مهند

⁦❤️⁩البارت العاشر⁦❤️⁩

ام غزل:ياوليدي الحوش حوشك متقوليش بتولي اكندى تاني راك ولدي وانخاف اعليك اكتر من غزل
غزل:اولاش اتخافي اعليه اكتر مني شن ناقصه اني
مهند حط يدها على رأسها:مش ناقصه شي غر اسكتي
ام غزل:ماهو هوا كان مخطوف يعني ايتبعو فيه مرات
غزل:ااااه ايه صح
امها:متجوزه وحامل وعقلها زي مهوا مفهمتش امتى ابتكبري
مهند:لا خليها هكي لاش اتكبري فيها هكي عسل
امها:ربي ايخليكم لبعض
غزل:اامين
مهند:قررت نمشي لكندى لبوي شكله في خطر
غزل:تمشي ابروحك مالا
مهند:مالا بنرفعك حامل
غزل:والله رجلي على رجلك ولا تسحابني أنسيت البنت ااااه
مهند باسها على رأسها:منقدرش نرفعك بعدين امك صلا كيف اتخليها ابروحها
ام غزل:نمشي امعاكم
مهند:متأكدين عادي
غزل:رجلي على رجلك قتلك
امها:ايه عادي مره وحده بالك نلقى اختي
غزل:اي ختك ماما مش ماتت
امها:لا مش اكيد
غزل:اولاااااااش مقلتيليش
امها:ماهو يابنتي مش اكيد
غزل شافت ل مهند:تعرف انته ولاه
مهند:ااااه لالا
غزل:والله تعرف خزيييي اعليكم
امها:خلاص عاد
مهند:خلاص ياعمري تو نمشو ومرات تطلع حيه تمام
غزل:توا بنسكت بس لاني حنمشي لكندى لكن مش حننساها
مهند:مشاء الله اعليك متنسيش اااه
غزل:صلا احني البنات حتى لما نتعاركو
وانقولو اكلام ميتقالش وانريشو بعض
بس نرضو على بعض ابسرعه لكن مستحيل ننسو نقعدو انعاودو فيها لين نتعاركو تاني
مهند:ربي يهديكم
ام غزل:اااامين
غزل:خل نمشي انحط براد شاهي وانشوف الكيكه
ام غزل:حتى اني نبي نمشي لجميله جارتنا
امشت ام غزل
ومهند خش لغزل
احضنها من تالي رأسه على رقبتها
مهند: اااا ااه ربي يشهد اعليا قداش انحبك
غزل ابتسمت اتلفتتله وابتسمت
غزل:ربي مايحرمني منك يارب
مهند :ولا منك
غزل ومهند سكتو قصدي وعم السكوت في تلك اللحظه وبدأ كلام القلوب ⁦❤️⁩
مهند قرب منها
غزل ابتسمت قربت منها بكل جرأه وباسها بعمق وقوه وشغف ولهفه
قعدو امقابلين بعض لين غزل شمت ريحت اشياط
بس قالت مرات نتخيل
غزل:اااااه تعرف توا انشم في ريحت شياط قلبي من كتر حبك
مهند:ياروحي انتي يا قلبي يا عمري
هادي ريحت كيكتك اللي في الكوشه
غزل قاعده في بحور حبها فجأه
غزل:حييييييييي حييييييييي
الكيكه الكيكه امشت
مهند حاضنها واموره طيبه
مهند:عادي ياعمري تو انجيب من بره
غزل صكرت الكوشه
غزل:شييييطت
مهند:انتي ديري نسكفي مبين مجبت
غزل قرصاته من خده :تسلم ياروحي
مهند باسها على خدها وطلع :تبي حاجه
غزل:سلامتك ياروحي
امشي عمك مهند الرومنسي لحلواني جاب كيكه واشويه حلويات

غزل ضربت نسكفي وطلعت الجنان التلود
امشت ورا الحوش وشافت حاجه اتموووت فيها منين حملت لين امها دساته اعليها
غزل عيونها قلوب قلوب
امشت فتحت الشكاره وقعدت ادكرمش
في في الفحم
غزل امنين حملت وهي تاكل فيه لين امها دساته ورا الجنان
عاد عمتك غزل شافاته قعمزت ادكرمش فيه
مهند خش حط الحاجات اقعد اينادي فيها
مهناش غزل سمعاته من بره دسه الفحم وناضت
امشت خشه ألقت قدامها مهند
مهند:وين كنتي امبكري واني انادي
غزل ابتسمت :كنت برا
مهند اعيوونه طلعو:حيييي يا حييي خيره
اسنونك وفمك اسود
غزل حطت يدها على فمها
غزل:دير روحك مشبحتش
مهند حول يدها:شن هادى
غزل:انقولك لكن متعصبش
مهند اخدي انفس:قولي
غزل:وعد
مهند:وعد
غزل:امنين احملت واني ناكل في الفحم لين ماما دساته اعليا
غزل كملت بفرح ؛بس اليوم اشبحته بصدفه
مهند:حي على الانجاز فرحانه انتي طبعا
غزل: اكيييد
مهند:مش اكويس ره لاليك ولا للي في بطنك
غزل:شي مش بيدي
مهند:غزل ياروحي على خاطري معاش تاكليه
غزل:باهي على خاطرك
مهند باسها على خدها :بري اغسلي فمك وديري نسكفي
غزل: تمام

