لنخالف قواعد حبنا ( صغيرتي الجزء الثاني)

البارت 3

فارس بدهشه : خرج ازاي؟!!
كامل: قضي مده عقوبته وخرج
**************************
وجدت فريده هاتفها يرن
وردت: الو يابابا
فهد: انتي فين يافريده؟
فريده: جايه أنا ومازن اهو
فهد : طيب متتاخريش
فريده: حاضر يابابا انتو كلكو في البيت؟
فهد : اه
وبعد أن أغلقو الهاتف
مازن وهو يقود: في حاجه ولا ايه؟
فريده: لا احنا باين اتاخرنا تمشي بسرعه لان كلهم هناك
مازن بضحك: مكنوش طبقين كريم كراميل دول....ابوكي دلوقتي هينفخني
نظرت له بعدم فهم
مازن : لأن أنا سيبت الشركه وبعدين روحت اجيب مريم وكنت لسه طالع ولقيتك بتتصلي
فريده باحراج: معلش تعبتك
مازن بابتسامه: ولا تعب ولا حاجه متقوليش كده
*********************
كانت نور في غرفتها وتتحدث بصوت واطي
نور : اه ياحبيبي أنا في البيت .....اليوم انهارده كان زفت واحد خبطلي مرايه العربيه و....
ووجدت الباب يطرق
نور: ايوه مين؟
ندي من الخارج: يلا ياحبيبتي علشان هنتغدي 
نور بقلق: حاضر ياماما قامه اهو
ثم وضعت الهاتف علي اذنيها وبهمس: أنا هقفل دلوقتي وهكلمك بليل
ثم أغلقت الهاتف وفتحت الباب ونزلت للاسفل ووجدت الجميع يجلس ماعادا مازن وفريده
نور بابتسامه: ايه ده يوسف جيت امتي من السفر؟
يوسف بابتسامه: جيت من شويه وطلعت علي الشركه
نور بابتسامه: حمد الله علي سلامتك
يوسف: الله يسلمك
ووجدت مازن وفريده يدخلون من بابا المنزل
فهد: ما لسه بدري اتاخرتو ليه؟
مازن: متاسف ياعمي
سلمي بابتسامه: خلاص مش مشكله تعالو يلا علشان هناكل يلا
جلسو الاثنين وبدوا في الاكل
فريده: فين فارس؟
عمر: كلمتو من شويه هيتاخر في الشغل
نور: في رحله تبع الكليه ينفع نروح أنا وفريده؟
فريده بتذكر: اوبس دنا نسيت الموضوع ده خالص
مريم بحزن: ايه ده أنا لسه مطلعوش رحله عندي!
نور : عادي ممكن تيجي معانا
نظرو الشباب لبعضهم بدهشه ثم نظرو لفهد منتظرين إجابته
مصطفي بسخريه: ايه ده بجد عندكو رحله؟
نور بابتسامه: اه ياعمي شرم الشيخ
مصطفي بسخريه: وانتو طالعين؟
فريده بابتسامه: اه ياعمي
ذياد : طب كنتو تاخدو رأينا دحنا زي اهلكو بردو
فريده: اصل...
فهد مقاطعا: مفيش مرواح في حته
ذياد ومصطفي: بالظبط كده

ابتسم الشباب بسخريه للفتيات
فريده: بس يابابا أنا عايزه اطلع الرحله دي!
سلمي بضيق: ومن امتي بتتطلعو رحلات يافريده!
نور: ايوه بالظبط عمرنا ما طلعنا وعايزين نفك عن نفسنا
مريم بحزن: ياعمو فهد أنا عندي 24 سنه يعني هخلي بالي منهم

مازن: انتي عايزه اللي يخلي باله عليكي اصلا

فريده بهمس: مريم انتي بقالك 6سنين في هندسه ليه؟
مريم بهمس: علشان البكالوريوس وخلاص أنا قربت اتخرج
فريده بتفهم: اااه
عمر : يبقي الرحله دي نطلعها كلنا مش تطلعوها لوحدكو

