သင်္ချိုင်း​ဖောက် မှတ်တမ်း စာအုပ် ၁ - လူရှန်းဘုရင်၏ ခုနစ်စဥ်ကြယ်နန်း​တော် (U+Z)

အပိုင်း ၅ ​ရေထဲမှ အရိပ် // အပိုင္း ၅ ​ေရထဲမွ အရိပ္

Edited ~~
Unicode

"ယိုး! ဆရာ​လေးရယ်။ မင်းကပါ ငါ့ကို မ​​​ခြောက်စမ်းပါနဲ့။ ငါ့ ခန္ဓါကိုယ်က ကြီး​ပေမယ့် ဒီလိုမျိုး ဘာမှန်းမသိရတဲ့ အရာ​တွေကို အ​ကြောက်ဆုံးပဲ။ အကယ်၍ မြင်းနဲ့ ဓါးပြတစ်အုပ်သာဆိုရင် ငါ သ​'​ခွေက တစက်မျှ ဂရုမစိုက်ဘူး။ အခု ဒီအ​ကောင်က ဘာလဲဆိုတာ လုံးဝ မသိရ​ဘူး။ မင်းကြည့်စမ်း ငါ့​ခြေ​ထောက်အကုန်လုံးက ​ပျော့​ခွေ​နေပြီ။"

ကျွန်​တော်သည် စိတ်ထဲတွင် ​စဥ်းစားလိုက်သည်။ ဤ​နေရာထဲတွင် ဆက်​၍​စောင့်နေခြင်းသည် နည်းလမ်း​ကောင်းတော့မဟုတ်ချေ။ ထို့အပြင် အလွန်မ​ကောင်း​သော နိမိတ်တစ်ခုသည် ကျွန်​တော်၏စိတ်ထဲတွင် တစ်ချိန်လုံး ရှိ​နေသည်မှာ ​အ​တော်အတန်ကြာပင်ဖြစ်​နေပြီဖြစ်၏။ ဒီ စိတ်ညစ်ညူးထိုင်းမှိုင်းဖွယ်​ကောင်း​သော လိုဏ်ဂူ​ကြောင့် ကျွန်​တော်၏စိတ်ထဲတွင် ဖြစ်နေသည်လား​တော့ မသိ။ ထို​ကြောင့် ကျွန်​တော် ​ပြောလိုက်၏။

"အဲ့ဒါက ဘာပဲဖြစ်ဖြစ် အခု အ​ရေးအကြီးဆုံးက မြန်မြန်ပြန်ထွက်ဖို့ပဲ။ အခု ကျွန်​တော်တို့က ​ရေဆန်ကို ဆန်တက်​နေတာဆို​တော့ ပြန်လှည့်ပြန်ရင် အခုအလာထက် ပိုမြန်မှာ အ​သေအချာပဲ။ ကျွန်​တော်တို့ ဒီဂူထဲကို ဝင်လာတာ ဆယ်မိနစ်​တောင် မရှိ​သေးဘူးထင်တယ်။ အဲ့ဒီ​တော့ ပြန်ထွက်ဖို့ ပြဿနာ မရှိ​လောက်ပါဘူး။"

"မှန်တယ်။ မှန်တယ်။ တတိယသခင်​လေး​ပြောတာ မှန်တယ်။"

သ​'​ခွေက လျင်မြန်စွာပင် ​ထောက်ခံ၏။

"ဆရာ(၃) တစ်ခုခု ​ပြောပါဦး။ အဆိုးဆုံး ကျွန်​တော်တို့ ဒီက ပြန်ထွက်ပြီးလို့ ​တောင်​ပေါ်ကဖြတ်ပြီး သွားရရင် ပစ္စည်း​တွေအကုန်လုံးကို ကျွန်​တော်သယ်ပါ့မယ်။ ကျွန်​တော်က ခွန်အားကြီးတယ်။ ဒီ တစ်ရက်နှစ်ရက်​လောက် ​နောက်ကျရုံနဲ့​တော့ ဘယ်​လောက်မှ မကွာခြားသွားဘူး မလား? ကျွန်​တော်တို့ သင်္ချိုင်းကို မြန်မြန်တူးရင် ပြန်ပြီး ကျေသွားမယ်မလား?"

"အစ်ကို​လေး မင်း ဘယ်လို သ​ဘောရလဲ?"

ဆရာ(၃)သည် ထို မန့်ယိုဖျင်အား ထပ်၍ ကြည့်လိုက်ကာ မေးလိုက်၏။