إن الفرج قادمٌ، فاستبشروا وإنتظروا الخير الكثير ❤️🌾
في بيت كبير ( فيلا ) بشوف راجل كبير في السن عندو شلل كلي قاعد على كرسي و قدامة ابنه بيساعده لينتقل من الكرسي الى السرير
إبراهيم علام : كبير عائلة علام و صاحب اكبر شركة ادوية لكن بعد من اتصاب بالشلل خلى ابنو الكبير هو الي يبقا مديرها عندو 81 سنة مصاب بشلل كلي من سنتين و مراته ماتت من 10 سنين عندو شعر ابيض و وجه قمحاوي و عيون بنية
سيد : الابن الاصغير لإبراهيم علام عندو 50 سنة عندو شعر بني و فية خصلات بيضة و عيون بني و هو مساعد مدير الشركة
إبراهيم : خلاص يا بني كتر خيرك
سيد : عيب يا بابا تقول كدا انا سندك في الدنيا
إبراهيم : من بعد ما امك مااتت و انا بقا عندي شلل و انا بقيت حاسس اني ضعيف و مليش سند غيركم في الدنيا
سيد : ربنا يرحمها .... انا موجود يا بابا و لو عوزت مني حاجة انا موجود
إبراهيم : طمني اخبار الشركة اية
سيد : الارباح فيها السنادي بقت عالية جدا عن كل سنة
إبراهيم : اممم و اخوك فين
سيد : سامي تحت في المكتب قاعد بيراجع شوية ورق
ابراهيم : طيب روح انت علشان متتاخرش على الشركة
سيد : ماشي
سامي : الابن الاكبر لإبراهيم علام و هو المسؤل عن الشركة محل ولده عندو شعر اسود و وجه قمحاوي و عيون خضرا ورثها من امه و مراته اتوفت من سنة
مشي سيد من الفيلا و اتصل على رقم
سيد : الو ... يلا دلوقتي
في احدى المستشفيات
بنشوف ملك و هي قاعدة على مكتبها و حاطة رجلها على المكتب و في ايدها كوبايل نسكافية
ملك : يتيمة الاب و الام و اتربت مع عمتها في البيت عندها 20 سنه شعرها اسود و طويل بس محجبه و عندها عيون بنيه و وجه ابيض و قصيرة
يارا صديقة ملك المقربه : وحيات النبي محمد ما حد هيجبلي جلطة غير دي
ملك : الاه مالك بقرمط يا بنتي ما تسبيني في حالي
يارا : كل الي شاغلني انك عليكي هم الدنيا كلها و بتضحكي و بتهزري
ملك : اصل انا واحدة فرفوشة لية مثلا اخد المشاكل على اعصابي و اضايق و اتعصب و انا الي خسرانة في الاخر طب ما اضحك و اهزر و اعيش حياتي هو العمر بيتعاش كام مرة
يارا : لا اقنعتيني
في الوقت دا دخلت ممرضة : ملك تعالى بسرعة علشان في حاله مهمة لسة جاية دلوقتي و الدكتور قال انت الي هتبقى مسؤالة عنها
قامت ملك و هي بتبص ليارا : نقيتي فيها ياختي
راحت ملك للاوضة الي فيها الحاله و دخلت ببطئ
ملك : خير يا دكتور قالولي انك عاوزني
الدكتور : بصي يا ملك دا عمر علام اكبر حفيد في عيلة علام صاحبة اكبر شركة ادوية عامل حادثة على الطريق و الحمد الله الناس عرفت تلحقو و تجيبو في الوقت المناسب لسة خارج من العمليات انت دلوقتي هتبقى مسؤالة عندو لحد ما يطلع من المستشفى
ملك : تمام يا دكتور
خرج الدكتور من الاوضه و راحت ملك علشان تجهر الاوية
و بعد شوية فتح عمر عينيه و هو بيحاول يتحرك لاكن مقدرش