مريم: يعني ايه الكلام ده ياعمر!
عمر بتحدي: يعني ياما نطلع كلنا يااما مفيش مرواح في حته
فريده برجاء وهي تنظر اندي: ياعمتو اتكلمي
نور بضيق: ياعمتو اسراااء قولي حاجه
اسراء وندي وسلمي: لااا
مريم بغضب : بس....
فهد بجمود: مريم...مفيش رحلات
كانت فريده ستقوم من علي الطاوله ولكن والدها نظر لها بتحذير واكملت طعامها
وبعد ماانتهو ******
كانت فريده تجلس في غرفتها وترق باب غرفتها
فريده: ادخل
دخلت الفتاتان
بضيق وأغلقو الباب
نور بضيق: لازم نطلع الرحله دي
مريم: ايوه
فريده: هنعمل ايه هما مش راضيين
نور بخبث: احنا مقلناش معاد الرحله امتي اصلا هي بكره يبقي هنروحها
مريم وفريده: ازاي؟!!!
نور: عادي كأننا رايحين الكليه واصلا الرحله صد رد كده محدش هيعرف
فريده: لا ياستي ممكن يعرفو .....طب نحاول معاهم تاني
نور: نحاول ماشي ولو موافقوش احنا هنطلع
فريده بقلق: ربنا يستر
مريم: طيب يلا بقا ننزل نقعد تحت علشان ميشكوش فينا
فريده ونور: يلا
*****************
خرجت الفتيات ولكن وجدت فريده فهد أمامها
فهد: فريده
فريده: نعم يابابا؟
فهد: عملتي ايه في امتحان النهارده؟
فريده بحزن ودموع: نقصت درجتين
فهد وهو يحتضنها :خلاص ياحبيبتي بس بعد كدا ركزي
احتضنته وابتسمت له
فهد وهو ينظر لهم : ايه علي فين كده
فريده: هتنزل نقعد تحت
هو رأسه بنعم وهم أكملت طريقهم للاسفل
ووجدوهم يلعبون
نور : ايه بتعملو ايه كده
عمر : بنلعب تيجو تلعبو؟
مريم : لا هنتفرج بس
نظر لها عمر وابتسم ثم نظر للشاشه وهي ابتسمت بخجل
************************
ندي : ليه ياذياد مرضتوش تخليهم يروحو الرحله
ذياد بحنان وابتسامه: متقلقيش هنعوضهم ونعمل رحله قريب
ندي بابتسامه: بجد؟
ذياد وهو يلف يده حول خصرها بابتسامه: اه بجد ....أنا بس بفرح لما اشوف ضحكتك منوره كده
*************************
دخل فارس من باب المنزل بضيق
فارس : السلام عليكم
الكل : وعليكم السلام
يوسف: غير هدومك وتعالي العب معانا
فارس: لا فكك مني
نور : ماله ده!!
فريده باستغراب: مش عارفه!
نظر فارس لنور بضيق ثم التفتت وصعد للاعلي
كان سيترق الباب علي والديه ولكن تراجع
فارس في نفسه: لو اتكلمت اكيد ماما هتقلق بلاش أنا هتصرف
ولكن وجد الباب يفتح
سلمي بابتسامه: جيت ياحبيبي؟
فارس بابتسامه : اه ياماما
سلمي باستغراب: كنت داخلي صح؟
فارس: كنت بعرفك اني جيت علشان متقلقيش بس ....امل بابا فين؟
سلمي : اهو جوه ....عايز تتدخله؟
فارس بابتسامه : لا علشان معطلوش أنا داخل اغير هدومي
سلمي بابتسامه: ماشي ياحبيبي
تركها ودخل غرفته ثم دخلت هي بقلق
فهد باستغراب: مالك ياحبيبتي في ايه؟
سلمي وهي تجلس بجانبه : مش عارفه حاسه ان فارس فيه حاجه
فهد: ليه ماله؟
سلمي بقلق: مش عارفه بس أنا مش مطمنه يافهد
***********************
عمر بتعب: طيب ياجماعه أنا تعبت هطلع انام علشان عندي طياره بكره الصبح
