#مريم نصر "ظلال خفية"
البارت العاشر
رؤى:كنت عايز تقول حاجه؟
حسام:اه في أصل.
رؤى:اصل ايه؟
حسام:اصل انا محضرلك مفاجأه تعالي العنوان ده بكره سلام.
ومشي حسام وساب رؤى في استغرابها وبعد ما فاقت من استغرابها راحت كافتريا الجامعه شافت يارا اعده هناك.
رؤى:يارا عامله ايه؟
يارا:الحمدلله انتي عامله ايه؟
رؤى:الحمدلله،بقولك متعرفش حسام عامل مفاجأه ايه بكره؟
يارا بإستغراب:مفاجأه!
رؤى:اه لسه قايل في مفاجأه بكره تعالي على العنوان ده.
يارا بفرح:يارب يكون اللي في بالي.
رؤى بإستغراب:ايه اللي في بالك؟
يارا بتوتر:لا لا.. متخديش في بالك بكره هنعرف كل حاجه.
رؤى:ماشي تعالي نروح المحاضره.
يارا:يلا
في المدرج.
رؤى بضحك:شايفه الدكتور عامل ايه في نفسه؟
يارا بضحك:اه هموت يالهوي.
رؤى بضحك:عارفه انا من النهارده هسميه دكتور قطونيل.
يارا بضحك:يخربيتك هموت من الضحك.
رؤى بمرح:عارفه احلى حاجه ايه؟
يارا بمحاوله تهدءه نفيها من نوبه الضحك:ايه؟
رؤى بمرح:اني كملت القاب الدكاتره.
يارا بضحك:خلاص اسكتي هنطرد.
رؤى:ما نطرد قال يعني قعدين في ملاهي.
الدكتور:البنتين اللي بيضحكوا ورا دول يطلعوا برا.
رؤى:مالك يا قطونيل قافش كده ليه؟
الدكتور بعصبيه:قطونيل في عينك يلا برا ومتحضرليش تاني.
رؤى بلامبالاه:احسن برضه واه هستناك برا تقولي جايب التيشيرت ده منين مش ده تيشيرت قطونيل برضه؟
(استوووب الدكتور كان لابس تيشيرت من قطونيل نص كم و رافع البنطلون لنص بطنه تخيلوا كده المنظر وانتوا تعرفوا انا اقصد ايه وبالذات صحابي اللي في المدرسه😂)
يارا بضحك:همووت خلاص اسكتي.
الدكتور بصراخ:برااااه.
رؤى بهدوء:خلاص يا عم خارجين اهو.
وخرجت رؤى و يارا وهما عمالين يضحكوا و الدكتور هيموت من الغيظ.
يارا:يخربيتك مش بتعرفي تسكتي ابدا.
رؤى:احسن علشان يبقى يجي بشكله ده تاني.
يارا:يا بنتي و انتي مالك بلبسه.
رؤى:هو مزاجي كده يعني هو دلوقتي لابس لبس مش عاجبني و بيشرح هفهم انا ازاي هه وانا اساساََ ماشيه بمبداء لبسك لازم يبقى شيك يا برنس.
يارا بتريقه عليها:لبسك لازم يبقى شيك يا برنس...انتي عبيطه يا بنتي.
رؤى:انا كده واللي مش عاجبه البحر مليان يشرب منه و في ميت حيطه يشوف انيو واحده عجباه يخبط دماغه فيها.
يارا:يخربيتك انتي لسانك ده مبرد.
رؤى:خلاص بقى يا اوختي...هنعمل ايه دلوقتي؟
يارا:ولا حاجه هنروح.
رؤى:طب سلام علشان هروح اجهز نفسي علشان مفاجأه اخوكي بكره.
يارا بفرح:وانا كمان.
رؤى بإستغراب:مالك يا بت فرحانه كده ليه دا انا صاحبه المفاجأة مش فرحانه كده.
يارا في سرها:علشان انا حسه انه بكره هيعترف بحبه ليكي ويتقدملك يا عبيطه وبصوت عالي:علشان متشوقه جدا اعرف ايه هي المفاجأة.
رؤى:تصدقي وانا كمان.
يارت:ايه رايك نروح نجيب فساتين؟
رؤى:تصدقي فكره تعالي يلا.
