خرج ادهم و هو ماسك ايد رؤى
قمر : الاه اية الجمال دا كلو
حسن : على فين كدة انت و المداام
ادهم : خرجين
حسن : طب استنى اجي معاك
ادهم : وربنا ابدا ما يحصل
حسن : وربنا ابدا مش هسيب اخويا لوحدو
ادهم : ياااعم رايح اقضي الهاني مول بتاعي تيجي فين .
عمر : ولا يا حسن تعالى
حسن : نعم يا سي عمر
عمر و هو بيشاور لادهم انو يمشي : ياعم عايزك في موضوع مهم
حسن : ايوا ما هو دلوقتي بقا حسن بقا مهم
عمر بعد ما ادهم مشي : يااعم هو انا هعوز منك اية دا انا كنت عاوزك تعملي كباية قهوة
حسن : نعم يعني انت بتناديني علشان كدة
عمر : اه و كباية نسكافية معاك لملك حبيبتي بقا
حسن وهو بيمشي : اية يا عم دا
عمر : كلمة كمان و هخليك تشتغل قهوجي للبيت
و بعدها طلع عمر اوضتو وفي الوقت دا جية سيد من الشركة و هو متعصب و دخل المكتب و اتصل على شوكت يجي
كانت ملك واقفة في البلكونة و شافت شوكت و هو داخل الفيلا و فضلت تفكر هي شافت الراجل دا فين
ملك : انا شوفت فين قبل كدة الراجل دا ....... عاااا مين
عمر و هو بيبوسها من رقبتها : هو مين غيري هيخش الاوضة و يشوف الملاك دا
ملك : ياتي ياتي انت مالك بقيت قمر كدة لية
عمر : انا بحلو بيكي .... امممم بقولك اية تعالى بقا احكيلك موضوع االنوتيلا الي بتاكل النوتيلا دي
ملك : اي يا عووومر
عمر : اية يا قلبي عمر
ملك : استنى طيب هنزل اشرب و اجي
عمر : طيب بس بسرعة متتاخريش
نزلت ملك بس بالصدفة و هي نازلة سمعت صوت من المكتب
سيد : لا طبعا مينفعش كدة نتقفس
شوكت : ياباشا ما بصراحة العيلة دي ماسكة في الدنيا و مش راضية تروح للي خلقها يعني احنا دبرنا حادثة لعمر باشا و ممتش و حطنالو دوا يقتل في دمو و بردو ممتش عكس امو .....
في اللحظة دي سيد شاورلو راح كتم بوقو
سيد : انت عبيط انت ناسي ان احنا في البيت يعني ممكن اي حد يكون بيسمعنا
و بعدها مشي سيد براحة و فتح الباب بس ملقاش حد . كانت ملك سمعت كل حاجة و سمعت خطوات رجلو و طلعت الاوضة و دخلت البلكونة منغير ما تكلم عمر وهي مش عارفة تعمل اية ولا عارفة تقول لعمر اية و لا اية علاقة مامت عمر بالموضوع و في الوقت دا شافت شوكت و هو خارج و في الوقت دا هي عرفت هو مين و عرفت ان في حاجة هتحصل قريب
عمر : اية يا ملك مالك في حاجة حصلت
ملك : لا يا حبيبي مفيش حاجة
عمر : امال اية الدموع دي
ملك : مفيش بس خايفة عليك الفترة الجاية دي
عمر و هو بياخد ملك في حضنو : هشش اهدي تعالى نامي علشان انت شكلك تعبان اوي
_______________________________
مازن : سما ... سمسم ...قومي يلا
فتحت سما عينيها و هي متضايقة : عايز اية يا مازن
مازن : يلا قومي صلي وفوقي كدة علشان ماما تحت بتنضف لوحدها و عوزاكي معاها
سما : طيب هنام شوية و اما اصحا هبقا انزلها
مازن : يلا قومي بطلي كسل انا هنزل الشغل دلوقتي متنسيش تنزلي لماما
هزت سما راسها و رجعت تنام تاني : لما ابقا اصحا بقا هبقا انزل
بعد وقت صحيت سما و بصت في الساعة لقتها 12 ونص بصت حولها بضيق
سما : اوففف بقا انا لسة هنزل اروح لامو و اجي هنا تاني و اروق الشقة ... اوف بقا مش لو كنت انا الي اتجوزت ادهم كان زماني لقيت الي يخدمني ... البت عايشة في العز و الهنا و انا مرمية هنا
قامت سما لبست و نزلت عند ايمان
ايمان بعد ما فتحت الباب ليها : اية الكسل دا يا سمسم دا انا خلصت و حضرت الفطار و فطرت
سما بضيق : معلش بقا يا ماما راحت عليا نومة كنت عوزاني في حاجة
بس في الوقت دا رن جرس البيت
ايمان : رؤى حبيبتي عاملة اية
رؤى : بخير يا ماما انت عاملة اية
ايمان : تمام
ادهم اية يا حماتي مفيش عامل اية يا ادهومي او اي حاجة كدا من ست الكل
ايمان : يسلام بس كدا بقولكو اية انتو هتقعدو تتغدو معانا انهاردة عاملة حمام و محش
ادهم : ايوا كدة هو دا الكلام الصح يا حماتي يا قمر
وليد : ولا لم نفسك
ادهم : الاه يعني يا عمي في واحد يبقا قدامو الجمال دا كلو و ميعكسوش
رؤى و هي بتهمس لادهم : حلاوتك دا انت هتشعلق في المروحة انهاردة
ادهم : و هو في زي حلاوتك بردو
وليد : احمم كنت بتقول حاجة يا ادهم
ادهم : احممم بقول اية القمر دا يا عمي
وليد : اه بحسب ... يلا خد مراتك و خشو ارتاحو شوية
ادهم : اه ولاهي دا احنا جاين من سفر
_____________________
كانت نادية قاعدة مع قمر و شيماء و سيد و ابراهيم و تلفونها رن
نادية : احمم طب انا في مكالمة مهمة هرد عليها و اجي
في غرفة نادية
نادية : انت اتصلت عليا و انا كنت قاعدة مع علتي
عماد : وحشتيني
نادية : عايز مني اية يا عماد ... مش فضناها سيرة و الورقتين اتقطعو و خلاص .
