قعمزت صبـا بجنب حناها تحت الليـمة وحطت سفرة ترديدة( سفنز وشاهي وقهوة وبشكوتي ولوز وبسيسة)
عويشة /تنهدت... اه يابنيتي قداش مشفتش سفرة زي هادي من أيام المرحومة 💔
صبا /حبست دموعها... هي حني صبي شاهي قبل لايبرد خلي نمشي نادي جدي اهو في زنقة مع عمي حمد
عويشة/قعمزي سلم بنتي كان يبي شاهي تو يبعث اولاد الشارع قعمزي وخلي انكملك الحكاية يلي حكايتها حكاية
رقدت صبا على حجر حنها وسكرت عيونها وقعدت تسمع من حناها عويشة
صبـا/ بنيـة سمحة وزينها عالاكحل وعيونها كبار سود مشوكات وهذكا الفم وهذوكا لخدود ولشعر يلي واصل لخصرها اسود ليل وجسمها يلي مليان حلاوة كانت في عمر المراهقة 15 سنة وكانت تحب حناها عويشة هلباا
واكثر طلعاتها عند حنها كأن صديقة ليها من نفس العمر
ـــــــــــــــــــــــــــــــــــــــــــــــــــــــــــــــ
الكـاتبـة 🍯العسـولـة🍯
ـــــــــــــــــــــــــــــــــــــــــــــــــــــــــــــــ
منـال
لهت نفسـها في ضمان غرفتها بعد حوسة النوم ظهرها وجعها اتكت عسرير وغمضت عيونها واذكرت لمراية تحتها 💔
منال /قعمزت وطلعت مرايتها يلي تحت المخدة 💔
حطتها قدامها وقعدت مركزة فيها........... 🎵
قمـر / فتحت الصندوق وطلعت لقماشة لحـرير وطلعت لأمها تجري تعثرت قمر في الدرج وطاحت لقماشة وحست بحاجة دارت صوت 💔 لاكن مقدتش تفتح القماشة خايفة من امها
دخلت لغرفة امها وقعمزت عسرير حنب امها 💔
جهان/بتعب ااه وينهاا
قمر /خافت.. تفضلي يام
جهان فتحت بقماشة وشهقت شهقة قوية لدرجة انفس انقطع عليها 💔💔
قمر /ترعش زي جريدة.... خيرك ياام شنو فييك ياام
خذت اسطوانة البخار وحطتها على فم امها وخشمها وقعدت تفتح في الاسطوانه وتبكي 💔💔
ـــــــــــــــــــــــــــــــــــــــــــــــــــــــــــــــ
الكـاتبـة 🍯العسـولـة🍯
ـــــــــــــــــــــــــــــــــــــــــــــــــــــــــــــــ
سعيد /يمشي بعكازه وينادي...... ياعويشة ياعطيك تمرعيشة زي مضيعتيلي شبابي
ناضت صبا من على حجر حنها وقعمزت تلم في شعرها
صبا /تلم في شعرها.... حني هذا صوت جدي خيره يدعي ويسحنن
عويشة /حطت ايدها على قلبها... يابنيتي جدك هذا زي الليمة هذي شوفتيها متينة ومسالمة لاكن عندها شوك يجرح زي جدك بزبط 💔 متين وعنده هيبة وقيمة لاكن كلامه زي شوك يجرح جرح 👌
أنت تقرأ
مرآيـتي 🇱🇾💔
Romansخيـــــــالية ممزوجـة بحقيـقة😍❤ يامرايـتي يلي تعرفي حكايتي من يوم لـ كم سنة.........! عشق الانثـى مرآيا وكل مرآيا لها حكاية وكل حكايـة عندها قصـة شهدت عليها لمـرآيـا روايـتي الاولى #مرآيـتي تحكي على حجات صايرة قدام هذي لمـرآيا ولي صاحبة لمرآيـ...
