لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
....
احمد غير تكول هنا ثلج كلشي ما جبت لا قمصلة لا صخام ....
الف مرة كلتلك باااردة لندن باااردة جا اخوية ليش سموها مدينة الضباب ....
اي باردة يعني سترة بلوز خفيف مو ثلج هسة لو احط الكنتور ع ظهري ميكفي ....
هههههه هسة نوصل للفندق وهناك عود تدبر ....
اسكت رحمة لأهلك هسة يمكن حتى الفندق نلكاه معزل جا غير حسام الفكر وصل...
لا خوية مامقبولة منك هالحجاية انت كل الخير والصار قضاء وقدر بعد أمر ربك محد يموت بغير يومه...
جنه نحجي واحمد يخلي الجنط بالسيارة و صعدنه..
حسام والله مو حلوة بحقي تكعد بفندق وبيتي موجود شيكول عليه عمي من يسمع ....
ميكول شي لا تشغل بالك من البداية اتفقنة اجي على شرط ابقى بالفندق اخوية اني ماارتاح ابيت أحد هي كوه ...
والله خوش استاذ حسام الي يسمعك يكول محملنه منية فوك ما جايبيك تغير جو ههه...
جو ايش بلا ماتسكت هسة مو نروح للشمال و لتركيا
عمي هيج برد ماشايف...
وصلو للفندق وكان المكان مزدحم
يابة مو كلتلك مراح نلكة...
ههه شبيك غير رأس السنة بعد كم يوم والناس كلها طالعة تتسوك المهم اني حاجزلك غرفة مرتبة باسمك بين ما يوصلك السرة حروح اجيب شي دافي نشربة....
اي بداعت امك ثلجت ياريت اكو جاي ..
راح احمد واني متلفلف بالسترة وادية تجمدت كلها لابسة لبس ثكيل بلوزات وجفوف وكوتات الا اني بطرك البنطرون والقميص وذبيت فوكاهن سترة جنز عن الحلال والحرام هههه
شويه واسمع حس ناعم عبالك كناري وراية يغرد بالانكليزي درت وجهي عليها مو بنية ملاك تايه من السماء اني افهم انكليزي بس ماجنت مركز بحجيها صافن عليها بس سمعت Arab هزيت راسي بنعم
جو.. بارد .. صحراء ...حارة تحجي وتأشر عليه
سمعتها هيج صحيت عبالها جاي من الصحراء وما شايف ثلج
لا يبعد اخوج اني من العراق اكو ثلج بس مو هيج هذا موت احمر
انت عراقي واني صار ساعة ادردم بالانكليزي
أنت تقرأ
ما بين البصرة و لندن
ChickLitإن الله يكتب لكل عبد نصيبه وكل ما يصيبنا قدره لنا .. اكو مقولة مشهورة عدنه بالعراق من تجي القسمة تسد كل الحلوك بهاي القصة حنشوف قدر الإنسان ونصيبة وين ورب العالمين من يحنن قلوب على قلوب
