بسم الله الرحمن الرحيم
فادي / بحبك يا حوري بحبك اوي
حور/ طب يلا علشان اشوف سوار
فادي بضحك من كسوف حور / يلا يا حبيبتي
ذهبوا الي الجميع ووقفوا منتظرين الدكتور لما يخرج
أما عند فارس واقف قصاد اوضه العمليات بجمود تام مش حاسس بالي حواليه مش حاسس غير إن سوار كانت بين ايديه ومليانه دم الكلمات متقدرش توصف إحساسه هل هو فعلا كان هيخسرها في لحظه هل انا هقدر أعيش من غيرها بعد ما مشاعري اتحركت تجاه واحده حسيت معاها اللي عمري ما حسيته مع حد نعم أنه يحبها بل يعشقها عشق لو تجمع عشق الرجال كلهم لن يأتي ذره في عشقه إليها هي وحدها من جعلتني أسيرا لعينيها نعم لقد أجبرت الثلعب علي حبها ووقع أسيرا لها سأجبرك علي عشقي يا إبنه حواء كما جعلتني اتنفس عشقك
بعد مده خرج الدكتور من العمليات
فادي / اخبارها ايه يا دكتور
الدكتور / متقلقوش يا جماعه هي بقت كويسه الحمد لله الاصابه في كتفها وهتتنقل غرفه عاديه دلوقتي وتقدروا تشوفها إن شاء الله بعد ما تفوق من المخدر بعد اذنكم والف سلامه عليها
فادي / الله يسلمك اتفضل شكرا
بعد قليل دخل عليهم اللواء عز الدين الهاشمي
عز / فين اختكم يا بنات
فارس / اهلا يا سيادة اللواء هو حضرتك تعرفهم
عز / اعرفهم دول بناتي يا فارس
فادي بصدمه / نعععععم بنات مين
عز / في ايه يا فادي أظن سمعتني كويس دول بناتي
فارس / دول بنات حضرتك أمال احنا منعرفش ليه
عز / علشان انا اللي عايز كده كنت عايزهم يدخلوا من غير وسطه وينجحوا كمان
فادي بص لحور وهو بيعض علي شفايفه من الغيظ / اه تمام يا فندم اتفضل سوار جوه الاوضه دي
حور بتفرك في ايديها بتوتر
دخلوا الكل معادا فادي وحور
حور لسه هتتكلم فادي شاورلها بايديه/ مش دلوقتي الموضوع ده هنتكلم بعدين خلينا نطمن علي سوار
حور في سرها / يا واقعه طين اووف بقي
بعد عده ساعات فاقت سوار
سوار وهي بتفتح عينيها / اااه انا فين
رسيل / حبيبتي اخيرا فوقتي قلقتينا عليكي يا شيخه
عز بحنيه / حمد علي سلامتك يا سوار
سوار/ الله يسلمك يا بابا وبصت لقت الكل موجود جت عينها في عين فارس اتوترت شويه احممم هي العمليه نجحت
فادي / كله تمام مستنينك انتي بس تقومي كده بالسلامه
فتح الباب ودخل سياده اللواء محمد
محمد / حمد علي سلامتك يا سياده الملازم أول سوار
سوار بفرحه / ايه انا بقيت ملازم اول بجد
سياده اللواء محمد بضحك / اه طبعا اجدعني بقي وقوملينا بالسلامه علشان تنوري مكتبك
رسيل / هو احنا سقطنا ولا ايه
سياده اللواء محمد/ هههههههه لا متخافوش كلكم نجحتم وكمان بقيتوا برتبه ملازم اول
الكل / هيييييه
سياده اللواء محمد/ بناتك دول فخر ليك يا عز الدين
عز الدين بفخر / طبعا دول برضوا بنات اللواء عز الدين الهاشمي
سوار / انا مش عايزه أفضل هنا عايزه أخرج
فادي / هروح أشوف الدكتور لو كتبلك علي خروج تخرجي
سوار / ماشي وبصت للكل تعبتكوا معايا
رسيل / يا بنتي انا من كتر قلقي عليكي مكلتش
مي بسخريه / لا والنبي امال ساندوتشين الشاورما والبطاطس المقلية وواحد فراخ بانيه والبيبسي وكيس الشيبسي والعصير دول ايه تسالي مثلا
رسيل بنظره شر / بت انتي انتي بتعدي عليا دا انا اختي كانت بتموت
سوار / موته تاخدك يا بعيده اتفوو بتفولي عليا في وشي يا جذمه
رسيل / والنعمه مانا دا اختي مني
سوار بتبص لحور / مالك يا حور متوتره ليه
حور / اصل فادي عرف ان احنا بنات اللواء عز الدين
رسيل / ودي فيها ايه
حور / احمم مافيهاش حاجه
سوار / اممممم هنتكلم في دا بعدين المهم حد يروح البت مي
