#احببت_عفيفه
وبعد فترة الباب خبط واحمد فتح الباب بس اتصدم لما شاف مني هي اللي واقفه لوحدها ومني اول لما شافته اتوترت اوي
مني بتوتر.... إيناس هنا
أحمد.... ايوة يا مني اتفضلي
مني... شكرا
وكانت لسه داخله لايناس بس وقفت علي صوت احمد وهو بينده عليها
أحمد..... مني
مني لفت وشها وبصت له ومش اتكلمت
أحمد..... انا بس كنت عاوز
ولم يكمل كلامه لان محمد وإبراهيم ووالده محمد كانوا جم علي الباب
واحمد قالهم اتفضلوا ووالد احمد طلع عشان يستقبلهم ومني دخلت لايناس
ووالده إيناس هي كمان طلعت ليهم
عند مني وايناس ف الاوضه.....
مني بتخبط علي الباب
إيناس... مين
مني... انا يا عروستي
إيناس نطت بسرعه من علي السرير وراحت بسرعه فتحت الباب وحضنت مني
إيناس.... وحشتيني جدا يا منمن
مني..... انتي اكتر والله يا قلبي بس قوليلي ايه الجمال دا هما اللي هيتجوزوا بيحلوا كده
إيناس...بت بس بقا بتكسف الله . وبعدين كده يا مهزءة دا اللي تيجي من بدري
مني....بعيدا عن بتكثف دي واني مش مصدقها.....بس والله يا قلبي بقا انا اسفه بس غظبا عني
إيناس..... لا زعلانه
مني...... خلاص بقا يا لمبي قلبك ابيض
عند محمد والعائله
والد إيناس..... اتفضلوا يا جماعه
محمد...... يزيد فضلك يا عمي
والده إيناس......نورتونا والله يا جماعه
والده محمد...... تسلمي يا حبيبتي بنورك
والده محمد.... امال فين عروستنا
والده إيناس..... هروح انده ليها حالا.... عن اذنكم
والده محمد..... اتفضلي يا حبيبتي
عند مني وايناس في الاوضه الباب خبط
إيناس.... ايوة
والده إيناس فتحت ودخلت.... يلا يا إيناس يا حبيبتي انتي ومني عشان تطلعي تسلمي
إيناس بتوتر... هو لازم يعني
مني بصت عليها وعلي توترها وضحكت
إيناس بتوتر ممزوج بالعصبيه لمني..... بت بطلي ضحك
مني بضحك.... حاضر والله بس اصل شكلك مسخرة اوي وانتي كده امال فين إيناس الدبش الجامده اللي مفيش حاجه بتهمها
إيناس.... مكنتش اعرف ان الموقف صعب كده
مني بضحك عان تخفف توترها..... موقف سيارات وتكاتك ههههههه
إيناس... والله يا مني انتي رخمه
مامت إيناس...... هههههههه والله يا مني يا بنتي انتي عسل
إيناس ونست شويه من توترها........ عسل وطحينه هههههه
مامت إيناس بصت لمني وقالت لها...... هي مش دي كانت متوترة من شويه
مني..... لا يا طنط انتي مش فاهمه دي كده إيناس الطبيعيه
إيناس..... ليه هو حد قالك اني قيصريه
مامت إيناس.... طب يلا يا بنت الهبله بقا
إيناس..... حاضر يا مامتي
وبعدين بصت علي مني لقت دمعه نزلت من عنيها غظبا عنها
إيناس فهمت ان مني افتكرت والدتها وبصت لأمها
مامت إيناس بصت لمني بحزن وبعدين اخدتها في حضنها وحاولت تهديها ومني استجابت لحضنها وحضنتها اكتر
بس ازاي وهل فراق من احببناها اكثر من العالم بهين...... هل فراق من كانت تسهر لرعايتنا هين....... هل فراق من كانت نحسبها العالم بشئ بسيط يمكن نسيانه
الفراق حاجه صعبه اوي..... يبقا فراق أقرب حد لينا هيبقي عامل ازي
مامت إيناس حاولت تهدي مني
مامت إيناس..... ربنا يصبر قلبك يا حبيبتي ويرحمها ويسكنها فسيح جناته
مني بدموع..... اللهم امين
إيناس وحاولت تخفف عن مني شويه..... خلاص بقا ايه جو الازهار الحزينه دا طب مش متجوزة
مني بضحك بعد ما مسحت دموعها... هههههه يلا يبت انتي دا محمد يشعلقني من وداني
مامت إيناس.... طيب يلا بقا نطلع
إيناس.... ماشي
مني.... يلا يا روحي
في غرفه الضيوف
محمد وإبراهيم واحمد ووالد إيناس كانوا قاعدين ولما شافوا إيناس اتصدموا من جمالها. وطبعا اكتر واحد كان مصدوم كان محمد اللي فضل باصص ليها ومبتسم
واحمد كان بيبص ويبتسم بس علي مني اللي خطفت قلبه من اول مرة شافها فيها
إيناس..... السلام عليكم
الكل..... وعليكم السلام ورحمة الله وبركاته
مامت محمد...... ازيك يا حبيبتي تعالي يا إيناس
إيناس بخجل وتوتر ....... الحمد لله يا طنط
مامت محمد بابتسامه جميله..... لا يا حبيبتي من النهارده بقيت ماما
إيناس بابتسامه...... حاضر يا...
مامت محمد..... يا ايه
إيناس.... يا ماما
محمد كان بيبص علي إيناس ووالدته ومبتسم لانه كان دايما نفسه انه يرتبط ببنت تحب والدته
ابراهيم بهمس لمحمد.... ابسطت يا عم اهيي دعوتك استجابت
محمد بصله وابتسم
مامت إيناس..... اتفضلوا يلا يا جماعه الغدا جاهز
الكل قام وراح ناحيه السفره والد إيناس قعد علي راس الترابيزة وعلي يمينه محمد واحمد وإبراهيم ووالده محمد
وعلي شماله كانت كانت مني قاعده قصاد احمد وايناس قصاد محمد وجنبها والدتها
والده محمد.... ماشاء الله تسلم ايدك يا روحيه (والده إيناس) الاكل جميل
والده إيناس..... تسلميلي يا يا حبيبتي...... بالهنا
محمد كان بياكل وعمال يبص لايناس وهي من توترها مكنتش عارفه تاكل واحمد ومني نفس الموضوع
يعني تقريبا اللي كان عمال ياكل براحته كان ابراهيم (عرفتوا بقا يا جماعه ان السنجله جنتله)
خلصوا اكل وراحوا قعدوا في الصالون
مني وايناس ووالده احمد ووالده محمد كانوا بيشيلوا الاكل
وبعدين طلعوا قعدوا واتبقا في المطبخ مني وايناس
وايناس قالت لمني انها هتروح الاوضه وراجعه ومني كانت واقفه في المطبخ وضهرها للباب
وبعدين حد دخل مني فكرت انها إيناس
مني....... كل دا يبنتي بتعملي ايه وبصت علي الباب وسكتت....... انت؟؟؟؟
#يتبع
بقلمي:آية السيد ✍️
اتمني تدعموني....... ♥️
أنت تقرأ
أحببت عفيفه
Misterio / Suspensoقصه بتدور أحداثها بين شاب وبنت بقابلها صدفه وهي بتكون صديقه اخته الروايه فيها قيم كتير مهمه في حياتنا وظواهر بنواجهه وبنمر بيها في ظل المجتمع اللي بنعيش فيه
