البارت(21)...🖤
بقلم: 💜Bªłşām💜
حبيتها لانو هي م زي باقي البنات عندها براءه كدا تهبل وحساسه لدرجه اي شيء ببكيهاا وانا م عايز اكسر بخاطرهاا...مشيت لي هيام في الكفترياا وانا ببكي قالت لي: مالك حصل شنوو قلت ليها : خلاص خسرتوو انا خسرتوو ي هيام جات حضنتني وانا ببكي في حضنها زي الشافعه 😭😭😭😭😭😭😭😭
قالت لي: حبيبتي خلاص م تبكي انتي اقعدي بس مع نفسك اعطيها فرصه بس وشوفي انتي عايزه وائل يكون بالنسبه ليك شنو عدت الايام وانتهينا من الامتحانات والتواصل بيني وبين وائل شبه انعدم
بقا م بتكلم معاي كتير وبتجاهلني بتصل عليهو ياما بفصل ياما يقفل تلفونوو بعد الامتحانات ادونا اجازه السمسار عشرين يوم وانا في كل يوم قاعده في نار في يوم بليل كما اخدت قرار انو بحب وائل قلت أكلم هيام بالاول
مشيت لي ماما قلت ليها: ماما انا ماشه لي هيام قالت لي: في الوقت دا دايره بيها شنو قلت ليها: مام يخ عندي معاها شيتات عايزه اجيبهم منها قالت لي: حتي في الاجازه م مريحه روحك خلاص امشي ولكن م تتاخري
قلت ليها: اوكي لبست لي عبايه ومشيت ليها فتحت لي الباب خالتو لمياء قلت ليها: مساء الخير خالتو واسفين علي الازعاج قالت لي: ي بنت انتي هبله ازعاج شنو دا بيتك في اي وقت بتلقي مفتووح 🖤🖤
قلت ليها: يخ من ذوقك والله قالت لي: خلاص ادخلي عايزه هيام قلت ليها: اي قالت لي: في غرفتها فوق انش اناديها ليك قلت ليها: لالا بمش ليها فوق مشيت ليها علي طول ولا دقيت ليها الباب فتحتوو وجريت اترميت في حضنها وقعدت ابكي 😭😭😭😭😭😭😭
م خليت دمعه م نزلتها هيام اتخلعت قالت لي: بسم الله الرحمن الرحيم في شنو ي بنت مالك قلت ليها: هيام انا بحبوو ي هيام انا بحب وائل ي هيام خلاص م قادره علي بعدوو بقا بتجاهلني بطريقه فظيعه وم برد علي مكالماتي ومسجاتي وانا خلاص م قادره استحمل فكره يبعد عني قالت لي: خلاص عندي ليك فكره مدام هو م برد عليك اتصلي عليهوو من تلفوني اساسا رقمي م عندوو😍😍 قلت ليها: هيومتي يخ انا بحبك حب😍😍
خلاص فكره اعطيني تلفونك اتصل عليهوو قالت لي: هاك كتبت الرقم وانا متردده اتصل ولا لا هيام ضغطت علي زر الاتصال م بالاول م رد لكن بعد محاولات رد وقال السلام عليكم بس عن كميه الراحه الحسيتها لمن قال الكلمه دي وكمان صوتو فيهوو بحه
هيام قالت لي: رد قلت ليها: ايوا قالت لي: خلاص انا بنزل تحت اجيب ليك عصير وانتي اتكلمي معاهو براحتك طلعت ورديت عليهو قلت ليهو: وائل قال لي: ميار؟؟! باستغراب قلت ليهو: وائل بليييز م تقفل الخط عايزه اتكلم معاك بلييز ي وائل خمسه دقائق بس ممكن قال لي: ميار ماف حاجه نتكلم فيها قلت ليهو: في وفي حاجات كتيره مش انت بتحبني ي سيدي لو قلت ليك وانا كمان وعلي طول انتبهت لي نفسي وسكتت😂😂
قال لي: وانتي كمان شنو قلت ليهو: وانا بتمتم وانا اا ناا كمان قال لي: كمان شنوو انا م فاهم حاجه😏😏قلت ليهو:وائل يخ انت فاهمني وانا عارفه خلااااص وانا كمان بحبك ي مجنوني😭😭
وبعشقك كمان انا بحبك ي وائل صح من الاول كنت معتبراك بستي وبس ...بس اعمل شنو في النهايه حبيتك وحصلت لحظه صمت بيناتنا وائل قال لي: ميار انا وائل وائل الواحد داا مش قلتي أنو م بتحبيني الاستجده شنو يعني قلت ليهو: كنت يعني من الماضي وهسي انا بحبك ي سيدي عندك مانع ولا حاجه🐸🐸💔
انا بحبك ي وائل وانت م مصدقني مفروض تحمد ربك وتصلي ركعتين شكر يومي علشان انت بتحب ملاك م بشر قال لي: ي شيخه😏😂 قلت ليهو: المهم بجد ي وائل انا بحبك بس عايزه ثقتك فيني الفتره البعدت عني فيني كنت داخله في صراع بين قلبي وعقلي وفي النهايه استسلمت لقلبي واخر مره اقول لي انو انا بحبك ي وائل وبحبك بجنون وقعد ابكي 😭😭😭😭😭😭😭
قال لي: مياري انتي هبله في شنو هسي ببكي انا واثق فيك بس م مصدق الانا سمعتوو قلت ليهو: بانفعال لالا ي حبيبي صدق قال لي: قلتي شنوو😂😂لالا م سمعت سمعيني قلت ليهو: لالا م قلت حاجه😂😂
قال لي: لالا قلتي حاجه قلتي شنوو عيديها قلت ليهو:خلاص قلت حبيبي مش انت حبيبي وقريبا جدا هتكون حلالي 🙈🙈🖤
يتبععع...💜
