حنين وكبرياء

الفصل الثالث

رانيا :وبعدين يا حنين كملى
حنين:بعد ما جه كلمنى وطلب اننا نقعد فى شقه واحده جه بالليل وكالعاده الرجاله اللى بيقعدوا يشربو معاه وصلوا وانا كنت قافله على نفسى وكنت استحاله اعرف انام بس الغريبه انهم بعد نص ساعه سمعتهم نازلين وقتها اطمنت وقلت اخد دش وانام دخلت الحمام وقفلت الباب عليا وبعدها سمعت صوت فى الصاله,طلعت لقيته قاعد على الكنبه وشكله مش طبيعى
رانيا: يا نهار مش فايت الواطى ودخل ازاى
حنين:تقريبا عمل نسخه على مفتاح شقتى او فتحها بطفشاه ده انسان قذر ومتوقع منه اى  حاجه ..وقتها لقيت بصاته كلها قذاره
فلاش باك
حنين برعب وهى تلتقط حجابها لتغطى شعرها:انت دخلت هنا ازاى وازاى تيجى بيتى الساعه دى؟!
ياسر بضحكه سمجه:ده بيتى انا كمان ولا انتى ناسيه انى فى مقام ابوكى بس لو انتى مش شايفه كده وعاوزانا نبقى حبايب معنديش مانع وبعدين انا زهقت من مسايستك كل ده وجبت اخرى وجاى اعرفك ان من انهارده هقعد معاكى هنا ومحدش هيمنعنى
حنين:ده استحاله يحصل واتفضل اخرج بره
ضحك بكل قوته :اخرج مين يا حيلة امك ..انا اللى كان حايشنى عنك زمان هى امك والايام اللى فاتت قلت اسيبك يمكن دماغك تتعدل لوحدها لكن من انهارده هقعد هنا
حنين برجاء:ارجوك يا عم ياسر تخرج وبعدين اى طلبات تطلبها هنفذهالك
ياسربمكر:اى طلبات
حنين:اى طلب اقدر عليه
اخرج ياسر عدة واراق من جيبه:يبقى تمضيلى هنا
حنين:امضيلك على ايه
ياسر:عقد بيع الشقه اللى انا قاعد فيها عشان مايجيش وقت وتطردينى بره البيت
حنين:انا عمرى ما اعمل كده دى وصيه امى
ياسر:لا انا مبصدقش الكلام اصدق بالفعل
حنين:خلاص يا عم ياسر همضيلك
اسرعت حنين الى الاوراق ووقعتها دون النظر لما مكتوب بها
ياسر: طلعتى بنت شاطره كده تعجبينى
حنين:ياريت بقى تنزل تقعد فى شقتك تحت
ياسر:انزل فين هو انا معرفتكيش انى اجرت الخمس شقق بما فيهم شقتى وماليش مكان ابات فيه غير هنا
حنين بصدمه:بس انت قلتلى هتنزل وبعدين اجرتهم امته انا مشفتش حد جه انهارده
ياسر:اجرتهم من ساعتين بس
لا تدرى ما تفعل وكيف تخرج من هذا المأزق الذى وضعها به
دقيقه وكان احد يطرق باب شقتها نظرت تجاهه برعب:مين هيخبط عليا دلوقتى
اتجه نحو الباب بخطوات مترنحه:متخافيش ده حد من السكان الجداد
فتح الباب ليطل منه شاب لا يفرق عنه كثيرا يبدوا ايضا انه مخمور
ياسر:عاوز ايه يا ماندو
ماندو:مش قلت هنكمل السهره عندك فوق
ياسر:وطى صوتك ياغبى وبعدين انا مقولتش انهارده من بكره السهره هتكون فوق بس بعد ما اظبط الدنيا الاول
ماندو:انت قابض فلوس مننا عشان ننبسط
ياسر :ماعشان تنبسطوا لازم انا اظبطها الاول واوعدك من بكره الصبح بدرى هتتجمعوا هنا
حاول ماندو النظر داخل الشقه ليرى تلك الفتاه التى وعدهم ياسر بقضاء وقت معها
اغلق الباب ولم ينتبه انها سمعت كل ما دار بينهم ابتعدت بسرعه حيث كانت حتى لا يلاحظ انها سمعته
حنين:مين كان بيخبط
ياسر :ده واحد من السكان الجداد كان بيسالنى عن حاجه
حنين:طب تصبح على خير انا هدخل انام