يارا : كارثة أيه بس خير هو ايه اللي مكتوب ده
مليكة: ده مكتوب بالهندي واضح ان اللي كتبه واحد من المساجين اللي كانوا هنا
يارا : طب ما أنتي بتعرفي هندي قوليلي ايه المكتوب
مليكة : مكتوب أن الجزيرة دي عليها لعنة وأن في حوادث غريبة بتحصل عليها وأن واحد من المساجين تواصل مع الجن وعرف أن عشان يخلص من اللعنة لازم يقدم قرابين ليهم على هيئة ناس عشان يخلص من اللعنة ولكن مينفعش يقدم مرة واحدة لازم يفضل يقدمه طول حياتهم
قاطعتها يارا قائلة : معني كده أن اللعنة هنفضل تطاردنا
مليكة : كده مفيش حل
يارا : لأ في حل يا مليكة
مليكة : يارا اوعي تكوني بتفكري في الطريقة دي
كادت أن تتكلم يارا لولا أن قاطعه أسر قائلا : ها يا بنات في أشارة
يارا : لأ
أسر : طب يلا أحنا هنستنى لحد بكرة وبعدين نبقى نشوف
يارا : سيبوني أنا ومليكة لوحدنا ممكن عشان عندنا مشكلة خاصة
أسر : اه طبعا براحتكوا
بعد أن خرج الجميع
يارا : مفيش حل غير كده
مليكة : قصدك ايه يا يارا
يارا: كملي بس قرأة
مليكة: بيقول بعد كده ان العهد بيتكتب بالدم
يارا: حلو اوي كده احنا عرفنا الطريقة
مليكة : يارا أنتي اتجننتي رسمي انتي عايزة تقتلينا كلنا عشان تعيشي
يارا : لأ يا مليكة يا حبيبتي انا وأنتي هنعيش والباقي هما اللي هيموتوا
مليكة : انتي عايزة تقتلي زمايلنا
يارا : زمايلنا طب فكري في زمايلنا كده كويس فكري فيهم واحد واحد نبدأ بأسر اللي لما انتي مكنتيش موافقة على الفكرة من الأول اصر على أن الفكرة تتنفذ ولما وائل حصله الموقف بتاع السجن لما اتقفل عليه مهتمش حتى مدورش على مبرر أو أي سبب بلاش أنا لما صورت الفيديوهات وشوفت الراجل الغريب في الكاميرا عمل ايه أسر كل اللي عمله عشان يبين أنه خايف قال نصور كام فيديو ونروح ودلوقتي احنا محبوسين في الجزيرة دي بسببه
مليكة : وطب الباقي يوسف ووائل
يارا : يوسف ووائل مقدروش يعارضوه مع أن زي ما قلتلك وائل حصله موقف غريب ومع ذلك معترضش وبعدين يا مليكة يا حبيبتي أنا عايزاكي تفكري في الموضوع من الجانب الأيجابي يعني لو حد غيري مكانش فكر فيكي وكان اهتم بنفسه أنما أن قولت أن أنا وأنتي اللي نعيش صح
مليكة : صح
يارا : ها ايه رأيك
مليكة : موافق بس بشرط
يارا : ايه
مليكة : هو الورقة اللي نكتب بيها العهد تفضل معايا أنا
يارا : موافقة
اعتذار عن التأخير نزلت بارتين انهارده