فريده : ايه ده مسافر
عمر: انتي نسيتي اني طيار ولا ايه
فريد بضحك: اه سوري نسيت
كان مازن يشعر بالضيق من ضحكها معه
نور: ماتحاولو تقنعوهم اننا نطلع الرحله دي
مازن: إذا كان احنا مش موافقين عليها اصلا
نور بغضب: وانتو مالكو اصلا!!!
استمعت لصوته خلفها بغضب: في ايه؟
عمر: فيه استهبال الهوانم عايزين يطلعو شرم الشيخ
فارس بجمود : لا مفيش طلوع في حته
نور بغضب: انتو يخصكو في ايه توافقو ولا لا
عمر بغضب: في ايه ياانور ماتتكلمي كويس الله !!! مفيش احترام لينا!!!
فارس بدون تعبيرات: سيبها ياعمر مش هنعتب علي عيله صغيره وكمان بنت عمتي يعني مضطر استحملها
نور بضيق: أنا مش صغيره علي فكره و...
يوسف مقاطعا: نور اطلعي اوضتك انتي زودتيها اوووي
نور بضيق وحزن: ماااشي يايوسف ماشي
ثم صعدت سريعا
نظر فارس لهم ثم خرج للجنينه
فريده بحزن وهي تنظر لهم: ليه كده
ثم صعدت خلف نور هي ومريم
مازن زفر بضيق هو وعمر
*********************
فريده: متاكده من القرار ده ؟
نور : ايوه هنروح
مريم: طيب
فريده: يلا نروح نحضر حاجتنا ونتقابل الصبح
وخرجت كلا منهم لغرفتها
***********************
كان مازن يشرب ثم كان متجها لغرفته واستمع لهم وغضب بشده وعندما وجد بابهم يفتح ذهب بسرعه لغرفته
*********************
في الصباح الباكر انتهت الفتيات من تجهيز اشياءها والتي كانت شنطه صغيره يستخدموها في الجامعه وخرجو جميعا في وقت واحد
ونظرو لبعضهم بخبث
كانت فريده ترتدي تشيرت باللون الكحلي وبنطلون ابيض وترتدي كاب
وكانت نور ترتدي تيشرت كات وبنطلون اسود
وكانت مريم ترتدي تيشرت نصف كم زهري وبنطلون اسود
مريم بهمس: جاهزين؟
هزو رأسهم بنعم
نزلو للاسفل بهدوء
ولكن استمعو لصوت ندي
ندي باستغراب: رايحين فين بدري كده؟
التفو بقلق ونظرو لبعضهم
نور بتوتر: هنروح الجامعه ياماما 
ندي باستغراب: بدري كده؟ طب افطرو الاول
مريم بتوتر: مش هينفع عندنا محاضرات كتيره اوووي
ندي : طيب استنو اما اخلي مازن ولا فارس يوصلكو
كلهم في نفس الوقت: لاااااا
نظرت لهم بدهشه
نور بتوتر: لا علشان ميتعطلوش يعني
ندي بابتسامه: ماشي ياحبايبي خدو اي عربيه من بره
هزو رأسهم بنعم وخرجو سريعا
نور بزفير : اااااااوووف كنا هنروووح فيها
فريده: لو حد عرف هنروح في داهيه ربنا يستر
نور: ياستي مش هيحصل حاجه يلا هنركب العربيه ونروح كليتنا والاتوبيس هيطلع من هناك
فريده ومريم: تمام
وركبو سياره من سيارات العائله وتوجهو لجامعه نور وفريده
***********************
استيقظ مازن وذهب بسرعه لغرفه عمر
وطرق الباب
فتح عمر بضجر: اييييه بتخبط علي ميت ومستنيه يصحي؟!!!
مازن: انت ملبستش ليه! مش انت عندك طياره؟
عمر : لا ماهي اتلغت عايز ايه؟
مازن: طيب كويس البس بسرعه علشان نلحقهممم
عمر: هما مين؟؟
مازن: ولاااد اعمامك  طالعين شرم دلوقتيي

