البارت(25)...🖤
بقلم:💜Bªłşām💜
قلت ليهو: ماف مشكله حصل خير المهم عدت الايام وفي يوم يتكلم مع وائل فيديو كوول قال لي رايك شنوو نجي يوم الجمعه انا واهلي نتقدم ليك🖤🖤بالاول افتكرتوو بهظر قلت ليهو: اوكيشن فكره حلوه قال لي: يعني موافقه قلت ليهو:ايواا وبالفعل يوم الخميس بليل اتصل علي
قال لي: جاهزه قلت ليهو: لشنوو قال لي: كيف لشنوو للخطوبه قلت ليهو بخلعه يعني انت جادي قال لي: لالا بهظر اكيد جادي بكره انا واهلي جاينكم وخلاص انتهينا علي كدا وقفل الخط في وجهي واااي قلت لي نفسي وااي المجنون كان جادي هسي اعمل شنو اناا اتصلت لي هيام
قلت ليها: هيام الحقيني قالت لي بصوت عالي: في شنوو مالك قلت ليها: وائل قال جاي بكره يتقدم لي قالت لي: احلفي انتي جاده دا احلي خبر قلت ليها احلي خبر في شنو كنت قايلاهو بهظر لكن طلع جادي قالت لي: انتي هبله قلت ليها: خلاص يخ تجيني منك ولا تجيني منو هو الزعلان مني يلا تصبحي علي خير قالت لي: تلاقي الخير 💜💜بكرا بجيك من صلاه الصبح😂😂
صحيت الصباح كالعاده نفس الروتين صبحت علي اهلي وشربت الشاي واتصلت علي هيام جاتني وبقت كل م تتطلع فستان اقول ليها م حلوو عذبتها عذاب😂😂😂المهم اخترت فستان خنفشاري لونو فوشي وبسيط ومنفوش ويدينوو نص المهم بعد صلاه الظهر وائل واهلوو جوو وطبعا منذر جاني دق لي الباب جريت اتغطيت بالبطانيه نظام م عارفه حاجه دخل وقال لي: ميار علي فكره انا شفتك فقومي ساي😂😂
قلت ليهو خير عايز شنوو انا نعسانه قال لي: نظام م عارفه وكدا قلت ليهو: بطل هبل وقول قال لي: وائل واهلوو جو وقالو طالبين يدك قلت ليهو بخلعه شنوو😳😳"طبعا دا كلوو تمثيل😂😂"قال لي: اطلعي من الدراما الرخيصه دي 😂😂بابا وماما دقو الباب غرفتي قمت فتحت ليهم بابا جاء قعد جمبي قبل م يفتح خشموو قلت ليهو: عارفه جايين تقولو شنوو وانا موافقه بابا ضحك😂😂
قال لي: خفيفه لدرجه 😂😂ماما قالت لي: مفروض تتقلي شويه 😂😂قلت ليهم: انا سلفا عارفه😂😂المهم طلعوو واعطوهم الموافقه فجأه باب غرفتي ضرب افتكرتها هيام قلت ليها: م متين بقيتي مؤدبه لمن بتدقي الباب قال لي: لكن انا م هيام 😂😂قلت ليهو: وائل جريت عليهوو وحضنتوو قلت ليهو: عملت لفي راسك صح قال لي: علشان خاطر عيونك ي مياري قلت ليهو: بحبك وبس يعني😂😂
قال لي: بعشقك ي هبله 😂😂قلت ليهو: نعم نعم نعم هبله دي منو قال لي: البنت القصيره الحاضناني دي قلت ليهو: غياظ قال لي: هبله😂😂ضربتوو في كتفوو قال لي: علي فكره عرسنا بعد شهر قلت ليهو بخلعه: شنوو😳😳
قال لي: زي م سمعتي قلت ليهو: ولكن ي وائل انا م خلصت جامعه قال لي: ويعني تكملي بعد العرس قلت ليهو: حتي لو انا وافقت اهلي م هيوافقو😏😏 قال لي: كلمتهم ووافقوو قالو لو انتي موافقه 😂😂قلت ليهو: عايزين يتخلصوو مني بسرعه 😂😂
