ام جوري
.................
ضياع
................
مشو عني الاحبهم عصر قلبي بدربهم
اموتن من بعدهم ياروحي شلون بيه
عل الطول سفرهم طفت عيني بصورهم
ودعيت الله اليردهم ويردون اليه
ترد روحي اذا كالو هلج كلهم يردون
على جروحي شماته لو ون كلهم يمرون
راحو مني وضليت ذكرو دمعه وسط البيت
بواجي مفاركه عيوني من حالي ولا مليت
...............................................
رغد.فتحت الباب ودخلت عليهم
كتله رغد.شلونك عمو
عمي عمار:
هلا عمو هلا بيج شلونج وباسني
وگال لابو نوره ما اوصيك على رغد ديربالك عليها
ركب سيارته وراح دخلنه للبيت وره ربع ساعة تقريباً رجع
عمي عمار يدگ الباب ويصيح ويبچي
ابو نوره عرف اكو شي صاير راح يركض على الباب واحنه وراه
عمي عمار:
ليش هيج خويه هوه بس انته الباقيلي بهلدنيا
توفه بابا بأنفجار وثاني يوم يلا الشرطة لاگين تلفونه ومخابرين على اخر رقم الي هوه (نوفل)
نوفل هو صديق بابا ونوفل خابر على عمي
بعد ما راحوا لمكان الانفجار والكل چان يتوقع امي هم ماتت طلعت امي احد المجروحين وناقليها للمستشفى بالعناية المركزه
هنا اني حسيت نفسي بديت اضيع ابويه توفه وامي بالمستشفى بين الحياة والموت
واني يم الجيران
بچيت هواي بوقتها وتأذيت لان علاقتي بأبويه چانت كلش قوية وچنت هواي متعلقة بي ابوية چان انسان بكل منى الكلمة طيب وحساس ويحب امي كلش بس الله يرحمة من اجة احوية علي الله يرحمة مريض ابويه تغير وخاصة تغير ويه امي صار عصبي كلش ويضرب امي حتى مره اذكر ضربني ورجع رأسن حظني قوي وگلي اني تعبان اعذريني بابا وشفتة عيونة تدمع
الله يرحمة
المستشفى الي امي بيها چانوا مانعين الزيارة وميقبلون احد يدخل عليها لان يگولون حالتها يم رب العالمين كلشي ما نگدر نسويلها چنت كليوم اطلب من ابو نورة واني ابچي حتى بلكت ياخذني للمستشفى واشوف امي بس ميقبل لان الطبيب مانع الزيارة وره فاتحة بابا اسبوعين عمي ما سأل علية وبعدين عرفت حتى على امي للمستشفى ما رايح ولا سائل يعني امي اكثر من اسبوعين بالمستشفى بس ابو نورة يروح يسأل عليها وميخلوا يزورها لان بالعناية المركزه ورها بكم يوم اجه عمي عمار لبيت ابو نوره وگفوا بالگراج مال بيت لان عمي عمار گال اني مستعجل
