هوبا رجعنا ليكم هنعلم تاني فيكو طبعا بعتذر عن الغيبه الطويله دي لاني كنت ناويه اخلص روايه عشقت متمرده الاول وبعدين اكمل انا وأخواتي بس مقدرتش الصراحه افضل في الرومنسيه والمحن كتير يا جماعه جابتلي اكتئاب لذلك قررت انا امل احمد اني اكمل انا وأخواتي مع عشقت متمرده علشان اعرف اعيش البارت إن شاء الله يعجبكم كده وتعملولي فوت يلا فوتكم يعافيه بقي
بسم الله الرحمن الرحيم
بعد مده استريحو فيها البنات نزلوا تحت لقوا بنت جميله قاعده عرفوا أنها فرح بنت عمهم
راحوا يسلموا عليها
حور / ازيك يا فرح
فرح بصدمه / يالهوي علي الجمال انتو بنات عمي هي مرات عمي كانت بترضعكم ايه عسل نحل
رسيل بضحكه / والله انتي عسل وشكلنا هتبقي صحاب
وقعدوا جنبها سوار / انا سوار ودي رسيل ودي حور
فرح / وانا فرح العروسه
حور / لا ماهو باين الصرف باين عليكي متسنفره اهوه وعلي سنجه عشره
فرح / والله انا حبيتكم جوي
جت عايده عليهم
عايده بجمود / الوكل جاهز اتفضلوا ومشيت
رسيل بهمس لفرح/ هي هتموتنا ولا ايه
فرح / هي أكده مرات اخوي عامله زي ريا وسكينه
سوار / هي خايفه تضحك وشها يكرمش ولا ايه
فرح تقوم بلوي فمها علي جنب/ دا انا مشفتهاش ضحكت حتي يوم فرحها علي العموم يلا بينا نأكل ونقعدوا مع بعض
البنات / يلا
ذهبوا الي السفره وجدوا عمهم عتمان وبجانبه باباهم جلست سوار وجنبها حور وجنبها رسيل وجنبهم فرح وجلس امام عز زوجه عتمان عواطف وجنبها ولدها البكر راجح وبجانبه سليم وبجانبه تميم وجلست عايده بجانب فرح وجلست رهف بجانب زوجها تميم وبجانبها هناء
وبدأوا في الاكل
عتمان / الا قوليلي يا سوار ايه اللي معورك أكده
سوار / كنت في مهمه واتصبت
عتمان يعقد حواجبه / مهمه مهمه ايه دي يا بنتي
حور / اصل يا عمي احنا ملازم اول لسه متخرجين من الكليه الحربيه ورحنا مهمه وسوار اتصابت في دراعها وكده
عتمان بفرحه/ واه يعنوا انتو ظباط
رسيل / اها واول ترقيه لينا كمان
عتمان ينظر إلي عز / برده عملت اللي في دماغك يا عز
حور بفضول / هو ايه ده يا عمي
عتمان / اصل ابوكم من وهو صغير ديما يقول لو جاني ولد هيبقي ظابط ولو جت بنت برده هخليها ظابط
كل هاذا ولم تلحظ سوار نظرات راجح إليها يبدو علي وجهه الجمود ولكن من ينظر إلي عينيه يري خلاف ذلك
ولكن واحده فقط من فهمته وهي عايده زوجته التي تتمني منه تلك النظره وليس كل ما يتمناه المرء يجده
رفعت سوار عينيها لتجد عين صقر تنظر إليها أصاب راجح بعض الارتباك حينما نظرت سوار إليه حمحم راجح / انا همشي يا ابوي في شويه مشاكل في الأرض حدانا هروح اشوفها
عتمان / طيب يا ولدي
عواطف / كيف أكده لساتك ماكلتش حاجه يا ولدي
راجح وهو ينظر إلي سوار بغموض / كلت يا حاجه تسلم يدك
عواطف / قومي يا عايده ورا جوزك
عايده بجمود / حاضر يا مرات عمي
ذهبت عايده الي راجح
عايده / عايزه اتحدث معاك شوي يا راجح
راجح بزهق / بعدين يا عايده بليل تبقوا نتحدثوا
عايده / ماشي يا راجح هستناك بليل
قعدوا البنات مع فرح ومرتات اخواتها كمان وقضوا السهره وكل واحده راحت علي اوضتها
رجع راجح علي البيت وكان هيدخل لقي حد بينادي عليه
راجح / انت مين
الميكانيكي/ انا الميكانيكي اللي في أول البلد وعمك كان سايب عربيته عندنا يصلحها وهي اهيه خلصت وبقت علي سنجه عشره
تذكر راجح شنطه سوار ونسي أن يخبر أحدهم أن يأتي بها في حين أن سوار نزلت من غرفتها لتخبر أحد الغفر أن يأتي بشنطتها وجدت راجح يقف أمام البيت ويتكلم مع أحدهم وعرفت أنه الميكانيكي
سوار / انت صلحت العربيه خلاص
الميكانيكي بيبص لسوار وبيتفحصها
غضب راجح بشده أنها تكلمت معه والادهي من ذلك تلك الملابس التي تلبسها فكانت تلبس سلوبت جينز ازرق وعليه تي شيرت أبيض وشعرها مفرود راحت سوار ناحيه العربيه لقت راجح مسكها من ايديها
راجح بيبص للميكانيكي/ روح انت دلوقتي واخد مفاتيح العربيه ذهب الميكانيكي ونظر راجح الي سوار بغضب شديد / كيف أكده تنزلي بالهدوم دي انتي اهوه مش في البندر انتي في الصعيد يعني مفيش اهنه الكلام ديه ومتنزليش أكده واصل وشنطتك هتوصلك انتي فاهمه نفضت سوار يده بغضب. / انت ازاي تكلمني كده اصلا انا مبعملش حاجه غلط انت فاهم انت ملكش حكم عليا انت سامع وسابته ومشيت لم يلحظوا الاثنان الذي كان يشاهد ما يحدث بعيون مشتعله وغضب كبير
راجح / يا رب صبرني كيف أكده بتقدر تخرجني عن شعوري انا وانتي والزمن طويل يا بت عمي
مرت الايام بسرعه سوار تتجاهل راجح من اخر حديث صار بينهم بينما راجح يشتعل منها وعايده تنتظر بفارغ الصبر لكي يذهبوا البنات من هنا لأنها بدأت تشك أن زوجها سيقع لواحده منهم لانه تصرفاته غير طبيعيه بالمره ليس هو من كان عباره عن كتله جمود وبرود
ولكنه الآن غاضب طوال الوقت وعصبي
انتهي الفرح علي خير وتزوجت فرح وسيغادرون البنات ثاني يوم الفرح
لم يكن راجح يعلم ما به حتي أنه لا يخبر اخواته وهم بئر أسراره فقرر الاحتفاظ بهاذا السر لنفسه فقد عرف أنه وقع في العشق لفتاه لا يمكن أن تكون له وقرر أن يبقي هذا سره لنفسه وعادت الفتيات الي القاهره من جديد
عارفه إن البارت قصير إن شاء الله بكره هيبقي بارت جامد وكمان هيظهر مالك نصار واللي مش عارفه يرجع للشخصيات ويعرفه
اشوفكم البارت الجاي باذن الله باي باي يا حلوين 💖
أنت تقرأ
انا وأخواتي والكليه الحربية
مغامرةاحم احم بنات مجانين وأشقيه بس وقت الجد أرجل من ميت راجل الروايه أكشن علي مغامره علي رومنسيه وكوميدي اكيد