قال لي: بالظبط كدا اها انتي موافقه قلت لي: ايواا مدام اهلي موافقين ضماني عليهو شديد وطلع كلم اهلي واهلو انو انا موافقه وفاتوو علي كدا بقينا في تجهيزات العرس والحبس والدخان بالنهار امش الجامعه وبليل في حفره الدخان اول مره صرخت وبكيت بكاء وماما وهيام وخالتو لمياء ميتين من الضحك😂😂
اتصلت علي اخوي حسام وكلمتوو بالعرس وبرضو اختو ايات وقالوا نازلين والحمد لله صحباتي م قصروو معاي يومي نازلين السوق واشترينا الشيله ووعملنا حفله الحنه وطلعت خنفشاريه رقصنا وهجهجنا هجهجه وبكرا حفله الحنه بتاعت وائل وااي وصحباتي كلهم ماشين حتي ايات اختي يخ تافهات قلت ليهم انا ماشه قالو لي: انتي متخلفه في واحده بتحضر حفله راجلها قلت ليهم: اي و اناا بس ماشه يعني ماشه ي تقعدوو معاي ليليان قالت لي عندي ليك فكره لكن لو قبضوناا بنكرك حطب😂😂قلت ليها: واااتييه🐸🐸
افتي اها فكرتك شنو قالت لي: البسي نقابك وعبايتك ورح معانا ولكن م تتكلمي مع زول علشان م يكشفوك من صوتك قلت ليها: خلاص سمح ورح🐸🐸مشينا الحفله واااي كلهم برقصو الا انا قاعده وبعاين ليهم بس فجأه كدا جاء العريس الي هو وائل شغال يبشر سااي والحنه تسوي كدي👋👋ولحسن الحظ تعال اقعد جمبي 😂😂
واااي انا من دا موقف قال لي: طرف العريس ولا طرف العروس 🐸🐸واااي انا م قادره اتكلم حاولت غيرت صوتي قلت ليهو: طرف العروس ضحك باعلي صوت عندوو قال لي: ميار بطلي حركات😂😂😂واااي انا كشفني الحيوان قلت ليهو: ميار منو انا اسمي لارين قال لي: لارين لكن 😂😂
قلت ليهو: وائل ياخ خلاص😂🐸 قلت ليهو: يلا زاتي ماشه قمت وهو لسه بضحك ندهته علي البنات قالو لي: مالك جن ولا نفسيات 🐸🐸قلت ليهم: ي سجمانات وائل علي فكره كشفني 😂😂
قعدوو يضحكوو قلت ليهم يلا نرجع البيت علشان بكره عندنا صحيه بدري بالفعل رجعنا وتاني يوم من الصباح مشينا الكوافير رسمت رسم خنفشاري عجبني عجب 😂😂اتصل علي وائل قلت ليهو: حبيبي لسه م عقدوو قال لي: مستعجله استعجال 😂😂
قلت ليهو: كيف بالله المهم لمن يعقدوو اتصل علي قال لي اوكي حبيبتي يلا ماشي علي صالون الحلاقه وقفلت علي كدا بعد صلاه الجمعه اتصل علي وائل سمعت لحظه العقد كلها وبعد قعدوو بقيت ابكي بكي وائل قال لي: سمعتي بقيتي حلالي والله بكيت بكي وهو زاتو بكي معاي جات هيام زي القدر قالت ليهو: ي مستر انت معطلنا يلا باي عايزين نجهز ليك عروستك وقفلت الخط في وجهو عاد قادره😂😂
جهزوني ولبست الفستان الي هو كان جايبو لي هديه وللان م شفتوو لبستو وطلع مقاسي بالظبط يخ شغالين لي اتحصني اتحصني ما شاء الله طلعت قمر وهيام تشيل تشاغل فيني حيوانه خلاص😂😂اتصل علي وائل قال لي: اسم الكوافير علشان اجي اسوقك وصفت ليهو وجات عربااات كتيره اظن هو اصحابوو المهم جاء داخل وبقي واقف وبعاين لي وشغال يقول ليهم دي ميار 😂😂
قعدوو يضحكوو قلت ليهو: يعني كنت شينه ولا فهمك شنو😒😔 قال لي: لا خالص بس ميار القديمه كانت بشر بس ميار القدامي دي ملاك☹️☹️قلت ليهو: بطل بكش ي بكاش😒😂قال لي: والله جد 😂😂
يتبععع...💜
