البارت 1
الضياع
,,,,,,,,,,,,,,,,,,,
ام جوري
..............
مضى عمري و انا اللي في العمر
ضحيت شربت المر من كاس الشقى و عانيت
زماني ما صفالي يوم
و حالي حال المحروم
حسايف يا زمن و شلون
تساوى الظلم و المظلوم
..................
مرحباً اسمي رغد
اني مواليد بغداد 1993
حالي حال باقي العراقيين مرت علية وعلى اهلي مشاكل وقصص كلش هواي اليوم قررت احچيلكم عن قصة مريت بيها بحياتي ولحد الان صار عُمري تقريباً 28 سنة واني ادفع ثمن هذه القصة بالذات
طبعاً اسمي والاسماء الي راح تنذكر بهذه القصة هيه اسماء مستعارة لكن القصة حقيقية الكثير منكم يمكن مراح يصدگ قصتي لان الاحداث الي بيها تشيب الراس (ما اعرف اني لحد الان ليش عايشة والمن عايشة كنت اعيش حياة طبيعية ويه ابويه (هادي) وامي (سناء) واني الكبيرة
..............................................................................
واخويه الصغير علاوي(علي) مواليد 1998
علي نولد مريض وبأول سنة ما چنه حاسيين بالتعب لان ماما چانت ادير بالها علية واني اصلاً چنت صغيره بس من كبر صار يتعبنه وابويه دائماً مقهور علية وكثرت عركات ماما وبابا من وره علي
بابا چان يشتغل سايق تكسي بس بيتنا چان مُلك ورثه بابا من جدو بعد اربع سنوات بسنة 2001 شهر العاشر علي چان عمره اربع سنوات بس عبارة عن جسم وبس يتنفس لا ياكل ولا يشرب كله مغذي امي حتى ابر صارت تعرف تضرب من وره علي
