصدي
اوصله ليك يا ابيه اني لو اتحطيت وسط الف راجل هبقا الالف و واحد

نظر لها شريف ب اعجاب: تمام يا عشق همشي انا بقا عند اذنكو
ذهب شريف وصعدت عشق وسيلا الي الغرفه حتي ينامو فغدا يوم شاق للغايه
*****************
صباح اليوم التالي
استيقظ الجميع و بعثت لهم عشق عنوانا لمكان يتقابلو فيه وطلبت ان ياتي ادهم مع
شادي ومراد مع احمد حتي لا يلفتو الانظار هناك