في اوضة ملك
ملك وهي بتعيط في حضن قمر : سبيني بقا يا قمر
قمر : يا حبيبتي ما انا مش ههدا غير لما اعرف مالك بتعيط لية كدا و بعدين انت لية مصدقة كل حاجة ما ممكن يكون بيحور
ملك و هي بتعيط : مش عارفة يا قمر مش عارفة
في الوقت دا جية عمر
عمر : قمر ممكن اتكلم مع ملك شوية
قمر و هي بتغمز لعمر : اوي اوي اتفضاااال
عمر ضربها على قفاها : ما تتنيلي بقا اعدلي طريقة كلامك
قمر و هي خارجة : ماشي ااعم الله يسهلك
عمر : ملك ممكن ترفعيلي وشك
ملك : نعم
عمر : متتقمصيش لان شكلك قمر و انت بتتقمصي
ملك : عاوز اية يا عمر
عمر : عاوزك تقومي تجهزي يا عروسة علشان رايحين نتقدم لادهم
ملك : انا مش عروسة و بعدين مين قالك اني موافقة
عمر : نعم يعني انت مش موافقة
ملك بدموع : اه
عمر : لية يا ملك ناقصة ايد وورجل
ملك : لا علشان انت عملت كدا شفقة بس علشان الي حصلي
عمر : يسلام و انت مين قالك بقا ان في حاجة حصلتلك
ملك : يعني اية
عمر : يعني مفيش حاجة حصلت اصلا
و بدا عمر يحكلها كل حاجة
ملك بفرحة و هي بتمسح دموعها : بجد يعني كل الي حصل دا كدب
عمر : ايوا يا عروسة افرحي بقا
ملك راحت تحضنو : انا متشكرة اوي مش عارفة منغيرك كنت عملت اية
عمر : دا واجبي و كمان انت هتبقى مراتي فا لازم اخاف عليكي
ملك و هي بتزقة : طب يلا بقا علشان انت مينفعش تشوفنب كتير غير بعد ما نتجوز
عمر : يعني انت موافقة
ملك بهدوء و كسوف : ايوا
عمر : يااادعواااتك يااااامي
ملك : يلا ربنا يرحمها يارب
عمر : يلا البسي علشان ادهم هيعلقنا و اعدلي طرحتك بعد كدا
ملك بفرحة : حاضر حاضر يلا بقا متعطلنيش
في المكتب
شيماء : يا حسرة قلبي عليكي يا بنتي الواد طار منك خالص
سيد بتفكير : مين قال ان هو طار طب ما ممكن احنا الي نطير ملك
نادية : قصدك اية يا بابا
سيد : قصدي ان ممكن انت الي تطيري البت تخلية يكرها و يجي هو و يتقدملك
نادية : بس البت دي تعبانة يا بابا و انا عرفاها هتخلية يكرهني
شيماء : انا هساعدك و اقولك تعملي اية
نادية: ماشي هروح البس بقا علشان ادهم
خرجت نادية
سيد : انا مش عارف اية الي حصل للواد ادهم يخلية يكلمني كدا
شيماء : عادي ممكت يكون هو متضايق شوية الفترة دي
سيد : ممكن
في الطريق كان ماشي اربيع عربيات عربية فيها ابراهيم و سيد و شيماء و نادية و عربية فيها عمر و ملك و سامي و عربية فيها ادهم و قمر و حسن
في اسكندرية
رؤى : يا ماما ياالااااع بسرعاااااه فييين الطرحة الزرقا بتااااعتي
ايمان : عندك في الدووووولاااب
رؤى : ياااماما مش لاقيااها
ايمان : و لو جيت طلعتهالك
رؤى : يا ماما مش لاقياها
ايمان بعد ما دخلت طلعت الطرحة : امال اية دي
رؤى : يوووو ياماما دا انا كنت بهزر
ايمان : طب يلا انا هخرج اشوف الدنيا خلاص خلصت ولا لا
خرجت ايمان لقت سما قاعدة و طبق اللب قدامها
مازن : سما انت قاعدة كدا و سايبة ماما لوحدها بتنظف
سما : طب ما رؤى قاعدة اهي
مازن : رؤى بتجهز نفسها علشان الناس الي جاية يطلبوها