امشت غسله فمها ودارت نسكفي وحطت حلويات وقصة من الكيكه
مهند:تسلم ايديك
غزل:سلمك ياعمري
مهند:الحجز امتع الفندق في كنده مزال شهر وايتم يعني نبي انسافر في الأسبوع هادا
غزل:بالنسبه ليا معنديش مانع بس تو انقول لماما
مهند:تمام

عند ام غزل في حوش جارتها جميله اللي هيا ام معتصم
ام غزل:والله احني الاسبوع هادى احتمال انسافرو
جميله:لااا وين
ام غزل:كندى مهند مزال ايدور في بوه
جميله:باهي با تمشو واتجو بالسلامه انشاء الله
إن غزل:سلمك سلمك
وكملو هدرزه عادي

نمشو لسمر في ضارها وامها وخالتها لوطه
خالتها شبه استقرت امعاهم هي ولودها الصغير الباقي متجوزين
وهوا نفسه اللي ايحب سمر اسمه عبدو

سمر:حبيبي والله
عبدو:مالا تسحابيني منخليك هكي اكيد حنخطبك
سمر:ولد أصل عارفه وليد خالتي
عبدو:لوليد صار
سمر:راااجل ونعم الرجال
عبدو:ااااه محلى السانك انزلي ياعمري اني لوطه نبي انشوفك
سمر:جيييت هي توا ننزل
عبدو:انزلي خشي للمطبخ زعميتك اديري قهوه واني انهشلك تمام
سمر:وعلاش هادا كله
عبدو:نبي انشوفك ابروحك من غير امي وامك
سمر:حاضر من اعيوني يا عيوني
عبدو:دبتتت . هي انزلي
سمر:هي سلام
سمر لبست وشاح وطلعت نزلت لوطه
سمر:السلام عليكم
امها وخالتها:وعليكم السلام
خالتها:سلم ابنيتي باللهي سخني الغدي عبدو اقريب يوصل
امها:وحطي قهوه على الغاز
سمر:حاضر حاضر
امشت سخنتله الغدي وبدير القهوه
عبدو:السلام عليكم
سمر:وعليكم السلام
عبدو:استاااااااااحشتك
سمر: ههههههههه خيرك قلتها هكي
عبدو:من كتر مشتاق
سمر حطتله اغداه:باهي اتعاله اتغدى يامشتاق
عبدو:يعني انتي مش مشتاقه ليا
سمر:مشتاقه للشكلاطه امتاعك
عبدو:جبتلك بس مش عاطيك اقعدي فيها
سمر:والله مشاقتلك ومستاحشاتك موووت
امها:الله الله الله الله عاودي عاودي شن قلتي
سمر في حاله مايعلم بيها كان ربي اتلفتت زعميتك ادير في القهوه
عبدو:ياخالتي مش هكي اشبحي حتى الوشاح على رأسها
ام عبدو:خيركم شن فيه
ام سمر:انخش نلقاها اتقوله مشتاقتله
ام عبدو:قصدك متعرفيش أن عبدو بيخطب سمر
سمر وكأن الموضوع مش اعليها وادير في القهوه
ام سمر:لا منعرفش
ام عبدو :اتعالي انقولك
ام سمر:سمر افتحي الغاز على القهوه
سمر ضربت راسها من امبكري واقفه على القهوه والغاز امصكر حااله ولاه ادخال شيره
عبدو كمل حط اماعينه في الحوض
عبدو:أو هادي سكلاطك يا خطيبتي
سمر: ههههههههه حلوه خطيبتك
عبدو:ايه خطيبتي الخميس التلبيسه
سمر:تدوي جديات
عبدو:يس يس افكورس
سمر: واخييييرا
عبدو: ههههههههه ايه واخيرا

شن رايكم في البارت انشاء الله تعجبكم ⁦❤️⁩
eshq2005❣️❣️❣️