لنخالف قواعد حبنا ( صغيرتي الجزء الثاني)

البارت 7

فهد : ابن عمتك يوسف
نزل الخبر كالصاعقة علي البعض والبعض الآخر كان سعيد ولكن فريده لم تعلم ماهو شعورها الان
زفرت مريم بارتياح ونظرت لعمر

الذي نظر لها بخبث
نور بابتسامه: الله بجد؟
مازن نظر لهم بعدم تصديق
فهد وهو ينظر لفريده: ايه رايك يافريده ؟
فريده نظرت لوالدها بابتسامه ثم نظرت ليوسف ونظرت لوالدها مره اخري: اللي حضرتك شايفه يابابي .....حضرتك ادري بمصلحتي
نظرت مريم لأخاها الذي يبدو عليه الحزن عكس الموجودين
يوسف بابتسامه: يبقا نقول مبروك بقا

بارك لهما الجميع
وقامو من علي السفره
اتجهه مازن ليوسف وفريده وبابتسامه مصطنعه : مبروك يا فريده مبروك يااخويا
يوسف وفريده بابتسامه: الله يبارك فيك
نور: احنا ورانا جامعه كده هنتاخر
مريم: مين اللي هيودينا؟
مازن : أنا مش فاضي انهارده عن اذنكو
وخرج تحت نظرات الكل
فارس وهو يخرج: عندي اجتماع دلوقتي
عمر وهو ينظر في ساعته: ايه ده؟!! عندي طياره بعد ساعتين وانا اتاخرت ثم خرج هو الاخر

يوسف : خلاص مش مشكله اوديكو أنا
ضحك ذياد ومصطفي عليهم
فهد: مش هسيبهم بردو
وخرجو جميعا من البيت
مريم: أنا عايزه اركب عربيه من اللي بتروحو بيهم الشركه دول
يوسف بضحك: عايزه تاخدي عربيه طويله اوووي تاخد الشارع كله ؟؟ احنا رايحين حفله؟
مريم: امال هنروح بانهي؟
يوسف: هنروح بعربيتي الخاصه
نور: مع اني بحب العربيات الطويله اوي دي بس يلا مش مهم
وركبو السياره
***********************
دخل مازن مكتبه بضيق فهو يحبها منذ الصغير كيف ستكون لغيره وليس لأي شخص بل ليوسف الذي لم يعتبره ام خاله يوما بل أخيه وصديقه ظل مازن في حيره و في النهايه اتخذ قراره أن يبتعد عنها ولا يفكر فيها حتي لايخون أخيه

امسك هاتفهه وطلب قهوه
لأنه يشعر بصداع شديد
***********************
وصل لجامعه مريم
يوسف: يلا انزلي ياست مريم
مريم بتذكر: اشمعني أنا اخر واحده؟!
يوسف بضحك: يمكن علشان جامعه فريده ومريم اقرب؟
مريم بضحك : اه صح.... يلا سلام
وقبل أن تنزل جائت صديقتها بلهفه واحتضنتها مريم بابتسامه: كارما وحتشيني اوووي مبتجيش ليه؟
كارما: ماما كانت تعبانه وكنت قاعده معاها ثم نظرت ليوسف ووجدته ينظر لها نظرت مريم ليوسف
مريم: نسيت اعرفكو علي بعض ده يوسف ابن خالي .....يوسف دي مريم البيست فريند بتاعتي
يوسف بابتسامه: تشرفنا
ابتسمت له كارما
مريم: يلا يايوسف هخش أنا علشان المحاضره هز رأسه بنعم وانظاره متعلقه بكارما
***********************
نور وهي تتحدث في الهاتف : ها انت فين؟!
- أنا عند الكافيتريا اهو
نور: اه اه خلاص شوفتك
ابتسمت وذهبت له
ياسر بابتسامه: وحشتيني
نور بابتسامه: وانت كمان وحشتني اووي
ياسر : ماتيجي نخرج نتكلم بره
نور: لا علشان محدش يشوفني اديك شوفتني اهو امشي بقا
******************
كان مازن يعمل علي الاوراق التي بيده
ودخل يوسف
يوسف: خد يامازن عدل الورق ده نظر له بابتسامه ثم أخذ منه الورق
ووضع الورق أمامه
- اقعد يايوسف عايزك
يوسف جلس باستغراب: خير ان شاء الله
مازن: خير متقلقش... أنا هكلمك في موضوعك أنت وفريده
نظر يوسف له ليكمل حديثه
مازن: انت بتحبها يايوسف؟
يوسف بابتسامه: اه بحبها ايه السؤال الغريب ده؟
مازن: اصلك مجبتش سيره عن الموضوع ده خالص واحنا كلنا اتفاجئنا انهارده
يوسف: اصل بصراحه انا كنت معجب بيها و لقيت بابا بيقولي عليها وانا كلمت خالو امبارح في الموضوع
مازن بابتسامه حزينه: ماشي ياحبيبي ربنا يسعدك
يوسف بابتسامه: تسلم ياخويا عقبالك
مازن بابتسامه: إن شاء الله
************************
- هي راحت فين دي؟! وكمان تليفونها مغلق!!!
ظلت تبحث عنها حتي رأتها تودعه
********************
نور بابتسامه وهي تشاور بيديها: باي
ولكن استمعت لصوت
-نور!
صدمت والتفت ووجدتها تقف أمامها
- مين ده يانور؟
نور بتوتر: ده ....ده زميل ليا
فريده بدهشه: بس انتي عمرك ماقولتيلي انك عندك زمايل ولاد انتي دايما بعيده عنهم !
نور بغضب: هو تحقيق؟؟! بقي عندي زمايل ولاد فيها حاجه دي!! .... حاجه تخنق ثم تركتها وذهبت
**********************
- جبتلي كل المعلومات عنه؟
- اه يافارس هو خرج من السجن من تلت شهور وليه اخ رد سجون بردو
فارس: طيب نجيبه هنا تاني
جلال: نجيبه بتهمه ايه؟ حتي أخوه بردو معليهوش اي حاجه دلوقتي ومحدش يعرفلهم طريق .....بس اشمعني فؤاد اللي بتدور وراه؟
فارس: طار قديم ..... بقولك ايه هاتلي ملفاتهم
جلال: تمام
******************
- أنا مش مرتاحه اكيد في حاجه تانيه
ولكن رن هاتفها
- الو يايوسف ؟
- ايوه ياحبيبتي عامله ايه؟
فريده بابتسامه: أنا تمام
يوسف: هتخلصو امتي علشان اجي اجيبكو
فريده: هو مازن مش هيجي يجيبنا؟
يوسف: لا أنا اللي هاجي
فريده : فاضلي محاضره أنا ونور
يوسف: طيب ياحبيبتي
وبعد مااغلقو الهاتف
كانت فريده تفكر وفي نفسها: من امتي ونور عندها صحاب اصلا؟ هي ملهاش صحاب غيري وغير مريم! وحتي لو عندها صحاب فاصحابي واصحابها مشتركين
قطع تفكيرها صديقاتها الذين جاءو وظلو يتحدثون معا
**************************
طرقت السكرتيره الباب علي يوسف ودخلت بعد أن إذن لها