- ميييين دول اللي طلعو شرم؟؟؟
نظرو الذي يقف خلفهم وكان ذياد ينظر لهم بغضب

*************************
صعدو لاتوبيس الرحله بعد أن سجلو أسمائهم ودفعو الاشتراك

نور بانتصار: اخييرااا
فريده: معايا سندوتشات حد عايز ياكل؟
مريم: لا أنا بقرا روايه....هو ليه كل واحده قاعده في كرسي لوحدها مع أن في جمبنا كرسي فاضي
فريده: قالو الكراسي اللي جمبنا محجوزه
نور: طيب أنا هنام شويه عقبال لما نوصل
*********************
فهد كان يجلس علي طرابيزه الطعام هو ومصطفي وذياد وسلمي وندي واسراء
فهد : فين الاولاد؟
ندي : قالولي انهم رايحين الجامعه
ذياد بغضب: عرفو يضحكو عليكي يعني
نظرو لهم باستغراب
فهد: في ايه؟؟!
ذياد بغضب: سافروا من ورانا
قام فهد بصدمه
ونظرت سلمي واسراء وندي لبعضهم بدهشه
مصطفي نظر لاسراء بغضب ثم نظر لهم: وفين الرجاله اللي المفروض يخلو بالهم منهم بدالنا ؟؟؟
ذياد : وراهم
مصطفي: يعني نفس الموضوع بيتعاد تاااني؟؟؟ انتي اللي قولتلها تعمل كده من ورانا؟؟
اسراء بدهشه: أنا هخلي بنتي تسافر من ورانا !!
مصطفي بسخريه : منتي عملتيها قبل كده انتي والهانم التانيه ثم نظر لسلمي
ذياد بضيق: في ايه يامصطفي !
فهد بغضب: مصطفي... اسكت لغايه مانشوف حل
*********************
كانت نور وفريده نائمين ومريم تصوب تركيزها علي القراءه ولكن شعرت أن الاتوبيس يتوقف لم تبالي وجلس أحد بجانبها
مريم دون أن تنظر له: الكرسي ده محجوز
_ عارف انا اللي حاجزه
برقت عينيها بصدمه ونظرت له ووجدته هو
مريم بصدمه: عمر ...هفهمك والله
- لا تفهمي ايه انتي كده تمام اووي
نظرت خلفها ووجدت مازن يجلس بجانب فريده النائمه وفارس بجانب نور وينظرون لها بغضب وعلمت أن نهايتهم علي أيديهم
مازن بسخريه: فررييده فريييده ....صحي النوم هتتاخري علي الجامعه
فتحت عينيها ببطئ ووجدت مريم تنظر لها بقلق وعمر بجانبها قامت بفزعه ونظرت خلفها وجدت فارس بجانب نور الذي استيقظت بالفعل من صوتهم
فريده بتوتر: ايه ده!!! أنا كنت رايحه الكليه ايه اللي جابني هنا
مازن بسخريه: لا ياشيخه؟
فارس بسخريه: مش كنتو تقولو كنا جينا معاكو
نور بضيق: ممكن بلاش تريقه وخلاص
فارس بجمود: انتي تسكتي خاااالص ياسبب المصايب انتي

نظرت نور لعمر
عمر : متبصليش هو عنده حق
فريده: انتو طلعتو هنا ازاي!!
مازن: ده اللي همك! يعني مهمكيش انكو اتقفشتو وهتتعاقبو؟
مريم: ينفع متقولوش ليهم؟
فارس بسخريه: ده العيله كلها عرفت
نور بضيق: المفروض نعمل ايه دلوقتي.؟؟