A Promise To Keep (Athlete Series #1) - COMPLETED

SWIM - 5

SWIM - 5

Abot langit ang ngiti ni Hanelle habang tinititigan ang cake na gawa sa buhangin. Kaarawan nila ngayon ni Ethan kaya dapat sila magdiwang kahit walang katotohanan ang kanilang handa.

"Kambal na kambal nga tayo." aniya ni Ethan matapos nilang hipan ang kandila sa ibabaw ng cake na gawa sa buhangin.

Natawa si Hanelle. "Parehas na ng edad, parehas pa ng araw ipinanganak. Ang cool lang."

"Nag wish ka na ba?"

"Mmm,"

"Ano 'yon?"

"Secret."

Sumama ang mukha ng lalaki. "Ang duga mo na ngayon, ha."

Natatawang kinurot ni Hanelle ang ilong ni Ethan sabay sa pisngi naman.

"Ayaw ko sabihin. Baka hindi magkatotoo."

Umiling na lang ito at may kung anong kinuha sa kanyang bulsa. Binalot pa iyon ni Ethan bago ibigay kay Hanelle. 'Yon lang ang tanging regalo nya para rito kaya kailangan nakabalot para naman may konting effort.

"Oh,"

"Ano 'yan?"

"Ayaw mo? Di 'wag." nagtatampong ipinasok uli ni Ethan sa bulsa niya ang dapat na ibibigay para rito nang pigilan siya ni Hanelle.

"Akin na... para sa' kin yan eh,"

Napangiti siya nang makitang nakabalot ang regalo sa kanya ni Ethan sa dyaryo. Excited niyang binuksan iyon at napasinghap ng makitang isa iyong kabibe na napakaganda.

Wala siyang masabi sa kagandahan nito. Kita niya ang sarili sa repleksyon ng kabibe. Malinaw at makinis parang hindi pa naibabagsak sa sobrang linaw.

"E-Eth..."

"O ano? Speechless ka 'noh?"

"A-ang ganda... ang ganda naman nito."

Tumaas ang gilid ng labi ni Ethan na tila proud na proud sa sarili. "Aba' y oo naman. Ako nagbigay eh."

"Saan mo 'to nabili?"

Natigilan siya. Kapagkuwan, nakaramdam siya ng pang iinsulto galing kay Hanelle.

"Hindi ko 'yan binili. Naghanap lang ako sa dagat nan."

Napatango-tango si Hanelle at nagpasalamat rito saka nilaro-laro ang kabibe.

Ilang minuto pa ang lumipas, wala pa rin ang hinihintay ni Ethan.

"Asaan ang akin?"

Napalingon naman kaagad si Hanelle na nagtataka.

"Anong iyo?"

Napakamot sa batok si Ethan. Nahihiya siyang itanong sa kanya kung nasan ang kanyang regalo baka sabihin nito, ay humihingi siya ng kapalit.

"W-wala, kalimutan mo na 'yon."

Inakbayan siya ni Hanelle. "Alam mo, Eth, pag magreregalo ka, wag ka dapat umasa na may kapalit. Dahil pag nagreregalo, kusa yan na walang hinihinging kapalit."