الثأر الملعون (مكتمله)

***الجزء الثالث

أخذ وجدي يتسلل ناحيه الجبل ليلا و كان جسده يقطر دما و فجأه قابله جماعه ملثمين و معهم اسلحه ناريه و اقترب منه واحدا منهم و معه سلاحه مصوبا إياه ناحيه وجدي
-وجف عندك!....مين انت؟!
يقف وجدي رافعا يده إلى اعلي
-وجدي!
-وجدي مين؟!
-اني واد عم محرز فلاح بسيط بيشتغل في ارض جعفر العرباوي!
-انت اخو منصور؟!
-ايوه.....انتوا تعرفوه؟!
-الا نعرفه!
و بعدها بيلتفت ذلك الرجل ناحيه رجاله قائلا
-خدوه ع المغاره جوه و طهروا جرحه و جيبوله حاجه ياكلها!
-امرك يا كبير!
............................................
علي الجانب الآخر نجد علي ابن الحاج رشوان و هو جالسا في الجامع و كان يرتل القرآن بصوت عذب و حوله الاطفال يستمعون له و بعد أن انتهي من تحفيظهم القران أم بالناس كي يصلي بهم صلاه العشاء و بعد الانتهاء من الصلاه عاد الي بيته هو و والده و إخوانه سعيد و مرعي
سعيد:الله يبارك لك يا شيخ علي .....ياه نفسي اشوف ولدي محمود زيك اكده لما يكبر!
علي:تعيش يا اخوي.....و أن شاء الله تشوفه احسن مني كمان!
سعيد :لا مفيش احسن منك يا ولد ابوي.....ربنا يزيدك من علمه و يزيدك ايمان و تقوي!
الحاج رشوان: امين يارب العالمين!
مرعي:أن شاء الله هذاكر و أدخل كليه الدراسات الاسلاميه كيف علي أخوي!
علي:و ماله يا شيخ مرعي.....اتشطر انت بس و ذاكر و ربنا يوفقك و تبقي احسن شيخ و داعيه اسلامي!
مرعي:ياااااه.....لا اني كفايه علي احفظ العيال الصغيره في الجامع كتاب ربنا و أحكامه!
الحاج رشوان:ربنا يخليكوا ليا يا عيالي و ما يحرمنيش منيكم واصل!
سعيد:و يخليك لينا يا بوي!
.............................................
-داخل احدي المخازن السريه لجعفر العرباوي

نجد شخصا ملثما عيونه أشبه بعيون الذئب و رغم منظره المخيف إلا أنه كان واقفا كالفأر الخائف أمام جعفر العرباوي إذ قرر أن يجتمع به في احدي مخابئه التي لا يعلم عنها احد سواه هو و ابنه محمد فقط
جعفر:خابر عتعمل ايه يا ابو جبل؟!
ابو جبل:خابر يا كبير ما تجلجش!.....تحب نخلصوا ميتي؟!
-الليله!
-وه!الليله!
-ايوه!....عنديك مانع!
ابو جبل بخوف
-لا لا!.....طب تحب أخلص عليهم وين؟!
-في اي مطرح محدش يوعالك فيه .... إن شالله في ڤيلته!
بينصدم ابو جبل
-ايه؟!...ڤيلته؟!
-ايه ما عتجدرش!
-لا لا أجدر!
بيحط جعفر أيده في جيب تحت الجلابيه و بيخرج منها فلوس
-خد!
بياخد ابو جبل الفلوس و عنيه بتلمع من كتر الفلوس اللي ادهاله جعفر
-و هديك كد اللي اديتهولك دول ميت مره.....بس خلص!
-امرك يا جناب البيه....الليله عتسمع خبره و خبر عياله كمان.....ما تجلجش!
-اوعي نشانك يخيب يا ابو جبل و لا حد يوعالك جوم يخربط كل الترتيب اللي احنا رتبناه!
-ما تجلجش يا جناب البيه.....و ربنا يستر!
.......................................
-داخل بيت منصور

نجد منصور و هو يحفر الأرض داخل بيته البسيط الذي يعيش فيه مع والده و اخاه وجدي و يضع بها شنطه النقود و فجأه دخل عليه والده
-ابتعمل ايه عندك يا منصور يا ولدي؟!
بيرتبك منصور و بيفط من مكانه
-هااااه!....لا مفيش يا ابوي!
بيقرب منه والده و بيستغرب من حالته
-مفيش كيف؟!....و مال خلجاتك معفره أكده؟!
-هااااه!....اصلي كنت بكنس الأرض.....لاجيتك تعبان و ماجادرش تتحرك جولت اوضب المطرح بدل ما هو مبهدل أكده!
-و مين سمعك يا ولدي؟!....اني مش جولتلك تتجوز و تشوفلك واحده أكده بت حلال تراعيك و تراعي بتك!
-وه يا ابو منصور عاد....جواز ايه و بتاع ايه بس اللي بتتحدت عنيه......و بعدين يعني اني اش دراني أن اللي هتجوزها دي هتحب بتي و تراعيها!
-بنات الحلال كتير يا ولدي.....و اللي يدور يلاجي!
-سيبك انت يا ابوي دلوق......و خلونا نشوفوا وجدي اخوي هج و راح علي فين!
-اني جلبي واكلني عليه جوي....يا تري يا وجدي يا ولدي.....لساتك عايش و لا.....!
و بعدها أخذ يبكي محرز بحرقه علي ابنه فاقترب منه منصور و اخذ يطبطب علي كتفه قائلا
-و بعدهالك يا ابوي.....كفاياك بكي عاد.....اني ما ناجصش!
-غصبن عني يا وليدي!
-صبرهم علي عيله جعفر العرباوي!
-لا لا يا ولدي احب علي يدك.....بعد عنيهم الناس دول كفايه اخوك ما عاوزش اتحسر علي حد تاني من عيالي!
-ما تخافش عليا يا ابوي.....عمر الشجي بجي!
...........................................
علي الجانب الآخر نجد ابو جبل و هو ملثما و يتسلل بين الزرع في وقت متأخر من الليل و في يده بندقيه.
فلنترك ابو جبل هذا لبعض الوقت و لننتقل الي الجانب الآخر إذ نجد الحاج رشوان و هو يرتدي ملابسه كي يخرج .....تدخل عليه زوجته
-ايه يا حاج.....رايح علي وين؟!
-رايح اصلي الفجر يا حاجه.....اومال العيال فينهم؟!
-جوه في أوضهم......علي جاعد بيذاكر و مرعي نايم و سعيد ما عرفاش إذا كان صاحي و لا نايم!
-طب روحي نادي لهم عشان نروحوا نصلوا الفجر في الجامع!
-حاضر!
....................................
-داخل ڤيلا جعفر العرباوي (في غرفه هاشم)