ماكو واهس مدري ليش ؟
وجاي احس روحي حمامه بليا ريش
وماكو صحبه بلا مصالح
وانا بس بهاي فالح
يوم الاضحك تكثر الصحبان عدي وچنها جيش
ويوم الانهم ياهو يهتم
.. ....
...سويت جوازات ام احمد و شيماء و جانت اول مرة الي اواجه اهلي بقوة وأرفض تحكمهم بحياتي لدرجة بيوم الي سافرت بي امي ماقبلت تسلم عليه لان اخذت عائلة اخوية حتى اخواني الكبار جانو معترضين الوحيد بالعائلة الي ما ادخل هو الوالد لان يعرف اذا بقت شيماء حرب راح ينهي عليها مجرد شغلة خباثة وللأسف مجتمعنة العشائري يساند هيج اشياء...
طلعت من العراق لسوريا جان خالي بانتظاري على الحدود لان هو سبقني ورتب امورة هناك وشوية شوية سويتلي تجارة هناك بقيت تقريبا لحد 2010 بس معفت العراق رايح راجع لان من تخرج حسن لحكني وفتحنه شركة سياحة من العراق لسوريا
بهاي السبع سنوات تزوجت شيماء الدكتور الي تقدملها لان من عرفوا اهلة إن احنه بسوريا اجاني وخطبها مني وما شفت بي اي عيب يخليني ارفضة فزوجتها اله وام احمد رادت احمد يدرس ب لندن وكانت مجمعتلهة خوش مبلغ خطية طلعت تجمعلة من اول ما مات ابوهم بس لان شيماء الحمد لله قسمتها زينة ورجلها ماقصر بشي وياها صارت التجميعة من نصيب احمد
شجعت هالموضوع لان بي مستقبل زين اله و جملت فوك فلوسة لان الحمدلله الرزق واسع
الام قررت تنتقل تعيش وية بنتها بالسويد
وبقيت وحدي بين العراق وسوريا خالي ظل يلح هواية حتى اتزوج وجنت محتاج هالشي لكن قررت هالمرة اني اختار وللأسف جان اسوء اختيار ماريد ادخل بتفاصيلة لكن ملخصة هن سنتين جانت شهر يمي وعشرة يم اهلها وكانت طلباتها تعجيزية مرة سيارة مرة بيت مرة عقد الماس المشكلة جنت اجيب وهم مايعجب فكان الإنفصال افضل حل بعدها رجعت للعراق ولشغلي الأصلي في بغداد وشركة السفر عفتها ع حسن وخالي الي بعد احداث سوريا اخذ عائلته وطار لألمانيا فتوقف العمل فترة إلى أن استقر الوضع
......
كل هذا مر بخيالي مثل فيلم سينمائي حياتي الي انرسمت من البداية غلط او هو اختبار من رب العالمين بس لو كان اختبار فيارب تعبت الوحدة اكلت روحي صرت اخاف احب وانعجب اصلا كمت اخاف احلم الي بعمري جهالهم بطولهم هذا احمد الي ربيته ابنه بطولة
استغفر الله العظيم اني شجاي افكر الله يحميهم ويرزقني
رحت للفندق ونمت كعدت ع صوت التلفون ..
احمد.. الو اني بالفندق منتظرك جوة البس وانزل اكو جماعة اصدقائي عازمينة
حسام .. ماشي ماشي..
أنت تقرأ
ما بين البصرة و لندن
ChickLitإن الله يكتب لكل عبد نصيبه وكل ما يصيبنا قدره لنا .. اكو مقولة مشهورة عدنه بالعراق من تجي القسمة تسد كل الحلوك بهاي القصة حنشوف قدر الإنسان ونصيبة وين ورب العالمين من يحنن قلوب على قلوب
