أسر : يارا مالك في ايه صرختي ليه
يوسف : ردي يا يارا
وائل : سيبوها شوية لحد ما تهدأ وبعدين نسألها تعالوا
خرج الجميع من السجن
أسر : في ايه يا يارا صرختي ليه
يارا : فاكر يا أسر لما قولتلك ان في حاجة غريبة في الكاميرا
أسر : ايوا فاكر
يارا : لما انتوا خرجتوا حاولت اصور كذا فيديو أشوف يمكن العيب في الكاميرا لحد ما لقيت وانا بصور راجل ضخم جاي ناحية الكاميرا وفجأة لقيت نفسي اتزقيت وقعت على الأرض وبصيت لقيته جاي ناحيتي عشان كده صرخت
أسر : يعني هو ظهر في الكاميرا وبعدين شوفتيه بعينيك
مليكة : وبعدين
يارا : لما صرخت وسمعتكوا جايين هو اختفى زي ما ظهر
يوسف : أسر مليكة كان معاها حق انا رأيي ان احنا نمشي من الجزيرة دي وكفاية لحد كده
أسر : بقولكوا ايه احنا مش بنهزر احنا جايين وعارفين أن الجزيرة دي مسكونة ولحد دلوقتي محدش حصله حاجة واللي حصل ليارا انها وقعت بس
مليكة : قصدك لما صرخت يارا الله أعلم ايه اللي ممكن كان يحصل لو مكانتش صرخت
أسر : خلاص لما حد يحصله حاجة يبقى يصرخ
مليكة: انت بتهزر يا أسر
أسر : لأ مبهزرش جربوا كده متحطوش في بالكوا فكرة العفاريت ولا هيظهروا ولا حاجة هتحصل يارا انتي صورتي كام فيديو في غيابنا
يارا : سبعة بس وقتهم قصير
أسر : كان الراجل ظاهر فيهم
يارا : أول اربعة ظهر وهو ثابت بس في أماكن مختلفة وبعد كده أخر كام فيديو لقيته بيتحرك ناحيتي وكل ما انهي الفيديو ملقيش حاجة وبعدين أبدأ فيديو تاني الاقيه
أسر : بقولكوا أيه الموضوع كبر أحنا نصور كام فيديو وبعدين نرجع تمام
الجميع : تمام
