معشوكتي دكتورة

سفر صكر المفاجئ

لورين:بعد الي سمعته سامحت صكر واحنه فرحانين ودا نسولف بعدها تعشينه وطلعنه للبيت وتم كلشي بيناتنه كعدنه الصبح دنسولف كال خلي نطلع نتريك برا كلت اوك تريكنه وكملنه اجا اتصال لخبط كيانه كلي ثواني واجي
وطلع عدة نص ساعه اتصل بيه كال اني مسافر للامارات عندي شغل حاولت اعرف شنو هالشغل ماقبل يحجي طلعت من المكان ورحت للبيت كلش ضايجه
ام صكر:خير يمه بيج شي
لورين:لا يمه مابيه شي
ام صكر:جا صكر وين
لورين:يمه صكر صار عنده شغل وطلع خارج العراق
ام صكر:ها خوش يمه يلا روحي ارتاحي
لورين:طيب اذا عنده شغل جان اخذني ويا نكضي وقت سوه ليش عافني هنا وراح بوقتها كلش ضجت منه وتمنيت انو يرجع وميتاخر عليه وعده يوم وواسبوع وصكر ماكو تعبت حالتي كلش بسبب فراكه اجتي رهف
رهف:هلو لول
لورين:هلا حبي
رهف:اكلج شو انتي هامله دراستج
لورين:والله يعمري مالي خلك
رهف:طيب حاجي دكتورج اخذي كل المواد الباقيه ودرسيها واتخرجي السنه
لورين:تشوفين هيج
رهف:اي ولج احسن ماكاعده بس تفكرين
لورين:ماشي وفعلا اتصلت على المدير كال ماعدنه مانع بس اذا رسبتي تعيدين من اول سنه كتله اوك دكتور بديت ادرس ليل مع نهار نوم ماعرف طعمه وصلت للامتحانات الحمدلله طلعت امتياز واخذت الدكتورا رجعت فرحانه بينما الناس تباركلي وصلتني صور لصكر وبنيه بلبس الزواج وهنا كانت الصدمه تاذيت وبجيت وبالاخير اتخذت قرار انو لازم اطلك
خابرت على السيد كال بس مجرد تحجين كم كلمه وتطلكين دزيتله مسج كتابه وبعدين مقطع صوت واخذت جنطتي الصبح وطلعت لبغداد رحت للسفاره كلتلهم انو اني دكتوره فعلولي الفيزا وطلعت باول طياره لباريس وكلت منا ابدي حياة جديده وصلت باريس واحس لعبان نفس ودوخه قويه محتله كياني
شافتني بنيه اجتي لزمتني اخذتني لدكتور جان اطلع حامل بقيت ابجي انو شنو ذنبه هالطفل يخلق بلا اب ضليت افكر وافكر الى ان نمت..........................
نرجع لصكر:كلكم دتكولون انو صكر خانها وميحبها وفعلا اني بعمري ماحبيتها وكسرتها بس حته اخذ بثار اخويه الي راح بلا ما يسوي ذنب بس ماتزوجت رحت اخذت موديل واخذت صور وياها ودزيتهن الها بس من بعد الي سمعته تندمت وتعبت كلش رجعت راسن للبصره وجان انصدم انها عايفه كلشي ومسافره وين محد يعرف ضليت اشم عطرها بالغرفه تعبان على فراكها لاول مره انكسر هيج ..................
لورين:كعدت الصبح طلعت من الفندق بلشت ادور على بيت الي لكيت فيلا تطلع حوالي 200 مليون بس كلش حلوه اتصلت على نفس لبنيه كالت مستعده ادفعلج المبلغ بس الي نص من البيت اريد اعيش وياج لان حامل متكدرين تدرين وضعج كلتلها اهلا وسهلا بيج
بلشت دوام بالمستشفى ك دكتوره والحمدلله بعد شهر طلعت حامل ب2 توئم حمدت الله وشكرته
بيوم كاعدين كالت لين
لين:هاي اني لين مغتربه باريس سورية بالاصل عمري 23 سنه من سولفتلي قصتها حسيت الدنيا بطل بيها رحمه
لين:لولو خلينا نطلع لحتى نغير جو
لورين:بربج لين مابيه اطلع معذبيني هالتوئم
لين:لك خلص ولو بربك قومي
لورين:امري للله شسوي كمت بدلت لبست جمسود لون بيجي وفتحت شعري وميكب ناعم وطلعنه
لين:انا رح روح جيبلي شي اكلو بدك شي
لورين:مشتهيه دجاج شوي بس عراقي
لين:عراقي طيب قرمي لقلك
لورين:وين ماخذتني
لين:قومي وبعدين بتعرفي
لورين:طيب اخذتني لين ورحنا لمطعم عراقي اول مادخلت واكو شاب يطلع ثلاثيني كاعد هناك شافني اتلخبط 😂😂😂😂😂
اعرفكم بنفسي اسمي مصطفى خريج ادارة اعمال وعندي دكتورا بيها واني رجل اعمال عندي شركات داخل وخارج العراق گاعد بالمطعم ودخلت ذيج البنيه الي تموت واني ماعرف شصارلي بس بعدين من شفتها حامل ترددت وخابت امالي من بعد ماتغدو وطلعو طلعت وراها مدري شصارلي وصلت لبيتهن مو بيت طركاعه هالكد ما حلو اني رجل اعمال ماعندي هيج ذوق المهم اتصلت بأمير كتله العنوان وكتله اريد معلوماتها
امير:اعرفكم بنفسي اسمي امير طالب حقوق وعايش باريس يم صاحبي مصطفى اخو وايده اليمين ميثق بغيري من كلي مواصفتها كلت اكيد مصطفى يبالغ وين اكو هيج بنيه المهم بحثت عنها وطلعت فعلا بالجمال الي حجا بس مشكلتها مطلقه وحامل بتوئم ياترا راح يقبل بيها ?????
مصطفى:اتصل عليه امير
امير:الوو
مصطفى:هلا بالغالي
امير:هلا بيك اكلك حب هاي البنيه اسمها لورين عراقيه وعمرها 23 سنه دكتوره جراحه واشهر دكتوره باريس حاليا صح مصارلها هواي باريس بس كدرت تثبت وجودها بس البنيه حامل بتوئم ومطلگه
مصطفى:صدك مطلگه
امير:هذا الي عرفته
مصطفى:انشالله تطلع من نصيبي