انا وأخواتي والكليه الحربية

البارت الاول

             بسم الله الرحمن الرحيم
في حي راقي نسمع صوت صفير صفاره في احدي الشقق شقه اللواء عز الدين الهاشمي بداخل احدي الغرف تستيقظ الفتيات الثلاثه
سوار /يا فتاح يا عليم وتضرب يدها كف بكف
انا هخلص امته من الهم ده
رسيل /يادي الليله السوده عليا وعلي اللي خلفوني عايزه انام يا بشر
حور / كده كتير كده كتير اوي اوي يعني أقوم ارميله الصفاره اللي فرحان بيها دي دي جابتلي عقده دا انا بسببها لما اشوف عيل صغير في الشارع ماسك صفاره بعلقه من قفاه ع الشجره
دخل عز الي اوضه بناته
عز / انتباه منك ليها انا جاي اقولكم إن النهارده أول يوم ليكم في الكليه الحربيه انتم دلوقتي هتروحوا الكليه زيكم زي اي طلاب مفيش واسطه ومحدش هيعرف انكم بناتي يلا اجهزوا بسرعه مش عايز تأخير
وخرج من الإوضه
رسيل / كان يوم أسود يا اختي يوم مش باينله لون ولا ريحه ولا طعم
حور / يا صغيره ع الهم يالوزه اااه يا اختي
سوار/ هههههههه دا احنا هنتفخ حسبي الله ونعم الوكيل قومي يالوزه قومي يا اختي التانيه نلبس ونجهز دا مجهز نفسه من زمان يا اختي دا حتي الاوضه عاملهنا زي الأكاديمية بالظبط
حور / اهم حاجه البتاعه اللي رايحنها دي فيها عيال موزز ولا ايه
رسيل / دا كل اللي همك بس تصدقي عندك حق اكيد يعني هيكون في اه علشان لو مفيش هزعل وهجيب ناس تزعل
سوار / كتكوا الارف عيال هم مش عارفه مزز ايه وبتاع ايه قومي يا موكوسه منك ليها
        
         *********************
    في الاكاديميه
داخلين التلات بنات منبهرين بالمكان وجماله (ههههه ميعرفوش اللي هيحصل 😂😂)
حور / بسم الله ماشاء الله شايفين اللي انا شيفاه
رسيل / اللي هو ازاي لمواخذه هو حضرتك شايفه حاجه تانيه انا عن نفسي مش شايفه حاجه المكان فاضي يا حجه ابوكي جايبنا 4الفجر يا اما
حور / يا بت ركزي شايفه الواد السندق اللي اكل البندق فوق سطح الفندق اللي قاعد هناك ده
رسيل وهي تصفق بيديها / الله ايه يا بت عين الصقر دي يخربيتك ردار يا جدعان دا انا شيفه طشاش يخربيتك جبتيه ازاي ده
حور / الله اكبر عليا يا اوختشي اعمل ايه قلبي اللي بيجبهم علطول
سوار / ههههه سيبك منها تعالي نخش يا اختي انا عايزه اريح حبه والله تعبت طب قوليلي احنا جايين اربعه الفجر نعمل ايه ها ها
رسيل / وانا مالي امي انا هو انا اللي صحيتكم
حور / انا اقولكم ابوكم جايبنا بدري علشان نلحق الطابور ونقف في أول الصف فاكرنا لسه ف الابتدائي ولا يكنش يا بنات ابوكم ناوي ينحرف
سوار وهي بتخلع الكوتشي/ ينحرف يا بنت الجذمه
فجأه جه من وراهم واحد صرخوا التلاته  برعب
الشخص / انتو مين
حور / جاك حش وسطك يابعيد خضتني
رسيل / جعزتني يا عم في ايه
سوار / الهي اشوفك متعلق ع باب الكليه يا بعيد
الشخص / انتو مين برده
سوار / احنا جايين نقدم ورقنا هنا في الكليه بس مش عارفين الطريق
الشخص / اها وجاين بدري اوي
حور / وانت مالك هو رغي وخلاص ورينا المكان اللي هنتزفت فيه نقدم الورق
الشخص/ ورايا
حور / شوفي الواد بيتنك ازاي
سوار / اسكتي بقي شويه ويلا منك ليها
مشوا في طرقه طويله للنهايه وشاورلهم ع الباب
الشخص/ هتدخلوا هتلاقوا الاستاذ أحمد هيستلم منكم الورق ويعرفكم ع النظام هنا ازاي ومشي
دق الباب ودخلوا التلاته لقوا واحد نايم ع الكنبه اللي في الاوضه وبيشخر
حور  / ايه ده دا نايم
سوار  / شوفي ازاي تصدقي ابهرتيني باكتشافك العظيم ده
رسيل / اوعوا انتو الاتنين أما اصحي الراجل عايزين نخلص قبل ما تبقي زحمه
رسيل وهي تهزه علشان يصحي
رسيل / يا حضره يا أستاذ يا بشكاتب
سوار / دا نوم الميتين دا انا عارفاه كويس 😂😂
حور / هههههههه دا عايز سطل ميه علشان يصحي
رسيل شافت ازازه ميه ع المكتب خدتها ورشتها عليه
احمد / بغرق بغرق ايه ده انا مين انتو مين وبيبص لرسيل ويقول مش انتي البت الخلبوصايه الملفوفه في العبايه مكسوفه يا مشمشايه متفكي خليكي معايا
سوار بصلته بصه ريا وسكينه
سوار / هاتوه
رسيل وحور مسكوه من قفاه وقعدوه ع المكتب
رسيل / اتنيل أمسك الورق اخلص
أحمد متنح لرسيل وبيبصلها
حور / انت متنح كده اخلص ياض
سوار / الواد ده عامل كده ليه هو متنح لينا ليه كده
أحمد/ براحه عليا طيب يا جدعان والله كده حرام ممكن بس تسبوني علشان اركز والنبي
سوار / خلاص يا بنات تعالوا هنا
وقفوا جمبها لحد ما خلص وقالهم كده تمام انتو هنا في الكليه الحربيه الطابور هيبدا 6 الصبح وانتو في عنبر 11 بقيت المعلومات القائد بتاعكم هيعرفهالكم اتفضلوا
خرجوا التلات بنات وبتمشوا شويه وبيبدأ الشباب والبنات يجوا واحد ورا التاني
في نافوره في وسط الكليه البنات قاعدين عليها مربعين وحاطين أيديهم ع خدهم واللي رايح واللي جاي بيبص عليهم بغرابه
حور / وبعدين احنا قاعدين قاعده المطلقين دي كتير بقالنا ساعه ونص وطابور الصباح لسه مبدأش
سوار / يا شبشب الساعه كام معاكي
حور / 6 يااختي
سوار / يلا بينا
قاموا التلاته راحوا وقفوا ف الصف ولقوا الكل وراهم وجمبهم
حور / شكلنا يشرح القلب
سوار / من ناحيه هيشرح هيشرح يعني
رسيل / شوفوا ابو غضب اللي جاي علينا ده نهار اسود لو كان هو القائد
حور وهي تلطم ع وشها / هنتنفخ هنتنفخ