مهند

⁦❤️⁩البارت التاسع⁦❤️⁩

اهلين كيف حالكم
اللهم صلي وسلم على نبينا محمد⁦❤️⁩

eshq2005❤️

غزل تدعي لحبيبها و راجلها وبو ولدها ولا بنتها دمعتها على خدها تبكي بالعبره

امها راقده في ضارها
غزل نزلت تشرب اميه تسمع في صوت الباب ايخبط وكأن اللي ايخبط بتعب أو شي
لبسه وشاح وفتحت غزل فتحت الباب وفتحت فمها صارلها استك لكن أجزاء جسمها معاش عرفت كيف تتصرف
اتشوف واعيونها مفتوحات
غزل قربت منه حطت ايها على خده اللي كان الدم يابس اعليه
مهند ايه مهند مضروب وجهه متشوه كله
دم لين الدم يابس على وجهه ازرق اشواربه
منفوخات
اعيونه منفوخات واحواجبه زرق ايعكز على رجله سوريته امشركه وجسمه دم واتار ضرب حبل واضح سرواله امشرك ونفس اتار الضرب منغير اسبيدرو حفيان يعني
المهم حالته منقدرش نوصفها

غزل:ياروحي خيرك هكي من من دار فيك هكي
مهند:ت ت ت ععبااان
غزل ساعداته ايخش دخلاته ضار الضيوف اقرب وحده فيها حمام وكل شي
قعمزاته على السرير
مهند لما قعمز رجله وجعاته من الجرح
مهند ايهلوس وايقول في كلام غير مفهوم
غزل حطت يدها على جبهته نار اصخون
عرفت أنه عنده حراره
غزل:ياروحي من دار فيك هكي ياعمري
مهند نفس الشي ايهلوس
غزل امشت كلمت مصعب قتله جيب لمهند
حاجه يلبسها من شقته
خشت عبت البانيو اميه دافئه مع مطهر جروح وصابون
غزل:هي ياروحي هات ايدك خش دير حمام
رفعاته غزل قعمز في الدوش
غزل شبحت جسمه خافت ورعشت مع بعضها
جسمه كله جروح وضرب بالحبل ودم يابس
وزايد متشوه اكتر
المهم ساعداته ايدوش
طلعاته ابساته
وحطاته على السرير وغطاته
امشت ساوت الحمام وحتبتله بنادول ومسكن المهم اخداهم
وامشت اديرله في حاجه ياكل فيها
وكلاته
مهند اتكى
غزل لمه الحوسه امتع المطبخ وهيا ظهرها زي السم
رجعت القاته اقريب يرقد
باساته على راسه
مهند:أن انحبببك
غزل : انموت فيك يا روحي . استريح ارقد
مهند غمض اعيونه ارقد طول
غزل اتنهدت قعده تقرأ اعايه في القراءن
رقدت هتى هيا بحداه

اتعالو انشوفو شن صار في مهند لما كان في كندى

مهند طالع من مركز الشرطه جاته بنت
لبسها اقصير ضيق مش محترم بكل
البنت:اهلين
مهند:اهلا بيك
البنت:اسمع اني نعرف وين بوك
مهند:شنيي ومن وين تعرفيه
البنت:اني بنت عدوه
مهند:قولي وين بوه توا اتكلمي
البنت:اهدى يا حلو تبي تعرف مش ابلاش
مهند:شن تبي كم تبي افلوس
البنت:لا منبيش افلوس نبيك انت
مهند :كيف
البنت:نبيك الليله انجيني هادى كان تبي تعرف وين بوك
مهند اعيونه متر القدام معقوله شن هالزمن اللي ايخلي بنت تلبس وادير   هكي
مهند:وانتي شن مصلحتك
البنت:بوي لزني واحرمني من الورث ومعاش دورني
مهند وين ماشيين الناس معقوله هكي بو يتخلى على بنته وايخليها  حاله وخلاص
بعدين فكر اني جسمي امشوه بمجرد اتشوفني حتخاف
مهند:تمام اعطيني الوقت والمكان
البنت اعطاته
مر الوقت
ومهند انشي للعماره خبط على الشقه فتحت
البنت لابسه قفطان اسود اقصير وباين من اعيونها كانت تبكي
مهند خش
وراها للضار
البنت قعمزت تبكي
البنت:والله غصبا عني حتى لبسي مش بيدي اني والله ماني هكي هادا بوي بوي
قالي بسيف اعليك عدبني راهو والله اعييت
جايبينك باش ايوقعوك في الفخ
مهند افتح اعيونه واطلع من الضار
جوه زوز ارجال مناضرهم ايخوفوا  حطو
على فمه اقماشه ادقايق مهند كان دايخ حطوه في السياره  وامشو بيه لمستودع
خششوه مهند ابدي ايفيق فيقوه بالضرب
بالحبل
قعدو يضربو فيه مهند اقريب شهر وهوا يضربو فيه قليل النادر ياكل اتعدب
مره خش اعليه رئيس المستودع
الرئيس:اسمع المره هادي اخفيفه المره الجايه اتحمل شن ايصيرلك بوك هوا الغالط
وننصحك معاش ادور اوراه لاني لو اعرفت
حانقتله فااهم وضربه برجله
الرئيس:اضربوه وغضوه طلعوه سغروه ليبيا قدام حوشه
وفعلا هاد اللي صار في الصقع والمكر وبين كندى وليبيا واحوايج المقطعه والدم ينزف لين جاف

