#مابين الحب والخيانه الحلقه 🔥🔥
للكاتبه:شيماء الشيخ واماني ❤️
تاليف:شيماء الشيخ
كتابة الحلقه:شيماء واماني ❤️
قيس:قعد يشبح لي سما من فوق لي لوطه وابتسامة الشر ع وجها 😈
سما:صدقني لو اتحدنا مع بعض باننهوهم الزوز وهكي اني نكون انتقمت من ملاك وانت من رعد
قيس:فتح باب حوشه وخش هوا وسما صح سما كانت خايفه منه وترعش لاكن مبينه روحها قويه وكان كل همها تشوف ملاك تتعدب قدامها وبس 🔥💔
_____________________________
ادم عطى لي حياة ابره تخليها تنسى كل شي وكان مفعول الابره هدي قوي هلبا 💔
حياة:بدت تصحى ناضت لقت روحها قي حوش كبييير كانه متحف وفيه رواشن كبار يطلو ع الغابه والاشجار تلفتت شبحت راجل واقف يدوي في التلفون ويشبح للروشن
حياه:ااه راسي وين انا
ادم:تلفتلعا وابتسم تمام يابرو بعدين نضمو الجو وسكر التلفون ومشالها
حياه:تشبحله با استغراب من انت ومن اني شن ندير هني
ادم:حبيبتي اهيرا صحيتي بعد الحادث لي درتيه
حياه:حح حبيبتك ?!
ادم:قعمز جنبها وشد يدها حبيبتي انتي ضرباتك سياره ليك توا سنه في غيبوبه
حياه:سس سنه?!
ادم:ايه سنه للاسف قعدتي في غيبوبه خلال المده الطويله هدي
حياه:انا مش مدكره شييي مش مدكرههه 😭
ادم:انا نكون راجلك 😈
حياه:تشبحله باستغراب وخلاص
ادم:تزوجنا لينا توا 4 سنين وكنا نحبو بعض هلبااا. وتزوجنا وفي فتره كنا راجعين من السفر درنا حادث كبير وللاسف دخلتي في غيبوبه
حياه:بعدت يدها انا اا ان انا مش مدكره شي صفحه بيضا في راسي
ادم:توا تتذكري مع الوقت حبيبتي وجاي با بوسها بعدت منه
ادم:ارقدي وارتاحي مابين درتلك حاجه تاكليها وشي ساخن تشربيه الجو بارد في الغابه
حياه:انا شن اسمي وانت شن اسمك
ادم:اسمك حياه وانا ادم حبيبك 😈
حياه:منبي ناكل شي بس نبي طاسة ميه بس
ادم:ابتسم ومشى للمطبخ
حياه:مصدومه لكلام لي قاله مخشليش لي راسي نهائيا قاعده نحاول نعصر دماغي ونفهم لاكن مفيش فايده مش مدكره شي.
ادم:جابلها ميه ونسكافيه
ادم:شدي اشربي هادم دفي روحك بيهم وخودي حبتك 😈
حياه:حبوب شن هادم
ادم:قعد يدكر انه لحبوب هادم يخلوه متتذكر شي اا هادم حبوب عطاهملك الدكتور باش تسترجعي ذاكرتك بسرعه ❤️
حياه:كانها فهمت هزت راسها وخدتهم وبدت تشرب في النسكافيه
حياه:حني علاش عايشين في الغابه وهني مفي حد ساكن هني
ادم:حني زمان كنا نحبو نبعدو ع المدينه وصداعها وكانت فكرتك نعيشو في الغابه
حياه:نزلت راسها وعقدت حواجبها زي الصغار تحاول تتدكر لاكن بدون فايده
ادم:عو اذنك توا خدا الفاس ومشى برا كات الحو خيال صقع وريح وفي شويه ثلج ينزل كان ادم لابس قوانطي وكبوط اخضر وسروال اسود وسبيدرو اسود ودجانبر اخضر طلع خدا الخشب وبدا يكسر فيه
حياه:شبحتله من فوق في الروشن قعدت فتره نشبح فيه كيف يكسر فيه ابتسمت انا وياه كنا نخبو بعض هلبا ع حسب كلامه يمكن نرجع نحبه ممكن وابتسمت ابتسامه صغيره
ادم:شبح لي الروشن شبحها تشبحله
حياه:مشت من الروشن طول خشت وبدت تستكشف في الحوش
أنت تقرأ
ما بين الحب و الخيانه
Diversos#مابين الحب والخيانه للكاتبه:شيماء الشيخ تأليف:شيماء الشيخ واماني ❤️ القصه تتكلم علي بنت يتيما اسمها ملاك كان التحب شخص موت بس صارت مشكله اكبيره البتعرفوها في الحلقات الجايه بتخليهم ينفصلوا
