أُلَمِلَأُزُمِ وِأُلَطٌأُلَبّةَ 💙،

أّلَثّأّمَنِ عٌشٍر

سيف/وصلت للانبار الطريق كولة اريد انام ماكدر اباوع كولهة صحراوية وصلنة لبيت كبير كلش رفعت حاجبي بتسأؤل
هذا مقر

نقيب راهب/اي ادخل وراح تشوف

سيف/كعدنا الباقين لان جانوا نايمين ونزلنة صدوك دخلت من جوة شكلة مقر بس من برا كأي بيت عادي سلمنة ع الجنود وجان اكو عقيد سلمت علي حسيتة يباوع علئ اسمي جان مكتوب ع السترة  ترخصت منهم طلعت اتصلت علئ شاهين طمنتة لان كومة منتصلين علي بس الاشارة مو تمام ماكدرت احجي هواية كولتله بعدين اتصل عليك لان تعبان كلش.
فصلت الخط ورجعت دخلت يمهم

عقيد قاسم/ارتاحوا يابة باجر وراكم واجب

نقيب راهب/نشالله اني اترخص سيدي اروح ارتاح

عقيد قاسم/اخذ راحتك وليدي

سيف/ترخصوا راحوا يرتاحون بقيت بس اني استفسر ع الشغل شلون حيصير

عقيد قاسم/ابوك لواء

سيف/اي لواء ليث

عقيد قاسم/صدوك والله حاليآ متمركز بالعاصمة

سيف/بلي سيدي. ليش تعرفة؟

عقيد قاسم/شلون ما اعرفة قبل ست اشهر دخلنة بعملية مشتركة بالكوت

سيف/اها

عقيد قاسم/ادخل ارتاح مبين تعبان لازم نريحك لا يشتكي علينة الوالد

سيف/ابتسمت ابتسامة جانبية
لعد اروح اترخص منك

عقيد قاسم/مرخوص بدر وصل سيف لغرفته

بدر/حاضر سيدي

سيف/ما داعي اني اروح اخذ راحتك بدر

عقيد قاسم/بدر راح يصير مساعدك الخاص نشالله تتفاهمون

سيف/هزيت راسي وابتسمت سبحان الله ينطي شبة لعبيسان اشتاقيتله المليق
تمشينة اني وبدر للغرفة

بدر/سيدي راح نتعب لان شامرينة فوك

سيف/عادي نصعد

بدر/احم استاذي من هسة اكولك

سيف/كول

بدر/اني يا نقيب يا ملازم اصير مساعدهم يطردوني

سيف/ليش

بدر/ماعرف بس لا انت هم

سيف/الله واعلم

بدر/ههه
هذي غرفتك ممكن تلفونك اسجل رقمي اني بالغرفة الي بصفك اذا احتاجيت شي انتصل علي