وعادة اللي صار

نرجعو الواقع
غزل ناضت الساعه تسعه امشت ألقت امها
في المطبخ
غزل :صباح اليوم
امها: صباح النور . خيرك ابنيتي شن فيه
غزل احكتلها
امها:احرام اعليك لاش مقلتيش ونوضتيني
راك حامل
غزل:لا عادي مصار شي وهدا راجلي شن تبي اديريله انتي
امها،:باهي شن حاله توا
غزل:,تحسن من أمس الحراره انخفضت
امها:باهي الحمدلله على سلامته
غزل،:سلمك
قعدت اتهدرز هي وامها للساعه 10:00
وتتله افطور وامشت للضار القاته راقد بعمق من التعب والضرب
زادت غطاته اكويس باساته على راسه وامشت
مع الساعه 12:30 خشت ومعاها الفطور
غزل قعمزت على السرير
باساته على خده:حبيبي ياروحي نوض
مهند في عز نومه
غزل:نوض ياروحي
مهند :هممممم
غزل بتساته:استاحشتك ياعمري نوض هيا
مهند افتح اعيونه غزل جتوفي حضنه
مهند باسها على رأسها:تستحشتككك
غزل:واني اكتر ياعمري انت حبيبي شن صار فيك
مهند؛تعبتك أمس صح
غزل:تعبك اعسل على قلبي ياروحي .بس انت شن صار امعاك
مهند احكالها كل شي
غزل:مش قتلك متشوفش لولا انتايه اني
مهند:اسف ياعمري اسف بس وقتها نبي بوي باي طريقه
غزل:عادي بس امعاش اتعاودها والله نزعل
مهند باسها:سلمها الغيرانه اني
غزل:من حقي والا لا
مهند:ايه اكيد من حقك كيف مش انتي مرتي
غزل:محلاها كلمت مرتي
مهند:اتهببلي
غزل:يلا ياروحي نوض خش للحمام اتوضى وصلي باش تفطر
مهند:كم الساعه ياروحي
غزل:12:40 بزبط
مهند:هي خل انوض
امشي الحمام بصعوبه اشويه 
غزل:انساعدك
مهند:لا ياروحي ياسر أمس ياريتني كنت امصحصح رآهو دخلتك امعاي
غزل:حتى وانت امريض وحالتك حاله صايع
مهند:تو ايجي من يطلعلي
غزل:ابتسمت
مهند اتوضى وصلى
كمل صلاه
غزل ساوت السرير
قعمز مهند احضنها وساااااكت
غزل:حبي انقولك حاجه
مهند:قولي ياروحي
غزل:اني حامل ياعمري
مهند :اتبصري حااامل
غزل:والله حامل واليوم العصر عندي موعد مراجعه
مهند:واخير ياربي ابنبدى بو واخيرا ابنبدى بوووووو ياناس
غزل:نقص صوتك ياروحي
مهند:فرحان ياعمري
فرحان
غزل:ربي ايدوم اعلينا الفرحه
مهند :ياارب
حط ايديه على بطنها :ابنبدى بوووووو
غزل ضحكت بالخفيف:الله ايخليك ومايحرمني منك
مهند:ولا منك ولا من لدي ولا بنتي ياروحي انتي
غزل: اااااااااااااااااااااااااااااااااااااااااااااااااااااا ه ياربي انحبك
مهند:انموت فيك

بعد فتره من الهدرزه
اطلع سلم على ام غزل غزل  أصرت اعليه يقد امعاها
مهند وافق جاب اشويه احوايج واقعد امعاها
العشره امشت المراجعه والبيبي اموره تمام

روح بيها وحياتهم زي العسل
بعد فتره اتجي اسبوعين مهند حالته اكويس ويفكر ايولي لكنده

تممم البارت انشاء الله اعجبكم
عقلولي وتابعوا مع تصويت
وقولولي شن حيصير زعما وهل غزل حتتقبل أنه يمشي أو لا ⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩
يلا ياجماعه علقو وصوتو واعطوني رايكم
احبببكممم ⁦❤️⁩