ليس لي ملجأ الا انت ل نرمين ذكي

البارت الخامس والاخير 🥳❤

احمد وهو ينزل من سياراتة بسرعة وتقريبا قبل انا تتوقف
محمد طيب براحة يا بني اصبر هتخض الناس
احمد يولعوا انا اللي يهمني هي..  ليصمت فور ان رأها بهذا الوضع ليتسمر مكانة ولا يتحرك
محمد احمد اتحرك خلينا نلحقها احمد هتبقي كويسة فوق
احمد وهو يركض اليها عليا فوقي يا حبيبتي فوقي ليحملها الي سيارته ليقود محمد ويذهب الي المستشفي سريعا وكان احمد يحاول افاقتها ولكن فشلت جميع محاولاتة
احمد وهو ينزل بها سريعا الي المستشفي الذي يعمل بها
احمد وهو يصيح في الممرضة عاوز دكتورة نسا فورا هاتي دكتورة منال
الممرضة بخوف حاضر حاضر
ليدخل بها الي غرفة العمليات ثم يبدل ملابسة ويبدأ في مسح الدماء لها عيناه تبكي بشدة وهو يدعي ربة ان ينجيها ثم يبدا بتخديرها ويخيط يدها في نفس الوقت كانت دكتورة منال تحاول ايقاف الدماء النابعة منها
وبعد مرور وقت
يجلس بجانبها في الغرفة
وبجانبة مها والهام ومحمد التي اخبرهم محمد انهم عثروا عليها
احمد وهو يجلس ويمسك يدها انا اسف يا حبيبتي اسف وربي ما هعمل كدة تاني طيب قومي مش علشاني علشان البيبي انتي مش كنتي عوزاه قومي يا حبيبتي
فلاش باااك
احمد بتعب اية سبب النزيف دة
منال مراتك حامل وكانت هتسقط واضح انها مشيت فترة طويلة اوي وكمان نزيف ايدها أثر عليها وانتة عارف ان مناعتها ضعيفة ربنا يستر عليها ادعيلها
احمد ياررب
بااااك
ليفيق علي صوتها
عليا امم انا فين
احمد  بدموع معايا  يا حبيبتي وهو يحتضنها انتي كويسة يا نور عيني ثم يقبل يدها الاثنين وينطق بينهما انا اسف والله عمري ما هزعلك تاني اسف
عليا وهي تسحب يدها ابعد عيني ارجوك انا بقيت بخاف منك
عليا انا حبيبك
عليا حبيب اية حرام عليكم انتم اية مش انا اللي جايه من الشارع عاوز مني اية تاني روح اتجوز الحلوة وسيب الوحشة في حالها لية ربنا مخدنيش ياررب خدني انا بكرة وبكرها لتنظر الي الهام انتي عذبتيني عارفة انا مش بحبك كان نفسي يكون ليا ام ولما اتجوزت كنت افتكرتك زي امي انما دة مش موجود كنتي زي الشيطان تخليني اعمل الحاجة مرة واتنين وياريته عجبك كنتي بتموتيني الف مرة بكلامك اية هو ده امر ربنا دة حاجة في ايديا هو انا راضيه بيها لية تعملي فينا كدة لية منك لله انا مش مسمحاكي وهاخد حقي قدام ربنا منك  مكنتيش بتعدلي بيني انا  ومها لا كنتي بتقولي هي ليها سند واهل هتروح عندهم انما انا علشان مليش حد عملتوا فيا كدة انا اعتبرتك امي وانتي كسرتيني حرام عليكم ابعدوا عني بقي يارررب اموت علشان ترتاحم يارررب 
احمد وهو يحاول ضمها اهدي علشان خاطري اهدي ارجوكي
الهام بدموع حقك عليا يا بنتي
عليا بنتك عارفه كل لحظة كنت بتمني امي تكون عايشة علشان كانت تاخدلي حقي منك
احمد وهو يمسك وجهها ويجعلها تنظر له هاخدك ونسافر بعيد هبقي انا وانتي وابننا او بنتنا و بس
عليا ابننا او بنتنا
احمد انتي حامل يا عليا
عليا اية
احمد والله حامل يا حبيبتي
عليا انا مش عاوزاة مش عاوزاة يطلع ظالم ليك او بنت تتظلم زيي لا مش هيعيش لتخبط علي بطنها ليمسكها احمد سريعا ويمدها في احضانة
احمد اهدي يا حبيبتي اهدي حقك عليا تحاول الخروج من احضانة ليشدد عليها لتضمه هي الاخري وتصرخ في كتافة بشدة
عليا لية بيحصلي كدة لية
احمد بس يا حبيبتي علي شان خاطري عليا انا بحبك وعمر ما في قوة هتبعدني عنك تاني ابدا ابدا
عليا بدموع وتعب عارف انا لو ليا مكان كنت بعدت عنك فية
احمد انتي مكانك في حضني وبس احنا ملناش غير بعض اوعدك اني اعيش  كل اللي جاي علشانك وعلشان ابننا وبنتنا بس
عليا بجد يا احمد مش هتزعلني تاني
احمد وهو يمسح دموعها  بجد يا شمس عمري وقمر لياليا
عليا بخجل بس
مها يا شيخة وقعتي قلبي عليكي
عليا عندك مانع
مها ابدا يا اختي
محمد وهو يقلدها وابعد عني ومش عاوزاك اول لما خدك في حضنة اشطا سامحتك
عليا بس يا رخم
احمد وهو يضع يده علي اكتافها ويأخدها في احضانه  بس ياض يعني انتة عاوزها تزعل مني  دة بعينك صح يا حبيبتي
عليا صح
محمد هقول اية بس
اسر هو يتمم بكلام لعمة ويشير لة بيده ليأخذه
احمد وهو يحملةثم يعود يجلس بجانب عليا حبيب عمة هو دة اللي بيحبني بج.. لم يستكمل  الجملة بسبب الصغير الذي كان يتملص من يده ليتجه لعليا
احمد بضحك وهو يضربة برفق اة يا جزمة بقي واخدني كوبري علشان مراتي تشيلك
اسر  يحتضن عليا بفرحة
محمد جدع ياض طالع لابوك
احمد واطي
محمد بحدة متصنعة اية
احمد حبيبي
احمد وهو يمسك الصغير اوعي ياض مراتي اللي عمال تحضن وتبوس فيها دي
ليبكي اسر
محمد تف علي عمو يا حبيبي
مها لا اسر كخ
اسر بوف
مها كدة يا اسر
احمد يا جزمة
مها  وهي تقبل طفلتها  انتي اللي هتسمعي كلامي  يا قلب ماما
عليا ببرائة لا دي هتبقي حبيبة خالتو
محمد مبتكلميش لية يا ماما
الهام بحزن كلكم فرحانين من غيري فقولت اسكت انا ثم تكمل حقكم عليا يا بني انا اسفة والله حقك عليا يا بنتي انا مش هعملك حاجة تاني بس والنبي يا بنتي ما تبعدوا عني انتوا لو بعدتوا انا هموت
جميعم بعد الشر عليكي
الهام ببكاء شديد  وهي تحتضن عليا حقك عليا يا بنتي ومن النهاردة انا امك وعمري ما هزعلك تاني
عليا حاضر بس كفاية عياط بقي
الهام مسمحاني يا بنتي
عليا طبعا انا اسفة علي كل الكلام اللي قولتة
الهام دة انا اللي اسفة يا بنتي
محمد كفاية غم بقي خلاص
الهام وهي تنظر لاحمد برضو يا بني مش هتكلمني
احمد وهو يقبل راسها مقدرش  ياست الكل
من بعد اللحظة دي وانا حياتي اتغيرت احمد بقي يحبني وانا بقيت بعشقة  اوي ويخاف عليا اكتر بذات بعد لما خلفت بنتي تاليا وماما كمان بقت بتخاف عليا وبتتخانق مع احمد علشاني كتير علشان اسر اللي مش بيسيب تاليا ابدا احمد اتجنن بقي بيغير عليا وعلي تاليا منكرش اني بغير من بنتي بس بحب حبه ليا وليها وحياتي احلوت اخيرا وبقيت عايشة في سعادة بفضل ربنا ودعائي  ومن بعدها بقيت بقول ان مشكلتي احلت لي حياتي

