#احببت_عفيفه
البارت الثالث عشر
في بيت خالت مني
محمد دخل وسلم علي والدته وبعدين راح ناحيه اوضه مني ولسه هيخبط بس سمع صوت من جوه الاوضه وكأن حد بيعيط محمد دخل الاوضه واتصدم لما شاف مني نايمه وبتهلوس بالكلام وفيه عرق كتير بينزل من دماغها...... محمد قرب من مني وبيحاول يصحيها
محمد بقلق وخوف علي اخته....... مني... مني حبيبتي اصحي فيه ايه
مني صحت علي هز محمد ليها واول لما فتحت عينها وشافته حضنته بسرعه وعماله تعيط جامد
محمد حضنها جامد وكان بيحاول يهديها
محمد بخوف علي اخته....... هشششششس أنتي في بيتك يا حبيبتي مفيش حاجه
ومامت محمد جت علي الصوت واتفزعت لما شافت مني كده وإبراهيم كمان كان لسه هينام بس لما سمع صوت عياط من اوضه مني جري بسرعه علي اوضتها
كلهم كانوا واقفين خايفين علي مني ومنظرها
بعد مده مني هديت ومحمد بعدها عن حضنه وحاوط وشها بكف ايده
محمد بحنيه ممزوجه بخوف علي اخته...... مالك يا حبيبتي ايه اللي حصل وايه اللي خلاكي تعيطي كده
مني وبتمسح دموعها زي الأطفال..... حلمت حلم وحش اوي يامحمد
ورجعت دموعها تنزل تاني
محمد بحنيه..... هسششش خلاص يا حبيبتي مفيش حاجه اهدي دا مجرد حلم بس مش اكتر مفيش حاجه
وخدها في حضنه تاني
ولان محمد عارف مني فهم ان الحلم دا بخصوص الشاب اللي أتعرض ليها النهارده وفهم خوفها
ابراهيم بمرح عشان يخلي مني تضحك...... مالك بس يا اختشي..... كده تفزعيني من النوم
مني بصت له وضحكت علي طريقه ابراهيم
ومحمد و والدته كمان ضحكوا علي طريقته
___________________
في بيت أحمد
أحمد دخل البيت وسلم علي والدته ووالده وبعجين راح يطمن علي إيناس خبط علي الباب براحه ولما محدش رد عرف انها اكيد نايمه دخل الاوضه و سابها نايمه وباس راسها وساب ليها بكس هدايا
وبعدين خرج من الاوضه وراح اوضته دخل غير هدومه لترينج بيتي جميل وبعدين رمي جسمه علي السرير وفضل يفكر في مني وبعدين راح في عالم تاني
________________
في بيت محمد
بعد ما مني هديت والدت محمد خرجت وإبراهيم كمان ومحمد افتكر الفستان اللي احمد طلب منه يديه لمني وبص جنبه علي الكيس بتاع الفستان وجابه ومد ايده لمني
مني باستغراب..... ايه دا يا حوده
محمد...... دا فستان جايلك هديه يا منمن
مني ورفعت حاجبها باستغراب....... من مين بقا
محمد بخبث...... ابدا يا منمن خديه بس وبعدين هتعرفي
مني...... بالله يا محمد قول بقا
محمد قام وسابها وقالها بكرة تعرفي المهم انك بكرة تلبسي الفستان دا
وخرج وقفل الباب
ومني فتحت الكيس واتصدمت لما شافت الفستان لان دا كان الفستان اللي عجبها في المحل وكمان معاه شوز لون الفستان وخمار
مني اتبسطت اوي من الفستان وحطته جنبها وحطت راسها علي المخده وفضلت تفتكر احمد لغايه ما هي كمان راحت لعالم تاني
_____________
محمد دخل اوضته وغير هدومه وقعد علي السرير
محمد لنفسه..... انا متأكد من مشاعر احمد تجاه مني ومتاكد كمان انه هيحافظ عليها وانا بنفسي شوفت هو اتغير اد ايه وكمان انا متاكد ان مني بتحبه وهحاول المح لمني بكره وان شاء الله خير
وبعدين افتكر إيناس..... وكان عاوز يرن عليها بس لقي ان الوقت اتأخر فقرر انه ميرنش
أنت تقرأ
أحببت عفيفه
Gizem / Gerilimقصه بتدور أحداثها بين شاب وبنت بقابلها صدفه وهي بتكون صديقه اخته الروايه فيها قيم كتير مهمه في حياتنا وظواهر بنواجهه وبنمر بيها في ظل المجتمع اللي بنعيش فيه