جمال / الف سلامه عليكي يا سوار
سوار / الله يسلمك يا جمال نجيلك في الافراح
ياسر / حمد علي سلامتك يا سوار
سوار / الله يسلمكم يا شباب
مي / طب انا همشي بقي
حور / استني اوصلك
جمال / احم خليكي يا حور انا كده كده مروح هوصل الانسه مي معايا
مي بخجل / مش عايزه اتعبك معايا
رسيل وهي تميل علي سوار بصوت منخفض/ شوفتي المحن يا اختي وهي هتموت وتروح معاه
سوار بضحكه / وانتي ايه عرفك
رسيل / هقولك اصل وانتو كنتوا عند زناتي بتتفقوا معاه واحنا كنا في المكتب قفشتها وهي هيمانه فيه وانتي عارفه بقي مسبتهاش الا لما قررتها
سوار / انتي هتقوليلي
رسيل / المهم قالت إنها معجبه بيه وكده يعني
جمال / احم تعب ايه بس ولا هتتعبيني ولا حاجه انتي زي اختي
رسيل تميل بشفتها يمين ويسار (عارفنها انتو الحركه دي 😂)/ زي اختك اه
مي بخيبه امل / اه اكيد اوك مفيش مشكله
جمال / اتفضلي
مي / باي يا بنات هعدي عليكو بكره إن شاء الله
حور / اوك هنستناكي يا عمري
مشي جمال ومي وياسر
سوار بصت لفارس / احم معلش تعبتك معايا يا سياده المقدم
فارس بيبصلها بهدوء / حمد علي السلامه
سوار / الله يسلمك
دخل فادي / الدكتور كتبلك علي خروج واهو جه اهوه علشان يطمن
الدكتور بابتسامه / حمد علي سلامتك
سوار ببسمه بسيطه / الله يسلمك يا دكتور تعبتك معايا
الدكتور ببسمه / لو انا هتعب علشان اشوف ضحكتك الحلوه دي انا معنديش مانع
سوار بضحكه / ربنا يخليك يا دكتور
الدكتور/ انا زعلت لما عرفت انك عايزه تخرجي بسرعه كده قولت اجي اشوفك لو حد زعلك يعني
سوار/ لا تمام مفيش حاجه
حور / واخده بالك انتي إن اختك بتتشقط قدامنا
رسيل / واخده يا اختي واخده نيله علي حظنا الهباب الا ما فيه حتي ذكر بط عبرني
فارس واقف مشتعل من الغيره وعيونه كأنها ألسنه نيران مشتعله من الجحيم
انتهي الدكتور من الكشف
الدكتور / كان نفسي تبقي معانا المهم حمد علي سلامتك
سوار/ الله يسلمك شكرا
خرج الدكتور من الاوضه
فارس / فادي جهز العربيه علشان نوصل سياده اللواء والبنات
سياده اللواء عز / مفيش داعي يا سياده المقدم
فارس / لا حضرتك انا مصر هستأذنك هروح اعمل حاجه بس وجاي وانت يا فادي يلا
فادي / تمام
خرج فارس بره لقي الدكتور بيتكلم مع ممرضه
فارس وهو يشد الدكتور من قفاه ( عارفينها انتو دي كأنه ماسك حرامي غسيل 😂) / عايز حضرتك في كلمتين ودخله المكتب
الدكتور / مينفعش كده حضرتك
فارس وهو بيشمر اكمام قميصه / اممممم أنا بقي هعرفك اللي ينفع واللي مينفعش
الدكتور بتوتر/ حضرتك بتعمل ايه انا دكتور محترم
هجم فارس علي الدكتور يكيل له اللكمات
الدكتور / ارحمني ابوس ايدك انا معتش فيا حته سليمه
انتهي فارس من ضربه وخرج وجد فادي قادم باتجاه
فادي باستغراب / انت كنت عند الدكتور بتعمل ايه
فارس ببرود / ابدا كنت بتكلم معاه
فادي سمع صوت تأوهات الدكتور ففتح الباب لقاه مرمي علي الارض ووشه فيه كدمات ودم
فادي بصدمه / انت عملت فيه ايه هو انت كده كنت بتكلمه
فارس / اه كنت بكلمه بطريقه ادميه
فادي / دا انت خليت وشه عباره عن خريطه ونظر لفارس بخبث / لا تقولي انك عملت فيه كده لانك بتغير يا ابو الفوارس
فارس بنظره قاتله / يلا نوصلهم ولا تحب أكمل عليك
فادي وهو يهرب منه / وانا مالي يا لمبي الله
باي يا حلوين 😍 اشوفكم البارت الجاي
أنت تقرأ
انا وأخواتي والكليه الحربية
Adventureاحم احم بنات مجانين وأشقيه بس وقت الجد أرجل من ميت راجل الروايه أكشن علي مغامره علي رومنسيه وكوميدي اكيد