السكرتيره: استاذ يوسف .....استاذ فهد بعت ليك الملفات دي
نظر يوسف للملفات بدهشه: ايه كل دول
السكرتيره: بيقول لحضرتك فيه شغل متأخر ولازم كل ده يخلص علي بكره بالكتير
يوسف : طيب روحي انتي
خرجت السكرتيره
يوسف : ربنا يسامحك ياخالي
ورن هاتفه الخاص بالمكتب
يوسف : الو
فهد: حسيتك معترض؟
نظر يوسف للهاتف بدهشه ثم تحدث: هه لا ابدا ياخالي معترض ايه بس؟
فهد: عليا انا ..... بس علي العموم أنا وزعت عليك انت ومازن الشغل المتاخر وياريت تخلصه بكره إذا كنت عايز تحضر خطوبتك
يوسف بدهشه وسخريه: لا ياخالو عادي لو مش عايزني احضر الخطوبه واشتغل ماعنديش مانع
فهد بضحك مكتوم: لا أنا مش قاسي للدرجادي .....عايز بنتي تقول إن ابوها مخلاش خطيبها يحضر الخطوبه لا ميصحش.... وياريت تبدأ دلوقتي
يوسف : الله يخليك ياخالي
*************************
كان مازن يجلس في مكتبه ورن الهاتف الخاص بالمكتب
مازن: ايوه مين
يوسف بسخريه: هو مين اللي معاه رقم مكتبك الخاص غيرنا؟
مازن : معلش يايوسف مكنتش مركز
يوسف باستغراب: انت كويس؟
مازن: اه متقلقش ....كنت متصل ليه؟
يوسف: كنت هقولك تروح تجيب العيال دي من الجامعه
مازن : خالك لبسني شغل سنه بحالها وهتاخر انهارده
يوسف بضحك: منا لبسني شغل السنه اللي بعديك
مازن: طيب مين هايجيبهم انا وانت مش فاضين عمر في شغله
يوسف: كلم فارس
مازن: تمام ربنا يستر
وبعد أن انهي مع يوسف تحدث مع فارس وأخبره أن يأخذ الفتيات من الجامعه
**********************
كانت تقف فريده مع اصدقائها ولكن استمعت لصوته نظرت له وابتسمت وذهبت لتعانقه تحت أنظار اصدقائها
فريده بابتسامه: فارس باشا بنفسه جاي
فارس بابتسامه حنونه: جيت علشان اشوف الابتسامه الجميله دي
فريده بابتسامه: حبيبي
فارس بابتسامه قبلها من راسها
ثم قال لها: فين نور؟
فريده وهي تبحث عنها بعينيها: مش عارفه كانت واقفه معانا هنا
**************************
كانت نور تتحدث في الهاتف
- نور
ارتعبت عندما استمعت لصوته التفت وجدته خلفها مباشرتا
فارس بترقب: كنتي بتكلمي مين؟
نور بتوتر: دي ...دي واحده صاحبتي
فارس نظر لها ومن عمله في مجال الشرطه فعلم علي الفور أنها تكذب
فارس بجمود: يلا علشان نروح
ثم اتصل علي فريده: تعالي يافريده علي باب الكليه خلاص لقيت نور
******************
عايزه تفاعل جامد علشان اكمل❤️