البارت(26)...🖤
بقلم:💜Bªłşām💜
قال لي: لا خالص بس ميار القديمه كانت بشر بس ميار القدامي دي ملاك☹️☹️قلت ليهو: بطل بكش ي بكاش😒😂قال لي: والله جد😂😂 المهم جو أصحاب وائل هيام قالت لي: غايتوو انا بركب مع منذر قلت ليها : اوكي طيري 😂😂المهم اي واحد تركب مع واحد علشان الرصه وكدا😂😂
واتحركناا طبعا هم عرباتهم قدام ونحن وراء يضربوو في بوري ويصفروو واااي بس 😂😂😂قام وائل غير الطريق قلت ليهو: ي مجنون ماشي وين قال لي: اعصابك داير الف بشارع النيل علشان مختصر😂😂
قلت ليهو اوكيشن وائل سائق بسرعه والصوره خياليه وانتو عارفين شارع النيل والعربات البتمش بسرعه وحوادثوو المهم شغاله اقول ليهوو: وائل الله يخليك خفف السرعه 😭😭😭 بنعمل حادث وهو كأنو م بتكلم معاهوو سائق بسرعه خياليه قام جاء بتاع موتر دخلنا فيهو وبعدين بتاع عربيه يعني حادث كبير وانا م سامعه غير بنت شغاله تقول ماتوو شوفو الدم ماتو ماتو😭😭😭
وناس فتحوو باب العربيه بالعافيه وطلعونا منها ومن هنا انا اغمي علي هيام اتصلت علي بديها مقفول تاني اتصلت علي وائل وتلفونو كان مع راجع الفتح الباب رد قال ليها: والله الجماعه ديل عملوو حادث ونحن نقلناهم المستشفي هيام صرخت قالت ليهو: عملوو حادث ومستشفي شنو وين ومتين قال ليها: في مستشفي رويال كير والحادث
كان في شارع النيل هيام طوالي جرت كلمت اهلي واهل وائل وجونا في المستشفي ماما وبابا جرو لدكتور قال ليهم: الولد حالتوو مستقره بس البنت وضعها صعب شويه ومحتاجه عمليه في الرأس بعد اسبوع المهم عدا الاسبوع وعملو لي العمليه والحمدلله نجحت اول م فتحت عيوني لقيت كميه من الدكاتره علي راسي و وائل ماسكني من يدي وشغال يبكي ويقول دا كلوو بسببي ي ريت لو سمعت كلامك الدكتوره طلعت كلمت اهلي قالت ليهم: صحت وجو جارين جري علي الباب كل واحد عايز يدخل قبل التاني😂😂😂😂
المهم الدكتور قال لي بابا: ي دكتور عبد الله فيكم اليوم تخرجوها بابا قال ليهو: خلاص والله م قصرت ي دكتور فتحي الدكتور قال لي بابا: واجبنا وميار دي زي بنتا يلا انا ماش عندي عمليه فات المساء خرجوني وبابا عمل كرامه وفي ويوم بليل اتصل علي وائل قال لي: اسف حبيبي بسببي خربت عليك احلي يوم في حياتي قلت ليهو ولا يهمك قضاء وقدر وائل المهم كلوو بتعوض قال لي: اها عايزه نعمل العرس متين المره دي بتحددي انتي قلت ليهو: بعد م اخلص من الجامعه واتخرج قال لي: بتبالغي ي ميار يعني بعد 3 سنين قلت ليهو: ايوا قال لي: خلاص الدايره انتي يبقي😊😊
وقفل الخط في وجهي عدت اسبوعين وانا اتحسنت ونزلت جامعه اتصل علي وائل قال لي: وين انتي قلت ليهو: في الجامعه قال لي: خلاص بعد م تخلصي اضربي لي عايز اشوفك قلت ليهو: حاضر حبيبي المهم انتهيت من محاضراتي وطلعت مع وائل اتفسحنا ورجعت البيت لقيت اخواني وماما وبابا متجمعين قلت ليهم: متلمين في الحرم أن شاء الله قالو لي: امين قلت ليهم: خير مالكم متجمعين كدا من عوايدكم الا يكون في مصيبه😂😂😂حسام قال لي: فعلا في مصيبه 😂😊
