مهند

⁦❤️⁩البارت الثاني⁦❤️⁩

eshq2005⁦❤️⁩⁦❤️⁩⁦❤️⁩

قراءه ممتعه ⁦❤️⁩
بلييز تعليق وتصويت ومتابعه
⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩
مهند خش للحوش وكأن هموم الدنيا على راصه
خش للحمام اوقف في الدوش اميه امصقه تنزل اعليه بس هوا مش حاس بيها من كتر الحراره اللي في جسمه كل ميشوف لروحه وجسمه كيف امولي تركب نار في داخله
وجهه الوحيد اللي اقدر ايعالجه وجسمه كله
حفر وتخبيش وآثار ضرب عنيفه كره ايشوف حتى لروحه طول عمره يتعامل مع البنات بعنف وايصد فيهم قبل ميعرف حتى شن يبو بس غزل غير غزل اقدر يتكلم معاها بتلقائيه من غير ميعرف اقدر ايساعدها
ايحس بالراحه اتجاها ايحس في روحه حيحبها بس لا كيف ميجيش ميقدرش مستحيل هوا متأكد اذا كان شافت كل التشوه اللي في جسمه حتسيبه زي مسيباته حبيبته اللي حبها بجد وسلملها قلبه بين ايديه بس هي شن دارت في ليله العمر اول مشبحاته قعدت اتعيط وهربت
تعرفو مهند مش لايمها وقدر ينساها وانجح أنه ينساها بس دار عهد بينه وبين نفسه مش حيحب ولا يتجوز خايف أن غزل اديرله زي مدارتله مرته الاولى
طبعا مش هادا السبب الوحيد يبي يعرف وين عيلته لاش خلوه واللي جي وعذبه لاش ايعذب فيه شن دارله هوا مسكين كان اصغير شن دخله ولاش وشن فيه

eshq2005
انحس فيكم زي الاطرش في العرس توا
انتبهوا وخل نحكيلكم شن صار مع مهند ⁦❤️⁩

قبل24 سنه تقريبا
يعني مهند كان بيبي كيف مولود يعني ملاك مهند كان حلو ملامحه حلوه اخدوده حمر
المهم
محطوط في صندوق زيت قدام الجامع
اعيط مسكين جعان ولا امداير بي بي على روحه المهم ملفوف في مطانيه ومحطوط
جي شيخ اكبير في العمر وهوا المؤذن جي بيأذن لصلاه الفجر
الشيخ:شني هادا
طبس اعليه: لا الاه الا الله لاحول ولاقوه الا بالله العلي العظيم شن هادا استغفر الله حاطينه في الصقع قدام الجامع لاحول ولاقوة الا بالله
قامه المؤذن ولوح صندوق الزيت
خش بيه الجامع
اذن الصلاه طبعا الناس ابدو ايجو الصلاه
المؤذن:يا ناس يا جيران اليوم ألقيت ولد رضيع قدام الجامع بالك تعرفو ولد مني بالك رايح من حد
الناس يتهامسو:لاحول ولا قوة الا بالله . استغفر الله . اكيد من حرام . ايه كان هدا مبحطوشي قدام الجامع. ايه والله
الشيخ أقام الاقامه وصلى بيهم

وهما امروحين راجل باين اعليه مش اكبير هلبا في 30يعني
الشاب:ياشيخنا اني متجوز وربي مرزقنيش نقدر نتكفل بيه الولد مابين مشبحتو أهله وكان ملقيتوهمش الولد زي ولدي كان ربي ارزقني
الشيخ:بارك الله فيك يا ولدي في ميزان حسناتك انشاء الله
الشاب:امين اجمعين

الشاب اخدي مهند وروح بيه
مرته كيف كملت الصلاه
مرته: محمد شني هادا
محمد احكالها القصه كلها
مرته اسمها سهام
سهام:ياروحي تره اعطيهولي
سهام اخداته:اصغير ميفوتش الشهر هادا
مسكين قداش بيعاني
محمد:قدر الله شن بيدير
سهام:احوايجه اخفاف غضوه بنطلع نشريله احوايج وحاجات
محمد:اكيد حبيبتي
سهام:تسلم ياروحي . خل نعطيه حتى حليب باكو
محمد :عندك شيشه
سهام :تو نمشي ناخد من انتصار طبعا هادي مرت خو راجلها منعرفش شن ايقولوله

المهم امشت حاله مهند طبعا محمد سماه مهند اتبناه مهند ولى عمره خمسه اسنين
محمد ايقوله أنه مش ولدهم بشويه بشويه باش ميتفاجأش لما يكبر مهند اتعود واتأقلم
امعاهم بعدها جابت سهام بنت سمتها علا
بنت حلوه كبرت امع مهند وهوا اكبر لين اوصل عمره تقريبا 16سنه البنت ابدت اتميل لمهند محمد لاحظ تصرفات بنته فعطي لمهند شقه مفروشه ومحل اكسسوارات يخدم فيه امشت اموره مع أنه 16سنه بس اقدر ايوفق بين القرايه والخدمه ومحمد مش امخليه طبعا يعطي فيه مصروفه عنده صاحبه الروح بالروح هوا وياه اسمه منصور
المهم مهند مشا اموره لين فيه يوم جو اجماعه خطفوه ولد عمره16سنه باللهي شن يبو منه خطفوه عذبوه تعذيب ضرب وسبان وايهانه وفوق هدا كله مهند مش عارف شن السبب لاش شن دار هوا
المهم بعد تعذيب وتشويه جسمه اتشوه وجهه الله يرحم الجمال
لما روح طول جاه محمد شافه هكي امشي
الالمانيه داروله عمليه تجميل لوجهه بس لان محمد افلوسه ميسدوش
ارجع جماله من اجديد ⁦❤️⁩
ارجع حياته من اجديد بس مش عارف شن السبب اللي خلا الناس هادو يخطفوه
فات الموضوع وحب واتجوز بس في ليله دخلته البنت خافت منه هربة على خاطر كان امشوه هلبا 🤔
من بعدها معاش شاف لبنت ويتجنب فيهم

هادي قصه مهند ومزاااال حتصير معاه حاجات تانيه
eshq2005
انشاء الله اعجبكم البارت كان كله على قصه مهند عارفه اقصير
لي حنزل بارت تاني امعاه ⁦❤️⁩⁦❤️⁩⁦❤️⁩
تابعوني مع تعليق وتصويت حبايبي
يلا سلاااااام 😘
نتلاقووووو⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩⁦❣️⁩