عائلة الصياد الجزء الثانى

15

فى احد المطاعم
هممم ياستى عوزانى فى ايه
اسما . الموضوع بيخص مروان وكرمه
مازن . كرمه مين
اسما . بنت خالتى اللى كانت معاه
مازن . مش كان اسمها هدير
اسما وهى تاكل الطعام بنهم شديد . ها لا
مازن بابتسامه على طريقتها فى تناول الطعام . ايه ياحجه محدش بيجرى وراكى براحه
اسما . مش وكله
مازن . لا كلى بس فهمينى
عادت اسما للاكل مره اخرى . اسمها الحقيقى كرمه بس هى قالتلى انى انديها هدير
مازن . تعرفى ايه عنها
اسما . معرفش كتير هى كانت عايشه برا مصر بعد ما خالتى اتوفت ابوها خدها وسابو مصر مرجعتش  الا من ٣ شهور بس
مازن . هممم يعنى متعرفيش عنها اى حاجه تانى
اسما . لا بس ليه كل التحقيق ده
مازن . لا مافيش خلصتى
اسما . اه يلا بينا نتمشى 
مازن وهو يمسكها من خدودها زى الاطفال . تحت امرك ياقمر
اسما بالم . عبو شكلك عيل رزل زى ما انت مبتتغيرش
مازن . ايام الجامعه كنت ديما احب اعملك كده والظاهر لسه العاده دى عندى
اسما بنفاز صبر . 😤يلا نمشى احسلك
مازن . 😄😄😄احب القمر وهو متعصب يلا
:---------------------------:

فى غرفة ادم كان يجلس على السرير يضم نور ويتابع الTV
كانت نور نائمه على كتفه تبكى فى صمت
ادم . نور
نور من بين دموعها . هممم
ادم . سكته ليه مش عويدك يعنى شعر بماء على كتفه ابعدها عنه
ادم بقلق . بتعيطى ليه
نظرت له وضمته وبكت بصوت عالي
ادم . اهدى بس قوليلي فى ايه
نور . خليك كده شويه انا عاوزه احس بيك جنبى
ادم . نور انا كده هقلق  عليكى مالك
نور . كل ما اتخيل اني كنت هفقدك بحس بخنقه ادم انا خايفه اوى انت وولادى وعيلتنا كل حياتى انى افقد حد فيكم ده اللى مش هقدر استحمله
ادم . حببتى دى اقدار حتى لو كنت مت مكنتش هاهتم عشت بسببك احلى ايام حياتى واولادنا خلونى اسعد انسان فى العالم هعوز ايه اكتر من كده
اشتدت من ضمه اكتر واكتر وبكت بشده حتى نامت بين يد ادم اللى ضمها ونام ونيمها فى حضنه وقبلها على راسها. بحبك يانور قلبى وحياتى
:--------------------------------:

