غضب الحب

البارت الثاني عشر

بسم الله الرحمن الرحيم..
علي: جان يوم بلنسبة الي جداا صعب ما اوصفلكم الصعوبة البي شكد ما احجي قليل . حبيت نور حب موطبيعي ماتوقعتهه بيوم هيج تسوي بيه..

بليلتهه عيني ماشافت النومم وماعرف شنو اسوي .طبعا كسرت الشريحه والجهاز وكلشي .. غراض الغرفة تكسرن كلهن . بحيث اتدمررت .. نفسيتي تعبت كلش ..

صعب من تشوف شخص انته تعشقة مو بس تحبة وبلاخير يطلع يجذب عليك وفوكهه متزوج!..

مر الليل واني ماريد اسمع صوت بلبيت لان انفجر بي .. ضليت وحدي بلغرفةة مثل الطفل يريد امة!
. اريد بس نور بس بنفس الوقت اتذكر الي سوتة وارجع واكررهه..

خلص الليل واني ساعه اصفن ساعه اصرخ ساعه اكسر بلغراض صرت مثل المخبلل ..

طلعت ب 2 ونص شغلت سيارتي واني ماعرف وين اروح .. ضليت افترر ودنية الليل وجان جو بارد حييل بوقتهه ..

وامشي بسرررعةةة واني اصرخ..
حقيييررةة شنووو سوييتتلج انييي لييش جذذبتيي علييةةةة اكرررهججج وبجيت!!! اي بجيت كل شخص اذا جان مكاني حيسوي نفس الشي ..

المهم واني اصرخخ بعلو صوتي وابجي بحركةةة جنت مثل النااارر بوقتهه واريد شي يبرردنييي ناار تمشي بدميي ..

واني امشي جان اشوف يمي سيارةة واني امشي سريع ماشوف نفسي غيررر طااب بلسيارةة وبعد ماحسيت بشيي..........

&&&
نور: كعدت ع صوت مبايلي ساعه ب 7 .. باوعت احمد .. فتحته

نور: واني احجي بهمس ..الوو

احمد: الو

نور: شكو دكيت

احمد: نزلي.. وسديتة

نور: فوك ميتامر يغلقة بوجهي شكدد اكرهه يالله النوب حصبح بوجهه..

رحت غسلت ..ورحتله

نور: هاا

احمد: الواحد يصبح ع الاقل

نور: كلت بكلبي هوة اذا يشوفون هلجهرة هم الهم وهس يصبحون😒..

كتله يلة صباح الخيير

احمد: دمشي سوي ريوك خل نتريك

نور: اوك.. رحت سويت ريوك بيض وطلعت جبن وسويت جاي هوة راح جاب خبز واجا

احمد: ابتسم وكال هاخلصتي

نور: اي وابتسمت

احمد: عكف حواجبة.. هاي شنو

نور: شنوو

احمد: امشي بدلي بسررعه ليكعد محمد شلون نازلة هيج

نور: اكلك دتتحسسني اني ملابسة ملابس . كلت هيج لو ابتليت ع عمري

احمد: خزرني وكال شوو انتي صايرة ادبسزز حيواانة امشي بدلي لا ادفنج بمكانجج