اختراق - breakthrough

5 - حق الشهداء

عندما نهض معتز وجد نفسه بغرفة مظلمة يجلس على كرسي أمامه طاولة يجلس عليها رجل يرتدي بدلة سوداء و قميص ابيض
- انا مراد الديب أمن وطني
معتز : انا هقول كل حاجة
مراد : مش عايزك تتكلم خالص عايزك تسمع بس
من 10 سنين عملت حادثة و خبطت شاب اسمه عماد... اخوك و للاسف مات... كان غصب عني
بعد ثورة يناير انا كنت متلخبط و بسبب حادثة اخوك اتأزمت اكتر
دفعت لابوك دية و كنت كل يوم بسأل نفسي هي الثورة نجحت ولا لا الاجابة نسبية لناس و ناس طب انا من انهي ناس
ايه اقدر اعمله طيب اكفر بيه عن ذنب شاب بريء مات بسببي حتي لو غصب عني... شاب نزل يطالب باقل حقوقه عيش... حرية....عدالة
تابعت محاكمة النظام القديم القضاء نفذ القانون بس فيه ناس  القانون مأثبتش عليهم حاجة زي صابر الشريف
سرق و قتل
طنشت سنين و قلت حاضر و بترقي و بقيت اشطر ظابط مباحث خلال 10 سنين و اهو زي ما انت شايف بحقق مع مجرم زيك في قضية قتل صابر الشريف
معتز : انت الظابط اللي قتل اخويا
مراد : قولتلك غصب عني و قولتلك كمان متتكلمش اسمع بس
الاعلام قال ان صابر مات بأزمة قلبية بس تعالي الخصلك اللي حصل..... انت مريض نفسي و انت عارف.... شخصية امجد مش موحودة انت صنعتها عشان صحابك بعدوا عنك بعد ما عرفوا انك حرامي و بتسرقهم بعد ما تهكر تليفوناتهم و الفيزا بتاعة كل واحد فيهم..... انا بقي استغليت مرضك دخلتلك من  بقيت شخصية المهرج ف حياتك اللي انت مش قادر تفرق فيها بين الانسان الحقيقي و الوهم اللي بتشوفه
و انا كمان االي بعتلك الريكوردات عالواتس ايدي كانت ورا ضهري بس انت مخدتش بالك الا اما النور قطع
للاسف مكنش قدامي حل غير اني اخد التليفون اللي انت رميته قدام امجد اللي مش موجود اصلا و اروح بنفسي للفندق عشان اساعدك تعطل الكاميرات و القاتل المأجور اللي انا اجرته يقدر يقتل صابر من غير ما حد يكشفه
الولد عدا بالبندقية ازاي وسط الحراسة ؟!  انا كظابط معرفش
مسموحلك تسأل دلوقتي
معتز : ليه كل دا ذنبي إيه و ايه اللي هيحصلي
مراد : ورم ملوش علاج خلاني أراجع حساباتي و اعمل حاجة صح و اشركك فيها بدل حياتك التافهة سرقة...بدون صحاب... أبوك اللي بتتخانق معاه....نور المومس اللي بتراقبها...... دي مش حياة و للأسف انا شاركت في تكوينها حواليك بس حتى لو كان دا غصب عني يوم ما أخوك مات فلازم أحاول اصلحه
انا عارف الدرس صعب
معتز : عماد كان كل حاجة بالنسبالي قبل ما تموته
مراد : اللي انا عملته دا عشان عماد و اللي ماتوا زيه فالثورة
الأهالي لسه جواها نار مش هيهدوا غير أما يشهدوا نهاية الناس اللي سرقوا البلد بأبشع الطرق و اتسببوا في موت عيالهم
انا هدفي من كل دا الإيمان عايز ازرع فيهم الإيمان أن كل ظالم له نهاية بشعة.... كان لازم استغل سلطتي ف حاجة صح بعد ما عرفت أن أيامي فالدنيا معدودة
معتز : فالاخر انا كبش الفدا
مراد : سنة عالاقل انت مريض نفسي و دا اللي هيتقال هتفضل في مصحة نفسية سنة و هتطلع معاك شهادة بتقول انك مريض مفيش تهم ضدك كبيرة احنا اعتبرناك رهينة كنت تحت تهديد و انت بتنفذ اي اختراق
معتز : انت دمرتلي مستقبلي
مراد : و ليه متقولش إني لحقتك قبل ما تبقي زيي انا مش عايزك تعرف الصح متأخر قبل ما تموت
سنة و هتطلع و احتمال كبير مش هتلاقيني و أذا كنت لسه موجود هنكمل سوا هنحط نهاية لهدف جديد و نحسس الناس بالإيمان أن الخير له شمس
الاعلام مش هيعلن عن جرايم قتل الناس دي بس انا معايا كل جريمة شاركت فيها فقتل الناس دي
هسيبلك الكواليس دي في فلاشة مع ابوك اما تطلع تنشرها الناس لازم تعرف نهاية الناس الوسخة دي كانت ازاي
سامحني لو ورطك بس حلفت قسم اخدم البلد دي انتمائي الوحيد للناس ....الناس اللي زيك و بس يا معتز

* ينهض مراد من كرسيه و يخرج من الغرفة و هو يشعر بالرضا التام عن خدمته لهذا الوطن و إن قد فشل جيله في انقاذ البلاد فلن يفشل هو في الانتقام ممن عاثوا فيها فسادا و سيستغل كل لحظة متبقية من حياته لخدمة ثأره الشخصي مع ما حدث منذ 10 اعوام فهؤلاء للشهداء لن تذهب حياتهم سدي

تمت.....