♥♥♥♥♥♥♥♥♥♥♥♥♥♥♥♥♥♥♥
من هنا نلاحظ ان احنا لو دخلنا في مشكلة او موقف صعب دة لي سبب عند ربنا ممكن يغير حياتنا للاحسن مش كل وجع في حياتنا معناه ان ربنا عاوز لينا الوحش لا دة بس عاوز ترجعلة بينبهك انك في مشكلة ولازم تصلي وبعدين  العمر فرصة لازم نعيشها مبسوطين اوعي تيأس وتقول مفيش حاجة هتتحل  الغم مش بيدينا حاجة غير الوجع والمرض نعيش الحياة بكل بساطة صدقوني الدنيا هتبقي فل صلوا انتم بس واصبرو علشان ربنا قايل ان الله مع الصابرين  وكمان الحياة دي هنعيشها مرة واحدة مش مستاهله زعل ابدا ندعي بس وكل حاجة هتستجيب صدقوني اوعوا حد ييأس من الدعاء وهو مش الدواء علشان يجيب مفعول لازم ناخدة فترة فعلشان كدة بقي لازم نصلي وندعي فترة مش بس فترة ندعي عمرنا كلة علي اي حاجة عاوزنها  ودايما انا ماشية بجملة من ساعتها وربنا حياتي اتحلت من كان مع الله كان معة كل شئ  صلوا علشان الصلاة اهم من اي حاجة ادعوا دايما قالو اللهم ثبت اقدامي علي الصلاة واجعلها احب الينا من الدنيا وما فيها اتمني اكون فدتكم والنوفيلا تكون عجبتكم و انتظروني في الجديد وشكرا 
بقلمي نرمين ذكي