لنخالف قواعد حبنا ( صغيرتي الجزء الثاني)

بارت19

فهد وهو يمسكه من كتفه: اوعي سيب البنت ياذياد من امتي وده كان أسلوبنا معاهم

وجد ذياد من يقف أمامه ويبعد يده عن شعرها

ذياد: اوعي يافارس

فارس: لا ياعمي أنا مقبلش أن حد يهينها بالشكل ده ..... أنا عايز اتجوزها وبكره ..... وهخلي بالي عليها كويس

ابتسم فهد ابتسامه صغيره لتصرف ابنه الحكيم

نظر ذياد لفارس وصمت

فارس: لو سمحت ياعمي دي بنت عمتي وانا هعرف اتصرف معاها كويس

ذياد وهو ينظر لفارس: أنا موافق

هنا صاحت نور ببكاء: لا لا أنا مش عايزه اتجوزه مش بحبه

ذياد بغضب: انتي مبقاش ليكي حريه الراي

خلاص....فارس هيعرف يحميكي كويس ويربيكي من جديد

نور ببكاء: لا يابابي مش بحبه مش عايزاه

فهد: نور انتي حبيتي شخص عايز يدمرك ويدمر العيله

نظرت لها سلمي وتجمعت
الدموع في عينيها لأنها مرت بهذا الموقف من قبل واخذتها في أحضانها

نور ببكاء: مش بحبه ياطنط ....قوليلهم يرجعو في قرارهم ده

سلمي بدموع: اهدي اهدي أنا حاسه بيكي

نظر فهد لسلمي بضيق وصعد للاعلي

سلمي وهي تنظر لفارس : بلاش يافارس خلاص هي مش عايزه

ذياد: مش بمزاجها ياسلمي

ثم صعد هو الآخر لفوق

سلمي وهي تنظر لفارس : فارس بلاش تتجوزها بالغصب.....من امتي وانت كده

فارس وهو ينظر لها: أنا عارف أنا بعمل ايه ياماما .....متقلقيش

نور وهي تنظر لوالدتها: مامي اتصرفي

ندي وهي تنظر لها: مش هعرف اعمل حاجه ....
انتي اللي عملتي كده

فارس وهو ينظر لهم: عن اذنكو

ثم خرج من القصر

صعدت نور لغرفتها وهي تبكي

وصعد الكل لغرفته
*************************
-ممكن افهم انتي عملتي كل ده ازاي؟ وازاي متقوللناش يانور.....هو انتي ليكي صحاب غيرنا؟؟
قالت مريم هذه الجمله بضيق وهي تجلس أمام نور
نور بضيق: خلاص بقا يامريم ....كفايه المصيبه اللي انا فيها

مريم بدهشه: مصيبه؟؟ انتي بتسمي جوازك من فارس مصيبه؟ طب ده مز أنا لو مكنتش بحب عمر كنت حبيت فارس

كارما : اووعا... الموضوع فيه عمر من غير متقوليلي

مريم: هيبقي اقولك بعدين

فريده بهدوء: أنا من رأي انك تبدئي من جديد يانور

نور: انتو عارفين انو من وانا صغيره وانا مبحبش فارس كابن عمي هحبه وهو جوزي؟؟