#مريم نصر"ظلال خفية"
البارت الثالث
رؤى بصراخ:يا ماما.
ولسه هتجري شافت عربيه بتقرب منها وشاورت للعربيه.
الشاب اللي في العربيه:في حاجه؟
رؤى بتوتر وخوف:ممكن لو سمحت تخرجني من المنطقه دي؟
الشاب:و تجيبي كام؟
رؤى بإستغراب:اللي عايزه.
الشاب بخبث:لا انا عايز كتير.
ونزل الشاب من العربيه وبدأ يقرب من رؤى و رؤى بترجع وصوت الكلاب عمال بعلا وهي مش عارفه تتصرف ازاي حسه انها محصره من كل مكان الشاب من نحيه و الكلاب من الناحيه التانيه.
رؤى بصراخ:ابعد عني،انت عايز ايه؟
الشاب بخبث:عايزك يا حلوه.
رؤى:ده على جثتي.
الشاب بخبث اكبر:وفيها ايه على الاقل مش هتتعبيني وانا بخدك.
رؤى ببكاء:ابعد عني انت متعرفنيش.
الشاب بسخريه:لا تصدقي خفت.
عند حسام
يارا اتصلت بحسام لما لقته اتأخر.
حسام:الو.
يارا:ايه يا حسام انت فين؟
حسام:شويه وجي.
يارا:ايوه يعنى انت فين علشان ماما عايزه تطمن عليك.
حسام:بس في عقاب هخلصه و هاجي.
يارا بعدم فهم:عقاب! انت تقصد ايه؟
حسام بنرفزه:اقفلي بقا دلوقتي وانا اجي هشرحلك كل حاجه.
يارا بخوف:خلاص ماشي سلام.
ام حسام (فيروز):حسام قالك اتاخر كده ليه؟
يارا:مش عارفه قالي حاجه مش مفهومه خالص.
فيروز بخوف:قالك ايه؟
يارا:قالي في عقاب هخلصه و هاجي.
فيروز بصدمه وخوف:عقاب! عقاب ايه يا بنتي.
يارا:معرفش بس هو قالي لما هاجي هشرحلك.
فيروز بخوف:ربنا يستر.
في بيت رؤى.
ليلي بقلق:هي رؤى اتأخرت كده ليه؟
محسن:ممكن تكون راحت تجيب حاجه فعلشان كده اتأخرت.
ليلي:كل ده بتجيب حاجه دي بقالها ساعتين متأخره وكمان تليفونها مقفول.
محسن:طب استني كمان ساعه ولو اتأخرت انا هنزل ادور عليها.
ليلي بقلق:ربنا يسترها وميكنش جرالها حاجه انا مش مستريحه.
عند حسام.
حسام بيكلم نفسه:كفايه كده عليها ده ممكن تكون الكلاب اكلتها.
وذهب مكان ما ترك رؤى و وجد رؤى وهذا الشاب بيحاول يتقرب منها فنزل بسرعه من عربيته وجرى ناحيته وشد رؤى وراه وضرب الشاب بوكس.
حسام:انت بتعمل ايه يا ابن الكلب؟
الشاب بوجع من ضربت حسام:و انت مالك وهي تخصك؟
حسام بصوت يخوف:وهي اي واحده تشوفها تحاول تقربلها ولا ايه؟
الشاب:هي اللي شاورتلي واساساََ في واحده محترمه تيجي مكان مقطوع زي ده لوحدها؟
حسام:وانت مالك،عارف لو شوفتك تاني هعمل فيك ايه؟
الشاب بعند:طب انا مش همشي غير لما اخدها أصلها عجبتني اووي.
حسام بنرفزه:هي مين دي اللي عاجباك يلا دا انا هوريك ايام سوده.
وهجم علي الشاب والاتنين مسكوا في بعض و رؤى واقفه مش عارفه تعمل ايه وفجأه الشاب طلع مطوه
وهي أول ماشافتها اترعبت وجريت وقفت قدام حسام فإتعورت في دراعها وحسام لما شاف انها اتعورت زقها وكمل خناق مع الشاب لحد ما الشاب أتمكن منه وعوره في بطنه وطلع جري على عربيته ومشي و رؤى لما شافت حسام وقع في الأرض صرخت وطلعت تجري عليه.