ايمان : خلاص يا مازن سبها علشان الي في بطنها بردو لازم ترتاح
مازن بضيق : ماشي يا ماما
رؤى : اي يا جماعة مالكو مصعبين الموضوع لية
و بدات رؤى تنظف البيت بس قطعها صوت جرس الباب
ىؤى بفرحة : جم يا ماما جم ..... شكلي كدا مظبوط
ايمان : اه يا حبيبتي ... خشي بقا جوا و اما انادي عليكي تطلعي وانت ماسكة العصير و تقدمي ليهم براحة ...براحة هاااا
ادهم : سلامو عليكم
وليد : و عليكم السلام يا ابني تعالو اتفضل
بدا ادهم يعرفهم على العيلة وايمان بتضغرط و مازن و سما بيسلمو عليهم
بعد ما قعدو
إبراهيم : احمم احنا كنا جاين نطلب ايد رؤى بنتكم
وليد : و انا مش هلاقي حد احسن منكم ليها
ادهم : احمم طب نتفق على كل حاجة بقا
قطعتهم شيماء : طب مش هنشوف العروسة بقا ولا اية
ايمان : اه طبعا ... يلا رؤى
طلعت رؤى و هي لابسة فستان ازرق طويل و طرحة زرقا سرقت قلب ادهم اول ما دخلت
ادهم في سره : يخربيت جمال امك يا شيخة
عمر بصوت واطي جنبو : احمم لم نفسك علشان لو ابوها سمعك هيعمل منك بطاطس محمرة
ادهم : طب نقرا الفاتحة بقا
حسن بصوت عالى : ثواني بس يلا يااقمر ولا اية
قمر : يلا
كانت ملك و ابراهيم عمالين يشاورلهم انهم يقعدو
حسن : احمم لا احنا المفروض هنعمل اختبارات للانسة رؤى علشان نشوف هي تنفع ولا لا
وليد : اتفضل يابني
حسن طلع كراسة
حسن : اولا غامبول عندو اخ اسمو اية
رؤى : دارون
قمر : تاني حاجة مين هي الدعسوقة
رؤى : مارينيت
طبعا كان الكل مستغرب ماعدا ادهم الي كان عارف انها من جواها طفلة و بتحب الكرتون
حسن : الدببة التلاتة اسمهم اية
رؤى : شهاب و باندا و قطبي
قمر : اقولك على سر
رؤى بضحك : انا الي قتلت موفاسا
قمر : خلاص كدا انت انضميتي لينا و كمان احنا وافقنا عليكي
سامي : دا اية هو الي حصل دا
قمر : دي اختبارات يا بابا علشان نعرف هي تنفع ولا لا
وليد : مع اني مش فاهم بس اوكي
ادهم : احمم طب نقرا الفاتحة بقا
مازن : اه اكيد
بدأو كلهم يقراءو الفااتحة
ادهم : احمم طيب كلو جهز
وليد : اه
مازن : اهو جية
سامي : في اية
ادهم : اهو جية
قام ادهم فتح الباب و دخل الماذون
رؤى : اي يا بابا دا انا مش فاهمة
وليد : يا بنتي انت هيتكتب كتابك دلوقتي
ادهم و هي بيمسك ايد رؤى : موافقة يا حبيبتي تبقا حلالي دلوقتي
رؤى : اكيد موافقة
عمر : احمم طب ممكن تكرموني انا كمان عاوزة اتجوز البت الغلبانة دي
ابراهيم : ههه يبقا الفرحة فرحتين مبروك يا حبايبي
عمر : يلا يا ملوكة يلا ابدا يا سيدنا الشيخ
ادهم : ايييي استنى انا الي قايل الاول
عمر : عليا الطلاق ابدا انا الاول
ادهم : طب طلاق تلاتة ابدا انا الي هبدا
ملك و هي بتكلم رؤى : عجبك كدا ادينا اطلقنا قبل ما نتجوز
رؤى : انت طلقتني ياادهم قبل ما تتجوزني
قمر : لولولولولولي
حسن : انا بقول نعمل قرعة
قمر : اه انا بردو بقول نفس الراي
عمر : تمام نعمل قرعة
عملو قرعة و ابراهيم سحب ورقة و طلعت....
