ما بين البصرة و لندن

بارت ٢

يلتمن عليه مشتتات البال

وانفضهن نفض وانهض ولا جني

لا غرني المدح بشفاف المحبين

وما همني الشامتة شما حجوا عني

وليت وعف ضميري وما كسرت العود

ولسن شبه إلزام بالعن سبني

.......

تحجي وتترجاني

اختل توازني كعدت كبالها بالكاع ماعرف  شسوي مثل بلاع الموس مصيبة و وكعت ع راسي اذا حجيت اهل البنية ينفضحون واذا سكتت اكيد امي ونسوان الي راحن وياها بالخطبة يعرفنها يعني الي ينضم اليوم ينفضح باجر والوقت يمشي والناس منتظرين برة النيشان
ردت اطلع جلبت برجلية تتوسل ..

دخيلك لا تروح..

يابة على كيفج  لتخافين اني مو متخلف وافضحج انتي واهلج رايح اوخر العالم البرة وانتي ابقي راح اقفل عليج الباب لاتخافين ارجعج لاهلج سالمة

طلعت وشافوني بنفس لبسي مامغير

أبوية.. ها حسام بشر ...

دنكت وشاورته ..يابة البنية معذورة

أبوية اتعذر  من العمام وفهمهم السالفة وكلمن راح لاهلة
بقوا بس اهل البيت اخوتي كلمن جاي يروح لدارة
كلتلة يابة عندي حجي وياك  كلهم  يباوعون عليه

من رخصتكم اريد أبوية بكلمة رأس.. دخلنة للمضيف وحجيتلة وجهة كام ينطي الوان وبس يستغفر

خلص بوية احنة نغشينة كوم وياية اعقدلك ع البت وتاخذها وباجر تأخذ بت عمك كسر خشوم  لأهلها الي غشونا

مشى كدامي وماتركلي مجال اعترض جنت ابداية العشرينات وشخصيتي مو قوية حتى اعترض على رأي ابوية ..
عقدلي على البنية لان احنه اصلنه سادة وابوي دارس أصول الدين وجدي كان مؤذن مال جامع وعمي الجبير من بعدة

من راد يطلع كال .. اسمعي بنتي لا تضنين الصار انتهى   باجر نفس هذا الوقت اعقد الابني على بنت اخوي وبعد شهر ازفها اله بيدي لان مو احنه الي ينظحك علينه ..

البنية دنكت على ايد ابوية تبوسها ..امرك شيخ شتفصل احنه نلبس بعد سترك علينا لو طلبت الروح ما تغلى عليك

أبوية عادل وميقبل بالغلط باوعلها خله ايده على رأسها وراح سمعته صاح للكل التموا عليه وهو ع الدرج كال ..

كلمة راح اكولها وما مسموح لأي نفر يزيد حجاية
واذا سمعت السالفة طلعت من حيطان البيت ما تبقى هنا مرة   على ذمة رجلها الفوك عروسة حسام وأهلها معززين مكرمين باجر نستقبلهم كلمة وحدة غير الهلا والمرحبا  ما اسمع