عند كرم والولاد
ساره . ليه بتقول كده انكل شرف مش ممكن يعمل كده
ريان . بظبط كده ده حد طيب اوى
اسر .انتو اللى هبل زياده عن الزوم
ملك .ليه شكين فيه كده
كرم .ممكن حد يفهمنى ليه بابا اتسمم فى اليوم اللى كان معزوم عندنا فيه مع ان على العلم دى مش اول مره نعمل حفلة شواء فى الجنينه
ريان .بس مكنش معزوم لوحده عندنا
اسر .قصدك ايه انت اهبل الباقى كانوا من العيله ومحدش  مننا يعمل كده
ملك .انا متفقه معاهم اسر كرم انتو صح
اسر .وكمان من اول يوم قبلناه فيه نظراته كانت غريبه كل لما يشوف بابا نظرات شر فى عينه
كرم .لا غيره كان واقف كويس لكن لما ماما قربت من بابا كانت نظرة الغيره فى عيونه وضحه
ساره .ازى بابا مخدش باله
كرم .بسيطه بابا مبيديش خوانه لاى حد بالنسباله ان كل الناس طيبين
ساره .بابا مكنش كده زمان
ملك .ادم الصياد هو ادم الصياد متغيرش لسه اسمه بيرج المكان اللى بيتذكر فيه بس بجانب ده بابا عنده قلب طيب وده سبب يخليه ينضحك عليه بسهوله
هنا فتح باب الغرفه .غلطانه انا لسه زى ما انا محدش فيكم هيقدر يفهم ايه بيدور جوه دماغى
الكل .😳بابا
ادم .ايوه ادم انتو فكرين انكم كده اذكياء وانى كبرت ونظرتى فى الناس اتغيرت لا احب اطمنكم انا لسه زى ما انا ادم الصياد نفسه
كرم . انت كنت شاكك فى شرف زينه
ادم . قصدك شريف مش شرف
جحظتْ عيون كل من كرم وملك
اسر . مين شريف ده
ملك  بخجل . شريف الاسيوطى يبقي بابا
ادم .فى الماضى انتى حاليا ملك الصياد وهتفضلى كده فارفعى راسك لفوق
كرم بحزن وخجل .ارجوك سمحنا احنا بنعتذر على كل ده مش قادر اتخيل ان كان ممكن يحصلك حاجه بسبب اهتمامك بينا انا اوعدك انى هبعد انا وملك ومش هنسبب للعيله اى ازه تانى هو عوزنا وهيفضل يحارب العيله علشانه وانا مقدرش اسمح يحصلكم حاجه بسببنه
ملك .شكرا لدعمك لينا كل ده شكرا لاحساس الحب اللى عشناه  هنا شكرا لكل حاجه عملتها
ادم .اظاهر انى دلعتكم اوى علشان تسمحوا لنفسكم تقوله كده دلوقتي
لولا انك ابنى الكبير ومكنتك فى قلبى انت عارفها كويس انا كنت وريتك هعمل فيك ايه ارفع راسك لفوق قلتهالك قبل  كده  من اول يوم قبلت انى اتجوز نور فيه وانتو ولادى غصب عنكم واسمكم على اسمى مافيش فرق بنكم وبين اخوتكم وانتو عارفين انتو ايه بالنسبالى انت وهى ولادى وكلمه زياده فى الموضوع ده هزعل اوى وزعلى هيكون وحش وغير كده مش عاوز اتكلم معاكم غير لما تحسو بغلطكم  
اسر .انا مش فاهم حاجه
ملك .انا وكرم مش ولاد ادم بيه احنا ولاد الراجل اللى كان السبب فى اللى حصل لبابا وحكت لهم كل ما حدث
ريان .زى ميكون فلم
تالين  .و واقعى كمان
ساره .طيب ما انا مكنش ليا حد غير بابا وعمتو اسيل لحد مجيتو انتو وماما نور غيرته  مجره حياتى
اسر .المهم دلوقتي اللى حصل حصل وانتها احنا عيله بصفتنه ولاد العيله دى لازم نحميها هنعمل ايه دلوقتي
ريان .سؤال لبابا كنت عارف ازى انه هو شريف ده
اسر .اه نفس السؤال عرفت من امتى وازى
ادم .من اول يوم شفته فيه حسيت انى اعرفه بس مكنتش قادر افتكر كويس لان  كان مر على اخر مره شفته فيها ٢٠ سنه بس بعد ماقعدت مع نفسى افتكرت انه هو نفسه قررت ارقبه كويس بس مبينلوش انى عرفت هو يبقي مين وحبيت العب معاه
ملك .يعنى افهم من كده انك كنت عارف انه بيخطط يقتلك
ادم .اه وشفته وهو بيحط السم فى الاكل كمان
كرم بغضب .ليه كلته من الاول رغم انك عارف انه مسموم 
ادم .بغض النظر عن صوتك اللى على وعصبيتك دى هجوبك لانى لو مكنتش كلته كان هيشك في انى كشفته ده اول هام ثانيا هو عاوزكم انتو الاتنين ترجعوله كان ممكن الاكل ده يقع فى ايد اى حد من اخوتكم وانا مستعد اموت الف مره مقابل انكم تكونه بخير بدون استثناء
ريان .طيب كده الوضع بقي خطير هتصرف ازى
ادم .انا هعرف اخلى بالى منكم متقلقوش انا لسه معجزتش
كرم .انت غلطان احنا كلنا هنعرف نحمى العيله دى مش لوحدك انت مش مربى ٣ رجاله علشان تبقي لوحدك
ادم . ماشى بس انا برضو  عند كلامى مش هتكلم معاك انت وهى غير لما تحسه بغلطكم وتسحبو كلامكم ده
طركهم وذهب
اسر . لو عملت حاجه فى شريف الاسيوطى هتزعلو
كرم . نهايته  على ايدى انا مش حد غيرى
:----------------------------------:

عند مازن . يابنتى ارحمى ايه خدى هدنه شويه مش كده
اسما . 😄😄😄😄😄 مش عارفه مالى بجد انت وكلتنى ايه مخلينى مش عارفه اسيطر على نفسى عماله اضحك كده ليه
مازن .لا ده جنانك انتى مش الاكل
لوت فمها زى الاطفال .زعلانه منك
مازن .😄😄😄😄 خارج مع بنت اختى ايه البوز ده
اسما..عااااااا غلس وبارد روحنى البيت
مازن .😄😄😄يخربيتك مش قادر
اسما بغيظ .مش عوزاك تروحنى انا هروح وحدى وهمت بالرحيل كانت لا تره تلك السياره التى تاتى مسرعه التى انتبه لها مازن رقض مسرعا اسما
نظرت له والى تلك السياره بدهشه ولكن فى الحظه الاخيره سحبها من يدها سريعا حتى استقرت فى حضنه بخوف منه ومنها
مازن وهو يضمها بشده .انتى كويسه
كانت ترجف بشده فهو انتشلها من على حافت الموت
ابعدها عنه بغضب .انتى هبله كنتى هتموتى يامجنونه
كانت تنظر الى الارض وتبكى وترتجف
نظر لها بحب بعدما ادرك مكانتها فى قلبه جيدا ضمها بشده
كانت تتشبس به بخوف شديد وبكاء اشد
مازن .تتجوزينى..

    ♡:--------------®----------------:♡

🎀🍒🎀🌿🎀🍒🎀🌿🎀🍒🎀🌿🎀🍒🌿🎀🍒🎀🌿🎀🍒🎀🌿🎀🍒
عائلة الصياد الجزء الثانى   ✍️ بقلمى انا رحمه ابراهيم
💝💝💝💝💝💝♥♥♥♥♥❣️❣️❣️